Morgunblaðið tekur upp málefni eldri borgara

Morgunblaðið hefur í dag tekið upp málefni eldri borgara. Á forsíðu blaðsins er frétt undir fyrirsögninni: Eldri borgarar bíða réttlætis.Og á 4.síðu blaðsins eru tvær fréttir um málefni eldri borgara:Lítil virðing borin fyrir eldri kynslóðinni.Viðtal við 73 ja ára eldri borgara,sem þarf að búa heima hjá syni sínum vegna þess hve lífeyrir hennar frá TR og úr lífeyrissjóði er lágur.Og fram kemur,að hún fær enga heimilisuppbót af því hún býr hjá syni sínum.Á síðunni er önnur frétt um viðureign Félags eldri borgara í Rvk við forsætisráðherra.Þar kemur fram,að formaður félagsins hafi skrifað forsætisráðherra og óskað eftir starfshóp um bág kjör aldraðra.Lengi vel svaraði forsætisráðherra ekki bréfi Ellerts ekki fremur en bréfi frá mér upp úr áramótum.En loks svaraði hún og ætlar fyrir náð og miskunn að hitta Ellert sennilega til að tilkynna honum að skipaður verði starfshópur og þá getur málið mallað í starfshóp til vorsins en það var einmitt það sem Katrín hafði tilkynnt áður,að hún ætlaði að athuga málið í vor.Réttlætið á að bíða til vors!.
Ég var formaður kjaranefndar Félags eldri borgara í tæp 10 ár.Ég sendi forsætisráðherra opið bréf í byrjun ársins um nauðsyn þess að bæta kjör þeirra aldraðra,sem verst væru staddir.Aðstoðarmaður forsætisráðherra kvittaði fyrir móttöku bréfsins en engin viðbrögð komu frá ráðherranum Hún þurfti ekki að svara.Vonandi tekur Katrín Jakobsdóttir meira mark á Morgunblaðinu.Ég fagna því að Morgunblaðið taki málefni aldraðra fyrir.Það leiðir í ljós,að blaðinu rennur til rifja hve bág kjör aldraðra eru.Ég tek ofan fyrir Morgunblaðinu.

Björgvin Guðmundsson


Álit starfshóps um kjararáð getur skapað óróa á vinnumarkaði!

Það er misskilningur hjá Katrínu Jabobsdóttur forsætisráðherra,að álit starfshóps um kjararáð stuðli að ró á vinnumarkaði og skapi vinnufrið! Starfshópurinn lagðist gegn því,að óhóflegar launahækkanir stjórnmálamanna,dómara og æðstu embættismanna yrðu afturkallaðar eða skertar.En þessar miklu hækkanir voru í tilvikum greiddar 18 mánuði til baka.ASÍ hafði gert kröfu til þess að þetta yrði afturkallað að fullu eða að hluta til,ef nást ætti friður á vinnumarkaði. Vissir þingmenn tóku undir þetta.Kjararáð ákvað 2016,að laun þingmanna skyldu hækka um 44,3% og verða 1,1 milljón á mánuði fyrir utan aukagreiðslur.Laun forsætisráðherra voru Þá hækkuð í  2.021.825kr.  fyrir utan aukagreiðslur og laun annarra ráðherra hækkuð í 1.826.273 kr fyrir utan aukagreiðslur.Laun aðstoðarmanna ráðherra voru hækkuð í 1,2 millj. á mánuði.Laun forseta Íslands voru hækkuð 2.985.000 kr.Dómarar hækkuðu einnig mikið svo og biskup. -Þetta gerðist á sama tíma og lægstu laun í landinu hækkuðu mjög lítið og lífeyrir aldraðra og öryrkja hækkaði aðeins um 12.000 kr. á mánuði eftir skatt!

