Mjólkin ódýr hér á landi

Óvíða í Vestur-Evrópu er nýmjólk jafnódýr og á Íslandi. Í Danmörku kostar nýmjólk um 150 kr. lítrinn og í Noregi kostar hann nálægt 200 kr. Hér á landi er mjólkurlítrinn seldur á um 90 kr.

Baldur Helgi Benjamínsson, framkvæmdastjóri Landssambands kúabænda, segir að verð á mjólk hafi lengi verið í lægri kantinum hér á landi í samanburði við nágrannalöndin. Eftir að gengi krónunnar féll í vor hafi verðmunur á mjólk hér á landi og í nágrannalöndunum aukist enn. Mjólkurverð núna sé t.d. tvöfalt hærra í Noregi en hér.

Opinber verðlagning er á mjólk hér á landi og hefur það sjónarmið verið ráðandi í verðlagsnefnd búvara að halda eigi verði á nýmjólk lágri. Baldur Helgi segir að verð á flestum unnum mjólkurvörum sé frjálst og þær vörur séu almennt hærra verðlagðar. Samanburðurinn milli landa sé ekki eins hagstæður fyrir Íslandi á þessum vörum. Hann segir að horft til framtíðar sé skynsamlegra að fylgja svipaðri stefnu og nágrannalöndin sem séu með hærra verð á nýmjólk en lægra verð á ferskum mjólkurvörum.

Baldur Helgi bendir á að þegar frelsi í viðskiptum með búvörur aukist verði mestur innflutningur á unnum mjólkurvörum. Það sé því rökrétt að reyna að halda verði á þeim samkeppnishæfu sem myndi þýða að verð á nýmjólk myndi hækka.

» Árið 2006 var gerður samanburður á verði matvæla hér á landi og í Evrópusambandinu. Niðurstaðan var að matur og drykkjarvörur væru 64% dýrari á Íslandi en í ESB. Mjólkurvörur voru 49% dýrari.
» Í vor felli gengi krónnunar um 40% og matarverð í Evrópu hefur auk þess hækkað. Munur á verðlagi á Íslandi og landa Evrópusambandsins hefur því minnkað verulega  (mbl.is).

Það er athyglisvert ,að mjólkin er tvöfalt dýrari í Noregi en hér og ef til vill er mjólkin ódýrust hér á landi. Matvæli almennt eru hins vegar mjög  dýr hér á landi.Nú hefur það bætst við,að kaupið hefur verið fellt með gengishruni krónunnar.Í raun er gengislækkun ekkert annað en kauplækkun.

 

Björgvin Guðmundsson

 

Björgvin Guðmundsson

 

Er ódýrasta mjólkin á Íslandi?

Mannréttindi verð fórn

Íslendingar telja mannréttindi afar mikilvæg en 69% í könnun Capacent Gallup töldu mannréttindi verð mikilla fórna og áhættu. Aðeins rúm 4% töldu mannréttindi ekki verð fórna og áhættu.

Í nýjum Þjóðarpúlsi Gallup var kannað hvaða atriði fólk teldi það mikilvæg að þau væru þess verð að taka áhættu og færa fórnir fyrir. Auk mannréttinda voru heimsfriður, frelsi einstaklingsins og baráttan við fátækt þau málefni sem Íslendingar töldu mikilvægust.

Capacent Gallup segir tvö atriði skera sig úr sem þau atriði sem séu minnst verð fórna en það eru eigin trúarbrögð, sem liðlega 58% sögðu ekki verð fórna og áhættu, og sameining Evrópu, sem ríflega 57% segja ekki verða fórna og áhættu.

Þegar niðurstöðurnar voru greindar eftir kyni kom í ljós að konur eru líklegri en karlar til að meta málefni verð þess að færa miklar fórnir og taka áhættu fyrir. Munurinn er mestur þegar kemur að jafnrétti kynjanna en 57% kvenna telja það þess vert að færa miklar fórnir og taka áhættu fyrir en 39% karla eru sömu skoðunar.

Töluvert hærra hlutfall kvenna en karla telur að baráttan gegn kynþáttafordómum sé fórna og áhættu verð en 14% karla telur að baráttan gegn kynþáttafordómum sé ekki fórna eða áhættu verð samanborið við 5% kvenna.(MBL.IS)

Það kemur ekki á óvart,að menn meti mannréttindi mikils. Mikið hefur verið rætt um mannréttindi á þessu ári,m.a. vegna úrskurðar Mannréttindanefndar Sþ.um að kvótakerfið íslenska brjóti mannréttindi.

Björgvin Guðmundsson

 

 

Slóð: http://www.mbl.is/mm/frettir/innlent/2008/08/03/islendingar_telja_mannrettindi_verd_forna/
Skoðað: 2008-08-03 22:41
© mbl.is/Árvakur hf

Íslendingar telja mannréttindi verð fórna

Álagning olíufélaganna jókst um 5 kr.pr. liter

Álagning á bensíni var fimm krónum meiri á lítrann í júlí en júní, segir Runólfur Ólafsson, framkvæmdastjóri Félags íslenskra bifreiðaeigenda. Þetta hafi kostað neytendur eina milljón króna á dag eða 150 milljónir króna í júlí.

