Inga Sæland var sigurvegari kosninganna

Úrslit alþingiskosninganna urðu þau,að Sjálfstæðisflokkurinn fékk 25,1% atkvæða og 16 þingmenn,tapaði 3,9% og 5 þingmönnum.VG hlaut 16,74% og 11 þingmenn,bætti við sig 1 þingmanni; hafði 15,9% og 10 þingmenn,,Samfylkingin hlaut 12,2% og 7 þingmenn,bætti við sig 4 þingmönnum; hafði 5,7% ,Miðflokkurinn hlaut 10,7% og 7 þingmen,Framsókn hlaut 10,8% og 8 þingmenn,héldu þingmannatölu sinni,höfðu 11,5% atkvæða,Piratar hlutu 9,4% og 6 þingmenn.,höfðu 10 þingmenn og 14,5% atkvæða,Flokkur fólksins hlaut 7,4% og 4 þingnenn,voru sigurvegarar kosninganna,Viðreisn hlaut 6,5% og 4 þinmenn,höfðu 10,5% og 7 þingmenn og Björt framtíð hlaut 1,1% og engan þingmann.- Sigurvegari kosninganna er tvímælalaust Inga Sæland og flokkur hennar. Hún talaði það vel fyrir aldraða og öryrkja og þá sem minna mega sín í leiðtogaviðræðum RUv,að hún vann mikið fylgi á lokametrunum og hefur sennilega tekið þá frá Samfylkingu og Vinstri grænum..

Björgvin Guðmundsson

 

Afnema á tekjuskerðingar í kerfi almannatrygginga

Í síðustu grein minni lagði ég fram tillögu um hækkun lífeyris aldraðra.Í þessari grein fjalla ég um tekjutengingar,tekjuskerðingar í kerfi almannatrygginga.Ég legg til,að þessar skerðingar verði afnumdar í áföngum.Skerðingarnar eru orðnar svo miklar, að þær eru að eyðileggja almannatryggingakerfið.Alvarlegastar eru þessar skerðingar vegna greiðslna úr lífeyrissjóðum.Það er dregið svo mikið af lífeyri eldri borgara hjá Tryggingastofnun, ef þeir fá greiðslur úr lífeyrissjóði, að heildarútkoman verður eins og þeir hafi aldrei greitt í lífeyrissjóð. Árið 1969 lýsti Alþýðusamband Íslands því yfir, að lífeyrissjóðirnir ættu að vera viðbót við almannatryggingarnar.Launþegar hófu að greiða í lífeyrissjóðina í trausti þess, að lífeyrir úr lífeyrissjóðunum kæmi til viðbótar lífeyri frá almannatryggingum, þegar launþegar, sjóðfélagar, færu á eftirlaun. En þetta hefur verið svikið. Í mörgum tilvikum fá eldri borgarar, sem greitt hafa í lífeyrissjóð alla sína starfsævi, ekkert meira úr eftirlaunakerfinu,TR og lífeyrissjóði samanlagt en ef þeir hefðu aldrei greitt  neitt í lífeyrissjóð.Eldri borgarar, sjóðfélagar í lífeyrissjóðunum, hafa verið sviknir. Lífeyrir, sem samsvarar lífeyri úr lífeyrissjóði, hefur verið gerður upptækur.Þetta er „eignaupptaka“. Þessu verður að linna.Best er að afnema þessa skerðingu í 2-3 áföngum.Það skiptir engu máli þó þetta kosti ríkið talsverða fjármuni. Ríkið er áður búið að spara stórfé með skerðingu. Nú er komið að skuldadögum hjá ríkinu. Það verður að greiða til baka.