Starfshópurinn um kjararáð leggur til,að þingmenn,ráðherrar og dómarar verði áfram undir kjararáði en það eru einmitt þeir hópar,sem fengið hafa mestu hækkanirnar samkvæmt úrskurði kjararáðs.Slík vinnubrögð varðandi hækkanir þessara hópa geta því haldið áfram.Starfshópurinn leggur til,að aðrir hópar verði teknir undan kjararáði og samið verði um kjör þeirra eða þau ákveðin af ráðherra. Það er engin trygging fyrir því,að slík breyting tryggi hóflegri launahækkanir en áður.Áhrifa kjararáðs mun gæta lengi og þeir hópar,sem áfram verða undir kjararáði geta haft áhrif á þá aðila sem teknir verða undan kjararáði.

Grófasta yfirlýsing starfshópsins er sú fullyrðing,að hækkanir kjararáðs,upp í 64% hækkun launa sé í samræmi við almenna launaþróun!ASÍ hefur komist að allt annarri niðurstöðu enda hefði engin óánægja verið með störf kjararáðs, ef úrskurðir þess hefðu verið í samræmi við launaþróun.Starfshópurinn segir,að almenn þróun launa hafi náð upp í 48% hækkun.Starfshópurinn kallar mun á milli 48% og 64% ekki merkjanlegan mun!Almennur launamaður  telur það mikinn mun.Þetta álit skapar engan frið.Það getur skapað ófrið þegar það bætist við bruðl og óráðsíu þingsins,sem hefur verið að koma í ljós undanfarna daga.

 

Björgvin Guðmundsson


Katrín svarar ekki Ellert!

Ellert B.Schram formaður Félags eldri borgara í Reykjavík skrifaði Katrínu Jakobsdóttur,forsætisráðherra bréf og fór fram á,að kjör þeirra eldri borgara,sem verst væru staddir yrðu lagfærð.Ellert undrast,að Katrín hafi ekki svarað bréfinu.Ég skrifaði Katrínu einnig bréf og fór fram á,að kjör þeirra aldraðra og öryrkja,sem lægstan lífeyri hefðu,yrðu lagfærð.Ég rökstuddi erindi mitt og nefndi kjör þessa fólks eins og þau eru í dag og sýndi fram á,að engin leið væri að lifa af þeim.Katrín svaraði ekki bréfinu.Ég var ekki hissa.Ég er aðeins óbreyttur borgari í dag,eftirlaunamaður,eldri borgari og Katrín svarar ekki slíku fólki.Ég hefði frekar átt von á,að hún mundi svara Ellert.En hún gerir það ekki heldur.Það er vegna þess að hún ætlar ekki að leysa þetta mál, sem borið er fram. Hún ætlar að athuga það í vor!! Sjálfstæðisflokkurinn er á móti því að leysa þennan brýna vanda strax. Sá flokkur vill bíða og sjá hvað gerist í kjaramálum á almennum vinnumarkaði.En ef aldraður eða öryrki getur ekki framfleytt sér í dag hvers vegna á hann þá að bíða eftir að sjá hvað gerist á almennum vinnumarkaði.Menn þurfa að borða Í DAG. Og menn þurfa að fara til læknis í dag,og leysa út lyf í dag.VG ætti að hætta að láta Sjálfstæðisflokkinn ráða ferðinni og ákveða að þetta brýna mál verði leyst strax. Og það þarf enga nefnd í málið.Það þarf framkvæmdir strax.

Björgvin Guðmundsson

 


300 þúsund á mánuði reyndist blekking!

.
 
"Viljið þið fá meiri hækkun?" spurði RUV
 
RUV,rás 2 ræddi kjarmmál aldraðra í morgun.Sigríður Dögg og Sigmar ræddu við Gísla Jafetsson framkvæmdastjóra FEB í Rvk.Rætt vr m.a. um þá blekkingu,að aldraðir hefðu fengið 300 þúsund kr í lífeyri frá síðustu áramótum.Gísli Jafetsson hélt því til haga,að þeir eldri borgarar,sem væru á strípuðum lífeyri þyrftu að fá verulega hækkun.Sigríður Dögg sagði að eldri borgarar hefðu fengið mikla hækkun!: Viljið þið fá meiri hækkun,spurði hún..Ekki tók Gísli undir það( Hafa sennilega bæði talið,að " hækkunin" væri orðin nógu mikil!.. ..
 
