Jóni Ásgeir,Pálma,Lárusi Welding,Hannesi o.fl stefnt í New York

Slitastjórn Glitnis hefur stefnt Jóni Ásgeiri Jóhannessyni og fleirum fyrir dóm í New Yok fyrir fjársvik og krefst tæplega 260 milljarða króna í bætur. Þá hafa eignir Jóns Ásgeirs um víða veröld verið kyrrsettar.

Málið var þingfest í New York í gær en auk Jóns Ásgeir fá Ingibjörg Pálmadóttir kona hans, Pálmi Haraldsson, Þorsteinn Jónsson, fyrrverandi stjórnarformaður Glitnis, Lárus Welding, fyrrverandi bankastjóri og Jón Sigurðsson og Hannes Smárason frá FL-Group stefnu. Þá er endurskoðendaskrifstofunni PricewaterhousCoopers einnig stefnt fyrir afglöp í trúnaðarstarfi og vítaverða vanrækslu.

Í tilkynningu frá slitastjórn Glitnis kemur fram að gögn málsins sýni hvernig klíka fésýslumanna, undir forystu Jóns Ásgeirs, tók sig saman um að hafa með skipulegum hætti fé af Glitni til að styðja við sín eigin fyrirtæki þegar þau riðuðu til falls. Þau hafi brotist til valda í Glitni og misnotað þá stöðu til að tefla fjárhag bankans í bráðan voða. Tjón Glitnis sé tveir milljarðar dollara, eða tæplega tvö hundruð og sextíu milljarðar króna. Í tilkynningu er haft er eftir Steinunni Guðbjartsdóttir formanni slitastjórnar Glitnis að gögnin styðj að bankinn hafi verið rændur innan frá.

Þá fékk slitastjórnin í gær úrskurð dómstóls í Lundúnum um kyrrsetningu eigna Jóns Ásgeirs Jóhannessonar um allan heim. Þar á meðal eru tvær íbúðir á Manhattan í New York sem hann keypti á um 25 miljónir dollara.(ruv.is)

Ólíklegt er,að unnt verði að sanna fyrir dómstól í New York,að umræddir menn,sem stefnt er,hafi gert samsæri um að ná meirihluta í Glitni til þess að skara eld að eigin köku.Þetta er raunar það ,sem gerst hefur í öllum bönkunum,í misjafnlega miklum mæli.

Björgvin Guðmundsson