Sjálfstæðisflokkur með 30%,Samfylking með 22%.

Samkvæmt könnun Capacent Gallup er fylgi flokkanna nú sem hér segir miðað við þingkosningar:

D-listi 30%,S listi 22%,V listi 27%, B- listi 14%. Niðurstöður  um fylgi flokkanna á landsvísu eru úr netkönnun sem Capacent Gallup gerði dagana 30. apríl - 26. maí 2010.

Heildarúrtaksstærð var 3.844 einstaklingar af öllu landinu og var svarhlutfall 68,2%. Vikmörk eru 0,4-2,2%. Í úrtakinu var fólk á aldrinum 18 ára eða eldra af öllu landinu valið af handahófi úr Viðhorfahópi Capacent Gallup.Sé þetta hins vegar borið saman við fylgið á landsvísu í sveitarstjórnarkosningunum á laugardaginn kemur í ljós að fleiri vilja Sjálfstæðisflokkinn til áhrifa í héraði en á Alþingi. Þessu er hins vegar þveröfugt farið með Vinstri græn. Kjósendur Samfylkingarinnar virðast styðja flokkinn hvort sem er í sveitarstjórnum eða til Alþingis. Fleiri vilja hins vegar Framsókn til valda á þingi en í heimabyggð.

Tæpur þriðjungur kaus einhvern annan en hinn svokallaða fjórflokk um helgina. Þar skiptir sköpum stuðningur við Besta flokkinn í Reykjavík, Næst besta flokkinn í Kópavogi og L-listann á Akureyri. Hafa ber í huga að hinir hefðbundnu stjórnmálaflokkar buðu ekki alls staðar fram hreina flokkslista.

Fylgi stjórnarflokkanna er svipað og fyrir 1 mánuði,Samfylking með 1 prósentustigi minna og VG með einu prósentustigi meira.

 

Björgvin Guðmundsson

 

[e-mail]