Þegar verkalýðshreyfingin fór fram á að laun fyrir skatt hækkuðu í 300 þús. kr á mánuði (2018) fór Landssamband eldri borgara fram á það sama fyrir aldraða. Við afgreiðslu á nýju lögum um almannatryggingar 2016/2017 lýsti ríkisstjórn Sigurðar Inga og Bjarna Benediktssonar því yfir,að lífeyrir aldraðra og öryrkja mundi hækka í 300 þúsund 1.jan 2018. En hverjar eru efndirnar: Aðeins 29% öryrkja fær 300 þús. kr á mánuði fyrir skatt ,þ.e. þeir sem búa einir. Hinir fá aðeins 239 þúsund. Enn færri meðal aldraðra fá 300 þúsund fyrir skatt eða 20%. Hinir fá aðeins 239 þús. Auk þess er á að líta,að skatturinn á eftir að hirða af því,sem fæst fyrir skatt tæp 20%.Það er því lítið eftir fyrir húsnæðiskostnaði og öllum útgjöldum.
 
Hækkun lífeyris í 300 þúsund á mánuði hefur reynst blekking. Stjórnarherrarnir eru búnir að flagga þessari “hækkun” mikið. En í raun er það svo að aðeins hluti lífeyrisþega hefur fengið 300 þúsund og það fremur lítill hluti. Er ekki tímabært að hætta blekkingarleik og veita öldruðum og öryrkjum raunhæfar kjarabætur?
 
 
.
Björgvin Guðmundssson
 

Ásmundur var að keyra í 85 vinnudaga sl.ár ( 8 st.á dag).Þingið starfaði í 66 daga!

 

Rætt var um aksturskostnað og endurgreiðslur Ásmundar Friðrikssonar alþingismanns í laugardagsþætti RÚV,Vikulokunum.Meðal fjölmiðlamanna,sem þar komu fram, var Þórður Snær Júlíusson á Kjarnanum en Kjarninn hefur fjallað um þetta mál.Í Kjarnanum segir m.a.:

Á árinu 2017 voru 66 þingfundardagar á Alþingi. Auk þess voru alls 14 dagar teknir frá undir nefndarfundi. Líklega hafa þingmenn sjaldan, eða aldrei, þurft að mæta jafn lítið í vinnuna og þeir gerðu á árinu 2017. Ástæðan er augljós: Stjórnarmyndunarviðræður, stjórnarslit og kosningar. Og svo auðvitað sú staðreynd, að þingið fer í langt páskafrí, langt jólafrí og ótrúlega langt sumarfrí.

Samt tókst einum þingmanni, Ásmundi Friðrikssyni, að keyra 47.644 kílómetra vegna starfs síns sem alþingismaður á árinu. Ásmundur skráði þá keyrslu niður og fékk kostnað vegna hennar endurgreiddan frá ríkinu. Sú endurgreiðsla nemur 4,6 milljónum króna, eða um 385 þúsund krónum á mánuði. Keyrsla Ásmundar er í sérflokki á meðal þingmanna, enda er hún á við það að hann hafi keyrt hringinn í kringum landið tæplega 36 sinnum.

Ef einhver ætlaði að keyra þessa vegalengd án þess að stöðva þá tæki það viðkomandi 22 sólarhringa að gera það, ef keyrt væri á hámarkshraða á þjóðvegi, eða 90 km/klst. Ef keyrt væri á 50 km/klst. hraða tæki það viðkomandi 33 sólarhringa. Án þess að sofa. 

Ef millivegurinn er farinn, og miðað er við, að viðkomandi keyri átta klukkustundir á dag, sem er hefðbundinn vinnudagur, þá tekur það hann 85 átta tíma vinnudaga að keyra þessa vegalengd á 70 km/klst. hraða.

