Þriðjudagur, 17. apríl 2018
VG styður hernaðarárás í Sýrlandi!
NATO lýsti því yfir,að öll aðildarríki bandalagsins styddu loftárás Bandaríkjanna,Bretlands og Frakklands á efnavopnageymslur í Sýrlandi.Það þýðir,að Ísland styður árásina; forsætisráðherra Íslands er Katrín Jakobsdóttir,formaður VG. Í stefnuskrá VG stendur að flokkurinn sé andvígur allri hernaðaríhlutun.
Hvernig stendur á því, að VG samþykkir þá stefnu Sjálfstæðisflokksins og Framsóknar að styðja NATO og styðja hernað,sem NATO styður.Og hvernig stendur á því að VG samþykkir öll mál Sjálfstæðisflokksins og jafnvel Framsóknar en Sjálfstæðisflokkurinn samþykkir engin mál VG? Svarið er þetta: VG vill allt vinna til þess að fá að vera í ríkisstjórninni,jafnvel að fórna stefnumálum sínum.VG fær engum velferðarnmálum framgengt.Flokkurinn kokgleypir stefnu Sjálfstæðisflokksins í utanríkismálum.Það eina sem VG nær fram eru lítilsháttar ráðstafanir í loftslagsmálum!
Björgvin Guðmundsson
Meginflokkur: Stjórnmál og samfélag | Aukaflokkur: Bloggar | Facebook
Athugasemdir
Er það ekki sjálfsagt mál að styðja aðgerðir sem miða að því að draga úr getu Assads til að eitra fyrir þegnum sínum?
Þorsteinn Siglaugsson, 17.4.2018 kl. 19:30
JÚ.En VG fór í kosningar með það stefnumál að vera á móti allri hernaðaríhlutun.kær kveðja.BG
Björgvin Guðmundsson, 17.4.2018 kl. 22:16
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.