Fráleit tillaga Karls Th. Birgissonar

Karl Th. Birgisson, fyrrverandi framkvæmdastjóri Samfylkingarinnar, vill að Dagur B. Eggertsson, oddviti flokksins í Reykjavík, víki í ljósi slæmra úrslita í kosningunum um helgina. Karl segir að úrslitin séu þau langverstu í sögu Samfylkingarinnar.

Í pistli á vefnum Herðubreið segir Karl að mánuði fyrir kosningarnar hafi 30% Reykvíkinga viljað að Dagur yrði borgarstjóri, en um 37% hafi viljað Hönnu Birnu Kristjánsdóttur, oddvita Sjálfstæðisflokksins.(visir.is)

Þessi tillaga Karls Th.Birgissonar er fráleit.Það ber að skoða  úrslit Samfylkingarinnar í ljósi þess,að nýr flokkur,Besti flokkurinn, bauð fram og fékk 6 fulltrúa.
Dagur tapaði 1 fulltrúa en Hanna Birna tapaði 2 og Sóley tapaði 1 .Samkvæmt kenningu Karls ættu allir þessir  leiðtogar að segja af sér.
Það er einmitt nauðsynlegt að Dagur haldi áfram og myndi stjórn með Jóni Gnarr. Það þarf mann með reyslu til þess að mynda stjórn með Jóni þar eð Jón er reynslulaus.

 

Björgvin Guðmundsson