Almenningi ofbýður níðingsverkið gagnvart öryrkjum.VG styður níðingsverkið!

Almennngi ofbýður níðingsverkið gagnvart öryrkjum,sem hófst um áramótin 2016/2017.VG styður níðingsverkið og hefur gengið í lið með níðingsflokkunum!

Björgvin Guðmundsson

Almenningi ofbýður níðingsverkið gagnvart örykjum

Mikil viðbrögð voru við pistli,sem ég skrifaði á Facebook undir fyrirsögninni: Það ljótasta,sem ég hef séð í íslenskum stjórnmálum.Það leiðir i ljós,að almenningi stendur ekki á sama.Það er verið að níðast á þeim,sem minna mega sín,öryrkjum,sem orðið hafa fyrir alvarlegum veikindum eða slysum.Ríkisstjórn Sigurðar Inga,sem íhaldið sat í leyfði sér að svipta öryrkja á síðustu stundu 2016 kjarabótum,sem þeim hafði verið lofað eins og öldruðum.Ríkisstjórn Sigurðar Inga hætti við að afnema krónu móti krónu skerðingu hjá öryrkjum eins og hjá öldruðum.En síðan er alltaf verið að hvetja öryrkja til þess að vinna sem mest hvort sem þeir hafi heilsu til þess eða ekki.Ef öryrki reynir að vinna fyrir 50-60 þúsund kr er framfærsluuppbót hans upp á 56 þúsund kr umsvifalaust strikuð út.Þannig virkar krónu móti krónu skerðingin.Síðan er líka búið að strika út aldurstengda örorkuuppbót hjá öryrkjum.Það er álíka há uppbæð og framfærsluupbótin.Því var lofað að krónu móti krónu skerðingin yrði fljótlega afnumin.Það var svikið og þau svik standa enn (16 mánuðir)..Stjórnvöld eru önnum hafin við að taka af öryrkjum (og öldruðum) "kjarabætur" sem þeir hafa fengið áður,t.d. húsnæðisstuðning líka.Síðan koma flokksforingjar eins og Bjarni fram í sjónvarpi og berja sér á brjóst og segja að þeir hafi bætt kjör aldraðra og öryrkja einhver ósköp!!Jú þeir hafa hækkað lífeyrinn í 204 þús-243 þúsund eftir skatt  á mánuði og hækkað sjálfa sig í leiðinni í 1,8 milljón kr á mánuði fyrir skatt fyrir utan öll hlunnindi og aukasporslur,svo sem fría bíla og að mestu frí ferðalög.

Það sem ríkisstjórn Framsóknar og Sjálfstæðisflokks gerði gagnvart öryrkjum í árslok 2016 var hreint níðingsverk.En það furðulega er að "sósalistiski vinstri flokkurinn"(VG) heldur níðingsverkinu áfram.Ríkisstjórn Katrínar hefur ekki afnumið krónu móti krónu skerðiinguna hjá öryrkjum þó það standi skýrum stöfum í kosningastefnusdkrá flokksins fyrir síðustu kosningar að afnema eigi krónu móti krónu skerðinguna strax.Í stað þess að standa við kosningaloforðið og afnema skerðinguna strax gekk VG í lið með níðingsflokkunum og stendur nú að níðingsverkinu með íhaldi og framsókn.Ótrúlegt.

 

Björgvin Guðmundsson

 

 

Gróf mismunun öryrkja og aldraðra í kerfi TR! Öryrkjar sviknir um sömu kjarabætur!

 

 

Árið 2016 var lagt fram á alþingi lagafrumvarp um almannatryggingar.Þar var gert ráð fyrir að afnema svokallaða krónu móti krónu skerðingu,sem aldraðir og öryrkjar höfðu sætt i kerfi almannartrygginga. Þessi skerðing olli öldruðum og öryrkjum mikilli kjaraskerðingu, ef um einhverjar tekjur aðrar en lífeyri var að ræða.Á síðustu stundu,áður en frumvarpið var tekið til afgreiðslu,var sú bre yting gerð á  því,að strikað var út,að öryrkjar skyldu njóta afnáms krónu móti krónu skerðingar.Hvers vegna? Jú,vegna þess að Öryrkjabandalagið var ekki tilbúið til þess að samþykkja tillögu ríkisstjórnarinnar um starfsgetumat í stað læknisfræðilegs örorkumats.Öryrkjabandalagið taldi sig þurfa lengri tíma til þess að kynna sér starfsgetumat.Misjöfn reynsla er af slíku mati erlendis.

