Velferðarvaktin segir verra,að menn fái matargjafir!

Velferðarvakt félagsmálaráðuneytisins gagnrýnir matargjafir hjálparstofnana harðlega.Ekki er unnt að skilja ummæli Velferðarvaktarinnar ööru vísi en þannig,að það sé verra fyrir fátæka að fá matargjafirnar heldur en að fá þær ekki.Velferðarvaktin segir,að það sé niðurlægjandi fyrir fólk að bíða í biðröð eftir matargjöfum og Velferðarvaktin gefur til kynna,að það sé niðurlægjandi að þiggja matargjafir.Það brjóti niður sjálfstraust fólks.

Ég tel þessi ummæli Velferðarvaktarinnar hin furðulegustu.Fólk,sem ekki hefur mat handa börnum sínum eða sér sjálfum á ekki margra kosta völ.Eðlilegt er að það leiti til hjálparstofnana.Hjálparstofnanir eiga þakkir skilið fyrir að hjálpa fátæku fólki um mat og aðra brýna aðstoð.Sjálfsagt er Velferðarvaktin að reyna að koma því til skila að velferðarkerfið eigi að sjá fátæku fólki fyrir nægum lífeyri og félagslegri aðstoð.Og víst væri það æskilegast.En velferðarkerfið hefur brugðist.Það hefur ekki reynst vandanum vaxið.Og á meðan svo er vinna Hjálparstofnanir mjög mikilvægt hjálparstarf,sem ber að þakka en ekki að gagnrýna.

 

Björgvin Guðmundsson

Athugasemdir

[Guðrún Hlín (IP-tala skráð) 6.4.2010 kl. 13:39]

Takka þér fyrir að vera ekki sama um þá fátækt sem hér er að skapast.Það væri fróðlegt að fá nöfn þeirra sem skipa þessa svokölluðu velferðavakt,og maður spyr sig hvort það fólk sé starfi sínu vaxið???????

[Baldur B.Maríusson (IP-tala skráð) 6.4.2010 kl. 18:18]

Sæll enn og aftur Björgvin.

Er það ekki nokkuð ljóst að starfsmenn velferðaráðs félagsmálaráðuneytisins sé jafn gáfaðir og hinn stórgáfaði félagsmálaráðherra, sem reyndar felur gáfur sínar mjög vel.

Hvernig getur fólk látið svona frá sér að þeir sem ekki eiga fyrir mat hands sér og sínum eigi ekki að þiggja af öðrum.  Kanski að kattarkonan aðstoðarkona hans að veiða ketti fyrir fátæka til að þeir hafi eitthvað í sig.