Lífeyrir aldraðra hefur hækkað mikið minna en laun.Á að fylgja launum og verðlagi

Björgvin Guðmundsson skrifar grein í Morgunblaðið í dag um málefni aldraðra. Þar segir svo:

Á stjórnartímabili ríkisstjórnarinnar, 2009-2012, hafa lágmarkslaun hækkað um 48 þús. kr. á mánuði, þ.e. úr 145 þús. á mánuði í 193 þús. á mánuði eða um 33%. Á sama tíma hafa tryggingabætur tekjulægstu einhleypra ellilífeyrisþega hækkað um 23 þús.kr.,þ.e. úr 180 þús. kr. á mánuði í 203 þús.kr. á mánuði eða um 12,8% .Lægstu laun hafa því hækkað mikið meira á þessu tímabili en tryggingabætur tekjulægstu ellilífeyrisþega.Við gildistöku nýrra kjarasamninga á miðju ári 2011 hækkuðu lægstu laun um 17 þús. kr. á mánuði eða um 10,3% en bætur tekjulægstu,einhleypra ellilífeyrisþega um 12 þús. kr. eða 6,5%. Þarna var ekki fylgt yfirlýsingu ríkisstjórnarinnar um, að bætur ættu að hækka hliðstætt hækkun launa. Þar vantaði 5 þús. kr. á mánuði upp á. 1.janúar 2012 var aftur hoggið í sama knérunn, þar eð bætur hækkuðu ekki til jafns við hækkun launa. Bætur hækkuðu hinn 1.janúar 2012 um 3,5% eða um 6800 kr. á mánuði en þær áttu að hækka um 11000 kr. eins og laun að mati ASÍ,sem gerði samkomulagið við ríkisstjórnina um hækkun bóta, hliðstæða launahækkunum. Á árunum 2009 og 2010 hækkuðu laun láglaunafólks um 16% en á því tímabili hækkuðu bætur ekki um eina krónu.Framangreindar staðreyndir leiða í ljós, að bætur aldraðra hafa dregist aftur úr í launaþróun á stjórnartíma núverandi ríkisstjórnar og dugar ekki í því sambandi að vísa í það, sem gerst hafi í þessum málum á fyrri tímabilum. Ríkisstjórnin hét því að koma hér á norrænu velferðarsamfélagi.Hún ætlaði að efla og bæta almannatryggingar.Það hefur ekki tekist. Við höfum heldur fjarlægst hið norræna velferðarsamfélag heldur en hitt.

Stór hópur bótaþega sviptur grunnlífeyri!

Hinn 1.júlí 2009 tóku gildi ráðstafanir í fjármálum ríkisins vegna bankahrunsins og kreppunnar.Þessar ráðstafanir skertu verulega kjör aldraðra og öryrkja en þær áttu að vera tímabundnar.Frítekjumark,sem var tæplega 110 þús. á mánuði vegna atvinnutekna, var fært niður í 40 þús.á mánuði.Ákveðið var að reikna greiðslur úr lífeyrissjóði með tekjum við útreikning á grunnlífeyri hjá almannatryggingum en það hafði ekki verið gert áður.Við þessa breytingu urðu yfir 5000 bótaþegar TR fyrir kjaraskerðingu og stór hópur bótaþega,sem hafði haft grunnlífeyri, missti hann og féll algerlega út úr kerfi almannatrygginga.Þó hafði sá hópur greitt til almannatrygginga alla sína starfsævi, beint og óbeint.Frekari kjaraskerðing eldri borgara tók gildi 2009 vegna ráðstafana ríkisins í fjármálum

Það er skýlaus krafa eldri borgara, að kjaraskerðingin frá 1.júlí 2009 verði þegar í stað afturkölluð og að þeir sem höfðu grunnlífeyri fyrir þá breytingu fái hann strax aftur að öðru óbreyttu.Kjararáð hefur afturkallað launalækkun ráðherra, þingmanna og embættismanna,sem tók gildi 2009.Það sama á að gilda um eldri borgara.Gerist það ekki er verið að brjóta lög um málefni aldraðra en í þeim segir,að ekki megi mismuna eldri borgurum gagnvart öðrum þegnum þjóðfélagsins.