Aðrar helstu skerðingar í kerfinu eru skerðing tryggingalífeyris vegna atvinnutekna og skerðing vegna fjármagnstekna.Fyrir væntalegar alþingiskosningar hefur mest verið rætt um skerðingu vegna atvinnutekna.Það hefur verið rætt mikið um frítekjumark vegna atvinnutekna, þar eð það var lækkað um síðustu áramót úr 109 þúsund kr á mánuði í 25 þúsund  á mánuði. Og nú vilja allir stjórnmálamenn hækka það á ný; flestir nefna 100 þúsund kr í því  sambandi. Hvers vegna er svona mikið rætt um skerðingu vegna atvinnutekna nú. Jú,það er vegna þess,að fyrrverandi ríkisstjórn og sú,sem er að fara frá, ræddu það mikið, að þær vildu greiða fyrir atvinnuþátttöku eldri borgara. Það skaut því skökku við, að í stað þess að greiða fyrir atvinnuþátttöku var hún torvelduð með því að lækka frítekjumarkið.En hvers vegna þarf frítekjumark vegna atvinnutekna. Hvers vegna er það ekki frjálst fyrir eldri borgara að vinna, ef þeir hafa heilsu til   án þess að ríkið skerði lífeyrinn hjá almannatryggingum á móti. Ef eldri borgari fer úr á vinnumarkaðinn og aflar tekna tekur ríkið skatt af því og þess vegna kostar það sáralítið fyrir ríkið að standa undir lífeyri til þessa eldri borgara.Ríkið fær þá skatt á móti. Ég tel þess vegna að afnema eigi með öllu skerðingu lífeyris TR  vegna atvinnutekna eldri borgara. Það er plús fyrir ríkið, ef eldri borgari vill og getur aflað atvinnutekna.

Ef til vill er spurning hvort afnema á einnig skerðingu tryggingalífeyris vegna fjármagnstekna.Ég tel  það vel koma til greina.Fjármagnstekjur eldri borgara stafa iðulega af því að eldri borgarinn hefur  verið að minnka við sig húsnæði; hefur selt stærra húsnæði og keypt minna húsnæði í staðinn og lagt mismuninn í banka.Það er alltaf verið að hvetja eldri borgara til þess að minnka við sig húsnæði á efri árum.En ef ríkið læsir krumlunni í þá fjármuni sem eldri borgarar geta sparað og lagt í banka, hvetur það ekki til þess að eldri borgarar minnki við sig húsnæði.

Niðurstaðan er þessi: Afnema á allar tekjutengingar eins og sumir stjórnmálamenn hafa raunar lofað án þess að standa við það.Skerðingar vegna atvinnutekna á að afnema strax, í einu lagi. En aðrar skerðingar mætti afnema í áföngum.

Nú eru aðeins nokkrir dagar til þingkosninga.Talsvert er rætt um það, að lífeyrir dugi ekki fyrir framfærslukostnaði og hópur aldraðra búi við fátækt.Hækka verður lífeyri, ef tryggja á að lífeyrir dugi fyrir framfærslukostnaði og fátækt verði bægt frá.Mín tillaga er að lífeyrir hækki í 320 þúsund kr á mánuði eftir skatt. Það er lágmark.Skerðingar vegna atvinnutekna á að afnema strax..

Björgvin Guðmundsson

.

 

Þurfum þáttaskil í málefnum aldraðra og öryrkja!

 

Það er eitthvað mikið að í íslensku samfélagi.Ár eftir ár, þing eftir þing, er það látið dankast, að kjör aldraðra og öryrkja séu við fátæktarmörk.Á alþingi hreyfir enginn legg né lið í málinu.Þegar lagt var til á alþingi,að aldraðir og öryrkjar fengju afturvirkar kjarabætur eins og flestar aðrar stéttir bundust þingmenn samtökum um að fella það! Hvað er til ráða? Hvernig á að knýja það fram, að aldraðir og öryrkjar, sem eingöngu hafa lífeyri frá almannatryggingum, fái mannsæmandi kjör.Það er ekki auðvelt verkefni.En það verður að ráðast í það og það verður að takast.Sómi Íslands liggur við.

