Rannsóknarskýrslan í prentun

Byrjað er að prenta skýrslu rannsóknarnefndar Alþingis. Heimildir fréttastofu herma að skýrslan sé prentuð í Odda; þar gæti öryggisverðir frá Securitas þess að enginn komist í hana. Því sem prentað er sé jafnóðum komið fyrir í gámi á gólfi prentsmiðjunnar, honum læst og öryggisverðir vakti gáminn.

Rannsóknarnefndin leggur mikla áherslu á að ekkert fréttist um efni skýrslunnar. Hún átti upphaflega að koma út í nóvember og síðan 1. febrúar. Næst sögðust rannsóknarnefndarmenn vonast til að skýrslan kæmi út fyrir marsbyrjun. Það gekk ekki eftir. Í febrúarlok sagði formaður nefndarinnar að hún þyrfti tvær til þrjár vikur til að fara í gegnum andmælabréf sem henni höfðu borist(visir.is)

Búist er við að skýrslan komi út n.k. föstudag. Margir bíða hennar með eftirvæntingu. Þó eru margir svartsýnir á,að hún leiði mikið í ljós. Menn hafa meiri trú á sérstökum saksóknara.

 

Björgvin Guðmundsson

Lækkun á lífeyri aldraðra og öryrkja var óþörf.Fljótræði hjá félagsmálaráðherra

Ríkisstjórnin lýsti því yfir, þegar hún tók við völdum, að hún ætlaði að koma hér á norrænu velferðarsamfélagi.En fyrstu skref ríkisstjórnarinnar í velferðarmálum lofa ekki góðu í því efni. Ríkisstjórnin steig skref til baka á þessu sviði og færði íslenska velferðarkerfið lengra frá norræna velferðarsamfélaginu en ekki nær því.Ég tel líklegt, að með því skera niður almannatryggingar og stíga skref til baka í velferðarmálum hafi ríkisstjórnin framið mannréttindabrot .Ísland er aðili að ýmsum mannréttindasáttmálum, hjá Sameinuðu þjóðunum og Evrópuráðinu.Þar er m.a. talað um að tryggja eldri borgurum mannsæmandi líf og mannréttindi.Ákvæði eru um það, að ríkisstjórnir megi ekki stíga skref til baka í velferðarmálum þó fjárhagsvandræði séu nema athuga áður aðrar leiðir til sparnaðar og fjáröflunar.Áður en félagsmálaráðherra skar niður almannatryggingar kannaði hann ekki hvort aðrar leiðir til sparnaðar væru færar.Ef hann hefði gert það hefði hann fundið 4 milljarða annars staðar ,einmitt þá upphæð,sem skorin var niður hjá öldruðum og öryrkjum.Auknar fjármagnstekjur lífeyrisþega, miðað við fyrri áætlanir, leiddu til þess að unnt var að skera niður tryggingabætur þeirra um 4 milljarða,þ.e. um sömu upphæð og nam niðurskurði lífeyris.Lækkun á lífeyri aldraðra og öryrkja var því óþarfur.Sparnaður náðist  eftir öðrum leiðum.Þetta var fljótræði hjá ráðherra að skera niður lífeyrinn.

Björgvin Guðmundsson

Núverandi kvótakerfi verði afnumið

Stofnuð hafa verið samtök til þess að berjast fyrir að þjóðaratkvæðagreiðsla fari fram um breytingar og afnám núverandi kvótakerfis í fiskveiðum. Baráttumál samtakanna er:

Að berjast fyrir að eignarréttur íslensku þjóðarinnar á náttúruauðlindum verði með ótvíræðum hætti skráður í stjórnarskrá lýðveldisins.

Að berjast fyrir réttlátri og sanngjarnri nýtingu þjóðarauðlinda á grundvelli atvinnufrelsis, jafnréttis og mannréttinda.

Samtökin  skora á alla Íslendinga hvar í flokki sem þeir standa að taka höndum saman í baráttu fyrir því að þjóðin öll njóti réttláts arðs af sameign sinni á Íslandsmiðum og hámarksarðsemi af fiskveiðum á Íslandsmiðum á grundvelli atvinnufrelsis, markaðslausna og jafnréttis.

Ég styð  baráttu samtakanna heilshugar og hefi þegar greitt atkvæði með því að þjóðaratkvæðagreiðsla fari fram.Heimasíða samtakanna er:Þjóðareign.is

Björgvin Guðmundsson

 

                                                  

   

Ójöfnuður eykst á Íslandi 2004-2009

Tekjubil á Íslandi hefur breikkað ef mið er tekið af þróun Gini-stuðuls og upplýsinga úr lífskjararannsóknum 2004 til 2009. Hlutfall Íslendinga undir lágtekjumörkum hefur hins vegar haldist nær óbreytt á umræddu tímabili.