Ásmundur býr á Suðurnesjum og keyrir til vinnu. Frá heimabæ hans, Garði, og til Reykjavíkur, er um 57,5 kílómetra leið. Það má því ætla að Ásmundur hafi keyrt 9.200km.til og frá vinnu miðað við þá þingfundi og nefndarfundi sem haldnir voru í fyrra. Það er tæplega 20 prósent af þeim kílómetrafjölda sem hann fékk endurgreitt fyrir að keyra.

Ásmundur segir að kjördæmi hans sé 700 kílómetra langt og að hann væri að sinna erindum í því flestar helgar. Í því fælist að fara út á meðal fólks, mæta á allskonar uppákomur og svo séu sumrin upptekin af „allskonar bæjarhátíðum.“ Þá hafi tíðar kosningar á undanförnum árum kallað á aukin ferðalög.

Lítið gegnsæi
Þingmenn fá rúmlega 1,1 milljón króna í laun á mánuði auk þess sem margir þeirra fá ýmsar viðbótarsporslur vegna formennsku eða varaformennsku í fastanefndum. Þar er um að ræða 5-15 prósent álag ofan á þingfararkaup. Þingmenn landsbyggðarkjördæma fá síðan 134.041 krónur í húsnæðis- og dvalarkostnað,ef viðkomandi heldur ekki annað heimili á höfuðborgarsvæðinu. Allir þingmenn fá greiddar 30 þúsund krónur á mánuði í fastan ferðakostnað og 40 þúsund krónur í svokallaðan starfskostnað.

Þingmaður eins og Ásmundur, sem býr á Suðurnesjunum og er annar varaformaður í einni nefnd, ætti samkvæmt þessu að fá 1.360 þúsund krónur á mánuði í heildarlaun. Þegar við bætast 385 þúsund krónur vegna aksturskostnaðar eru heildarlaunin um 1.745 þúsund krónur á mánuði.

Til samanburðar má nefna að lágmarkslaun á Íslandi eru 280 þúsund krónur á mánuði.

Þórður og þeir blaðamenn sem voru í Vikulokunum gagnýndu miklar aksturgreiðslur en þeir gagnrýndu mest þá leyndarhyggju,sem ríkir um þessar greiðslur og töldu,að allt ætti að vera uppi á borðinu.Ég er sammála því. 


Hvers vegna fór VG í þessa ríkisstjórn? Kemur engu fram fyrir þá verst stöddu!

Þegar Björt framtíð ákvað að ganga til stjórnarsamstarfs við Sjálfstæðisflokkinn og Viðreisn benti ég á, að það væri varasamt fyrir lítinn flokk með gerólíka stefnu  miðað við hina flokkana að fara í samstarf við þá; raunar ekki gerlegt nema að setja alveg ákveðin skilyrði fyrirfram, sem mundu tryggja framgang einhverra mála. En Björt framtíð var grandalaus og fór í samstarf við íhaldið án þess að setja nokkur skilyrði.Flokkurinn fékk engu framgengt af sínum stefnumálum.Og því fór sem fór.Björt framtíð þurrkaðist út á þingi.Það þýðir ekki að treysta á góðmennsku hjá íhaldinu.En þó stutt sé umliðið frá því þetta gerðist ætlar VG að brenna sig á nákvæmlega þessu sama. VG fer í stjórn með Sjálfstæðisflokknum og Framsókn án þess að setja nokkur skilyrði.Flokkurinn fær engu framgengt af velferðarmálum en þau mál hafa verið helstu áherslumál VG.Ég er ekki  að spá því að VG þurrkist út á þingi eins og  Björt framtíð en flokkurinn getur tapað miklu fylgi,  ef hann fær engu framgengt af sínum stefnumálum.Það er að vísu alltaf talsverður hópur kjósenda sem hrífst af því  að VG sé með forsætisáðherrann. En sú hrifning varir ekki lengi  ef það leiðir aðeins til þess að Katrín Jakobsdóttir geti ekið um í fallegum bíl en fái engum stefnumálum framgengt!

