Dagvöruverslun dregst saman

Emil B. Karlsson, forstöðumaður rannsóknarseturs verslunarinnar, við háskólann á Bifröst, segir framtíðarspá sýna 9% samdrátt í dagvöruverslun á þessu ári. Gera megi ráð fyrir svipuðum samdrætti í annarri verslun.

Velta í smásöluverslun jókst um 11% á föstu verðlagi í fyrra. Emil segir horfur í efnahagsmálum landsins gefa tilefni til framtíðarspár sem sýna muni minni dagvöruverslun þetta ár en á því síðasta. Líkur séu einnig á samdrætti í annarri verslun.

210 kaupsamningar verslunarhúsnæðis voru gerðir í fyrra, eða rúmum 40% fleiri en árið áður. Á síðustu 10 árum hefur rými undir verslunarhúsnæði stækkað um rúman helming. Emil telur góðæri verslunarmanna nú komið í nokkra biðstöðu. (ruv.is)

Þaðer ekkert undarlegt þó verslun dragist  saman eftir  yfir  30% gengislækkun krónunnar og stórfellda hækkun á öllum innfluttum vörum.Fólk hefur orðið að draga úr innkaupum og spara við sig.Hið háa eldsneytisverð á hér einnig hlut að máli.Það hefur hins vegar valdið undrun hvað neysla hefur lítið dregist saman fram að þessu.

Björgvin Guðmundsson

8

 

 

« 

•  

•  

Friðrik Sophusson hættir sem forstjóri Landsvirkjunar

Stjórn Landsvirkjunar auglýsir starf forstjóra fyrirtækisins laust til umsóknar í sunnudagsblaði Morgunblaðsins. Friðrik Sophusson, núverandi forstjóri, hefur lýst því yfir að hann muni hætta sem forstjóri fljótlega eftir að hann verður 65 ára í október. 

Samkvæmt auglýsingunni hefur forstjórinn það hlutverk, að framfylgja stefnu stjórnar Landsvirkjunar og gæta hagsmuna fyrirtækisins í hvívetna.

Gerðar eru kröfur til umsækjenda um háskólamenntun, sem nýtist í starfi, stjórnunar- og rekstarreynslu, yfirgripsmikillar þekkingar og reynslu á sviði fjármála, framúrskarandi samskiptahæfni og góðrar tungumálakunnáttu. Þá er þekking og reynsla af opinberri stjórnsýslu æskileg.

Umsóknarfrestur er til 12. september.(mbl.is)

Friðrik hefur gegnt starfi forstjóra Landsvirkjunar vel.Hann fór úr starfi fjármálaráðherra í það embætti og hefði mártt búaat við að einhver ófriður yrði um hann í hinu nýja embætti en svo varð ekki. Hann hefur verið farsæll í starfi.Friðrik ætlar nú að slaka á þegar hann verður 65 ára.Kona hans,Sigríður Dúna, er að taka við embætti sendiherra Íslands í Osló og Friðrik ætlar að vera þar með konu sinni.Þeim er óskað velfarnaðar.

 

Björgvin Guðmundsson

 

Starf forstjóra Landsvirkjunar auglýst

Íslendingar eru gjafmildir.Söfnuðu fyrir skóla í Jemen

Alls söfnuðust 18,2 milljónir króna á glæsimarkaðnum sem haldinn var í Perlunni í gær.. Markaðurinn var haldinn til stuðnings uppbyggingar skóla fyrir börn og konur í Jemen. Áætlað er að skólinn kosti um þrjátíu milljónir króna en auk þess sem safnaðist í dag á markaðnum hafa borist um tíu milljónir króna í frjálsum framlögum og því ljóst að bygging skólans er í höfn.

Markaðurinn verður einnig starfræktur í Perlunni á morgun milli klukkan 12 og 17:00.

Allur ágóði af sölunni  rennur til uppbyggingar skóla fyrir börn og konur í Jemen, fátækasta ríki arabaheimsins. Jóhanna Kristjónsdóttir er driffjöður verkefnisins. Undanfarin þrjú ár hefur Fatimusjóður Jóhönnu styrkt börn í Sanaa, höfuðborg Jemens, til að komast í skóla með árlegu framlagi. Áhugasamir stuðningsforeldrar hafa lagt verkefninu lið frá upphafi og styrkja íslenskar fjölskyldur nú 126 börn til náms.(mbl.is)

Þetta er frábært framtak.Hér hafa Íslendingar enn einu sinni sýnt,að þeir eru gjafmildir og vilja styðja góð málefni  innan lands sem erlendis.Ég er mjög hrifinn af þessu framtaki og tel,að konurnar sem beittu sér fyrur söfnuninni eigi þakkir skilið.

