Kosningarnar mikið áfall fyrir gömlu flokkana

Sveitarstjórnarkosningarnar  urðu  mikið áfall fyrir alla gömlu flokkana.Mest var áfallið í Reykjavík og  á Akureyri.Í Reykjavík fékk Besti flokkur Jóns Gnarr 6 borgarfulltrúa og er stærsti flokkur borgarstjórnar.Sjálfstæðisflokkurinn tapaði tveimur borgarfulltrúum,fékk 5 og Samfylkingin tapaði einum,fékk 3. Framsókn þurrkaðist út,fekk engan borgarfulltrúa kjörinn.Sama er að segja um hina smáflokkana. Þeir komu ekki manni að.VG fékk 1 borgarfulltrúa,tapaði einum.

Á Akureyri var áfall gömlu flokkanna enn meira. Þar fékk L listinn hreinan meirihluta og gömlu meirihlutaflokkarnir Sjálfstæðisflokkur og Samfylking fengu aðeins 1 fulltrúa hvor.Í sumum sveitarfélögum úti á  landi fengu  gömlu flokkarnir hins vegar ágæta kosningu.Samfylkingin vann mikinn sigur á Akranesi og  bætti við sig 2 fulltrúum.Sjálfstæðisflokkurinn vann meirihluta í Árborg og hélt meirihlutanum í Reykjanesi og í Vestmannaeyjuym.Samfylkingin tapaði meirihlutanum í Hafnarfirði  en fekk yfir 40% atkvæða.Flokkurinn getur myndað meirihluta með VG. Í Kópavogi féll meirihluti Sjálfstæðisflokks og Framsóknar.En Samfylkingin tapaði þar einum manni.

Jóhanna Sigurðardóttir forsætisráðherra sagði  í nótt,að  kosningarnar í gær þýddu endalok fjórflokksins.Bjarni Benediktsson tók ekki undir  það. En sagði,að gömlu  flokkarnir yrðu að standa sig betur.

Það er eitthvað mikið að  í stjórnmálum okkar,að nýr listi eins og listi Jóns Gnarr skuli fá 6 borgarfulltrúa og yfir 30 % atkvæða.Það sýnirað það er mikil óánægja meðal almennings,sennilega vegna bankahrunsins og vegna starfa núverandi ríkisstjórnar.Menn eru ekki ánægðir með störf hennar.Mér finnst hins vegar óánægjan koma niður á " skökkum" flokkum.Hún kemur m.a. niður á Vinstri grænum sem eru eini flokkurinn,sem ber enga ábyrgð á hruninu.Svo virðist sem kjósendur Besta flokksins geri engan greinarmun á gömlu flokkunum. Þeir flokka VG með fjórflokknum þó VG sá saklaus af  ábyrgð á hruninu.En við megum ef til vill þakka fyrir,að áánægjan fór á Jón Gnarr en ekki einhvern nýjan öfgaflokk til hægri eða vinstri.

 

Björgvin Guðmundsson