Í stefnuskrá VG fyrir síðustu kosningar stóð að hækka ætti lífeyri aldraðra og öryrkja og tryggja, að sá lífeyrir færi ekki ekki niður að fátæktarmörkum.Ríkisstjórn VG hefur ekki hækkað lífeyri um eina krónu.Lífeyrir aldraðra og öryrkja er niður við  fátæktarmörk. Þeir sem hafa eingöngu lífeyri frá almannatryggingum hafa aðeins 204 þús kr eftir skatt,giftir og í sambúð eða 243 þúsund eftir skatt,einstaklingar.Þetta er við fátæktarmörk.Og því er hér verið að ganga gegn stefnu VG eins og hún birtist kjósendum fyrir kosningar. Hvað kallast þetta. Þegar íhald og framsókn kom svona fram í kosningum voru það kölluð svik á kosningaloforðum.Og það eru líka svikin kosningaloforð þó VG eigi í hlut.

Katrín Jakobsdóttir formaður VG og nú forsætisráðherra var spurð að því á alþingi, hvort ríkisstjórnin ætlaði að gera eitthvað fyrir þá í þjóðfélaginu ,sem verst stæðu,sem minnst mættu sín. Hún svaraði, að það yrði athugað í vor!! Þetta er furðulegt svar.Hvernig getur formaður VG og forsætisráðherra  sagt, að athuga eigi í vor hvort unnt sé að aðstoða þá, sem lifa við fátæktarmörk, þ.e. þá sem ekki geta framfleytt sér.Þetta er forkastanlegt svar.Og furðulegt,  að formaður stjórnmálaflokks,sem vill kallast róttækur vinstri flokkur, skuli svara á þennan hátt. Það hefði vakið minni undrun, ef formaður íhaldsflokks hefði svarað svona. Þessi spurning vaknar: Hvers vegna fór VG í þessa ríkisstjórn,ef það var ekki til þess að koma fram neinum stefnumálum til hagsbóta ,fyrir þá, sem verst standa og þurfa sannanlega kjarabætur?Var það aðeins til þess að komast í ráðherrastólana; aðeins fyrir hégómann?

Björgvin Guðmundsson


Laun hafa stórhækkað; lífeyrir aldraðra og öryrkja við fátæktarmörk!

 

Miklar umræður hafa átt sér stað í þjóðfélaginu undanfarið um kjaramál,einkum vegna úrskurðar kjararáðs um mjög miklar launahækkanir embættismanna,stjórnmálamanna,dómara og fleiri og mikla afturvirkni þeirra.Alþýðusamband Íslands segir, að umræddir úrskurðir spilli fyrir lausn í kjaramálum á almennum vinnumarkaði. Forseti ASÍ fer fram á, að úrskurðir kjararáðs um hinar miklu launahækkanir verði afturkallaðar.

Leiðrétting á kjörum aldraðra átti að hafa forgang

  Það er notað sem rökstuðningur fyrir óhóflegum launahækkunum, sem kjararáð hefur  úrskurðað, að laun stjórnmálamanna og embættismanna hafi verð fryst og lækkuð á krepputímanum.Aldraðir og öryrkjar máttu einnig sæta frystingu lífeyris og annarri kjaraskerðingu á krepputímanum en hafa ekki fengið neina leiðréttingu vegna þess eins og embættismenn og stjórnmálamenn.Það hefði verið brýnna að leiðrétta kjör aldraðra og öryrkja vegna fyrri kjaraskerðinga, þar eð lífeyrir þeirra lægstlaunuðu meðal þeirra dugar ekki til framfærslu.Stjórnmálamenn og embættismenn komust hins vegar sæmilega af áður en þeir fengu himinháar launahækkanir, sem kjararáð úrskurðaði þeim.

2015: Launahækkun 14,5%-40%- Hækkun lífeyris 3%!