Íslendingar eru ekki einir um að þykja eldsneytisverð hátt. Sömu sögu er að segja annars staðar á Vesturlöndum.

Runólfur Ólafsson, framkvæmdastjóri Félags íslenskra bifreiðaeigenda, segir að mörg þessara  olíufélaga bori sjálf eftir olíu og dreifi henni. Það eigi ekki við um íslensku olíufélögin og því séu þau ekki tengd þessum mikla gróða. En þau kaupi inn olíu á þessu háa heimsmarkaðsverði.

Runólfur segir að FÍB hafi einkum gagnrýnt íslensku olíufélögin fyrir að vera ekki jafnfljót að lækka verðið þegar það lækkar á heimsmarkaði eins og þau eru snögg að hækka það. Runólfur segir að heimsmarkaðsverð á olíu hafi lækkað frá júní til júlí - sem skilar sér í lækkun á kostnaðarverði á bensíni um eina krónu og tuttugu og fimm aura. Þrátt fyrir þessa lækkun hafi meðalútsöluverð á bensínlítranum hækkað um þrjár og hálfa krónu.

Álagningin jókst því um fimm krónur á bensínlítrann frá júní til júlí, segir Runólfur. Neytendur hafi því greitt einni milljón króna meira á dag í eldsneyti í júlí en í júní vegna hærri álagningar - og samtals 150 milljónir króna í júlí.

Það er forkastanlegt,að olíufélögin skuli haga sér á þennan hátt gagnvart neytendum að hækka álagningu sína á sama tíma og olíuverð er hærra en nokkru sinni fyrr. Það þarf að rannsaka verðlagningu olíufélaganna og svipta þau frjálsri verðlagningu ef þau misfara með frelsið,

 

Björgvin Guðmundsson

Þarf að breyta stjórnarsáttmálanum?

Ellert Schram skrifaði fyrir skömmu grein í Morgunblaðið um nauðsyn   þess að endurskoða stjórnarsáttmálann. Taldi hann,að aðstæður væru gerbreyttar og því nauðsyn endurskoðunar einkum að því er varðaði efnahagsmál.Í stjórnarsáttmálanum segir svo m.a. um efnahagsmálin:

 Eitt brýnasta verkefni nýrrar ríkisstjórnar er að tryggja stöðugleika í efnahagslífinu í þágu heimila og atvinnulífs. Markmið hagstjórnarinnar er að tryggja lága verðbólgu, lágt vaxtastig, betra jafnvægi í utanríkisviðskiptum, jafnan og öflugan hagvöxt og áframhaldandi trausta stöðu ríkissjóðs. Stórframkvæmdir, skattkerfisbreytingar og aðrar hagstjórnaraðgerðir verða tímasettar í ljósi þessara markmiða. Tryggja verður að íslensk fyrirtæki búi við bestu samkeppnis- og rekstrarskilyrði sem völ er á. Mikilvægt er að rekstrarumhverfi íslenskra fyrirtækja tryggi vöxt þeirra og laði að starfsemi erlendis frá. 

Vissulega eru aðstæður breyttar síðan þessi markmið voru sett og mörg þeirra eru enn fjarlæg svo sem lágt vaxtastig og lág verðbólga.En ég tel,að markmiðin eigi að standa óbreytt og við að keppa að þeim. Það er ekki nauðsynlegt að endurskoða stjórnarsáttmálann, En það þarf að framfylgja honum betur. Og þar sem ákvæði eru óljós þarf Samfylkingin að tryggja framgang umbótamála fyrir láglaunafólk,aldraða og 0ryrkja.

Björgvin Guðmundson

 

Ágreiningur um heildarmat á framkvæmdum við Bakka

Talsverður ágreiningur eru um þá ákvörðun umhverfisráðherra að láta fara fram heildarmat á umhverfisáhrifum vegna álvers við Bakka og virkunarframkvæmda vegna álverksmiðjunnar.Þeir sem gagnrýna ákvörðunina harðast segja,að það sé verið að stöðva byggingu álverksmiðjunnar. Harðasta gagnrýnin hefur komið frá Valgerði Sverrisdóttur og Kristáni Þór Júlíusssyni.Þsð er auðvitað alrang,að það sé verið að stöðva álverksmiðjuna. Hún kann að frestast um nokkrar vikur. En það getur orðið allri framkvæmdinni til góðs að kanna vel öll umhverfisáhrifin.

 

Björgvin Guðmundsson

Atvinnuleysi getur tvöfaldast

Allt útlit er fyrir að atvinnuleysi muni tvöfaldast á næstu mánuðum. Rekstrarstaða íslenskra fyrirtækja hefur snarversnað á þessu ári. Vextir hafa hækkað upp úr öllu valdi og þá hafa bankarnir nánast lokað á öll útlán vegna lánsfjárkreppunnar. Þetta kom fram í fréttum Stöðvar 2 í gærkvöld.

Guðmundur Gunnarsson, formaður Rafiðnaðarsambandsins, sagði í fréttum Stöðvar 2 að það væri þungt hljóð í mönnum og útlitið væri kolsvart. Hann sagðist vilja sjá stjórnvöld auka opinberar framkvæmdir til að fá hjól atvinnulífsins til að snúast á ný.

Atvinnuleysi hefur verið í kringum eitt prósent frá áramótum. Samkvæmt spá vinnumálastofnunar bendir allt til þess að atvinnuleysi aukist á næstu mánuðum og fari um eða yfir tvö prósent undir árslok. Það jafngildir því að um 3.400 manns séu án atvinnu.

Hætt er við þvi,að þessi spá um atvinnuleysi gangi eftir. Mér líst vek á hugmynd Guðmundar Gunnarssonar um að hið opinbera auki framkvæmdir til þess að auka atvinnu. Það er einmitt á samdráttartímum,sem hið opinbera á að auka framkvæmdir.

 

Björgvin Gu'mundsson

Margir launþegar tapa launakröfum

Gunnar Páll Pálsson, formaður VR, gerir ráð fyrir að félagið muni aðstoða um 2.000 félagsmenn við að innheimta vangreidd laun á þessu ári. Einhverjir þeirra eiga eftir að tapa verulegum fjárhæðum.

Gunnar Páll segir að undanfarin ár hafi VR aðstoðað 1.200 til 1.400 manns við að innheimta launakröfur. Hann telur að hópurinn stækki verulega næsta árið. Gunnar Páll gerir ráð fyrir að félagið aðstoði um 2.000 manns við slíka innheimtu á næstunni - oft við að innheimta laun frá gjaldþrota fyrirtækjum.

Formaður VR lýsir hér afleiðingum mikils samdráttar í þjóðfélaginu. Fyrirtæki segja upp starfsfólki og önnur verða gjaldþrota.

 

Björgvin Guðmundsson

 

Stuðningur við ríkisstjórnina minnkar

Stuðningur við ríkisstjórnina hefur ekki mælst minni á kjörtímabilinu. Hann hefur minnkað jafnt og þétt síðustu 8 mánuði, samkvæmt þjóðarpúlsi Gallúps.

Nákvæmlega helmingur kjósenda styður nú ríkisstjórnina og hefur stuðningurinn ekki mælst minni á kjörtímabilinu. Fylgi ríkistjórnarinnar mældist tæp 80% í upphafi kjörtímabilsins en mælist nú 50%, tveimur prósentustigum lægri en í síðustu könnun. Samanlagt fylgi stjórnarflokkana er nú 61% en var þegar best lét rúm 70%. Það hefur heldur ekki mælst minna á tímabilinu. 5851voru í úrtakinu og svöruðu 64% þeirra könnuninni.

Eins er með fylgi Sjálfstæðisflokksins sem nú mælist 32%. Fylgi Samfylkingarinnar er nánast óbreytt frá því í júní og mælist nú ríflega 29% prósent. Vinstri-græn bæta við sig tveimur prósentustigum og mælast með 22% fylgi. Framsóknarflokkurinn mælist með rösklega 9% fylgi og stuðningur við Frjálslynda flokkinn er 5%. Ef gengið væri til kosninga nú segjast tveir af hundraði kjósa Íslandshreyfinguna. 11% svarenda taka ekki afstöðu eða neita að svara og 13% segjast ekki ætla að kjósa. Könnunin var gerð á tímabilinu 30. júní til 29. júlí.

Það er ljóst,að hveitibraupsdögum ríkisstjórnarinnar er lokið. Fylgi stjórnarflokkanna er nokkuð svipað og áður,fylgi Sjálfstæðusflokksins þó nokkru minna..32% er með þvi minnsta,sem sá flokkur hefur fengið.29% hjá Samfylkingu er meira en  í kosningunum.

Björgvin Guðmundsson 

 

 

«

Oliuforstjórarnir með 93 millj. í árstekjur

Samanlagðar árstekjur forstjóra þriggja stærstu olíufélaga á Íslandi nema tæpum 93 milljónum króna.

Þeirra tekjuhæstur er Einar Benediktsson, forstjóri Olís, sem hefur rétt rúmar 34 milljónir í árslaun eða um 2,8 milljónir á mánuði. Næstur honum kemur Hermann Guðmundsson, forstjóri N1 með um 30 milljónir í árslaun og Gunnar Karl Guðmundsson forstjóri Skeljungs hefur tæpar 29 milljónir í árslaun.

Þessi laun forstjóra olíufélqganna eru siðlaus.Þeir ættu að sjá sóma sinn í því að lækka launin  og hugsa meira um að halda olíuverðinu niðri. Það er okrað á neytendum.

 

Björgvin Guðmundsson