Hætta á smáskammtalækningum

Það er kominn tími til þess að það verði þáttaskil í málefnum aldraðra og öryrkja.Það er tímabært að hætta smáskammtalækningum og kominn tími á að bæta kjör þessara aðila það myndarlega, að þeir finni fyrir breytingunni og geti lifað með reisn í framhaldinu. Um síðustu áramót fengu aldraðir í hjónabandi og í sambúð 12 þúsund króna hækkun á mánuði og voru eftir breytinguna áfram með lífeyri undir 200 þúsund kr á mánuði eftir skatt.Skammarleg upphæð.Sú upphæð átti að duga fyrir mat,fatnaði,húsnæðiskostnaði,samgöngukostnaði ( rekstri biðfreiðar eða strætisvöngnum),síma,fjarskiptakostnaði,hreinlætisvörum,lækniskotnaði,lyfjakostnaði o.fl Hver maður sér, að enginn leið er að láta þetta dæmi ganga upp.Enda er það svo í reynd, að eldri borgarar, sem eru á þessum kjörum,verða að neita sér um að fara til læknis,eða láta vera að leysa út lyf og mörg dæmi eru um að eldri borgarar hafi hringt í Félags eldri borgara í Reykjavík í lok mánaðar og sagt, að þeir ættu ekki fyrir mat.Hvernig má það vera, að velferðarþjóðfélagið Ísland svelti sína eldri borgara með því að skammt þeim svo naumt, að þeir eigi ekki fyrir mat.

Uppsafnaður vandi aldraðra

Það er búið að draga það svo lengi að lagfæra kjör aldraðra og öryrkja, að það er orðinn uppsafnaður vandi. Það verður um leið og nýtt alþingi kemur saman að leysa vanda þessa fólks og ekki með smáskömmtum, heldur með myndarlegum aðgerðum sem dugi og leysi vanda fólksins. Ísland hefur efni á því. Hér eru nokkur atriði til leiðbeiningar í því sambandi: Þegar þing kemur saman á að samþykkja myndarlega hækkun á lífeyri aldraðra og öryrkja.Þessi hækkun á að taka gildi strax. Það á ekki að segja, að lífeyrir muni hækka um næstu áramót. Það er of seint. Það hefur verið viðtekin venja að fresta alltaf aðgerðum fyrir aldraða og öryrkja.En hjá öðrum stéttum koma hækkanir alltaf strax og oft eru þær einnig afturvirkar. Til greina kemur að hækkun til aldraðra og öryrkja yrði afturvirk.Hækkun lífeyris aldraðra og öryrkja þarf að vera það mikil, að hún dugi. Ég hef sett fram þá tillögu, að lífeyrir aldraðra einhleypinga hækki í 425 þúsund kr fyrir skatt á mánuðien það jafngildir 320 þúsund kr eftir skatt. Þetta er lágmarksbreyting. Ef til vill þyrfti hækkunin að vera meiri.En samhliða mætti auka húsnæðisstuðning við þá eldri borgara,sem ekki eiga eigið húsnæði. Staða þeirra eldri borgara,sem þurfa að leigja eða eiga skuldsett húsnæði er miklu verra en hinna,sem eiga skuldlaust eða skuldlítið húsnæði.Á öllum hinum Norðurlöndunum er mikill húsnæðisstuðningur við eldri borgara.-Ég skora á frambjóðendur til alþingis að taka mál aldraðra og öryrkja upp og leiðrétta mál þeirra á alþingi.

Björgvin Guðmundsson

 

Birt í Mbl. 20.oktober 2017

 

www.gudmundsson.net

: 

 

Lögbann á umfjöllun um fjármál Bjarna Ben.!

Sýslumaðurinn á höfuðborgarsvæðinu setti lögbann á umfjöllun Stundarinnar um fjármál Bjarna Benediktssonar hjá Glitni banka..Málið hefur vakið mikla athygli enda hefur það ekki gerst áður,að lögbann væri sett á umfjöllun um störf stjórnmálamanna.Margir munu hafa hugsað,að ef til vill stæði Bjarni sjálfur á bak við þetta lögbann en upplýst var, að það hefði verið þrotabú Glitnis sem bað um lögbannið. Loks þegar Bjarni tjáði sig um málið sagi Bjarni ,að lögbannið væri út í hött og lýsti sig alveg andvígan því.

Þetta inngrip sýslumanns í störf frjáls fjölmiðils minnir óneitanlega á einræðisríkin í S-Ameríku og Sovetríkin gömlu. Í öllum þessum ríkjum hafa fjölmiðlar verið bannaðir eða stjórnvöld stýrt því hvað birt væri í þeim.Það er óneitanlega undarlegt,að þrotabú Glitnis skuli krefjast lögbanns á umfjöllun um Bjarna Ben rétt fyrir kosningar.Sérfræðingar telja,að lögbannið haldi ekki og dómstólar muni ekki staðfesta það. Helga Vala Helgadóttir þingframbjóðandi sagði hjá RUV í morgun,að Bjarni Ben gæti óskað eftir því að lögbanninu væri aflétt að því er hann varðaði. Fróðlegt verður að sjá hvort hann geri það.

