Samerji greiðir 260 þús. kr. viðbótarlaunauppbót í desember

Samherji hf. hefur ákveðið að greiða starfsmönnum í landi 260 þúsund króna launauppbót nú í desember, til viðbótar umsaminni 46 þúsund króna desemberuppbót.

Í tilkynningu segir að Þetta sé í annað skiptið á árinu sem Samherji greiðir uppbót á laun. Starfsmaður í fullu starfi fær því samtals 320 þúsund króna aukagreiðslur á árinu. Þetta er jafnframt annað árið í röð sem Samherji greiðir um 300 starfsmönnum eingreiðslur umfram kjarasamninga.

"Það er okkur ánægjuefni að vera í þeirri stöðu þrátt fyrir allt að geta umbunað starfsfólki okkar með þessum hætti nú, " segir Þorsteinn Már Baldvinsson, forstjóri Samherja. "Þegar við lítum yfir árið erum við ánægð með hvernig til hefur tekist á flestum sviðum. Okkur hefur gengið vel í markaðsstarfi, verð hefur hækkað á mörgum mörkuðum, birgðir eru í jafnvægi og bæði framleiðslan og fiskeldið hafa gengið vel."

Þorsteinn Már segir að þótt á ýmsu gangi hafi starfsfólki Samherja tekist að halda einbeitingunni, slá hvert framleiðslumetið á fætur öðru og sýna viðskiptavinum fyrir hvað Samherji stendur.

"Við seljum virðisaukandi þjónustu til viðskiptavina sem gera miklar kröfur og vilja hámarksgæði með langtíma sjónarmið að leiðarljósi. Í rekstri Samherja fara langtíma hagsmunir starfsfólks og fyrirtækisins saman," segir hann.(visir.is)

Þetta er frábært framtak hjá Samherja og ættu fleiiri útflutnings-og útgerðarfyrirtæki að taka sér Samherja til fyrirmyndar í þessu efni.

 

Björgvin Guðmundsson