90% kröfuhafa Bakkavarar samþykktu nauðasamninga.Bræður áfram við stjórn

Níutíu prósent kröfuhafa samþykktu nauðasamninga Bakkavarar nú síðdegis. Þeir fela í sér að Ágúst og Lýður Guðmundssynir verða áfram við stjórnvölinn og geta eignast fjórðung í fyrirtækinu að fjórum árum liðnum. Bræðrunum tókst að fá erlenda lánardrottna til að samþykkja að lán yrðu gjaldfelld ef þeim yrði bolað frá völdum.

Í mars í fyrra gerðu Ágúst og Lýður samninga við erlenda lánardrottna dótturfélags Bakkavarar. Þeir fólu í sér það skilyrði að þeir yrðu áfram við stjórnvölinn. Ef þeir færu frá yrðu lánasamningarnir gjaldfelldir. Kröfuhafar í móðurfélagið, sem skuldar yfir sextíu milljarða, stóðu því frammi fyrir því að ef félagið yrði gert upp myndu verðmæti þess hverfa í hendur erlendra kröfuhafa. Þeir fengju ekki neitt upp í sínar kröfur. Með þetta tangarhald að vopni var nauðasamningsfrumvarp gert sem felur í sér að innlendar kröfur eru frystar.

Bræðurnir stjórna félaginu áfram. Ef þeir greiða skuldirnar á þeim tíma geta þeir eignast fjórðung í fyrirtækinu að nýju. Talsmenn stærstu kröfuhafa sem fréttastofa RÚV ræddi við segjast því hafa staðið á móti tveimur vondum kostum: Samþykkja frumvarpið og fá mögulega eitthvað af peningum sínum til baka eða hafna þeim og sjá félagið fara í gjaldþrot sem engu hefði skilað.(ruv.is)

Lífeyrissjóðirnir og bankarnir tapa miklum fjármunum á Bakkvör og Exista.Ekki veit ég hvað þingmenn sem gagnrýnt hafa meðferð Arion banka á  Samskipum og Högum segja um það.Svo virðist sem mismunandi reglur gildi um fyrirtækin.

 

Björgvin Guðmundsson

 

[e-mail]

Innlendar fréttir | Viðskipti