Björgvin Guðmundsson

Hafa flokkarnir engan áhuga á málum aldraðra?

Árið 2018 eiga lágmarkslaun að hækka í 300 þúsund á mánuði fyrir skatt,þ.e.242 þúsund kr eftir skatt. Það er 12 þúsund kr hækkun frá  fjárhæð lífeyris eftir skatt í dag,miðað við einstaklinga.Flestir flokkanna hafa sagt í aðdraganda kosninga,að þeir vilji að lífeyrir aldraðra fylgi lágmarkslaunum,Það vill segja,að þeir vilja hækka lífeyri um 12 þúsund kr á mánuði eftir skatt hjá þeim,sem eingöngu hafa tekjur frá almannatryggingum.Stórhugurinn er ekki meiri.Það er uppsveifla í efnahagslífi þjóðarinnar; sumir stjórnmálamenn kalla þetta góðæri.En finna lægst launuðu aldraðir og öryrkjar fyrir góðæri.Ég held ekki.Yfirstéttin finnur fyrir því og millistéttin líka en lægst launuðu aldraðir og öryrkjar ekki. Væri ekki rétt að flokkarnir tækju sig á og bættu kjör aldraðra og öryrkjar svo myndarlega að þeir gætu lifað mannsæmandi lífi. Flokkarnir þurfa að svara því hvað 

þeir vilja hækka lífeyri mikið í krónum.Kjósendur eiga skilið að fá að vita það.

Björgvin Guðmundsson

Óli Björn: Lífeyrir má ekki vera of hár!

Í fyrra,þegar eldri borgarar héldu 1000 manna fund í Háskólabíó,var Bjarni Benediktsson fulltrúi Sjálfstæðisflokksins á fundinum og var púaður niður! Bjarni ætlaði ekki að taka áhættuna af því aftur og sendi því Óla Björn Kárason,þingmenn á fundinn.Óli Björn var skýrmæltur á  fundinum og hafði greinilega lært rulluna sína vel.Hann fór með sömu rullu og Bjarni á alþingi:Lífeyrir aldraðra má ekki verða hærri en lágmarkslaun.M.ö.o: Lágmarkslaun verkamanna eru við hungurmörk og þá verður lífeyrir líka að vera við hungurmörk! Metnaðarfull stefna! Sem betur fer eru aðeins fáir á lágmarksklaunum,eða aðeins 5% verkafólks.Hinir fara strax a hærri taxta.Það er út í hött að miða við taxta sem tæpast er til. Óli Björn sagði,að það kæmi ekki til greina að aldraðir fengju hærri lífeyri en næmi lágmarkslaunum! Sem sagt: Ef verkalýðshreyfingunni tekst ekki að lyfta lægstu launum í mannsæmandi laun  á að halda lífeyri einnig niðri.Stefna Óla var vissulega skýr.

Ég segi: Vissulega má lífeyrir aldraðra vera hærri en lágmarkslaun.Það sem skiptir máli er að lifeyrir og lágmarkslaun dugi fyrir framfærslu og mannsæmandi lífi. En á það vantar mikið,að svo sé í dag.Aldraðir,sem búnir eru að vinna alla ævi, eiga það vissulega inni hja þjóðfelaginu að fá rólegt og óhyggjulaust ævikvöld.Þeir eiga að geta lifað með reisn og ekki að þurfa að horfa i hvern aur.

 

Björgvin Guðmundsson

www.gudmundsson.net

Falleg orð um eldri borgara duga ekki,það þarf athafnir

Það  var ekki mikið rætt um málefni aldraðra og öryrkja í leiðtogaumræðunum í fyrrakvöld.En nokkur falleg orð féllu um kjaramál aldraðra. En falleg orð duga ekki. Það þarf athafnir.Fyrir kosningarnar í fyrra létu frambjóðendur Viðreisnar og Bjartrar framtíðar mörg falleg orð falla um eldri borgara. En það gerðist ekkert.Ríkisstjórnin,sem þessir flokkar settust í með Sjálfstæðisflokknum, gerðu ekkert í kjaramálum aldraðra. Þeir bönnuðu eldri borgurum að vinna,gagnstætt því sem lofað hafði verið!