Reynt að þvinga Öbi til hlýðni!

Lykilmenn í ríkisstjórn á þessum tíma voru Sigurður Ingi,forsætisráðherra,Bjarni Benediktsson fjárrmálaráðherra og Eygló Harðardóttir félagsmálaráðherra.Þeir brugðust ókvæða við þegar Öryrkjabandalagið neitaði að samþykkja starfsgetumatið.Reynt var að þvinga öryrkja til hlýðni.En þegar það gekk ekki var gripið til starfsaðferða,sem tíðkuðust í Sovetríkjum kommúnismans:Öryrkjum var stillt upp við vegg og sagt við þá: Ef þið samþykkið ekki starfsgetumatið fáið þið ekki sömu kjarabætur og aldraðir.Krónu móti krónu skerðingin verður þá ekki afnumin hjá ykkur,öryrkjum. Og við þetta stóð ríkisstjórn Sigurðar Inga og Bjarna Ben.Afnám krónu móti krónu skerðingarinnar var strikað út.Því var að vísu lofað, að það yrði leiðrétt  fljótlega aftur.En það var svikið.Allir stjórnmálaflokkar hafa lofað að leiðrétta þetta en það hefur verið svikið.Þessi svik,þessi níðingsskapur hefur nú staðið í tæpa 15 mánuði gagnvart 0ryrkjum.Furðulegt hvað hljótt hefur verið um þessar aðfarir gegn öryrkjum.

Gróf mismunun,þvingunaraðgerðir!

Hvað var hér að gerast? Hér var að gerast gróf mismunun.Aldraðir og öryrkjar höfðu setið við sama borð í þessu efni.Grunnlífeyrir þeirra var svipaður Báðir aðilar,aldraðir og öryrkjar sættu svonefndri krónu móti krónu skerðingu,sem allir voru orðnir sammála um, að þyrfti að afnema.Þegar ríkisstjórn Sigurðar Inga ákvað að " refsa" öryrkjum með því að láta þá áfram sæta krónu móti krónu skerðingu var verið að fremja grófa mismunun gagnvart ,þeim,brjóta mannréttindi á þeim,brjóta stjórnarskrána á þeim.Jafnframt var beitt þvingunaraðgerðum gagnvart öryrkjum; reynt að þvinga þá til hlýðni með því að stilla þeim upp við vegg og taka af þeim kjarabætur, ef þeir samþykktu ekki óskilt mál, starfsgetumat.Enda þótt ég sé ekki lögfræðingur tel ég liklegt, að  þessar þvingunaraðgerðir hafi verið hreint lögbrot. Þessi gerræðisvinnubrögð, þessar þvingunaraðgerðir, sem minna á vinnubrögð í einræðisríkjum hafa verið furðulítið gagnrýnd.Það er eins og Íslendingar láti allt yfir sig ganga!

Sömu vinnubrögð hjá ríkisstjórn Katrínar!

Nýlega tók nýr formaður við i Öryrkjabandalagi Íslands,Þuríður Harpa Sigurðardóttir.Fljótlega eftir að hún var kosin var hún í viðtali á Hringbraut,sjónvarpsstöð hjá Sigmundi Erni. Þar bar kjaramál öryrkja á góma. Þuríður Harpa sagði þá, að  stjórnvöld vildu láta kjarabætur til öryrkja ( afnám krónu móti krónu skerðingar) sem eins konar skiptimynt gegn því  að öryrkjar samþykktu starfsgetumat.Hér var um stórpólitiska yfirlýsingu að ræða. Þessi yfirlýsing þýðir það, að ríkisstjórn Katrínar Jabobsdóttur beitir  kisstjórn Sigurðar Inga gerði. Það er dæmigert, að það þykir engin frétt, að ríkisstjórn VG,Sjálfstæðisflokks og Framsóknar sé að reyna að þvinga Öryrkjabandalagið til hlýðni í þessu máli.Ríkisstjórnin hefur setið í 4 mánuði og er ekki enn farin að afnema krónu móti krónu skerðinguna gagnvart öryrkjum.Það er vegna  þess,að Öbi hefur ekki samþykkt starfsgetumatið.

