30 millj, til verkefna er tengjast baráttu gegn fátækt

Samtals þrjátíu milljónum króna var úthlutað úr sjóði tileinkuðum baráttunni gegn fátækt og félagslegri einangrun í tilefni af Evrópuárinu 2010. Í fréttatilkynningu frá Félags- og tryggingamálaráðuneytinu kemur fram að félagsmálaráðherra, Árni Páll Árnason, hefur samþykkt úthlutun styrkja til 21 verkefnis og rannsókna sem koma munu til framkvæmda á þessu ári.

Í matsnefndinni sátu fulltrúar frá félags- og tryggingamálaráðuneytinu, dómsmála- og mannréttindaráðuneytinu, heilbrigðisráðuneytinu, mennta- og menningarmálaráðuneytinu og Ráðgjafarstofu um fjármál heimilanna. Sjóðurinn er fjármagnaður af stjórnvöldum og Evrópusambandinu, en alls bárust 85 umsóknir fyrir ríflega 208 milljónir króna.
(ruv..is)

Björgvin Guðmundsson