"Réttlætinu verður ekki frestað"

Ríkisstjórn undir forustu VG er eins árs um þessar mundir.Auk VG eru í stjórninni Sjálfstæðisflokkur og Framsóknarflokkur.Ríkisstjórnin var mynduð í lok nóvember 2017.Margir verkalýðssinnar,aldraðir og öryrkjar bundu miklar vonir við forustu VG fyrir ríkisstjórninni, þar eð VG gaf kosningaloforð fyrir kosningar 2017 um að bæta ætti kjör aldraðra með hækkun ellilífeyris. Og VG er afsprengi Alþýðubandalagsins, sem var verkalýðsflokkur. En þessir aðilar  hafa orðið fyrir miklum vonbrigðum.VG eða rikisstjórnin hefur ekki hækkað lífeyri um eina krónu að eigin frumkvæði.Sú litla hækkun,sem varð á lífeyri um síðustu áramót var ákveðin af ríkisstjórn Framsóknar og Sjálfstæðisflokks 2016.Verkalýðshreyfingin samdi 2015  um hækkun lægstu launa í  300 þúsund á 3 árum og Landssamband eldri borgara fór fram á hliðstæða hækkun lífeyris 2016. Ríkisstjórn Framsóknar og Sjálfstæðisflokks varð við því eða taldi sig verða við því 2016.Lífeyrir átti að hækka í 300 þusund 2017.En   að eigin frumkvæði hefur VG ekkert gert til þess að hækka lífeyri aldraðra og öryrkja ennþá.

 

Lífeyrir aldraðra og öryrkja mjög lágur

 

 Lífeyrir aldraðra og 0ryrkja frá almannatryggingum er í dag 204 þúsund kr á mánuði eftir skatt  hjá giftum og sambúðarfólki (eingöngu lífeyrir frá TR) og 243 þúsund kr á mánuði eftir skatt hjá einhleypym (eing.lífeyrir frá TR).

Fyrir skatt er lífeyrir sem hér segir: Sambúðarfólk og giftir: 239 þúsund  á mánuði,einhleypir 300 þús.á mánuði.Einhleypir aldraðir eru um 25% svo loforðið um 300 þúsund á mánuði nær  aðeins til lítils hluta eldri borgara Og sama er að segja um öryrkja.Aðeins 29% þeirra fær 300 þúsund á mánuði; hinir fá 239 þúsund á mánuði.

 

Ráðgerð hækkun lífeyris minni en verðbólgan!

 

Í fjárlagafrumvarpinu er gert ráð fyrir 3,4% hækkun lífeyris 2019.Bankarnir spá 3,5% verðbólgu næsta ár svo ekki er verið að lofa neinni raunhækkun.3,4% dugar ekki   einu sinni fyrir verðbólgunni.

 

Hvað þarf lífeyrir að vera  mikill til þess að dugi til mannsæmandi lífs; eldri borgarar geti átt áhyggjulaust ævikvöld og öryrkjar þurfi ekki að kvíða morgundeginum?Ég mun nú svara því. Að mínu mati þarf lífeyrir þeirra,sem eingöngu hafa lífeyri frá almannatryggingum að vera 420 þúsund kr fyrir skatt á mánuði, 311 þúsund  kr.eftir skatt.Ég tel þetta algert lágmark til þess að hafa fyrir framfærslukostnaði og til þess að eldri borgarar geti gefið barnabörnum og barnabarnabörnum smágjafir.Það er ekki forsvararlegt að skammta eldri borgurum minna en þetta,  Ísland hefur efni á þessu.-Afgreiðsla meirihluta fjárlaganefndar á fjárlagafrumvarpi gefur ekki góðar vonir.Meirihlutinn leggur til,að framlög til öryrkja verði skorin niður um 1,1 milljarð.Vonir stóðu til,að framlög til öryrkja yrðu aukin,m.a. til þess að afnema krónu móti krónu skerðinguna.-Þær vonir brugðust.Ríkisstjórnin stendur á bak við afgreiðslu meirihlutans.

 

Margir skrifuðu undir kröfu um bætt kjör!