 

Þetta kemur fram á vefsíðu Hagstofunnar. Þar segir að svo virðist sem þróunin sé á þann veg að þeir tekjulægstu séu í svipaðri stöðu samanborið við miðgildið, eða meðalmanninn, en þeir tekjuhæstu séu á sama tímabili að hækka hlutfallslega meira en aðrir.

 

Gini-stuðullinn, sem sýnir dreifingu ráðstöfunartekna meðal landsmanna á einkaheimilum, var 29,6 árið 2009. Stuðullinn væri 100 ef einn maður væri með allar tekjurnar en 0 ef allir hefðu jafnar tekjur. Gini-stuðullinn hefur farið hækkandi frá 2004 en þá var hann 24,1.

 

Lágtekjuhlutfall var 10,2% á Íslandi árið 2009 og hefur lítið breyst frá árinu 2004 þegar það var 10%. Lágtekjuhlutfall er skilgreint sem 60% af ráðstöfunartekjum á neyslueiningu en þær byggjast á ráðstöfunartekjum heimila og hversu margir þurfa að lifa af þeim.

Af 29 Evrópuþjóðum var Ísland í 10. til 11. sæti þegar þjóðunum er raðað frá þeirri sem var með lægsta Gini-stuðulinn til þeirrar sem hafði hæsta stuðulinn. Tölurnar fyrir alþjóðlega samanburðinn eru fyrir árið 2008. Af 29 Evrópuþjóðum var Ísland með næst lægsta lágtekjuhlutfallið á eftir Tékklandi.

 

Ef litið er til aldurs og kyns kemur í ljós að hlutfall þeirra sem voru undir lágtekjumörkum í lífskjararannsókninni 2009 var hæst hjá konum á aldrinum 18 til 24 ára eða rúm 20,6% og hjá konum 65 ára og eldri, tæp 18%.

Hlutfall undir lágtekjumörkum var lægst hjá fólki í aldurshópnum 50 til 64 ára.

Hlutfallslega fleiri sem bjuggu einir eða voru einir með börn voru undir lágtekjumörkum en þeir sem bjuggu á annars konar heimilum. Það sama gildir um þá sem bjuggu í leiguhúsnæði samanborið við þá sem bjuggu í eigin húsnæði.(visir.is)

Þessar upplýsingar staðfesta það,sem Þorvaldur Gylfason hefur haldið fram,að ójöfnuður  hefur aukist hér á landi. Ef til vill munu ráðstafanir ríkisstjórnarinnar í skattamálum jafna tekjuskiptinguna að einhverju leyti.

Björgvin Guðmundsson

 

Síður á vísir.is

• Forsíða
• Fréttir
• Viðskipti
• Íþróttir
• Lífið
• Umræðan
• Blogg
• Smáauglýsingar
• Vefmiðlar
• Fasteignir
• Skólalíf
• Atvinna

Síður undir "Business"

• Innlent
• Erlent
• Fréttayfirlit

Síður undir "Business"

Flýtival

• Innskráning
• Frípóstur
• Hafa samband
• Upphafssíða
• Stöð 2
• Bylgjan
• FM957
• X977
• Gjafabréf
• Kaupa sjónvarpsáskrift
• Fréttablaðið
• Auglýsingar

Nýtt á Vísi

•  
  • • Hamingjuvísir Sollu & Völu Matt
    • Dreifing Fréttablaðsins
    • Getraunaleikur - enski boltinn

Markaðurinn

360 hjúkrunarrými í undirbúningi

Félagsmálaráðuneytið hefur náð samkomulagi um fjármögnun 360 hjúkrunarrýma, í samvinnu við Íbúðalánasjóð og níu sveitarfélög.

Félagsmálaráðuneytið er að leggja lokahönd á saminga við tíu sveitarfélög um byggingu 360 hjúkrunarrými. Níu sveitarfélög koma að verkefninu; Mosfellsbær, Kópavogur, Hafnarfjörður, Garðabær, Seltjarnanes og Reykjanesbær, Borgarnes, Akureyri og Egilsstaðir.

Árni Páll Árnason félagsmálaráðherra segir framkvæmdina hljóða upp á níu milljarða og að líklega skapist um 1200 ársverk í byggingariðnaði við framkvæmdirnar.

