Útgjöld flestra ráðuneyta jukust eða stóðu í stað en almannatryggingar skornar niður

Eftirtalin ráðuneyti juku útgjöld sín á yfirstandandi ári þrátt fyrir tilmæli um  niðurskurð: Dómsmálaráðuneytið um 1 milljarð kr.,sjávarútvegsráðuneytið um 1 milljarð kr.,umhverfisráðuneytið um  100 þús. kr.,efnahagsráðuneytið um 200 þús. kr. og iðnaðarráðuneytið um 700 þús. kr.. Í menntamálaráðuneytinu stóðu  útgjöldin í stað. Í forsætisráðuneyti,utanríkisráðuneyti og fjármálaráðuneyti minnkuðu útgjöld um 1 milljarð kr., í hverju ráðuneyti.Í heilbrigðisráðuneyti og samgönguráðuneyti varð mikill niðurskurður.En þess ber að geta að mikill tilflutningur verkefna átti sér stað úr heilbrigðisráðuneyti í félagsmálaráðuneyti.Skýrir það að hluta til minnkun útgjalda í heilbrigðisráðuneyti og aukningu útgjalda í félagsmálaráðuneyti til annarra þátta en almannatrygginga en niðurskurður í lífeyristryggingum almannatrygginga nam  6 milljörðum eða hærri upphæð en niðurskurður í öðrum ráðuneytum en heilbrigðisráðuneyti og samgönguráðuneyti.Svo virðist sem skjaldborg hafi verið slegin um dómsmálaráðuneyti,sjávarútvrgsráðuneyti,efnahagsráðuneyti og iðnaðarráðuneyti  og jafnvel menntamálaráðuneyti en ekki um almannatryggingar,sem ríkisstjórnin ætlaði þó að vernda.Skjaldborg um almannatryggingar brást.

Björgvin Guðmundsson