Eins og fram kemur hér að framan vantar mikið á,að lífeyrir aldraðra hafi hækkað jafnmikið og lægstu laun á tímabilinu 2009-2012.Til þess að jafna þann mun þarf að hækka lífeyri aldraðra um a.m.k 20%.Kjaranefndir LEB og FEB telja,að það sé algert forgangsmál að leiðrétta kjör eldri borgara,sem þessu nemur (20%) áður en ráðist er í kerfisbreytingu á almannatryggingum.Áður en farið er að fækka bótaflokkum og gera tilfærslur innan kerfisins vilja kjaranefndirnar,að kjör aldraðra verði bætt.Og það þolir enga bið.Ekki er unnt að bíða eftir niðurstöðu endurskoðunar almannatrygginga.Leiðrétting á kjörum verður að eiga sér stað strax.

Samþykkt kjaramálanefnda LEB og FEB um þetta efni segir m.a.:

Markmið endurskoðunar laga um almannatryggingar á að vera að bæta kjör aldraðra ( og öryrkja) en ekki eingöngu að sameina bótaflokka og gera tilfærslur innan kerfisins.

Afturkalla verður strax kjaraskerðingu aldraðra og öryrkja frá 1.júlí 2009.Þeir,sem höfðu grunnlífeyri hjá almannatryggingum fyrir þann tíma eiga að fá hann á ný að öðru óbreyttu.Ekki er rétt að fella grunnlífeyri niður heldur ber að halda honum. Frítekjumark vegna atvinnutekna verði hækkað a.m.k. í það,sem það var í fyrir 1.júlí 2009,þ.e. í 110 þús.kr. á mánuði.Frítekjumark vegna greiðslna úr lífeyrissjóði verði 150 þús. á mánuði og stefnt að því að afnema með öllu skerðingu tryggingabóta vegna greiðslna úr lífeyrissjóði.Frítekjumark vegna fjármagnstekna verði einnig hækkað verulega.

Við endurskoðun almannatrygginga ber að halda frítekjumörkum.Ekkert gagn er í því að draga örlítið úr skerðingu tryggingabóta vegna annarra tekna en frá almannatryggingum heldur verður að gera það myndarlega.

Í framangreindri samþykkt segir,: Við endurskoðun almannatrygginga ber að halda frítekjumörkum en rætt hefur verið um það í starfshópnum að fella niður sérstæk frítekjumörk.Ennfremur segir: Ekki á að fella niður grunnlífeyri.Þetta eru hvort tveggja grundvallaratriði,sem ekki má víkja frá.

Björgvin Guðmundsson

Nýr liðsmaður í baráttunni fyrir kjörum eldri borgara

Ég hefi skrifað árum saman um miklar tekjuskerðingar í kerfi almannatrygginga og nauðsyn þess að draga úr þeim.Það er gott að fá nýja liðsmenn í þeirri baráttu.Ég fagna því góðum liðsmanni,Ásmundi Stefánsssyni.Hann segir: Tekjutenging ellilífeyris gerir það að verkum að mest er tekið af þeim sem minnst hafa. Hann sér eftir að hafa hvatt fólk til að greiða í lífeyrissjóð og vill sjá breytingu á kerfinu hið fyrsta. Í erindi sínu á ráðstefnu um lífeyrismál í gær sagðist Ásmundur Stefánsson fyrrverandi forseti ASÍ skilja þá sem velta fyrir sér af hverju þeir hafi greitt samviskusamlega í lífeyrissjóð þar sem tekjuskerðingin hafi leikið margan grátt.

„Fyrir fyrstu sjötíu þúsundin rúmlega þá færðu ekki krónu. Það mætist króna á móti krónu, það sem minnkar frá almannatryggingunum og það sem þú færð úr lífeyrissjóði og svo dregur úr þessari skerðingu eftir því sem hærra gengur í skalann þannig að það má segja að þetta sé óvenjulegur skattstigi, það er að það er tekið mest af þeim sem minnst hafa og minna af þeim sem eru hærri," segir Ásmundur.