Á árinu 2015 urðu miklar almennar launahækkanir í þjóðfélaginu.Lágmarkslaun hækkuðu þá um 14,5% frá maí á því ári; grunnskólakennarar fengu 33% launahækkkun á 3 árum og 11% til viðbótar  gegn afsali kennsluafsláttar, hjúkrunarfræðingar fengu 23,9% hækkun á 4 árum, BHM fékk 13% launahækkun á 2 árum, Mjólkurfræðingar 18% hækkun,  Blaðamenn 16%,Læknar 25-40% hækkun. Þetta er hvergi nærri tæmandi upptalning en aðrar launahækkanir ársins voru á svipuðum nótum og allar þessar hækkanir leiða í ljós hver launaþróun ársins var. En tekið er skýrt fram í lögum, að taka  eigi tillit til launaþróunar við ákvörðun á lífeyri aldraðra og öryrkja.Á þessu ári mikilla almennra launahækkana hækkaði lífeyrir aldraðra og öryrkja um 3%; segi og skrifa 3%! Er þetta eitt grófasta dæmið um valdníðslu gagnvart öldruðum og öryrkjum.Hér er skýrt dæmi um það, að lög eru brotin á öldruðum og öryrkjum.Nær allar stéttir fá miklar launahækkanir;lágmarkslaun hækka um 14,5% en önnur laun hækka miklu meira.Samt hækkar lífeyrir aðeins um 3%! Ekki þýðir að vitna í hækkun lífeyris næsta ár á eftir; þá hækkað hann meira en samt á svipuðum nótum og lágmarkslaun.

Stjórnmálamernn og embættismenn fá  21-48% 

Á árinu 2016 úrskurðaði kjararáð, að laun þingmanna skyldu hækka um 44%  og verða 1,1 milljón á mánuði, laun ráðherra hækka um 35% og verða 1,8 milljón á mánuði og laun forsætisráðherra hækka í rúmar 2 milljónir á mánuði. Þingmenn og ráðherrar fá síðan ýmsar aukasporslur,sem hækka laun þeirra enn.Laun biskups voru hækkuð 2017 um 21% og fóru í 1,5 milljón kr. á mánuði og afturvirk hækkun í 1 ár.Dómarar fengu einnig mikla launahækkun um áramótin 2015/2016.Laun dómara hækkuðu um 31,6%- 48,1%.Laun hæstaréttardómara hækkuðu í 1,7 mill.kr og laun forseta Hæstaréttar í 1,9 millj kr.Laun dómstjórans í Reykjavík hækkuðu í 1,5 milljón kr.Kjararáð ákvað einnig á árinu 2016 að hækka mjög mikið laun háttsettra embættismanna og nefndarformanna.Var hér um að ræða hækkun á bilinu 29-48% og afturvirka launahækkun 18 mánuði aftur í tímann! Kjararáð á að taka tillit til launaþróunar á almennum markaði.Er undarlegt, að ein ríkisstofnun, kjararáð,skuli komast að þeirri niðurstöðu, að launahækkun allt upp í 48,1% sé í samræmi við launaþróun en önnur ríkisstofnun komast að allt annarri niðurstöðu.Samkvæmt lögum á einnig á að taka tillit til launaþróunar við ákvörðun lífeyris.Ríkisvaldið taldi það í samræmi við launaþróun 2015 að hækka lífeyri aðeins um 3% þrátt fyrir alla hinar miklu hækkanir ársins.Og nú telur ríkisvaldið 4,7% hækkun í samræmi við launaþróun þó sú hækkun nái ekki einu sinni hækkun lágmarkslauna og himinháar launahækkanir hafi átt sér stað  í þjóðfélaginu, sbr hækkanir,þingmanna,ráðherra,embættismanna,dómara og biskups.

Ég tel það hreina valdníðslu gagnvart öldruðum og öryrkjum að halda lífeyri þeirra niðri við fátæktarmörk á sama tíma og laun í þjóðfelaginu hafa verið hækkuð eins mikið og lýst hefur verið i þessari grein.Er ekki kominn tími til þess að aldraðir og öryrkjar fái að njóta réttlætis og lifeyrir þeirra verði hækkaður svo mjög,að þeir geti lifað mannsæmandi lífi og átt áhyggjulaust ævikvöld.

 

Björgvin Guðmundsson 
Morgunblaðið 8.feb.2018
 


 


 

EFTIRLAUN LÆGRI HÉR EN Í RÍKJUM OECD. ÞÓ MEIRI HAGVÖXTUR HÉR!