 

Björgvin Guðmundsson

Aldraðir fá 197 þúsund á mánuði,ráðherrar 1.8 millj kr.!

Bjarni Benediktsson formaður Sjálfstæðisflokksins og fráfarandi forsætisráðherra sagði í leiðtogaviðræðum í gærkveldi,að ríkisstjórnir,sem hann hefði setið í undanfarið,hefðu hækkað lífeyri aldraðra gríðarlega mikið!Lífeyrir hækkaði um 12 þúsund kr á mánuði um síðustu áramót.Hækkunin var 6,5%.Lífeyrir hækkaði í 197 þúsund kr á mánuði eftir skatt,þ.e. hjá þeim sem eingöngu hafa tekjur frá TR.Ráðherrar og þingmenn fengu 45% hækkun.Þingmenn hækkuðu í 1,1 milljón kr. á mánuði og ráðherrar hækkuðu í 1,8 milljón kr á mánuði,fyrir skatt.Forsætisráðherra fór í rúmar 2 millj. Þetta er fyrir utan aukasporslur og hlunnindi.

Embættismenn hækkuðu svipað eða  mun meira. Ríkisstjórn Bjarna hefur á þessu ári talið 197 þúsund á mánuði nægan lífeyri fyrir aldraða í hjónabandi.Það er við hungurmörk í velferðarríkinu.

 

Björgvin Guðmundsson

Vill VG í stjórn með Sjálfstæðisflokknum?

Katrín Jakobsdóttir gagnrýndi Sjálfstæðisflokkinn á landsfundi VG í gær. En í viðtali við blaðamann eftir fundinn hvaðst hún ekki útiloka stjórnarsamstarf við neinn flokk.Hún heldur því opnu samstarfi við Sjálfstæðisflokkinn einnig.Hvers vegna? Samkvæmt skoðanakönunum munu félagshyggjuflokkarnir fá meirihluta á alþingi.Kjósendur eru ekki að stórefla VG til þess að mynda stjórn með Sjálfstæðisflokknum.Ef VG myndar tveggja flokka stjórn með Sjálfstæðisflokknum hrynur fylgið af VG. Það þarf enga tilraun til þess að athuga það. Bæði Alþýðuflokkurinn og Framsókn hafa reynt þetta og tapað miklu á samstarfi við Sjálfstæðisflokkinn. Og við sjáum nú útreið Bjartrar framtíðar og Viðreisnar eftir samstarfið við Sjálfstæðisflokkinn.

Björgvin Guðmundsson

Meðallaun 667 þúsund á mánuði.Aldraðir með 228 þús í lífeyri ( 197 þús eftir skatt)

Samkvæmt nýrri launarannsókn Hagstofunnar,sem birt var í gær, eru meðallaun launamanna í landinu 667 þúsund kr á mánuði fyrir skatt.Til sanmanburðar má nefna að lífeyrir aldraðra (kvæntra)er 228 þús, kr á mánuði fyrir skatt,197 þús eftir skatt.Fjórðungur launamanna er með 470 þúsund kr eða minna  á mánuði.Forstjórar fyrirtækja voru með hæstu heildarlaun að meðaltali 2016 eða 1620 þúsund kr á mánuði.Dómarar komu næst á eftir þeim með 1442  þús kr.( Alþingismenn eru með 1.1 milljón kr. á mánuði og ráðherrar með 1,8 milljón kr á mánuði)Þeir sem starfa við barnagæslu eru með lægstu launin,eða heildarlaun 340 þús kr á mánuði.

Fram kemur í rannsókn Hagstofunnar,að tíundi hver maður er með lægri laun en 381 þúsund kr á mánuði.Lágmarkslaun eru enn lægri eða aðeins 280 þúsund kr á mánuði( Byrjunarlaun eru 257 þús á mán..Aldraðir,öryrkjar og lægst launuðu verkamenn hafa kjör við fátæktarmörk og fyrir neðan þau.Það á að heita að góðæri sé í landinu!

 

Björgvin Guðmundsson

www.gudmundsson.net