Ásmundur telur brýnt að ráðast í breytingar og leggur til að tekjuskerðingarnar verði minnkaðar. „Ég tel ekki að það eigi að afnema tekjuskerðingarnar vegna þess að það kostar mikla pening og samfélagið er ekki í þeirri stöðu að geta hent þeim peningum, eða reitt þá fram á stuttum tíma. Það þarf að taka þetta í skrefum og ég held hins vegar að stjórnmálamönnum eigi að vera það ljóst að fram að þessu hafi þeir verið að leysa málin á kostnað lífeyrisþegana sjálfra," segir hann. Það sé kannski kominn tími til þess að lífeyrisþegarnir fái að njóta í einhverju frá öðrum í samfélaginu líka.

 

Björgvin Guðmundsson

Útvegurinn hefur nóga peninga

Í greinargerð með frumvarpinu um veiðigjaldið kemur fram, að sérstaka gjaldið sé áætlað 20 milljarðar á ári, ef afkoma sjávarútvegsins er eins góð og hún er í dag.Í ríkisfjármálaáætlun fyrir 2012-2015 er gamla gjaldið áætlað 11 milljarðar á ári.Hækkun gjaldsins verður því aðeins 9 milljarðar á ári og minni fyrstu 2 árin.Það eru öll ósköpin.Afkoma sjávarútvegsins er mjög  góð í dag, meðal annars vegna lágs gengis krónunnar.Almenningur ber byrðarnar vegna lágs gengis en útgerð og útflutningur hagnast á því. Undanfarin ár hefur útgerðin hirt nær allan arðinn af sjávarauðlindinni og ekki greitt neitt alvöru veiðigjald eða auðlindagjald til ríkisins. Hagstofan reiknaði út, að hreinn hagnaður sjávarútvegsins hefði numið 44 milljörðum 2010 en útgerðin greiddi það ár aðeins 2 milljarða í veiðigjald.Áætlanir sýna,að  afkoma útgerðarinnar hefur enn batnað 2011 og 2012.Útgerðin fer því létt með að greiða veiðigjaldið.LÍÚ getur farið að gefa grátkórnum frí.

 

Björgvin Guðmundsson

Velferðarráðherra hundsar aldraða og öryrkja

Reynsla eldri borgara af félagsmálaráðherrum núverandi ríkisstjórnar er slæm. Árni Páll Árnason gerði ráðstafanir á miðju ári 2009,sem  skertu verulega kjör aldraðra og öryrkja.Mikill fjöldi ellilífeyrisþega var þá sviptur grunnlífeyrinum og fær í dag engan lífeyri frá almannatryggingum. Frítekjumark vegna atvinnutekna var þá lækkað verulega eða úr 110 þús. á mán í 40 þús. á mánuði.Og fleiri ráðstafanir voru gerðar,sem skertu kjör lífeyrisþega. Þessar ráðstafanir voru gerðar vegna kreppunnar og áttu að vera tímabundnar.En þó komin séu tæp 3 ár síðan þessar ráðstafanir voru lögfestar,bólar ekkert á, að þær séu afturkallaðar.Núverandi velferðarráðherra,Guðbjartur Hannessson,ansar engu tilmælum eldri borgara um að þessar ráðstafanir séu afturkallaðar.Og hið sama gildir um tilmæli lífeyrisþega um að kjaraskerðingin frá krepputímanum verði leiðrétt.Tilmælum um að kjaraskerðingin verði leiðrétt er  stungið undir stól.  

 

Björgvin Guðmundsson

Stærsta kosningamálið svikið!