 Ríkisstjórnin reynir nú að fara nýjr leiðir í þessu máli; talar um samfélagslega þátttöku öryrkja í stað þess að tala eingöngu um starfsgetumat.Það er reynt að slá  ryki í augun á öryrkjum og almenningi með slíkum orðaleppum.

Krafan er þessi: Það á strax,eins og lofað hefur verið af öllum flokkum,að afnema krónu móti krónu skerðingu gagnvart öryrkjum.Það hefur dregist í 15 mánuði. Ríkisstjórn Katrínar Jakobsdóttir á að leggja fram frumvarp um þetta mál strax og það á ekki að tengja málið við starfsgetumat eða samfélagslega þátttöku öryrkja.Það er annað mál og það á að fjalla um það sérstaklega.Ekki á að tengja þessi mál saman.

Björgvin Guðmundsson

Viðskiptafræðingur

 

Tilvitnun

Reynt var að þvinga öryrkja til hlýðni.En þegar það gekk ekki var gripið til starfsaðferða,sem tíðkuðust í Sovetríkjum kommúnismans:Öryrkjum var stillt upp við vegg og sagt við þá: Ef þið samþykkið ekki starfsgetumatið fáið þið ekki sömu kjarabætur og aldraðir.Krónu móti krónu skerðingin verður þá ekki afnumin

…

 

Svikið að afnema krónu móti krónu skerðingu hjá öryrkjum!

Haustið 2016 lofuðu þáverandi stjórnarflokkar,Framsókn og Sjálfstæðisflokkur að afnema krónu móti krónu skerðingu í kerfi TR hjá öldruðum og öryrkjum.Það átti að gerast um áramótin 2016/2017. Það var svikið gagnvart öryrkjum en staðið við það gagnvart öldruðum.Síðan var því lofað,að það yrði leiðrétt fljótlega gagnvart öryrkjum.Það var einnig svikið.Það hefur nú verið svikið í 15 1/2 mánuð.VG lofaði fyrir síðustu þingkosningar að afnema þess krónu móti krónu skerðingu hjá öryrkjum.Það var svikið.VG lofaði að hækka lífeyri aldraðra og öryrkja.Það var svikið.Allir þessir þrír stjórnarflokkar,VG,Sjálfstæðisflokkur og Framsókn níðast í dag á öldruðum og öryrkjum; þeir svikja öryrkja um afnám krónu móti krónu skerðingar og þeir svíkja aldraða og öryrkja um hækkun lífeyris; það stendur skýrum stöfum að bæta þurfi kjörin með því að hækka ellilífeyrinn.Það hefur verið svikið.Það virðast engin takmörk fyrir því hve illa er unnt að koma fram við þessa aðila.Þó liggur fyrir,að lífeyrir þeirra lægst launuðu dugar ekki fyrir framfærslukostnaði.

Björgvin Guðmundsson

Hvað er VG að gera í þessari ríkisstjórn? Er það aðeins fyrir hégómann?

Hvers vegna er VG í ríkisstjórn með tveimur íhaldsflokkum? Það er ekki til þess að koma fram neinum stefnumálum VG.Er það ef til vill aðeins fyrir hégómann?(til þess að fljúga um loftin blá og aka á fallegum bíl!) Í stefnuskrá VG fyrir siðustu kosningar stóð þetta: Bæta þarf kjör eldra fólks með því að hækka ellilífeyri.Fyrir atbeina ríkisstjórnarinnar hefur lífeyrir aldraðra ekki verið hækkaður um eina krónu.Ennfremur stóð í stefnunni: Horfið verði frá krónu móti krónu skerðingu á sérstakri framfærsluuppbót öryrkja.Ekki hefur verið hreyft við þeirri skerðingu.Þessi stefna brýtur öryrkja niður.Þetta er mannfjandsamleg stefna.Þetta er gróf kjaraskerðing.Þetta er mismunun gagnvart öldruðum en þessi skerðing var afnumin hjá þeim fyrir 15 1/2 mánuði,lofað afnámi um leið hjá öryrkjum en svikið og hefur verið svikið í 15 1/2 mánuð.Það leggur VG blessun sína yfir.- Í stefnu VG stendur:Ísland á að standa utan hernaðarbandalaga og beita sér fyrir pólitískum lausnum á átökum. En fyrir skömmu samþykkti stjórn VG loftárás í Sýrlandi.- VG samþykkir stefnu Sjálfstæðisflokksins í velferðarmálum og í utanrikismálum.Þess vegna spyr ég aftur: Hvað er VG að gera í þessari ríkisstjórn: Er VG þar aðeins fyrir hégómann?