 

Björgvin Guðmundsson

Skólinn er í höfn

Hið opinbera reisi hjúkrunarheimili,ekki einkaaðilar

Ríkið hefur  samið  áætlun um byggingu 400 hjúkrunarrýma.Eiga flest þeirra að vera tilbúin  2010 en  44 (í Kópavogi) verða tilbúin  2009.Meðal þessara  hjúkrunarrýma eru 110 í Reykjavík,sem verða tilbúin  2010.Auk þess verður fjölgað einbýlum á hjúkrunarheimilum,sem fyrir eru og stefnt að því,að allir geti verið á einbýli,sem það kjósa.

Áætlaður kostnaður  við þessar framkvæmdir er 17 milljarðar,sem dreifist á 25 ár.Ástæðan fyrir því,að þetta dreifist á svo langan tíma er sú,að ætlunin er láta einkaaðila byggja verulegan hluta af þessum hjúkrunarrýmum og  að ríkið muni síðan leigja  hjúkrunarrýmið af einkaaðilum.Verulegur hluti  kostnaðar ríkisins verður því í formi leigugreiðslna auk stofnkostnaðar vegna þess rýmis,sem ríkið reisir sjálft.

Óskilanlegt er hvers vegna  ríkið vill fara á út  á þá braut að láta einkaaðila reisa hjúkrunarheimili.Opinberir aðilar hafa fram að þessu getað byggt hjúkrunarheimli. Ríkissjóður stendur vel og undanfarin ár hefur  verið góðæri í landinu.Ríki og sveitarfélög eiga því að geta byggt hjúkrunarheimili ekki síður en áður þegar  erfiðara árferði var. Það er óþarfi að láta einkaaðila braska með hjúkrunarheimili og reyna að græða á þeim.Ég er viss um,að það verður dýrara fyrir hið opinbera að leigja heldur en að byggja  sjálft og eiga húsnæðið..Ég skora

á  félags-og tryggingamálaráðherra að endurskoða áætlanir um að láta einkaaðila byggja hjúkrunarheimili..

Björgvin Guðmundsson

Tímabært að stokka kvótakerfið upp

Viðskipti með kvóta hafa verið mjög lítil á því fiskveiðiári sem nú er að ljúka og verð hefur lækkað. Á það einkum við um varanlegar aflaheimildir, hvort sem það er í stóra eða  smáa kerfinu.Þau  litlu viðskipti sem eigi sér stað eru stunduð af bönkunum, sem eru að færa til skuldir á milli viðskiptavina sinna. Bankarnir hafi verið tregir til að lána fyrir viðskiptum með kvóta. Ekki er talið að þetta ástand muni eitthvað lagast á því fiskveiðiári sem gengur í garð á mánudag.

Verð á leigukvóta hefur hins vegar verið að hækka og viðskiptin eitthvað líflegri þó að þau séu langtum minni en áður tíðkaðist.

Arthur Bogason, formaður Landssambands smábátaeigenda, genr svo langt að segja að komandi fiskveiðiár verði smábátasjómönnum afar erfitt. Nú muni menn í fyrsta sinn finna verulega fyrir þeim kvótaskerðingum sem hafa átt sér stað. 

„Menn gátu aðeins deyft höggið með því að flytja aflaheimildir yfir á þetta fiskveiðiár, sem er að verða búið, en möguleikar til þess núna eru hverfandi. Ég óttast að fyrir marga eigi komandi fiskveiðiár eftir að verða mjög erfitt, og þarnæsta líka ef halda á þessari dauðans vitleysu áfram að halda þorskinum svona niðri,“ segir Arthur og telur hætt við að einhverjir neyðist jafnvel til að selja kvóta eða að bankar taki yfir báta þeirra og selji áfram.

„Menn eru lamaðir yfir því hvað bankarnir hafa verið tregir til að lána fyrir kvóta,“ segir hann.

Að sögn Reynis Þorsteinssonar, framkvæmdastjóra Kvótamarkaðarins, er ekki farið að bera mikið á gjaldþrotum í sjávarútvegi þó að einhverjir séu kannski að lenda í greiðsluvandræðum. Hann segir að hið sérstaka hafi gerst á fiskveiðiárinu, sem nú sé að ljúka, að seljandinn hafi tekið alla skerðinguna á sig. Aflaheimildir í þorski hafi verið skertar um 33% og verðið hafi lækkað sem því nemur.(mbl.is)

Það er tími til kominn að stokka kvótakerfið alveg upp eða að afnema það  með öllu og innleiða nýtt.

Ýmsar leiðir eru til. Fyrna má aflaheimildir á hæfilega löngum tíma og úthluta að nýju gegn gjaldi.Innnkalla má allar veiðiheimildir í einu lagi og úthluta á ný gegn gjaldi eða bjóða allar heimildir upp.Í þriðja lagi mætti afnema kvótakerfið að 'öllu leyti eða að hluta til og  taka upp sóknarkerfi að hluta eða öllu leyti.Óbreytt ástand gengur ekki lengur.

 

Björgvin Guðmundsson

 

 

 

 

Nýtt fiskveiðiár mörgum erfitt