Ákveðið var að fara nýjar leiðir við fjármögnun bygginganna. Íbúðalánasjóður veitir sveitarfélögunum hundrað prósent lán til fjörtíu ára og leigir svo ríkinu hjúkrunarrýmin. Árni Páll segir að það hafi verið vandamál að fjármagna þessar framkvæmdir úr ríkissjóði. Með þessari fjármögnunarleið sé Íbúðarsjóði ætlað að vinna áfram að því grundvallarhlutverki sínu að standa að baki félagslegri þörf fyrir húsnæði í landinu.

Árni segir að gengið verði frá samningum á næstu vikum. Þá geti útboð farið af stað þar sem sveitarfélögin séu tilbúin, t.d. Borgarnes. ,,Önnur sveitarfélög eru mislangt á veg komin í hönnunarvinnu og frágangi verkefna. En þetta ætti að fara að detta inn á þessu ári og því næsta," segir Árni Páll Árnason, félagsmálaráðherra.
(ruv.is)

Það var fyrir kosningar 2007,sem Samfylkingin boðaði það,að reistar yrðu 400 hjúkrunaríbúðir.Jóhanna  Sigurðardóttir undirbjó það sem félagsmálaráðherra  og var langt komin með það mál,þegar hún hætti.Hér er um sama mál að ræða.Það er mjög mikilvægt að það komist í framkvæmd.

 

Björgvin Guðmundsson

 

[e-mail]

Varar við erlendum lántökum

Alex Jurshevski, sérfræðingur í skuldavanda þjóða, segir algjöra upplausn ríkja á Íslandi og gagnrýnir að hér sé ekki faglega staðið að því að leysa vanda þjóðarinnar vegna skulda við önnur ríki.

Jurshevski, sem var gestur Egils Helgasonar í Silfri Egils í dag, telur að ríkisstjórn Samfylkingar og Sjálfstæðisflokks hafi gert dýrkeypt mistök með því að fallast á að greiða Icesave-skuldina. Hann mælir gegn því að þjóðin þiggi fleiri lán frá Alþjóðagjaldeyrissjóðnum. Þau fari einvörðungu í að borga út jöklabréf. Vaxtagreiðslur af þessum lánum verði þjóðinni ofviða og leiði til enn meiri niðurskurðar í opinbera geiranum.

Jurshevski sagði að skuldir væru hættulegar, vegna þess að þegar þær ykjust í hlutfalli við landsframleiðslu, þá yrðu vaxtagreiðslur sífellt stærri hluti þess fjár sem ríkið hefði úr að spila. Þá væri minna fé aflögu fyrir menntakerfið, vegakerfið og löggæslu, svo innviðir samfélagsins tækju að bresta. Því væri mikilvægt að halda skuldum í skefjum eins og hægt væri.
(ruv.is)

Ég er ekki alveg sammmála Jurshevski.Það kann að vera að gott sé að draga eitthvað úr erlendum lántökum en við þurfum að hafa það stóran gjaldeyrisvarasjóð,að unnt sé að greiða afborganir af erlendum lánum og greiða fyrir erlendum innflutningi og öðrum erlendum greiðslum.

 

Björgvin Guðmundsson

Ísland stendur sig best í nýsköpun

Ísland er nú í fyrsta sæti á lista Alþjóðlega viðskiptaháskólans INSEAD yfir þær þjóðir sem standa sig best í nýsköpun, en var áður í ellefta sæti. Það eru fyrst og fremst menntakerfið og innviðir atvinnuþróunar sem leiða til þessarar góðu niðurstöðu á INSEAD listanum. Katrín Júlíusdóttir iðnaðaráðherra fagnaði þessum góða árangri í ávarpi sínu á ársfundi Nýsköpunarmiðstöðvar Íslands.í

Ráðherra færði starfsólki NMÍ þakkir og benti á að framlag þeirra er mjög mikilvægt sem hluta af því atvinnuþróunar og nýsköpunarkerfi sem byggt hafi verið upp markvisst á liðnum

 

Björgvin Guðmundsson

Vill lög um að gera arð útrásarvíkinga upptækan

Andrés Magnússon,læknir,var gestur Egils Helgasonar í Silfri Egils í dag.Rætt var um bankahrunið.Andrés var óánægður með það hvað vægt er tekið á útrásarvikingum.Hann sagði,að setja ætti neyðarlög,sem mundu gera upptækan arð sem útrásarvíkingar greiddu sér á hæpnum forsendum.Fleiri eignir þessara manna ætti að gera upptækar.

Ég er sammála Andrési. Það þarf að kyrrsetja eignir þeirra útrásarvíkinga,sem eru grunaðir um lögbrot.Síðan þarf að hraða málarekstri gegn þeim.

 

Björgvin Guðmundsson

Verður samsteypustjórn í Bretlandi eftir kosningar?