Stærsta kosningamál Samfylkingarinnar í síðustu þingkosningum var að umbylta ætti kvótakerfinu í sjávarútveginum, innkalla aflaheimildirnar á 20 árum (fyrningarleið) og úthluta þeim aftur á sanngjarnan og réttlátan hátt, meðal annars með hliðsjón af athugasemdum Mannréttindanefndar Sameinuðu þjóðanna.Þetta stefnumál tóku Samfylkingin og VG upp í stefnuskrá ríkisstjórnarinnar.Frumvarp það, sem ríkisstjórnin samþykkti 23.mars síðast liðinn, á ekkert skylt við kosningastefnu stjórnarflokkanna.Það er búið að kasta fyrningarleiðinni fyrir borð og svíkja stærsta kosningamál flokkanna.Í stað þess að innkalla aflaheimildirnar á 20 árum á nú að afhenda kvótahöfunum aflaheimildirnar á silfurfati til 20 ára og lengur.Þeir höfðu kvótana til eins árs í senn en nú lætur ríkisstjórnin þá fá kvótana til 20 ára með möguleika á framlengingu um eitt ár í einu.Framlenging er nokkuð örugg, þar eð tilkynna verður með löngum fyrirvara, ef ekki á að framlengja.Þannig framkvæmir ríkisstjórnin stefnumálið um innköllun kvótanna og umbyltingu þeirra.Jón Bjarnason hlaut mikla gagnrýni, þegar hann lagði fram kvótafrumvarp, sem gerði ráð fyrir, að útgerðarmenn fengju kvótana til 15 ára með möguleika á framlengingu í 8 ár í viðbót.En nýja frumvarpið er verra. Það er búið að lengja nýtingartímann úr 15 árum í 20 ár með möguleika á mikilli framlengingu eftir þann tíma.Það er ljóst, að ríkisstjórnin hefur gefist upp fyrir LÍÚ.Ríkisstjórnin hefur ekki haft kjark til þess að framkvæma þá stefnu,sem hún lofaði kjósendum sínum.Hún vildi heldur svíkja kjósendur en ganga þvert gegn LÍÚ- valdinu.Nýju tillögurnar boða nýtt kvótakerfi,sem er mikið verra en núgildandi kerfi. Það hefði verið betra að hafa kerfið óbreytt,þ.e. kvóta til eins árs í senn. En eftir sem áður hefði verið unnt að hækka veiðigjöldin verulega.

 

Björgvin Guðmundsson

 

Góður aðbúnaður á Landsspítalanum

Ég þurfti að leggjast undir hnífinn á Landsspítalanum og gangast undir erfiða skurðaðgerð,sem tók 5 tíma.Aðgerðin tókst vel.Ég var 10 daga á spítalanum  en fór síðan á sjúkrahótel Landsspítalans við Ármúla.Aðbúnaður var mjög góður  á Landsspítalanum,starfsfólk allt til fyrirmyndar.Það sama má segja um sjúkrahótelið.Ég er nýkominn heim og nú tekur við langur tími að byggja sig upp á ný.Það tekur a.m.k. 2 mánuði í viðbót. Enn er ég mjög máttfarinn og þróttlaus en vonandi stendur það til bóta með góðri hreyfingu og hollum mat.

 

Björgvin Guðmundsson

Nýja kvótakerfið verra en núverandi kerfi

Björgvin Guðmundsson skrifar  grein í Mbl. í dag um kvótakerfið.Þar segir svo :