Björgvin Guðmundsson

Ríkisstjórnin Katrínar brýtur öryrkja niður!

Stjórnvöld hafa lagt áherslu á það,að öryrkjar,sem vegna slysa eða veikinda hafa orðið að hætta á vinnumarkaði reyndu að byrja þar á ný,þó í hlutastörfum væri.Ef öryrki,sem vegna andlegs sjúkdóms þurfti að hætta að vinna,reynir að byrja aftur í hlutastarfi á vinnumarkaði eftir endurhæfingu; segjum að hann vinni fyrir 40-50 þúsund kr á fyrsta mánuði þá fær hann blauta tusku í andlitið frá ríkisstjórn Katrínar: Ríkisstjórnin lækkar lífeyri hans fra Tryggingastofnun um 40-50 þúsund kr eða um nákvæmlega sömu upphæð og hann vann sér inn!Það er krónu móti krónu skerðingin. Á þennan hátt brýtur ríkisstjórnin  öryrkjann niður; eyðileggur endurhæfinguna,sem hann hafði farið í.Sjálfstæðisflokkurnn og Framsóknarflokkurinn voru búnir að stunda þessa mannfjandsamlegu stefnu gagnvart öryrkjum í 11 mánuði,þegar Vinstri græn komu i rikisstjórnina og tóku við stjórnarforustu þar.VG hafði lýst því yfir,að afnema ætti krónu móti krónu skerðingu hjá öryrkjum og þvi hefði mátt reikna með því að krónu móti krónu skerðing hjá öryrkjum yrði þegar i stað afnumin en nei: Krónu móti krónu skerðingin hélt áfram eins og ekkert hefði í skorist.Haldið var áfram að brjóta öryrkja niður.Sjálfstæðisflokkurnn með aðstoð Framsóknar hélt áfram að stjórna ferðinni i ríkisstjórninni þó VG væri komin í stjórnina og heita ætti svo,að VG væri í stjórnarforustu.VG hækkar ekki lífeyri aldraðra og öryrkja sem ekki eiga fyrir framfærslukostnaði þó því hafi verið lofað og VG afnemur ekki krónu móti krónu skerðingu öryrkja þrátt fyrir loforð þar um.Ríkisstjórn Katrínar brýtur öryrkja niður eins og fyrri ríkisstjórn undir forsæti Bjarna gerði.Stefnan er óbreytt.Það skiptir engu þó VG sé í stjórninni!

Björgvin Guðmundsson

Ekki enn farið að hækka lífeyri lægst launuðu aldraðra!

Það vakti athygli í fréttum í gær,þegar sagt var frá því,að strokufangi frá Sogni hefði strokið með flugvél til Svíþjóðar í gærmorgun,að forsætisráðherra Íslands,Katrín Jakobsdóttir var með í sömu flugvél! Katrín var að fara á fund leiðtoga Norðurlanda og forsætisráðherra Indlands í Svíþjóð.Enn hefur Katrín ekki hækkað lífeyri lægst launuðu aldraðra og öryrkja þrátt fyrir ítrekaðar óskir Félags eldri borgara í Reykjavík þar um ( ekki hefur einu sinni verið minnst á stofnun starfshóps um málið,.a.m.k ekkert fréttsrt um það) Þegar Félag eldri borgara kvartaði yfir aðgerðarleysi forsætisráðherra og félagsmálaráðherra í þessu efni fyrir skömmu var helst að skilja,að það hefði verið svo mikið að gera hjá þessum ráðherrum,að þeir hefðu ekki mátt vera að því að leysa vanda þeirra lægst launuðu meðal aldraðra og öryrkja.Ljóst er,að Katrín hefur verið önnum kafin í utanferðum,2 ferðum til Parísar,1 ferð til Berlínar og nú ferð til Svíþjóðar og ef til vill fleiri ferðir,sem ekki hafi ratað í fréttir.Ráðherrar ráða því sjálfir hvaða utanferðir þeir fara í.Þeir þurfa ekki að mæta á öllum fundum og ráðstefnum,sem þeir eru boðaðir á erlendis.Þeir hafa 2 aðstoðarráðherra hver og ráðuneytisstjóra og geta sent þá til útlanda í sinn stað svo þeir geti sinnt aðkallandi málum innanlands í staðinn.Það er mikilvægara að leysa bráðan vanda lægst launuðu aldraðra og öryrkja en að fara á leiðtogafund Norðurlanda eða hitta Merkel. Og það er kominn sá tími,sem Katrín sagði á alþingi,að yrði valinn fyrir ákvörðun um það hvort lífeyrir lægst launuðu aldraðra og öryrkja yrði hækkaður.Þessi lífeyrir er í dag 204 þúsund kr. eftir skatt hjá giftum öldruðum og 243 þúsund á mánuði hjá einhleypum eftir skatt.Eins og margoft hefur verið tekið fram er engin leið að lifa á þessari hungurlús og óskiljanlegt,að ríkisstjórnin skuli ekki vera búin að hækka þessar upphæðir fyrir löngu. Sennilega skilja ráðherrarnir ekki málið. Þeir velta sér upp úr vellystingum,launum 1,8-2 milljónir á mánuði fyrir utan allar aukagreiðslur og hlunnindi, fría bíla og ótæpilega dagpeninga í utanferðum.Þeir hafa svo mikla peninga sjálfir að þeir skilja ekki,að einhverjir hafi aðeins 200 þús á mánuði og rúmlega það fyrir ÖLLUM útgjöldum.

Björgvin Guðmundsson

www.gudmundsson.net

VG styður hernaðarárás í Sýrlandi!

NATO lýsti því yfir,að öll aðildarríki bandalagsins styddu loftárás Bandaríkjanna,Bretlands og Frakklands á efnavopnageymslur í Sýrlandi.Það þýðir,að Ísland styður árásina; forsætisráðherra Íslands er Katrín Jakobsdóttir,formaður VG. Í stefnuskrá VG stendur að flokkurinn sé andvígur allri hernaðaríhlutun.

 Hvernig stendur á því, að VG samþykkir þá stefnu Sjálfstæðisflokksins og Framsóknar að styðja NATO og  styðja hernað,sem NATO styður.Og hvernig stendur á því að VG samþykkir öll mál Sjálfstæðisflokksins og jafnvel Framsóknar  en Sjálfstæðisflokkurinn samþykkir engin mál VG? Svarið er þetta: VG vill allt vinna til þess að fá að vera í ríkisstjórninni,jafnvel að fórna stefnumálum sínum.VG fær engum velferðarnmálum framgengt.Flokkurinn kokgleypir stefnu Sjálfstæðisflokksins í utanríkismálum.Það eina sem VG nær fram eru lítilsháttar ráðstafanir í loftslagsmálum!

Björgvin Guðmundsson

 

Líkar ekki,að Bjarni (Sjálfstæðisflokkurinn) stjórni ferðinni í ríkisstjórninni!

Mér líkar ekki,að Bjarni stjórni ferðinni í stjórnarsamstarfinu með Katrínu og Sigurði Inga,sagði traustur VG maður til margra ára,þegar ég spurði hann hvernig honum líkaði stjórnarsamstarfið.Og það er eðlilegt.Það fer ekki á milli mála,að Bjarni ræður mestu í ríkisstjórninni enda þótt Vinstri grænir og Framsókn hafi fleiri þingmenn samanlagt en Sjálfstæðisflokkurinn.Vinstri grænir,sem hafa forsætisráðherrann ættu að ráða mestu og geta sett mark sitt á ríkisstjórnina.En svo er ekki.VG var velferðarflokkur,sem vildi bæta kjör aldraðra og öryrkja og láglaunafólks.Framsókn,sem fyrrverandi félagshyggjuflokkur hefði átt að geta stutt þessa stefnu í ríkisstjórninni.En það er eins og þessi stefna sé gleymd.Það er ekkert minnst á þá,sem minnst mega sín.Ef allt hefði verið með felldu og Vinstri græn og Framsókn hefðu beitt sér innan stjórnarinnar hefðu það verið forgangsmál þessarar ríkisstjórnar að bæta kjör aldraðra,öryrkja,þeirra lægst launuðu og fátækra barna.En það er ekki minnst á þau mál.Önnur mál,sem Bjarna eru hugleikin, sitja í fyrirrúmi.Það er eins og einhver vanmetakennd þjaki VG og Framsókn í stjórninni.Þessir flokkar virðast ekki þora að beita sér þó þeir hafi samanlagt fleiri þingmenn en Sjálfstæðisflokkurinn.Það virðist meira atriði fyrir VG og Framsókn að fá að vera í stjórninni en að koma einhverjum stefnumálum fram.Stólarnir skipta meira máli en stefnan.Hégóminn ræður.

Björgvin Guðmundsson

www.gudmundsson.net

Lægst launuðu eldri borgurum haldið við fátæktarmörk!

 

Eldri borgari kom að máli við mig og lýsti kjörum sínum.Hann er einhleypur.Hann hefur einungs lífeyri frá almannatryggingum.Hann fær 243 þúsund á mánuði eftir skatt.Hann greiðir 150 þúsund kr á mánuði í húsnæðiskostnað.Þá eru aðeins 93 þúsund eftir fyrir öllum öðrum útgjöldum,mat,hreinlætisvörum,fatnaði,síma,sjónvarpi,samgöngu-kostnaði,lækniskostnaði,lyfjum ofl.Ekkert er til fyrir gjöfum barnabarna og ekkert fyrir leikhúsum eða tónleikum eða annarri afþreyingu.Og ekkert til fyrir kostnaði við tölvu.Ljóst er,að þetta eru ekki mannsæmandi lífskjör.Sá,sem hefur svona léleg lífskjör hefur ekki fullt aðgengi að samfélaginu.Með því að skammta þessum eldri borgara svona lélegan lífeyri eru stjórnvöld að koma í veg fyrir,að umræddur einstaklingur geti tekið eðlilegan þátt í samfélaginu.Það er ekki einu sinni víst,að hann eigi fyrir lyfjum og læknishjálp.Það er verið að brjóta mannréttindi á þessum einstaklingi.Það er verið að brjóta stjórnarsrkrána á honum.-Honum er haldið við fátæktarmörk. Á sama tíma og þetta gerist taka þingmenn og ráðherrar sér ótæpileg laun,þingmenn 1,1 milljón á mánuði fyrir skatt og ráðherrar 1,8 milljón á mánuði fyrir skatt.Aukagreiðslur þingmanna eru svo miklar,að þær gera miklu meira en að greiða skatt þingmanna og það sama er að segja um ráðherra.Hjá þeim eru aukagreiðslur og hlunnindi miklum meiri en hjá þingmönnum.Það eru þessir aðilar,þingmenn og ráðherrar,sem eiga að sjá til þess að eldri borgarar og öryrkjar hafi mannsæmandi laun.Þeir hafa brugðist í því hlutverki.Eftir að þeir hafa tekið sér sjálfir þessi luxuslaun hafa þeir samt ekki "skilning" á því að bæta kjör lægst launuðu aldraðra og öryrkja.Ríkisstjórn Katrínar Jabobsdóttur hefur setið í 4 1/2 mánuð en á þeim tíma hefur engin tillaga komið fram um að leiðrétta kjör þessara verst stæðu aldraðra og öryrkja.Miðað við kosningaloforð Vinstri grænna hefði það átt að vera forgangsverkefni ríkisstjórnarinnar.En svo er ekki.

Björgvin Guðmundsson