Þriðjudagur, 28. júlí 2015
Lífeyrir á að hækka eins og lægstu laun
Stjórnmálaflokkarnir hafa í orði a.m.k. sagt,að lífeyrir aldraðra og öryrkja ætti að hækka í samræmi við hækkanir á lægstu launum.Þannig samþykkti Sjálfstæðisflokkurinn á landsfundi 2013,rétt fyrir alþingiskosningarnar,að leiðrétta ætti ellilífeyri strax til samræmis við þær hækkanir,sem orðið hefðu á lægstu launum síðan í byrjun árs 2009.Það skýtur því skökku við, þegar Bjarni Benedktsson formaður Sjálfstæðisflokksins vill nú hækka lífeyri aldraðra og öryrkja miklu minna en lægstu laun.Verkafólk hefur samið um 28% hækkun á launum sínum á 3 árum en Bjarni vill aðeins láta aldraðra og öryrkja fá 8,9% hækkun eða tæplega þriðjung af því,sem láglaunafólk fær.Auk þess vill Bjarni og ríkisstjórnin draga lífeyrisþega í 8 mánuði á leiðréttingu á lifeyri sínum.Verkafólk fékk 31 þúsund kr. hækkun a launum sínum 1.mai sl. en aldraðir og öryrkjar eiga ekki að fá neina hækkun fyrr en næsta ár og þá eiga þeir að fá hungurlús. Það gengur ekki.
Björgvin Guðmundsson
Meginflokkur: Stjórnmál og samfélag | Aukaflokkur: Bloggar | Facebook
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.