Alvarleg mistök alþingis við lagasetningu um TR!

Alþingi samþykkti í gærkveldi afturvirka breytingu á lögum um almannatryggingar,þar eð talið var að gerð hefðu verið mistök við lagasetningu um TR síðasta haust.Vegna mistakanna í lagasetningunni átti Tryggingastofnun ekki að draga greiðslur úr lífeyrissjóði frá lífeyri TR eins og stefnt var að.Tryggingastofnun fór þó ekki eftir "ranga" lagatextanum  heldur fór í janúar og febrúar eftir lagatextanum eins og stofnunin taldi að hann ætti að vera en ekki eins og hann var.TR uppgötvaði mistök alþingis 20.janúar.En þá er spurningin: Má samþykkja afturvirka og íþyngjandi ráðstöfun gagnvart lifeyrisþegum eins og alþingi gerði í gærkveldi.Ég tel ekki.Ég tel,að það standist ekki.Arnar Þór Jónsson lektor við Háskólann í Rvk segir að færa megi góð rök fyrir því að afturvirknin sé ólögmæt, að því er Fréttablaðið segir. Gylfi Arnbjörnsson forseti ASÍ segir,að ekki megi krefja aldraðra og öryrkja um endurgreiðslu á því sem TR og alþingi telji að ofgreitt hafi verið.Hér sé um mistök alþingis að ræða sem þingið og TR verði að bera ábyrgð á. Ég er sammmála því.

 

Björgvin Guðmundsson

2760 mótmæltu í Mosfellsbæ! Óttar gerir ekkert!

Sólarhringsþjónusta Heilsugæslu Mosfellsbæjarumdæmis var lögð niður 1.febrúar.Læknavakt verður áfram kl. 4 e.h. en ef leita þarf læknis á kvöldin eða um helgar verður að fara á læknavaktina í Kópavogi.Þetta varðar um 10 þúsund manns í Mosfellsbæ,á Kjalarnes og í Kjós.Þetta er mikil skerðing á heilbrigðisþjónustu,þegar ný ríkisstjórn segist hafa heilbrigðismálin í forgangi.2760 mótmæltu þessari breytingu.Undirskriftalistar með mótmælunum voru afhentir heilbrigðisráðherra 21.febrúar sl. Óttar heilbrigðisráðherra sagðist koma upplýsingunum um mótmælin á framfæri.Hann virðist ekki átta sig á því,að það er hann sjálfur sem á að leysa úr málinu.Hann á ekki að koma því á framfæri við neinn annan.Þessu er komið á framfæri við hann.Til þess eru ráðherrar að leysa úr málum.Þeir eru ekki upp á punt.

 

Björgvin Guðmundsson

Lög brotin á öldruðum og öryrkjum 2015 og 2016

 

 

 

Á árinu 2015 urðu mjög miklar launahækkanir í þjóðfélaginu.Verkafólk samdi um 14,5% hækkun lágmarkslauna 1.mai.Framhaldsskólakennarar sömdu um 17% hækkun strax og 44% hækkun á 3 árum.Nýlæknar sömdu um 25% hækkun strax og læknar almennt sömdu um allt að 40 % hækkun á 3 árum.Grunnskólakennarar sömdu um 33% hækkun á 3 árum og 9,5% hækkun til viðbótar gegn afsali kennsluafsláttar.En þrátt fyrir allar þessar miklu launahækkanir hækkaði lífeyrir á árinu 2015 aðeins um 3%.Það var lögbrot,þar eð í lögum stendur að við ákvörðun um hækkun lífeyris eigi að taka mið af launaþróun og lífeyrir adrei að hækka minna en laun eða vísitala neysluverðs.En í stað þess að fara eftir þessu lagaákvæði  ákveða ráðamenn hér að hækka lífeyri eftir geðþótta og þeir komast upp með það.Þeir geta brotið á öldruðum og öryrkjum án þess að nokkur hreyfi legg eða lið og alþingi gerir ekkert.

Á árinu 2016 var ástandið lítið skárra.Laun hækkuðu um 6,2% 1.janúar 2016 og lífeyrir hækkaði þá um 9,7%.Laun hækkuðu síðan aftur í mai það  ár um 5,5% en lífeyrir hækkaði ekkert meira  á árinu.Á þessu ári voru hinir umdeildu úskurðir kjararáðs kveðnir upp en samkvæmt þeim voru  laun þingmanna,ráðherra og embættismanna ríkisins hækkuð upp úr öllu valdi og miklu meira en laun á almennum markaði höfðu hækkað um.Laun þingmanna hækkuðu alls um 55% á árinu og   fóru í 1,1 milljón á mánuði.Laun ráðherra hækkuðu um 35%,fóru í 1.8 milljónir hjá óbreyttum ráðherrum og í 2 millj á mánuði hjá forsætisráðherra.23.júní hækkuðu laun ákveðinna embættismanna um tugi prósenta,allt upp í 48% og launahækkunin gilti 18 mánuði aftur í tímann. Það er alveg ljóst,að lög voru aftur brotin á öldruðum og öryrkjum árið 2016. Það vantaði mikið á,að lífeyrir væri  að hækka á þvi ári í samræmi við launaþróun .- Þegar svona er níðst  ár eftir ár á kjörum aldraðra og öryrkja og ráherrar telja sig geta skammtað þeim einhverja hungurlús ,sem ekki dugar fyrir framfærslu; ég er að tala um þá sem eingöngu hafa lífeyri frá almannatryggingum,þá er tímabært að stofna embætti umboðsmanns aldraðra,sem mundi gæta hagsmuna aldraðra.

Björgvin Guðmundsson

 

Leiðrétta á lífeyri aldraðra og öryrkja frá 2009!

 

 

 

Enn eru hörð átök um úrskurð kjararáðs frá sl ári um stórhækkun launa þingmanna og ráðherra og embættismanna ríkisins.Rætt hefur verið hvað legið hafi til grundvallar úrskurði kjararáðs.Nefnt hefur verið,að það hafi átt að leiðrétta launin allt aftur til ársins 2009 og jafnvel aftur til 2006.Launin hafi verið skert fyrr á árum og ætlunin hafi verið að þau yrðu leiðrétt,þegar betur áraði.Þá vaknar spurningin: Verður ekki eitt yfir alla að ganga í þessu efni.Þarf ekki sað leiðrétta ölll laun a.m.k frá árinu 2009; það er ef þau hafi sætt skerðingu,frystingu eða  af öðrum ástæðum. Ég er þeirrar skoðunar.Og þar á meðal á að leiðrétta kjör aldraðra og öryrkja sem sættu skerðingu og frystingu i kreppunni. Ég tel raunar, að það eigi að hafa  algeran forgang að leiðrétta lífeyri aldraðra og öryrkja,þar eð lífeyrir þeirra sætti bæði skerðingu og frystingu í kreppunni og tveir stjórnmálaflokkar,Framsóknarflokkur og Sjálfstæðisflokkur lofuðu því fyrir þingkosningar 2013 að leiðrétta lífeyrinn af þessum sökum.Við .það  var ekki staðið.

Árin 2009 0g 2010 var lífeyrir aldraðra og öryrkja frystur vegna kreppunnar en á sama tímabili hækkuðu lágmarkslaun um 16%.Þetta var frekleg mismunun.Í byrjun 2011 árs fengu aldraðir og öryrkjar hungurlús,2.3% hækkun sem skipti engu máli.Með því að kjararáð notar það sem rökstuðning fyrir hækkun launa þingmanna í 1,1 milljón á mánuði ( 44% hækkun til viðbótar annarri hækkun fyrr á árinu) að það sé verið að  leiðrétta laun langt til baka ( frá 2009) er eðlilegt að kjör aldraðra og öryrkja séu leiðrétt langt til baka,frá 2009 a.m.k Það þýðir,að lífeyrir aldraðra og öryrkja á að hækka um 30%.Þessari leiðréttingu lofuðu Framsóknarflokkur og Sjálfstæðisflokkur fyrir kosningar 2013 en sviku það og bættu um betur; framkvæmdu nýja kjaragliðnun á stjórnartíma sínum.

Alþingismenn ættu að sjá sóma sinn i því að leiðrétta lífeyrir akdraðra og öryrkja eins og þeir eiga rétt á frá 2009 í stað þess að fjalla eingöngu um sín eigin laun.

 

Björgvin Guðmundsson

www.gudmundsson,net

 

Þurfum verkamannabústaði á ný og leiguíbúðir!

 

 

Það var mikið óheillaspor,þegar Páll Pétursson,ráðherra Framsóknarflokksins,lagði niður Verkamannabústaðakerfið.Hann gaf sölu á verkamannabústöðum frjálsar og hætti að byggja nýja verkamannabústaði.Það var Alþýðuflokkurinn, undir forustu Héðins Valdimarssonar, sem kom verkamannabústaðakerfinu á. Það voru reistar hentugar,ódýrar íbúðir fyrir láglaunafólk.Þetta framtak hafði gífurlega mikla þýðingu fyrr verkamannafjölskyldur og annað láglaunafólk.Byggingum verkamannabústaða,eða félagslegra íbúða, var haldið áfram allt þar til Páll Pétursson stöðvaði byggingarnar.

 Nú er komið í ljós, að það sárvantar slíkar íbúðir.Það  vantar á markaðinn ódýrar,tiltölulega litlar íbúðir fyrir lálaunafólk og þar á meðal fyrir ungt fólk, sem er að byrja búskap.Unga fólkið ræður ekki við að kaupa íbúðir á frjálsum markaði í dag.Það getur ekki greitt þá útborgun sem tilskilin er. Kröfur um eigið fé við íbúðakaup voru hertar eftir hrunið og svo virðist sem kröfur í því efni séu of miklar.Ef til vill tengist það einnig því, að íbúðir á markaðnum eru of stórar og of dýrar. Það vantar minni,ódýrari íbúðir, sem ungt fólk réði fremur við að kaupa.

 Ljóst er,að eins og staðan er í dag í húsnæðismálunum, verður húsnæðisvandinn ekki leystur  nema með afskiptum hins opinbera,m.a. miklu framboði á leiguíbúðum.Reykjavíkurborg hefur áttað sig á þessu.Borgin hefur lagt áherslu á að úhluta nægilega mörgum lóðum undir leiguíbúir og hefur greitt fyrir því En einnig hefur borgin stuðlað að byggingu eignaríbúða.Borgin leggur mikla áherslu á þéttingu byggðar, þar eð það er miklu ódýrara fyrir íbúana að búa á eldri  svæðum, þar sem öll þjónusta er fyrir hendi og samgöngukostnaður minni, jafnvel ekki þörf á bíl.En einnig hefur borgin úthlutað lóðum á nýjum svæðum í útjaðr borgarinnari og í úthverfum.Það þarf verkamannabústaði á ný,félagslegar íbúðr.

Það vakti athugli,þegar stjórnarsáttmáli nýrrar ríkisstjórnar sá dagsins ljós,að ekki var orð um húsnæðismál í sáttmálanum.Það bendir til þess,að ríkisstjórnin hafi ekki skilning á því hve vandinn í húsnæðismálunum er mikill. Ríkisstjórnin verður að láta málið til sín taka.Helst þyrfti að hefja byggingu margra félagslegra íbúða á ný( verkamannabústaða) en það eru litlar vonir til þess, að sú hægri stjórn,sem nú situr geri það.Samkvæmt samkomulagi ríkisstjórnarr og verkalýðshreyfingar í síðustu kjarasamningum lofaði ríkið að byggðar yrðu 600 íbúðir á ári.Ríkisstjórnir hafa dregið  lappirnar i málinu. Óvissa ríkir um það hvort staðið verður við þetta loforð.Ríkisstjórnin gæti byrjað á því að  standa við samkomulagið við verkalýðshreyfinguna.Nýi félagsmálaráðherrann talar mikið.En það er ekki nóg. Það þarf athafnir.

Björgvin Guðmundsson

 

Kjörum verst stöddu launamanna og aldraðra haldið niðri.Óásættanlegt launamisrétti

 

 

Ástandið á Íslandi í dag er á margan hátt orðið svipað og það var árið 2007 skömmi fyrir bankahrunið. Eyðsla landsmanna er orðin gegndarlaus í dag eins og hún var 2007; utanlandsferðir landsmanna eru  í hámarki, bílasala meiri en áður og verslun öll í hæstu hæðum.. Þá eru bónusar i bönkum byrjaðir aftur og laun toppanna í þjóðfélaginu hafa verið hækkuð upp úr öllu valdi.Sagt var frá því nú um helgina, að laun forstjóra Orkuveitu Reykjavíkur hefðu verið hækkuð í 2,8 milljónir á mánuði.Hafa laun hans hækkað um 108% frá 2011.Ráðherrar fengu á síðasta ári 35% hækkun og laun þeirra hækkuðu í rúmar 2 milljónir á mánuði, þingmenn fengu 55% hækkun á árinu og hækkuðu í 1,1 milljón á mánuði en við bætast alls konar aukasporslur. Bankastjórar eru með himinhá laun og verkalýðsforingjar eru með margfallt hærri laun en launafólkið,sem þeir eru að berjast fyrir og það sama er að segja um laun forstöðumanna atvinnurekenda. Forseti ASÍ  var með  1127 þús kr á mánuði í laun  2011 en telja má,að launin séu í dag um 1,5 millj á mánuði. Á sama tíma eru lágmarkslaun verkafólks 257 þús kr á mánuði.Lífeyrir aldraðra er aðeins 197 þúsnd kr á mánuði hjá þeim,sem eru í hjónabandi eða í sambúð og einungis hafa tekjur frá TR.Þeir eldri borgarar sem eru einhleypir hafa 227 þús kr á mánuði, í báðum tilvikum eftir skatt.

Misræmið í launamálum í þjóðfélaginu er óásættanlegt.Launum láglaunafólks  og lífeyri aldraðra og öryrkja  er haldið niðri en topparnir i þjóðfélaginu raka til sín háum launum.Þeir taka til sín miklu hærri laun en þeir þurfa á að halda.Eyðslustefna og græðgisvæðing er  í algleymingi á ný.Ef gegndarlaus eyðslustefna heldur áfram er hætta á nýju hruni.Þróunin í dag er mjög varasöm.

Björgvin Guðmundsson

 

Græt ekki örlög SALEK

Gylfi Arnbjörnsson forseti ASÍ segir í viðtali við Fréttatímann,að SALEK sé úr sögunni a.m.k. um skeið.Úrskurður kjararáðs um gífurlegar launahækkanir,einkum þingmanna,hafi gert út af við það.Verkalýðshreyfingin ætli ekki að láta láta láglaunafólk bera ábyrgð á stöðugleikanum.Gylfi segir ennfremur í þessu viðtali, að það hafi orðið forsendubrestur vegna úrskurðar kjararáðs.Mikil er ábyrgð alþingis og ríkisstjórnar.Eru Piratar þeir einu sem átta sig á þessu?

 ASÍ,SA og fyrrverandi ríkisstjórn  töldu,að þau hefðu höndlað  stóra sannleik með því að taka upp eftir hinum Norðurlöndunm eitthvað módel í kjaramálum sem nefnt hefur verð SALEK.En það var stór galli á gjöf Njarðar.Á hinum Norðurlöndunum eru lægstu laun viðunandi en svo er ekki hér.Áður en tekið er upp svonefnt SALEK módel hér þarf að leiðrétta lægstu laun.Þau þurfa að vera þannig,að unnt sé að lifa sómasamlegu lífi af þeim en svo er ekki í dag.Það er ekki unnt að komast af á lægstu launum nema með mikilli yfirvinnu.SALEK gengur út á það,að laun hækki aldrei meiri en nemur aukinni þjóðarframleiðslu.En þá er gengið út frá því,að tekjuskiptingin í þjóðfélaginu sé í lagi. En svo er ekki á Íslandi.Áður en SALEK er tekið upp hér þarf að leiðrétta lægstu laun.Fyrr er ekki unnt að taka upp slikt model. Í rauninni þýðir SALEK það,að samningsrétturinn er í raun tekinn af verkalýðsfélögunum.ASÍ stökk of fljótt á þetta fyrirkomulag.Fyrst verður ASÍ að leiðrétta lægstu laun í þjóðfélaginu.Síðan er spurning hvort SALEK hentar á Íslandi.Alla vega á eftir að laga mikið í kjaramálum og tekjuskiptingu hér áður en það kemur til greina. Þetta ætti ASÍ að vita. Ég grætt ekki SALEK.Það má fara mín vegna.

 

Björgvin Guðmundsson

www.gudmundsson.net

Enn engir nýir peningar í heilbrigðiskerfið!

 

 

 

RUV, Rás 2, átti viðtal við Óttar Proppe,heilbrigðisráðherra í gær.Lagt var út af því, að heilbrigðiskerfið hafi átt að vera í fongangi hjá nýrri ríkisstjórn.Dagskrármenn spurðu hvað liði framkvæmd á þessu stefnumáli.Óttar Proppe svaraði með því að skreyta sig með gömlum málum eins og því, að 1.mai kæmi nýtt greiðsluþáttökukerfi, sem samþykkt var á síðasta kjörtímabili og hann sagði, að bygging nýs Landspítala væri hafin, m.a. sjúkrahótel.Varðandi nýtt og aukið fjármagn til heilbrigðiskerfisins sagði Óttar Proppe, að það yrði unnið í fjármálaáaætlun fram til 1.apríl og síðan yrði unnið í fjárlögum fyrir hvert ár. Með öðrum orðum: Þegar rætt er um ný fjárframlög til heilbrigðismála svarar ráðherra með því að tala um fjármálaáætlun til 5 ára.Heilbirgðisráðherra getur ef til vill drepið málinu á dreif um skeið með því að tala um gamlar samþykktir og 5 ára áætlun fram í tímann. En fyrr eða síðar verður hann að svara því hvort ríkisstjórnin ætli að láta eitthvað nýtt fjármagn í heilbrigðiskerfið.Bjarni Benediktsson sagði ,þegar stjórnin var mynduð, að svo yrði ekki. Það yrði ekki látið neitt nýtt fjármagn í heilbrigðiskerfið.Undir það tók nýr fjármálaráðherra og sagði,að það yrði að duga að treysta á hagvöxtinn.

Óttar Proppe var spurður að því hver afstaða hans væri til aukins einkareksturs í heilbrigðiskerfinu og hver afstaða hans væri til nýs frumvarps um áfengismál.Óttar svaraði því til, að hann væri ekki hlynntur auknum einkarekstri í heilbrigðiskerfinu.Varðandi áfengismálin sagði Óttar, að  hann vildi ekki bæta aðgengi að áfengi.Hins vegar væri hann ekki enn búinn að taka afstöðu til frumvarpsins um áfengismálin,sem  lægi fyrir alþingi.Gott væri að heyra afstöðu ráðherra.

Björgvin Guðmundsson

www.gudmundsson,net

 

Húsnæðisbætur aldraðra og öryrkja skertar!

 

 

 

Útreikningi húsnæðisbóta hefur verið breytt á þann veg,að nú eru allar lífeyrisgreiðslur  aldraðra og öryrkja frá Tryggingastofnun taldar með tekjum við útreikning bótanna en áður voru greiðslur frá Tryggingastofnun ekki taldar með tekjum við könnun á því hvort aldraðir og öryrkjar ættu rétt á húsnæðisbótum. Hafa margir aldraðir og öryrkjar orðið fyrir verulegri kjaraskerðingu af þessum sökum.Húsaleiga hefur hækkað mikið og þess vegna er þessi breyting á útreikningi mjög tilfinnanleg.

 Margir aldraðir og öryrkjar hafa haft samband við samtök sín út af þessu; aldraðir hafa m.a. rætt við Félag eldri borgara í Reykjavík og öryrkjar við Öryrkjabandalag Íslands.Þeir hafa kvartað yfir því,að þeir standi verr að vígi núna en áður. Lífeyrir (bætur) frá almannatryggingum var ekkki talinn með tekjum áður við útreikning á  húsnæðisbótum.Breytingin er rökstudd með því, að atvinnuleysisbætur og  fleiri bætur séu taldar með tekjum í þessu sambandi.Það er með ólíkindum hvað stjórnvöld eru fundvís á leiðir til þess að skerða kjör aldraðra og öryrkja.Þeim dugði ekki að skerða kjör þeirra,sem voru á vinnumarkaði heldur þurftu þau einnig að skerða húsnæðisbætur aldraðra og öryrkja!

 

Björgvin Guðmundsson

www.gudmundsson.net

 

Umboðsmaður alþingis hlutdrægur?

Svandís Svavarsdóttir þingmaður VG fór fram á það við umboðsmann alþingis,að hann kannaði hvort fjármálaráðherra,fyrrverandi,Bjarni Benediktsson,hefði brotið siðareglur ráðherra með því að stinga undir stól tveimur skýrslum, sem áttu erindi við almenning og voru tibúnar fyrir síðustu alþingiskosningar en Bjarni birti skýrslurnar ekki fyrr en eftir kosningar.Umboðsmaður alþingis,Tryggvi Gunnarsson,vísaði málinu snarlega frá með þeim ummælum að Bjarni hefði sagt,að um mistök hefði verið að ræða.Þetta er furðuleg afgreiðsla og hlutdræg. 

Í siðareglum ráðherra segir:

Ráðherra leynir ekki upplýsingum sem varða almannahag nema lög bjóði eða almannahagsmunir krefjist þess að öðru leyti. Ráðherra ber að hafa frumkvæði að birtingu slíkra upplýsinga sé hún í almannaþágu.

Það er alveg ljóst,að Bjarni braut framangreint ákvæði.Og umboðsmaður aþingis mundi ekki taka það gilt frá hverjum sem væri,að hann segði,að sér hefðu orðið á mistök.Ekki dugði það hjá Hönnu Birnu fyrrverandi innanríkisráðherra.Umboðsmaður alþingis,Tryggvi Gunnarsson hundelti hana og þeir Bjarni Ben hættu ekki fyrr en þeir höfðu hrakið hana úr embætti.Þó hafði hún ekkert brotið af sér heldur undirmaður hennar.Það dugði ekki fyrir Hönnu Birnu að segja,að um mistök hefði verið að ræða.

Yfirleitt geriir umboðsmaður alþingis ekki neitt.Til dæmis hefur Landssamband eldri borgara snúið sér til umboðsmanns og kvartað yfirt lögbrotum við afgreiðslu alþingis og ráðherra á kjaramálum aldraðra og á mannréttundabrotum gagnvart eldri borgurum en umboðsmaður hefur ekkert gert í málum eldri borgara.Hins vegar fékk hann aukinn kraft og áhuga,þegar hann hundelti Hönnu Birnu og hætti ekki fyrr en hún sagði af sér.Það var líkast því að umboðsmaður væri að vinna fyrir Bjarna Ben að því að koma Hönnu Birnu frá,þar eð um tíma var hún vinsælli í flokknum en Bjarni og ógnaði veldi hans.

Í sambandi við skýrslurnar,sem Bjarni stakk undir stól er alveg ljóst,að umboðsmaður gætti hagsmuna Bjarna.Höfum við eitthvað við þetta embætti að gera?Umboðsmaður fékk strax sömu kauphækkun og  þingmenn og ráðherrar en umboðsmaður sá ekkert athugavert við það,að kjörum aldraðra og öryrkja væri haldið við hungurmörk,þ,e þeim sem eingöngu hafa lífeyri frá TR.

Leggjum þetta embætti niður og stofnum í staðinn embætti umboðsmanns aldraðra.

 

Björgvin Guðmundsson