 

 

Hvað er brýnast að gera í íslenskum þjóðmálum í dag.Brýnast er að útrýma fátækt og bæta kjör þeirra,sem lakast standa í íslensku þjóðfélagi.Það eru 6000 börn,sem búa við fátækt á Íslandi í dag.Það er smánarblettur á íslensku þjóðfelagi.Það þarf strax í dag að ganga í að leysa það mál; ekki setja málið í nefnd eins og ríkisstjórnin vill  gera.
Síðan þarf einnig strax að hækka lífeyri aldraðra og öryrkja.Þeir,sem eingöngu hafa lífeyri frá almannatryggingum geta ekki lifað af lífeyrinum frá TR.Giftur aldraður hefur í dag 204 þúsund kr eftir skatt (hefur ekki lífeyrissjóð) Það lifir enginn af þessari upphæð.Lyf og læknishjálp verða útundan; það er mannréttindabrot.Rikisstjórnin ætlar að athuga þetta mál í vor.Það er alltof seint. Það á að leysa það strax í dag. Það þolir enga bið að leiðrétta lífeyrinn.Það verður að gerast strax.

Hækka þarf eftirlaun á Íslandi um 35 milljarða kr

Hvað þarf að hækka lífeyri aldraðra mikið svo hann sé mannsæmandi og dugi  vel fyrir öllum útgjöldum.Að mínu mati þarf að hækka hann í 425 þúsund kr á mánuði  fyrir skatt, 320 þúsund kr eftir skatt.Ég tel það vera lágmark til þess að lifa sómsamlegu lífi. Í dag er lífeyrir eftir skatt 243 þúsund á mánuði.Hér er því verið að leggja til 77 þúsund króna hækkun á mánuði eftir skatt. Ýmsum mun ef til vill finnast þetta mikil hækkun.Og víst er það rétt. En á það er að líta, að lífeyrir í dag er mjög lágur, alltof lágur og þess vegna þarf að hækka hann mikið.

Nýlega vann  dr. Haukur Arnþórsson   skýrslu fyrir Félag eldri borgara í Reykjavík um kjör aldraðra.Í henni kemur fram, að eftirlaun aldraðra á Íslandi eru mun lægri en eftirlaun í OECD ríkjunum, þ.e. sem hlutfall af þjóðartekjum.Eftirlaun aldraðra á Íslandi eru 5,1% af þjóðartekjum en í ríkjum OECD eru eftirlaun aldraðra 8,2% af þjóðartekjum, þ.e. meðaltalið. Hér er fjallað um eftirlaun (lífeyri) frá hinu opinbera,þ.e. almannatryggingum.Dr.Haukur Arnþórsson segir, að til þess að jafna metin og lyfta eftirlaunum á Íslandi upp í það sama og þau eru að meðaltali í OECD ríkjunum þurfi að hækka eftirlaun aldraðra á Íslandi um 35 milljarða.Þetta eru athyglisverðar upplýsingar og leiða í ljós,að íslenskir stjórnmálamenn hafa ekki staðið  sig gagnvart eldri borgurum. Íslenskir stjórnmálamenn hafa brugðist öldruðum. Enda er það svo, að alþingsmenn hafa flestir hverjir engan áhuga á kjaramálum aldraðra.Ýmist eru kjaramál aldraðra í neðsta sæti forgangslistans hjá þeim eða alls ekki á listanum.

Hækkun eftirlauna gerist strax

Ég hef  lagt til, að afnám skerðinga eigi sér stað á 3 árum en þá er það auðvelt í framkvæmd fyrir ríkið. Hins vegar tel ég, að hækkun eftirlauna eigi að gerast strax.Það er óforsvaranlegt að hafa eftirlaun lægri hér á landi en í löndum OECD, þegar hagvöxtur er meiri hér en í ríkjum OECD.Það er í rauninni verið að svíkja eldri borgara um hlutdeild í hagvextinum.Það er illa komið fram við eldri borgara.Það eru aldraðir sem hafa skapað það þjóðfélag, sem við búum við í dag.Þegar mikil uppsveifla er í efnahagslífi landsins og hámarkshagvöxtur er kjörum aldraðra haldið niðri og þau höfð lægri en í ríkjum OECD. Þetta verður að leiðrétta strax.Það þolir enga  bið.

Björgvin Guðmundsson

Fréttablaðið 8.feb.2018

 

 

 


Skipum bara starfshóp!

Mörgum finnst ríkisstjórnin aðgerðarlítil.Hún gerir ekkert. En hún talar mikið.Og eitt er hún dugleg við að gera: Hún er dugleg við að skipa starfshópa! En hvers vegna er alltaf verið að skipa starfshópa? Hvers vegna felur ráðherra ekki starfsmönnum sínum í ráðuneytinu að undirbúa framkvæmdir? Nógu margir eru starfsmennirnir.Jafnvel mál sem eru í stjórnarsáttmálanum og eru ákveðin eru sett í starfshóp og látin veltast þar mánuðum saman.Hver er ástæðan? Ég tel,að þær séu nokkrar. Í fyrsta lagi framkvæmdafælni.Ráðherrarnir treysta sér ekki í framkvæmdir strax. Þeir vilja tefja málin í starfshóp á þeim forsendum að athuga þurfi þau betur þó þau séu fullathuguð.Í öðru lagi er verið að tregðast við í vissum málum að láta fjármagn í málin. Bjarni Ben stendur á bremsunni í mörgum málum og vill ekki láta fjármagn í þau; segir að bíða verði eftir fjármálaáætlun næsta vor.Þetta er fyrirsláttur.Hann er að reyna að koma í veg fyrir fjárveitingar til vissra mála svo sem til aldraðra og öryrkja og skýtur sér á bak við það að sjá þurfti hverng kjarasamningar fara og fjármálaáætlun verður.VG og Framsókn láta Sjálfstæðisflokkinn ráða; hafa engan sjálfstæðan vilja,láta sér duga að fá að vera í ríkisstjórninni!Lítil eru geð guma.

 

Björgvin Guðmundsson

 


Snúast Ragnar Þór og Sólveig Anna gegn Gylfa sem forseta ASÍ?

Gylfi Arnbjörnsson forseti ASÍ var gestur í Silfrinu í hádeginu í dag.Rætt var um ólguna, sem er innan ASÍ vegna hugleiðinga VR um að segja sig úr sambandinu  og mikilla átaka í Eflingu,verkamannafélaginu en þar býður ung kona sig  fram gegn frambjóðanda stjórnar og trúnðarmannaráðs félagsins.Það er Sólveig Anna Jónsdóttir starfsmaður á leikskólanum Nóaborg,í Reykjavík,sem býður sig fram til formanns gegn frambjóðanda stjórnar.Ragnar Þór formaður VR hefur  lýst yfir stuðningi við Sólveigu Önnu  sem formann Eflingar.

Fanney Birna umsjónarmaður Silfursins  spurði   Gylfa Arnbjörnsson,  hvort hann mundi halda forsetaembætti sínu í ASí, ef Sólveig Anna mundi sigra í Eflingu og ef VR segði sig úr ASÍ.Gylfi sagði, að örlög forseta ASÍ réðust ekki  af þessum atriðum.Hann kvaðst ekki hafa ákveðið, hvort hann byði sig fram sem forseti ASÍ á næsta þingi sambandsins.Hann mundi væntanlega ákveða það í júlí n.k.

Fanney Birna taldi, að  ef bæði Ragnar Þór og Sólveig Anna ( hugsanlega sem nýr formaður Eflingar) mundu snúast gegn Gylfa Arnbjörnssyni  á ASÍ þingi gæti orðið tvísýnt um kosningu hans.Hún fjallaði einnig um  gagnrýni Sólveigar Önni á stefnu Eflingar í kjaramálm en Sólveig Anna telur, að Efling hafi ekki barist nægilega vel fyrir bættum kjörum þeirra lægst launuðu í félaginu.

 

Björgvin Guðmundsson


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband