Þing og ríkisstjórn fallin á tíma!

Undanfarið hefur ríkisstjórn og þingmeirihluti sýnt þinginu algera lítilsvirðingu.Ráðherrar hafa ekki látið sjá sig í þingsölum.Þeir hafa verið í kosningabaráttu og verið á fundum úti í bæ.Og hið sama hefur verið að segja um stjórnarmeirihlutann.En í stað þess að viðurkenna að þing og stjórn eru fallin á tíma hafa þessir aðilar neitað að horfast í augu við staðreyndir og reyna að hanga á völdunum eftir að þau eru töpuð.Stjórnin hefur ekki getað komið sér saman um hvaða mál hún vill fá afgreidd á þingi áður en þingið hættir.Þingi átti samkvæmt starfsáætlun að ljúka í gær,29.september.Það verður þingfundur á mánudag. En í stað þess að leggja fram nýja starfsáætlun  svarar þingforseti engu um framhaldið. Hann getur engu svarað.Því hann ræður engu.Það er ríkisstjórnin sem stjórnar þinginu og því er framkvæmdavald og löggjafarþing ekki aðskilið eins og menn eru alltaf að telja sér trú um.Þingmenn reyna oft að telja sér trú um að þingið sé sjálfstætt og hafi völd. En það er misskilningur. Ríkisstjórnin ræður öllu og kúgar þingið,ef það vill.Og það er einmitt það,sem er að gerast nú.Ríkisstjórnin ákvað sjálf að stytta þingið en stjórnin gerði það með hundshaus og hefur aldrei verið sátt við það. En tíminn er útrunninn og stjórnin verður að sætta sig við það. Það er ekki aðeins lítilsvirðing við þingið að halda svona áfram heldur einnig lítilsvirðing á lýðræðinu ,þar eð það er verið að gera frambjóðendum erfitt fyrir að undirbúa kosningar með því að teygja þingið meira en eðlilegt getur talist.

 

Björgvin Guðmundsson


Málefni aldraðra og öryrkja: Ráðherrarnir á hröðu undanhaldi!

Í kosningasjónvarpi fyrir þingkosningarnar 2013 var Kristján Þór Júlíusson spurður hvað yrði hans fyrsta verk, ef hann kæmist til valda.Hann svaraði: Að bæta kjör aldraðra og öryrkja.Hann komst til valda en hann stóð ekki við loforð sitt ekki frekar en Bjarni Ben.

Mér kom þetta loforð Kristjáns Þórs í hug,þegar ég horfði á hann í kosningasjónvarpi um heilbrigðis-og velferðarmál í gærkveldi.Hann lofaði á ný öllu fögru og tók undir mál annarra frambjóðenda um að lágmarksframfærsla aldraðra og öryrkja þyrfti að vera  300 þúsund á mánuði.Sama gerði Bjarni Ben á fundi Félags eldri borgara og Gráa herrsins í fyrrakvöld.En ég trúi ekki einu einasta orði hjá þessum mönnum.Þegar þeir ætla að endurtaka sama leikinn nú korteri fyrir kosningar og lofa öldruðunm og öryrkjum öllu fögru hvarflar ekki að mér að trúa þeim. Þeir eru á hröðu undanhaldi. Þeir eru hræddir við kjósendur og þeir eru hræddir við samtakamátt aldraðra. Þeir sjá,að málflutningur okkar er réttur. Það er ekki unnt að lifa af þeirri hungurlús,sem þeir hafa skammtað eldri borgurum og öryrkjum. En í stað þess að byrja loforðaleikinn á ný geta þeir framkvæmt hækkun lífeyris strax. Jón Þór Ólafsson fulltrúi Pirata spurði réttra spurninga í kosningasjónvarpinu í gær.Hann spurði: Af hverju hækkið þið þetta ekki strax. Og það er heila málið. Ríkisstjórnin getur lagt fyrir alþingi strax í dag,að lífeyrir verði hækkaður í 300 þúsund strax,ekki 2018,heldur strax. Það væri ekki vegna þess að launþegar hafa samið um 300 þúsund á mánuði. Nei það væri til þess að efna kosningfaloforðið frá 2013 um að leiðrétta lífeyrir vegna kjaragliðnunar krepputímans.Til þess að framkvæma það þarf að hækka lífeyri strax um 56.580 kr. Við það færi lífeyrir í rúmar 300 þúsund strax. Ríkið tekur 60 þúsund af því í skatt þannig að þetta eru ekki nema 240 þúsund netto og það er í raun of lítið en gott fyrsta skref. Ef ríkisstjórnin gerir þetta ekki er ekkert að marka fagurgala hennar um að hún vilji hækka lífeyri svo og svo mikið.Það er ekki unnt að treysta loforðum þessara manna.Aðeins athöfnum.

 

Björgvin Guðmundsson

 


Er í lagi, að " fáir" eldri borgarar búi við slæm kjör?

Bjarni Benediktsson formaður Sjálfstæðisflokksins var í slæmri stöðu á fundi eldri borgara í gærkveldi enda átti hann slæman málstað að verja.Hann var í vörn allan tímann. Hann greip til gamalkunnugs ráðs hægri stjórnarinnar: Að gefa til kynna,að fáir eldri borgarar byggju við slæm kjör.Eygló hefur notað þetta ráð líka. Bjarni spurði allt í einu á fundinum: Hvað eru margir hér,sem einungis hafa lífeyri frá almannatryggingum? Ósmekkleg spurning. Ráðherrar hægri stjórnarinnar athuga ekki,að kjörin hjá þeim,sem einungis hafa lífeyri frá almannatryggingum eru svo slæm,að þeir sem búa þannig við fátæktarmörk veigra sér við að fara á mannamót.Maður,sem hefur ekki nóg að borða eða verður að neita sér um að fara til læknis vegna peningaleysi er ekki í skapi til þess að rjúka á fund. En þetta er nokkuð sem silfurskeiðungar skilja ekki.186 þúsund krónur á mánuði eftir skatt sem Bjarni og rikisstjórnin skammtar eldri borgurum,sem eru í hjónabandi og sambúð er honum og stjórninni allri til skammar.Og sama er að segja um 207 þúsund krónur á mánuði eftir skatt fyrir einhleypinga.Það lifir enginn eðlilegu lífi af þessari hungurlús. Von er,að Bjarni og aðrir ráðherrar hægri stjórnarinnar séu hrifnir af afrekum sínum í kjaramálum aldraðra og öryrkja!


PS. Karl Garðarsson segir,að 9000 búi við slæm kjör.

 

Björgvin Guðmundsson


Púað á Bjarna Ben á fundi eldri borgara!

Tímamótafundur Félags eldri borgara í RVk og Gráa hersins var haldinn í Háskólabíói í gærkveldi.Húsfyllir var og mikill hugur í fundarmönnum.Stjórnmálaforingjar sátu fyrir svörum.Þegar Bjarni Ben fór með sína gömlu rullu um það hvað ríkisstjórnin hefði gert mikið fyrir eldri borgara og öryrkja á kjörtímabilinu ofbauð fundarmönnum og þeir púuðu á ráðherrann. Þeir voru greinilega búnir að fá nóg af sviknum loforðum.

Fulltrúar framboðslista fluttu ágætar ræður.Inga Sæland formaður Flokks fólksins vitnaði í síðasta pistil minn á Facebook og á Mbl bloggi og sagði:

Engin tillaga eða frumvarp hefur komið fram um að bæta kjör aldraðra og öryrkja.Ljóst er,að þessa dagana er verið að innsigla svikin á kosningaloforðunum,sem stjórnarflokkarnir gáfu öldruðum og öryrkjum í síðustu kosningum 2013. Leiðrétting lífeyris vegna kjaragliðnunar krepputímans hefur verið svikin.En hækka þarf lífeyri um a.m.k. 23% til þess að efna það loforð.Loforðið um að afnema tekjutengingu lífeyris aldraðra hefur einnig verið svikið.Samkvæmt loforðinu átti að afnema skerðingu lífeyris TR vegna greiðslna úr lífeyrissjóði og vegna tekna af atvinnu og fjármagni.Þessi stóru loforð eru svikin en byrjað að gefa ný loforð eins og frambjóðendur hafi enga sómatilfinningu.Nýtt frv. um almannatryggingar bætir ekkert kjör þeirra aldraðra og öryrkja,sem eingöngu hafa lífeyri frá TR og hafa engan lífeyrssjóð.Þeirra lífeyrir hækkar ekki um eina krónu.

Þarna var ég að ræða um lokadaga þingsins og það hvort efna ætti loforðin við eldri borgara og öryrkja.

Jón ValurJensson ræðumaður Þjóðfylkingarinnar vitnaði einnig í mig og sagði,að hækka þyrfti lífeyri  um 56 þúsund krónur á mánuði til þess að efna loforðið frá síðustu kosningum um að leiðrétta lífeyri vegna kjaragliðnunar krepputímans en ég hef einmitt hamrað á því og bent á,að þessi hækkun væri lágmark

Fulltrúar Samfylkingar,Sigríður Ingibjörg Ingadóttir og  fulltrúi VG,Katrín Jakobsdóttir voru mjög skeleggar og ákveðnar í að hækka yrði lægsta lífeyrinn,þe. hjá þeim sem ekkert hefðu nema lífeyri frá almannatryggingum.Ella væri ekki unnt að afgreiða frv ríkisstjórnarinnar.Sigríður Ingibjörg sagði,að hækka yrði lífeyrinn í 300 þúsund á mánuði.Það væri lágmark.Katrín var á svipuðum nótum.Einnig sögðu þær að draga urði úr skerðingum. Fleiri ræðumenn tóku undir að 300 þúsund á mánuði  væri lágmark.

Bjarni Benediktsson var á undanhaldi á fundinum og viðurkenndi að hækka þyrfti lægsta lífeyrinn og draga úr skerðingum. En hver trúir slíkum yfirlýsingum manns sem er ber að því að hafa svikið stærstu kosningaloforðin frá síðustu kosningum.Enginn.

 

Björgvin Guðmundsson

pistlahöfundur

 


Upplausnarástand á Alþingi!Svik á kosningaloforðum innsigluð!

Mjög skrítið ástand hefur verið á Alþingi síðustu daga.Afgreiðsla mála gengur ekkert.Fáir eru í þingsal og aðeins 1-2 frá stjórnarflokkunum.Stjórnarandstaðan hefur gert miklar athugasemdir við þetta ástand,þar eð samkvæmt starfsáætlun alþingis á þinginu að ljúka á morgun.Ríkisstjórnin virðist ekki hafa getað komið sér saman um það hvaða mál hún vilji fá afgreidd fyrir þinglok.Mörg stór mál eru óafgreidd en ljóst,að ekki tekst að afgreiða þau öll fyrir þinglok. Undir slíkum kringumstæðum hefur stjórnarmeirihlutinn orðið að funda með minnihlutanum til þess að ná samkomulagi um þinglok en það hefur ekki verið gert nú.Ólíklegt er,að þinginu ljúki á morgun og líklegt,að það verði framlengt í nokkra daga.

 Engin tillaga eða frumvarp hefur komið fram um að bæta kjör aldraðra og öryrkja.Ljóst er,að þessa dagana er verið að innsigla svikin á kosningaloforðunum,sem stjórnarflokkarnir gáfu öldruðum og öryrkjum í síðustu kosningum 2013. Leiðrétting lífeyris vegna kjaragliðnunar krepputímans hefur verið svikin.En hækka þarf lífeyri um a.m.k. 23% til þess að efna það loforð.Loforðið um að afnema tekjutengingu lífeyris aldraðra hefur einnig verið svikið.Samkvæmt loforðinu átti að afnema skerðingu lífeyris TR vegna greiðslna úr lífeyrissjóði og vegna tekna af atvinnu og fjármagni.Þessi stóru loforð eru svikin en byrjað að gefa ný loforð eins og frambjóðendur hafi enga sómatilfinningu.Nýtt frv. um almannatryggingar bætir ekkert kjör þeirra aldraðra og öryrkja,sem eingöngu hafa lífeyri frá TR og hafa engan lífeyrssjóð.Þeirra lífeyrir hækkar ekki um eina krónu.

 

Björgvin Guðmundsson

 


"Afrek " ríkisstjórnarinnar!

Karlagrobb ráðherranna er hlægilegt,þegar þeir tíunda "afrek" ríkisstjórnarinnar.Þeir segja,að ríkisstjórnin hafi lækkað skuldir heimilanna,hún hafi sótt fé til slitabúa föllnu bankanna og  komið á hallalausum fjárlögum.Ríkisstjórnin lofaði að lækka skuldir heimilanna um 300 milljarða og taka það  fé frá þrotabúum bankanna.Ríkisstjórnin lækkaði 300 milljarðana niður í 80 milljarða brúttó og síðan dróst kostnaður frá.En ekki var ein króna af þessum 80 milljörðum tekin af þrotabúum bankanna heldur voru peningarnir allir sóttir í skattfé landsmanna.Framkvæmd þessarar niðurfærslu var síðan þannig, að það voru lækkaðar skuldir þeirra,sem  best stóðu en ekkert gert fyrir þá sem verst voru staddir.Uppgjör þrotabúa bankanna er ekki mál,sem ein ríkisstjórn getur eignað sér. Þrjár ríkisstjórnin unnu að því máli: Fyrst stjórn Geirs Haarde með neyðarlögunum,síðan stjórn Jóhönnu með lagasetningu um að setja þrotabúin undir gjaldeyrishöftin og loks núverandi stjórn með lokalagasetningu um málið.Hvorki Framsókn né Sjálfstæðisflokkur greiddu atkvæði með lögunum um að setja þrotabúin undir gjaldeyrishöftin.Ef þau lög hefðu ekki verið sett, hefði ekki verið unnt að afnema höftin.Þriðja málið,sem stjórnin gortar af,hallalaus fjárlög eru stolnar fjaðrir,þar eð stjórn Jóhönnu eyddi ríkishallanum með ströngum ráðstöfunum í ríkisfjármálum og sársaukafullum niðurskurði.

 

Björgvin Guðmundsson 


Ekkert gert fyrir þá,sem verst standa meðal aldraðra og öryrkja.6000 börn lifa við fátækt!

 

Í gærkveldi fóru fram eldhúsdagsumræður á alþingi. Það sem mér fannst athyglisvert koma fram í umræðunum var þetta: Ríkisstjórnin hefur vanrækt að gera heilbrigðiskerfið  sambærilegt slíku kerfi á hinum Norðurlöndunum,ríkisstjórnin hefur vanrækt velferðarkerffið; sérstaklega framlög til aldraðra og öryrkja en þeir verst stöddu meðal þeirra búa við fátækramörk,geðheilbrigðisþjónusta við börn hefur verið vanræk, 6000 börn búa við fátækt á Íslandi og ekkert gert til þess að leysa vanda þeirra. Ríkisstjórnin hefur lækkað skattta á þeim efnameiri og sérstaklega á útgerðarmönnum en  hefur skattpínt láglaunafólk og lífeyrisþega.Hún hefur afnumið auðlegðarskatt.Ríkisstjórnin hefur aukið ójöfnuð í landinu og hefur engan áhuga haft á því að auka jöfnuð.Loks þegar þingið er á lokametrunum segja ráðherrarnir að bæta þurfi kjör aldraðra og öryrkja! Þeir eru ekki enn farnir að  efna öll kosningaloforðin við aldraða og öryrkja frá síðustu kosningum 2013.Stærstu loforðin eru óuppfyllt.Samt tala ráðherrarnir eins og þeir geti gefið þeim,sem þeir sviku, ný loforð korteri fyrir kosningar.Það er ekki unnt að taka mark á þeim, sem svíkja kosningaloforðin.

Einstakir þingmenn stjórnarmeirihlutans hafa slæma samvisku vegna þessara svika.Þeir sjá, að það er verið að níðast á þeim meðal aldraðra og öryrkja sem verst hafa kjörin.En þessir þingmenn hafa samt ekki manndóm í sér til þess að flytja frumvörp eða tillögur um stórhækkun lífeyris aldraðra og öryrkja svo unnt sé að framfleyta sér af þessum lífeyri.Sigríður Ingibjörg Ingadóttir þingmaður Samfylkingarinnar undirstrikaði það vel í umræðunum, að frv ríkisstjórnarinnar væri ekki að hækka lífeyri neitt hjá þeim,sem verst væru staddir.Bjarkey Olsen Gunnarsdóttir,þingmaður VG lagði einnig mikla áherslu á,að bæta þyrfti kjör aldraðra og öryrkja.

Björgvin Guðmundsson

pistlahöfundur


Ríkið hirðir mikið í skatta og skerðingar af atvinnutekjum skv frumvarpinu!

Samkvæmt frumvarpi ríkisstjórnarinnar um almannatryggingar eiga skerðingar lífeyris aldraðra hjá TR að halda áfram.Ég tel að afnema eigi þær með öllu.Skerðingar lífeyris aldraðra hjá TR vegna atvinnutekna aukast sem hér segir samkvæmt frumvarpinu sjálfu:

150 þús kr atv.tekjur    14.510 kr

250 þús. kr. atv. tekjur 17.363 kr.

300 þús. kr. atv. tekjur  18.787 kr

350 þús. kr. atv. tekjur  20.211 kr.

Auk þess hirðir ríkið háan skatt af atvinnutekjum,ca. 20% Þannig,að það er lítill ávinningur af því fyrir eldri borgara að fara út á vinnumarkaðinn. Frítekjumörk verða felld niður og  í staðinn kemur 45% skerðing.Framangreindar tölur sýna aðeins hvað skerðing eykst en ekki heildarskerðingu.Í dag er 109 þúsund kr frítekjumark vegna atvinnutekna en það verður fellt niður.Í staðinn kemur 45 þús kr skerðing af 100 þús kr.

Bjarni Benediktsson lofaði eldri borgurum því í bréfi að fella niður skerðingu vegna atvinnutekna. Hann hefur svikið það.Ég tel,að fella eigi niður allar skerðingar lífeyris TR vegna eldri borgara og ekki síst vegna lífeyrissjóða Aldraðir eiga  lífeyrinn sem þeir hafa   greitt í lífeyrissjóð. Og hvorki ríkið né Tryggingastofnun á að hafa leyfi til að seilast í þennan lífeyri.

Björgvin Guðmundsson

 

 


Er Bjarni orðinn krati?

Allt þetta kjörtímabil hefur Bjarni Ben barist eins og grenjandi ljón gegn kjarabótum til handa öldruðum og öryrkjum.Í þingræðu sagði hann,að lífeyrisþegar mættu ekki fá of miklar "bætur". Þeir mættu ekki fá hærri lífeyri en næmi lágmarkslaunum,þar eð þá yrði enginn hvati fyrir þá að fara út á vinnumarkaðinn!M.ö.o. Hann vildi reka aldraða, áttræða og et vil vill níræða út á vinnumarkaðinn!Það varð lýðum ljóst,að Bjarni Ben stóð gegn öllum kjarabótum til handa öldruðum og öryrkjum og til þeirra,sem minna mega sín. Jafnvel Eygló Harðardóttur ofbauð andstaða Bjarna Ben við kjarabætur lífeyrisþega og til velferðarmála yfirleitt.Fór hún í fjölmiðla og sagðist hafa átt í slagsmálum við fjármálaráðherra vegna andstöðu hans við kjarabætur aldraðra og öryrkja og andstöðu hans við framlög til velferðarmála yfirleitt. En nú korteri fyrir kosningar kemur Bjarni Ben hlaupandi og segist vilja bæta hag þeirra sem minna mega sín. Heldur hann að kjósendur séu fábjánar? Þetta er loddaraskapur á hæsta stigi.

Það glumdu í hádeginu fréttir um ,að Sjálfstæðisflokkurinn,skv frásögn Bjarna Ben, vildi nú bæta hag þeirra,sem minna mega sín.Maður gæti haldið að Bjarni væri orðinn krati!

Hvernig á nokkur maður að trúa Bjarna,sem er í farabroddi þeirra ráðherra,sem hafa svikið kosningaloforðin við aldraða og öryrkja frá síðustu kosningum og segir í umræðum,að hvítt sé svart og svart sé hvítt. Ég segi eins og Kári Stefánsson,þegar hann skrifaði um Bjarna: Það er ekki hægt að taka mark á þessum mönnum. 

Ef Bjarni Ben vill gera tilraun til þess að láta trúa sér þrátt fyrir fyrri svik ætti hann strax  á morgun að leggja fyrir alþingi frumvarp um 56 þúsund króna hækkun lífeyris aldraðra og öryrkja og koma því í gegn fyrir þinglok. Hann væri þá að efna eitt kosningaloforðið.Hann gæti gert tilraun með það.Ella trúir honum ekkki nokkur maður.

Björgvin Guðmundsson


Engin leið að lifa mannsæmandi lífi af því,sem stjórnvöld skammta þeim eldri borgurum,sem verst eru staddir

"Mér hefur runnið til rifja hvað illa er búið að þeim eldri borgurum,sem eingöngu hafa tekjur frá almannatryggingum.Ég sá fljótt,að engin leið var að lifa mannasæmandi lífi af því ,sem stjórnvöld skömmtuðu þessum hóp eldri borgara.Og það var eins og að tala við steinvegg að tala við stjórnvöld um að bæta kjör aldraðra og öryrkja.Það er alveg sama hvaða stjórnmálaflokkar eru við völd.Stjórnvöld virðast alltaf neikvæð gagnvart eldri borgurum.Þetta er mjög undarlegt,þar eð eldri borgarar hafa byggt upp  þjóðfélag okkar í dag og eiga stærsta þáttinn í þeim lífskjörum,sem við búum  nú við.En það er eins og ráðamenn telji þjóðfélagið ekki hafa efni á því að búa öldruðum sómasamleg lífskjör."

Svo segir í inngangi bókar minnar " Bætum lífi við árin,baráttan fyrir bættum kjörum aldraðra og öryrkja".Greinasafni. Það er úrval greina,sem ég hef skrifað í dagblöðin síðustu 12 árin.Greinarnar eru orðnar yfir 600 talsins. Bókin er komin í bókaverslanir.

Björgvin Guðmundsson


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband