43000 nemendur í grunnskólum landsins

Grunnskólar landsins voru settir í dag. Alls 43.000 nemendur eru á grunnskólaaldri. Af rúmlega 40.000 nemendum koma 4300 í skólann í fyrsta skipti. Í Reykjavík eru 14.434 nemendur á grunnskólaaldri og þar af rúmlega 1400 sem eru að hefja skólagöngu sína.

 Sæmundarskóla sem staðsettur er í Grafarholti mættu í dag 236 börn til óhefðbundinnar skólasetningar. Eygló Friðriksdóttir, skólastjóri Sæmundarskóla, segir nemendur skólans hafa ursett á þriðja hundrað íslenskra trjáa í tilefni dagsins. Eygló segir að annað árið í röð hafi nemendur gróðursett eina plöntu hvert, birki og reynitré í svokölluðum Guðrúnarlundi. Lundurinn er staðsettur á milli skólans og Reynisvatns og ætlunin er að þar verði hátíðarlundur skólans í framtíðinni. ( ruv.is)

Það er merkisdagur í lífi skólabarna þegar þau fara fyrst í skóla. Og flest skólabörn hlakka til þess að byrja í   skóla   eftir sumarleyfi.Skólarnir gegna mjög mikilvægu hlutverki  í okkar samfélagi.Það hefur fengið illa að fá nægilega marga grunnskólakennara. Það gengur aðeins betur nú en áður. En bæta þarf kjör kennara enn meira svo unnt sé að manna alla skóla með kennurum með réttindi.

 

Björgvin Guðmundsson

 

 eeaka

Hvað líður nýju framfærsluviðmiði lífeyrisþega?

Í marsl sl. mátti lesa svofellda yfirlýsingu á vef forsætisráðuneytis og félagsmálaráðuneytis:

Félags- og tryggingamálaráðherra hefur einnig í samráði við forsætisráðherra ákveðið að fela nefnd sem vinnur nú að endurskoðun almannatrygginga að móta tillögur að sérstöku lágmarksframfærsluviðmiði fyrir lífeyrisþega og jafnframt flýta þeirri vinnu eins og kostur er. Lágmarksframfærsluviðmiðið taki meðal annars tillit til hækkunar lægstu launa í nýgerðum kjarasamningum og liggi fyrir eigi síðar en 1. júlí 2008.

Nú er 22.ágúst og enn hefur ekkert heyrst af þessu framfærsluviðmiði,sem átti  að vera tilbúið 1.júli sl. !

Björgvin Guðmundsson

Paul Ramses fluttur aftur til Íslands

Paul Ramses var orðlaus þegar hann frétti um að hann yrði fluttur til Íslands og mál hans tekið fyrir aftur af mannúðarástæðum. Eiginkona hans grét. Lögmaður hans vonast eftir því að hann komi til landsins þegar í næstu viku.

Dómsmálaráðuneytið hefur snúið við úrskurði Útlendingastofnunar og ætlar að taka mál flóttamannsins Paul Ramses fyrir en hann hefur verið í flóttamannabúðum á Ítalíu síðan hann var sendur úr landi. Fjöldi manna mótmælti brottvísuninnu.

Útlendingastofnun ætlar að ganga hratt í málið en ákveðin hætta er á töfum vegna skrifræðis á Ítalíu. Katrín Theodórsdóttir lögmaður hans vonast þó til þess að hann komi strax í næstu viku.(mbl.is)

Þessi ´úrskurðu þýðir,að  nú verður fjallað efnislega um það á Íslandi hvort veita eigi Paul hæli sem pólitískum flóttamanni hér. Það verður fjallað um þær ástæður,sem hann tilgreinir fyrir beiðni sinni svo sem að hann  verði í  lífshættu í heimalandi sínu ef hann snúi þangað aftur.Allur ferill hans verður rannsakaður og þá athugað hvort hann hafi skýrt satt og  rétt frá.Ég fagna því að fjallað verði efnislega um mál Paul hér. En ég vek athygli á því,að Ísland hefur verið mjög tregt til að veita útlendingum pólitískt hæli hér.

 

Björgvin Guðmundsson

 

 

Eiginkona Paul Ramses grét

Utanríkisráðuneytið opið á menningarnótt

Skýrt hefur verið frá því,að utanríkisráðuneytið verði opið almenningi á menningarnótt. Þetta er mjög skemmtileg nýbreytni. Ingibjörg Sólrún,utanríkisráðherra segir svo frá:

Á skemmtilegum fundi Reykjavíkurfélagsins um utanríkismál sem haldinn var  í vor fékk góð flokkssystir okkar, Ingibjörg Stefánsdóttir, þá smellnu hugmynd að ég opnaði utanríkisráðuneytið á menningarnótt í Reykjavík og byði fólk velkomið í bæinn að sjá starfsemi þess með eigin augum.

Utanríkisráðuneytið mun vera fyrst ráðuneyta stjórnarráðsins til að halda opið hús með þessum hætti en þetta hefur tíðkast allvíða í Evrópu.

Menningarnóttin varð snemma einn stærsti viðburður bæjarlífsins í Reykjavík og um leið ættarmót Íslendinga allra, því fólk drífur sig í bæinn á menningarnótt úr öllum landshornum. Þegar við í Reykjavíkurlistanum byrjuðum með menningarnótt á sínum tíma sáum við ekki fyrir hvað hún yrði mikilvægur þáttur í þjóðlífinu.

Opna húsið hefst á Rauðarárstíg 25 klukkan tvö á morgun laugardag og stendur til sex. Dagskráin er fræðandi, skemmtileg og menningarleg auk þess sem sérstök skemmtun fyrir börn verður í boði.

Ég vil sérstaklega bjóða allt Samfylkingarfólk hjartanlega velkomið til mín í ráðuneytið þennan dag en ég tek á móti gestum á skrifstofunni minni. Ég hef orðið vör við að margir vita ekki einu sinni hvar utanríkisráðuneytið er til húsa og margir hafa upplifað að hálfgerð leynd hvíli yfir starfseminni. Nú breytum við því, opnum stjórnsýsluna og starfið og drífum utanríkisþjónustuna inn í 21. öldina.

Heimsmálin eru heimamál og öfugt, utanríkisþjónustan er þjónusta við fólkið í landinu og án hennar væri Ísland einangrað og samningslaust við nágranna og umheiminn.

Lítið í bæinn - ég hlakka til að sjá ykkur,segir Ingibjörg Sólrún. 

Björgvin Guðmundsson

 

No virus found in this incoming message.
Checked by AVG.
Skýrt hefur

Var ákveðið í Valhöll að slíta samstarfi við Ólaf og taka upp samstarf við Framsókn?

Ólafur F. fyrrverandi borgarstjóri  sagði í viðtali við Útvarp Sögu í morgun,að  það hefði verið ákveðið í Valhöll að slíta samstarfinu við hann og mynda meirihluta í staðinn með Framsókn. Hann sagði,að Hönnu Birnu hefði allan tímann verið stýrt úr Valhöll af Guðlaugi Þór,Birni Bjarnasyni og Geir Haarde og Kjartan Gunnarsson hefði einnig haft mikil  áhrif á Hönnu Birnu. Hún hefði áður verið  aðstoðarframkvæmdastjóri  hjá honum í Valhöll.Ólafur sagði,að  flestir borgarfulltrúa Sjálfstæðisflokksins hefðu allan tímann verið andsnúnir samstarfinu við'  hann.Aðeins Vilhjálmur og Kjartan hefðu verið heilir í stuðningi við hann en þó snúist gegn honum á lokaspréttinum.  Ólafur vandar ekki sjálfstæðismönnum kvedjurnar.

 

Björgvin Guðmundsson

Handboltinn:Gullið innan seilingar

Ísland vann Spán í handknattleik á olympíuleikunum  í Peking í   í dag með 36: 30 mörkum.Þar með hefur Ísland unnið silfrið og gullið er innan seilingar en Ísland keppir við Frakkland um gullið n.k.sunnudag.Þetta er mesta afrek, sem Ísland hefur unnið á olympíuleikum.Islendingar léku frábærlega vel í leiknum á móti Spáni og voru greinlega betri. Þeir voru nær alltaf yfir. Það var hrein unun að  sjá hvað íslenska liðið stóð sig vel. Menn velta því fyrir sér hvað valdi  góðu gengi íslenska liðsins. Nýir og góðir leikmenn eru komnir upp í liðinu og þeir ná vel saman með eldri og reyndari leikmönnum. Guðmundi þjálfara hefur tekist vel með liðið en  hvort sem það er hans verk eða annarra þá hefur einnig orðið andleg bylting hjá liðinu,þar eð nú eru allir mjög jákvæðir í liðinu  og mikil leikgleði ríkir og samhugur. Það skiptir allt miklu máli og hefur átt drúgan þátt í sigri liðsins.Til hamingju  Ísland.

 

Björgvin Guðmundsson

Ekkert athugavert við nám Gísla Marteins

Upplýst hefur verið,að Gísli Marteinn borgarfulltrúi verði við nám í Skotlandi í vetur.Hyggst hann sækja borgarstjórnarfundi hálfsmánaðarlega en víkur úr borgarráði og nefndum borgarinnar. Hann verður í forsætisnefnd borgarstjórnar sem annar tveggja varaforseta.

Það hefur verið gagnrýnt af mörgum,að Gísli Marteinn skuli ætla að  fljúga heim tvisvar í mánuði til þess að sækja borgarstjórnarfundi og þiggja laun sem borgarfulltrúi þó hann verði erlendis. Og einnig er það gagnrýnt,að hann skuli verða annar varaforseti borgarstjórnar og fá laun fyrir það.

Ég tek ekki undir þessa  gagnrýni.Eins og samgöngum og tækni er  háttað í dag tel ég,að Gísli Marteinn geti rækt skyldur sínar sem borgarfulltrúi þó hann verði við nám í Skotlandi. Hann getur sótt fundi borgarstjórnar og hann fær skjölin send út annað hvort í pósti eða  með e-mail.Hann getur því kynnt sér mál borgarstjórnar ytra og  borgarbúar sem vilja leita til hans geta sent honum tölvupóst eða hringt til hans.Hann getur því sinnt starfi borgarfulltrúa að fullu enda þótt betra sé að vera búsettur á landinu varðandi það starf en þar á móti kemur að hann á að geta haft gott næði ytra til þess að kynna sér borgarmálin.

 

Björgvin Guðmundsson 

200 starfsmenn vantar á frístundaheimilin

Tvöhundruð starfsmenn vantar nú á frístundaheimili fyrir börn á aldrinum 6 til 9 ára hjá Reykjavíkurborg. Langir biðlistar hafa myndast og foreldrar fá þau svör að börn komist inn eftir áramót.

Búið er að ráða 159 starfsmenn á frístundaheimili borgarinnar. Það eru helmingi fleiri en á sama tíma í fyrra. Þrátt fyrir það vantar enn fjölda manna til að sinna þessum störfum nú þegar örfáir dagar eru í að frístundaheimilin taka til starfa. Foreldrar sem fréttastofa hafði samband við segja að svörin sem þeir fá séu að börnin komist inn í nóvember eða jafnvel ekki fyrr en eftir áramót.

Á heimasíðu Íþrótta og tómstundaráðs segir að búið sé að leita fjölmargra leiða til að ráða starfsmenn. Auglýst hafi verið reglulega í blöðum, á heimasíðum og utan á strætisvögnum. Þrátt fyrir þessar tilraunir hefur ekki tekist að manna í allar stöður, frekar en í fyrra.

Oddný Sturludóttir, borgarfulltrúi Samfylkingarinnar í stjórn Íþrótta og tómstundaráðs og í menntaráði, segir að tími sé kominn til að breyta þessu í eitt skiptið fyrir öll. (mbl.is)

Það er mjög slæmt að ekki hafi tekist að manna frístundaheimilin með nægu starfsfólki.Ástæðan er sú,að launin eru svoi lág., Það er sama ástæða og veldur því að erfitt er að fá fólk til umönnunar á

hjúkrunarheimili og spítala.

Björgvin Guðmundsson

 

«

 

Hanna Birna vill aukið samstarf við minnihlutann

Hanna Birna Kristjánsdóttir, nýr borgarstjóri Reykjavíkurborgar, segir að mest aðkallandi verkefni hins nýja meirihluta sé að koma á öryggi og festu í stjórnkerfinu og tryggja að ákvarðanir gangi hratt og örugglega fyrir sig.

„Hægagangur hefur verið inngróinn í kerfið of lengi og það þarf að snúa því blaði við. Það þarf að sýna að Reykjavíkurborg er nútímalegt fyrirtæki sem klárar hlutina,“ segir Hanna Birna.

Hanna Birna telur mikilvægt að efla samstarfið við minnihlutann, það skili sér í vandaðri ákvarðanatöku og efli traust. „Ég hef boðað stóraukið samstarf við minnihlutann og vil gjarnan formgera það samstarf með einhverjum hætti. Ég er þeirrar skoðunar að of oft séu átök í borgarstjórn átakanna vegna. Ég er sannfærð um að því fleiri sjónarmið sem koma að, því sterkari og betri verði niðurstaðan.(mbl.is)

Varðandi málefnin er ljóst,að nýi meirihlutinn vill halda flugvellinn og taka svæðið undir byggingarsvæði. Það er ný stefna.

Stefna meirihlutans varðandi Bitru virkjun er óljósari.Sagt er,að hefja eigi rannsóknir vegna Bitru á ný.En ekkert er sagt um virkjun enda ljóst,að Bitra verður ekkert virkjuð á þessu kjörtímabili. Það er því blekking þegar gefið er í skyn að virkjað verði á tímabilinu.Mér líst vel á hugmyndir Hönnu Birnu um aukið samstarf við minnihlutann. Það er vissulega nauðsynlegt,að draga úr þeim heiftarlegu deilum sem verið hafa og hugsa meira um hag borgarbúa.

 

Björgvin Guðmundsson

 

 

Vill auka samstarf við minnihluta