Lífeyrissjóðurinn er eign en ekki tekjur.Ekki á að skattleggja greiðslur úr lífeyrissjóði

Ég fékk tölvupóst frá konu,sem er eftirlaunaþegi.Hún gagnrýndi það,að lífeyrissjóður launþega væri meðhöndlaður eins og tekjur en í raun væri hér um eign að ræða,sem stjórnarskráin verndaði gegn eignaupptöku.Konunni fórust svo orð m.a.:

Hefurðu hugsað út í það að ellilífeyrisgreiðslur eru meðhöndlaðar af TR sem tekjur.  Ég veit ekki betur en að ég hafi greitt af mínum eigin launum í lífeyrissjóð til að hafa upp á að hlaupa í ellinni og vinnuveitendur lögðu á móti sem hluta af mínum launum.  Hvernig í ósköpunum er hægt að halda því fram  þegar ég er að taka út mánaðarlega inneign mína í lífeyrissjóði að þeir sömu aurar séu aftur tekjur.    Er þetta ekki bara brot á mannréttindaákvæðum stjórnarskrár, þar sem sagt er að eignarétturinn sé friðhelgur. 

Og að auki greiddum við gamlingjarnir fullan skatt af þessu í mörg ár, svo greiðum við aftur skatt af sömu krónum og svo skerðir TR tekjutryggingu á þeim forsendum að eign mín sé ekki eign heldur tekjur.  Það er grundvallarmunur á merkingu þessara orða „eign“ og „tekjur“.

Ég tek undir með konunni.Það,sem við höfum greitt í lífeyrissjóð er okkar eign en ekki tekjur,sem unnt sé að skattleggja.Þetta verður að leiðrétta.

 

Björgvin Guðmundsson