Stærsta kosningamál Samfylkingarinnar í síðustu þingkosningum var að umbylta ætti kvótakerfinu í sjávarútveginum, innkalla aflaheimildirnar á 20 árum (fyrningarleið) og úthluta þeim aftur á sanngjarnan og réttlátan hátt, meðal annars með hliðsjón af athugasemdum Mannréttindanefndar Sameinuðu þjóðanna.Þetta stefnumálo tóku Samfylkingin og VG upp í stefnuskrá ríkisstjórnarinnar.Frumvarp það, sem ríkisstjórnin samþykkti 23.mars síðast liðinn, á ekkert skylt við kosningastefnu stjórnarflokkanna.Það er búið að kasta fyrningarleiðinni fyrir borð og svíkja stærsta kosningamál flokkanna.Í stað þess að innkalla aflaheimildirnar á 20 árum á nú að afhenda kvótahöfunum aflaheimildirnar á silfurfati til 20 ára o,g lengur.Þeir höfðu kvótana til eins árs í senn en nú lætur ríkisstjórnin þá fá kvótana til 20 ára með möguleika á framlengingu um eitt ár í einu.Framlenging er nokkuð örugg, þar eð tilkynna verður með löngum fyrirvara, ef ekki á að framlengja.Þannig framkvæmir ríkisstjórnin stefnumálið um innköllun kvótanna og umbyltingu þeirra.Jón Bjarnason hlaut mikla gagnrýni, þegar hann lagði fram kvótafrumvarp, sem gerði ráð fyrir, að útgerðarmenn fengju kvótana til 15 ára með möguleika á framlengingu í 8 ár í viðbót.En nýja frumvarpið er verra. Það er búið að lengja nýtingartímann úr 15 árum í 20 ár með möguleika á mikilli framlengingu eftir þann tíma.Það er ljóst, að ríkisstjórnin hefur gefist upp fyrir LÍÚ.Ríkisstjórnin hefur ekki haft kjark til þess að framkvæma þá stefnu,sem hún lofaði kjósendum sínum.Hún vildi heldur svíkja kjósendur en ganga þvert gegn LÍÚ- valdinu.

 

Leigupottur ríkisins alltof lítill

 

Nýja frumvarpið gerir ráð fyrir, að ríkið veiti núverandi handhöfum kvótanna nýtingarleyfi til langs tíma fyrir nær öllum þorskkvótanum eða ígildi hans ( Kvótinn er nú tæp 200 þúsund tonn). 20 þúsund tonn (þorskígildis) verði í sérstökum leigupotti ríkisins. Úr þessum potti leigir ríkið nýliðum, landsbyggðinni og fleirum veiðiheimildir. Handhafar nýtingarleyfa geta einnig fengið leigða kvóta úr ríkispottinum! Hugsunin á bak við þennan leigukvóta ríkisins er góð, þar eð nýliðar þurfa að fá aðgang að hinni sameiginlegu sjávarauðlind þjóðarinnar og fjarlægar byggðir, sem orðið hafa illa úti vegna kvótakerfisins, þurfa einnig að fá veiðiheimildir.En þessi leigukvóti ríkisins er alltof lítill til þess að hann geti gegnt þessu hlutverki sínu sómasamlega.Þessi kvóti þyrfti að vera mikið stærri.Viðskipti með kvóta úr leigupotti ríkisins verða gegnum kvótaþing og því á markaðsverði. Það er jákvætt.

 

Útgerðin hefur hirt nær allan arðinn.Viðbótargjald aðeins 9 milljarðar

 

Enda þótt ríkið ætli að afhenda útgerðinni (handhöfum kvótanna) nær allar fiskveiðiheimildirnar á silfurfati til 20 ára og lengur kvartar útgerðin og kveinar vegna veiðigjaldsins.Gjaldið á að vera tvíþætt, almennt gjald (grunngjald),8 krónur á kílo og sérstakt veiðigjald, sem verður afkomutengt og því misjafnt eftir afkomu.Í greinargerð með frumvarpinu um veiðigjaldið kemur fram, að sérstaka gjaldið sé áætlað 20 milljarðar á ári, ef afkoma sjávarútvegsins er eins góð og hún er í dag.Í ríkisfjármálaáætlun fyrir 2012-2015 er gamla gjaldið áætlað 11 milljarðar á ári.Hækkun gjaldsins verður því aðeins 9 milljarðar á ári og minni fyrstu 2 árin.Það eru öll ósköpin.Afkoma sjávarútvegsins er mjög er góð í dag, meðal annars vegna lágs gengis krónunnar.Almenningur ber byrðarnar vegna lágs gengis en útgerð og útflutningur hagnast á því. Undanfarin ár hefur útgerðin hirt nær allan arðinn af sjávarauðlindinni og ekki greitt neitt alvöru veiðigjald eða auðlindagjald til ríkisins. Hagstofan reiknaði út, að hreinn hagnaður sjávarútvegsins hefði numið 44 milljörðum 2010 en útgerðin greiddi það ár aðeins 2 milljarða í veiðigjald.2009 greiddi útgerðin enn minna í veiðigjald eða aðeins 1 milljarð en þá nam hagnaðurinn samkvæmt útreikningi Hagstofu 45 milljörðum.