Tvær skoðanakannanir, sem birtast í breskum dagblöðum í dag, sýna að allt er óljóst með úrslit þingkosninganna í vor. Svo getur farið að minnihlutastjórn taki við völdum að þeim loknum.

Hvorug þessara fylgiskannana bendir til þess að annar hvor stóru flokkanna, Verkamannaflokkurinn eða Íhaldsflokkurinn, tryggi sér meirihluta þingsæta í kosningunum.  Samkvæmt könnun sem Sunday Times birtir fengi Íhaldsflokkurinn þrjátíu og sjö prósenta fylgi, það er fjórum prósentustigum meira fylgi en Verkamannaflokkurinn. Þetta er einu prósentustigi minna en í sambærilegri könnun fyrir viku. En þrátt fyrir meira fylgi fengi flokkurinn samt mun færri þingmenn. Það er vegna kjördæmaskipanar í Bretlandi. Samkvæmt könnuninni í Sunday Times er þriðji stærsti flokkurinn, Frjálslyndir demókratar, með 17% fylgi.

Í könnun Sunday Telegraph, sem birt er í dag, er forskot Íhaldsmanna á Verkamannaflokkinn hins vegar sjö prósentustig, tveimur minna en í könnun, sem blaðið birti í síðasta mánuði. Gengi það eftir fengju þeir aðeins fleiri þingsæti en Verkamannaflokkurinn, þó ekki þingmeirihluta. Þessi könnun, í Sunday Telegraph, mælir Íhaldsmenn með 38% fylgi, Verkamannaflokkinn með 31% og Frjálslynda demókrata með 21%.

Ef marka má þessar kannanir bendir flest til þess að næsta ríkisstjórn Bretlands verði minnihlutastjórn, sú fyrsta frá 1974. Margir fjárfestar og efnahagssérfræðingar telja næsta óvíst að veik stjórn geti ráðið fram úr efnahagsvanda Breta. Þeir telja meðal annars nauðsynlegt að draga stórlega úr ríkisútgjöldum.

Sérfræðingar í breskum efnahagsmálum spá því að fjárlagahallinn í ár muni nema 178 milljörðum punda, jafnvirði um 34 þúsund milljarða króna. (ruv.is)

Samkvæmt þessum skoðanakönnunum verður erfitt að mynda stjórn í Bretlandi eftir kosningar.Trúlega verður mynduð samsteypustjórn,annað hvort Verkamannaflokks og Frjálslyndra eða Íhaldsflokks og Frjálslyndra. Einnig er hugsanlegt að mynduð verði minnihlutastjórn. 

 

Björgvin Guðmundsson

Stendur ríkisstjórnin sig ekki nógu vel?

Miklar deilur hafa staðið um ríkisstjórnina að undanförnu,einkum vegna Icesave málsins en einnig vegna annarra mála,sem ríkisstjórnin hefur ekki haldið nógu vel á.Þegar ríkisstjórnin var mynduð  bundu menn vonir viö,að hún myndi standa vörð um velferðarkerfið og gæta hagsmuna þeirra,sem verst væru staddir í þjóðfélaginu.En hefur hún gert það?Ekki nógu vel að mínu mati.Hún hefur skorið framlög til almannatrygginga of harkalega niður og m.a. ráðist á kjör aldraðra og öryrkja.Ríkiisstjórnin var ekki stofnuð til þess. Og hún gaf loforð um annað. Skuldavandi heimilanna er að verulegu leyti óleystur.Þau úrrræði,sem stofnað hefrur verið til hafa verið fólgin í því að lengja í lánum og íta lækkaðri greiðslubyrði aftur fyrir.Menn eru ekki  ánægðir með það.Það þarf að lækka höfuðstól íbúðalána  enda á svigrúm að vera til þess í bönkunum. Lánasafn gömlu bankanna var flutt úr gömlu bönkunum í nýju bankana með 50% niðurfærslu.Þessa eiga skuldarar að njóta að öllu leyti eða að hluta til. Ég er hins vegar nokkuð ánægður með aðgerðir ríkisstjórnarinnar í skattamálum.Þar er um jöfnunaraðgerðir að ræða. Talið er að ekki verði gengið lengra  í skattahækkunum og því verði að skera meira niður. Því er ég ósammála.Það má ekki skera meira niður,a.m.k ekki í velferðarkerfinu og heilbrigðiskerfinu.Ekki gengur heldur að grípa til uppsagna hjá hinu opinbera. Það mundi aðeins auka atvinnuleysið. Ef þörf krefur verður að segja upp efnahagsáætluninni við AGS og  breyta niðurskurðarplaninu.Ef ríkisstjórnin  stendur ekki vörð um velferðarkerfið má hún fara frá.

 

Björgvin Guðmundsson