 

Veiðiheimildirnar fari á uppboðsmarkað

 

Ég tel algert óráð að afhenda útgerðinni fiskveiðiheimildirnar til 20 ára og lengri tíma.Og það gengur algerlega í berhögg við kosningastefnu stjórnarflokkanna. Ég tel eðlilegast eins og málum er komið, að fiskveiðiheimildirnnar fari á frjálsan uppboðsmarkað.Það mætti framkvæma slíka breytingu í áföngum til þess að milda áhrifin gagnvart útgerðinni.Segja má,að stjórnlagaráð hafi lagt þessa breytingu til, þar eð ráðið lagði til,að fullt verð (markaðsverð) kæmi fyrir aflaheimildirnar.Samhliða þessari breytingu mætti ákveða að hafa pott fyrir landsbyggðina svo tryggja mætti dreifðum byggðum hlutdeild í aflaheimildum.Það kerfi, sem gerð er tillaga um í frumvarpi ríkisstjórnarinnar, nýtingarleyfi til 20 ára og lengri tíma, er verra kerfi en það sem nú er í gildi.Það er betra að úthluta áfram veiðiheimildum til eins árs í senn en samt mætti hækka veiðigjaldið verulega.Best er þó að setja aflaheimildirnar á uppboðsmarkað.

 

 

Björgvin Guðmundsson

 

 

Álit Deloitte um veiðigjaldið stenst ekki

Steingrímur J. Sigfússon, sjávarútvegsráðherra, segir að hagnaður sjávarútvegsfyrirtækja sé að stórum hluta vegna rentunnar, sem sé aðgerðum stjórnvalda að þakka. Ekki eigi að líta á veiðigjaldið sem skatt, heldur endurgreiðslu á kostnaði og leigu fyrir nýtingu á auðlind sem útgerðin á ekki.

Steingrímur sendi í morgun frá sér yfirlýsingu vegna útreikninga sem endurskoðunarfyrirtækið Deloitte kynnti í fyrradag, en samkvæmt þeim hefði allur hagnaður útgerðarinnar á árunum 2001 til 2010, og rúmlega það, verið skattlagður ef núverandi kvótafrumvarp hefði verið í gildi.

Steingrímur sagði í fréttum sjónvarps í gærkvöld að þetta gæti ekki staðist en í yfirlýsingunni gagnrýnir hann einnig að litið sé á veiðigjald sem skatt. Með því sé gengið út frá að útgerðin eigi kvótann og þar af leiðandi allan hagnað af nýtingu fiskveiðiauðlindarinnar án tillits til þess hve mikið hún hafi lagt fram. Hið eðlilega væri að líta á veiðigjöldin sem endurgreiðslu á kostnaði og leigu fyrir heimild til nýtingar á eign sem ekki tilheyrir útgerðinni.

Þá heldur Steingrímur því einnig fram að Deloitte gangi út frá að hagnaður útgerðarinnar sé tilkominn fyrir tilstilli hennar einnar og sé því eign hennar. Hið rétta sé hins vegar að rentan, sem sé stór hluti af hagnaðinum, sé fyrst og fremst til komin vegna aðgerða stjórnvalda, það er ákvarðana um að takmarka veiðarnar, tryggja sjálfbæra nýtingu og stýra aðgangi að verðmætri en takmarkaðri auðlind í sameign þjóðarinnar. Án slíkra aðgerða væri líklega lélegur arður af fiskveiðum hér á landi.

Íslandsbanki sendi í gær frá sér umsögn um kvótafrumvörpin. Þar kemur meðal annars fram að útgáfa tímabundinna nýtingarleyfa leiði til meiri óvissu fyrir fyrirtækin og við slík skilyrði geti fjárfestingar dregist saman. Þá skerðist aflahlutdeildin við það að hluti hennar sé færð á forræði ráðherra, skerðingin nemi 9,5 prósentum í þorski, tæpum tíu prósentum í steinbít og um sjö prósentum í ýsu og ufsa. Því muni útgerðirnar aðeins njóta hluta af vexti fiskistofna, sem veiki rekstrargrundvöll sjávarútvegsfyrirtækja. Þetta segir Steingrímur að sé misskilningur því skerðingin í þessum tegundum sé sú sama og á yfirstandandi fiskveiðiári, og því sé ekki verið að auka hana.(ruv.is)

Engu er líkara en umrætt endurskoðunarfyrirtæki sé að matreiða eitthvað eftir pöntun fyrir útgerðarmenn.Ekki er heil brú í áliti endurskoðunarfyrittækisins og álitið getur engan veginn staðist eins og sjávarútvegsráðuneytið hefur sýnt fram á.

Björgvin Guðmundsson

Til baka

Verðhækkun hér 35% en aðeins 5,8% hjá ESB

Verð á vörum og þjónustu hefur hækkað um 34,9 prósent hér á landi frá árinu 2008. Á meðan hefur hækkunin numið 5,8 prósentum á evrusvæðinu.

Þetta kemur fram í nýrri úttekt sem Hagstofa Íslands vann fyrir Já Ísland, en þar kemur jafnframt fram að matarkarfan hefur hækkað um 32 prósent á Íslandi en samsvarandi hækkun nemur rúmum fimm prósentum á evrusvæðinu. Verð á fatnaði og skóm hefur einnig hækkað um rúm 30 prósent hér landi en verð hefur lækkað um tæp átta prósent á evrusvæðinu.

Í tilkynningu frá Já Íslandi segir að augljóst sé að gjaldmiðlamál skipti miklu í þessu máli og mikilvægt sé að skoða samanburð við evrulönd til þess að geta tekið upplýsta ákvörðun um það hvort aðild að ESB geti nýst heimilum í landinu. Mikilvægt sé að horft sé til staðreynda í þeirri umræðu og þessari úttekt sé ætlað að hafa jákvæð áhrif á umræðuna „til gagns og fróðleiks“.- (visir.is)

Það er athyglisvert,að munurinn á verðhækkunum hér og í evrulöndum skuli vera svona mikill. Það bendir til þess,að ef við gengjum  í ESB mundi verðlag verða mikið stöðugra hér en það er í dag. Það mundi því hafa verulega kjarabót í för með sér.

 

Björgvin Guðmundsson

Einhleypingur þarf 277 þús. á mánuði fyrir neysluútgjöldum

Umboðsmaður skuldara var að birta "neysluviðmið" og segir,að samkvæmt því þurfi einstaklingur 122 þús.á mánuði fyrir brýnustu nauðsynjum.Þá vantar liði eins og rafmagn,hita,fasteignagjöld,húsnæðiskostnað o.fl. en húsnæðisliðurinn er yfirleitt stærstur hjá flestum.Þetta svokallaða neysluviðmið er alger brandari og segir ekki neitt. Hagstofan hefur hins vegar reiknað út neyslukostnað einstaklinga og heimila og samkvæmt þeirri könnun og útreikningi frá desember sl. þarf einhleypingur til jafnaðar 277 þús. á mánuði til  neyslu.Það er meira að marka þá tölu enda þótt það vanti einnig inn í hana opinber gjöld.Í dag fær einhleypur ellilífeyrisþegi 173 þús. kr. á mánuði eftir skatta frá Tryggingastofnun.Það vantar því um 100 þús.á mánuði upp á að lífeyrir almannatrygginga dugi fyrir neysluútgjöldum aldraðra samkvæmt könnun  Hagstofunnar.

 

Björgvin Guðmundsson