 

Nýlega var efnt til undirskriftasöfnunar til stuðnings kröfu eldri borgara og öryrkja um bætt kjör.Einn eldri borgari,kona yfir áttrætt,stóð fyrir undirskriftasöfnuninni.Á 6 vikum skrifuðu tæp 8000 undir.Það var stærsta undirskriftasöfnun á vegum þjóðskrár. Upphafsmaður og ábyrgarmaður undirskriftasöfnunarinnar var Erla Magna Alexandersdóttir.Hún gerði þetta nokkurn veginn ein síns liðs; hafði ekkert félag eða fyrirtæki á bak við sig,ekkert fjármagn en samt skrifuðu svona margir undir.Það sýnir,að eldri borgarar,öryrkjar og stuðningsmenn  þeirra vilja knýja fram kjarabætur enda kjörin hjá þeim lægst launuðu óásættanleg.

 

"Réttlætinu verður ekki frestað"

 

 Væntanlega tekur Katrín Jakobsdóttir,forsætisráðherra sig á í kjaramálum aldraðra og öryrkja.Hún hefur ekki gert það enn.En það hlýtur að vera orðið ljóst ráðherrum og þingmönnum,að  204-243 þúsund kr eftir skatt á mánuði dugar ekki til framfærslu, þegar ekki er um aðrar tekjur að ræða.Katrín verður að hafa forustu fyrir því í ríkisstjórninni,að þessi smánarkjör verði leiðrétt.Það þolir enga bið.Réttlætinu verður ekki frestað. 

Björgvin Guðmundsson

 

Mbl. 24nóv 2018

 

 

 

Reynt að kúga öryrkja til þess að samþykkja starfsgetumat!

Ríkisstjórn KJ reynir nú stöðugt að kúga öryrkja til þess að samþykkja starfsgetumat í stað læknisfræðilegs örorkumts..Öryrkjum er sagt,að krónu móti krónu skerðing hjá þeim verði ekki afnumin fyrr en öryrkjar samþykki starfsgetumat.Haustið 2016 var öryrkjum lofað afnámi krónu mótu krónu skerðingar eins og öldruðum.Staðið var við þetta gagnvart öldruðum en svikið á síðustu stundu gagnvart 0ryrkjum,.þar eð þeir voru ekki tilbúnir að samþykkja starfsgetumat.En sagt var við öryrkja ,að afnán krónu móti krónu skerðingar yrði framkvæmt mjög fljótlega. Það var svikið og þau svik hafa staðið í tæpa 23 mánuði og þar á meðal i tæoa 12 mánuði á ábyrgð stjórnar KJ.Þessi þvingunar- og kúgunarvinnubrögð gagnvart öryrkjum eru fáheyrð og helst í ætt við vinnubrögð sem tíðkuðust í Austur-Evrópu kommunismans.-Undanfarið hefur ríkisstjórnin verið að tala um að gera eigi einhverja kerfisbreytingu í þágu öryrkja.En það er blekking.Það á ekki að gera neina kerfisbreytingu.Afnám krónu móti krónu skerðingar gagnvart öryrkjum er jafn einföld aðgerð gagnvart 0ryrkjum eins og hún var gagnvart öldruðum.I stuttu máli snýst þetta einfaldlega um það að hætta að skerða framfærsluuppbót vegna viðbótartekna.Í tilviki aldraðra gerðist þetta þannig,að framfærsluuppbótin var felld inn í lífeyrinn ( tekjutrygginguna) og skerðingin felld niður. Þetta var ekki kallað kerfisbreytng hjá öldruðum og er það ekki fremur hjá öryrkjum enda verður breytingin framkvæmd nákvæmlega eins hjá þeim.En hvers vegna er ríkisstjórnin þá alltad að tönnlast á einhverri kerfisbreytingu.Ég hef grun um að það sé vegna þess að ríkisstjórnin þori ekki að minnst á starfsgetumt,a.m.k ekki á meðan kúgunin gagnvart öryrkjum hefur ekki skilað árangri! Þetta er m.ö.o: Blekking og kúgun af hálfu ríkisstjórnarinnar. Og hvað hafa þessi vinnubrögð skaðað öryrkja mikið á þeim tæpu 23 mánuðum sem liðnir eru frá því þeim var lofað afnámi krónu móti krónu skerðingar.Ég sá nefnda tölu yfir 2o milljarða.Ætlar rikisstjórnin að greiða öryrkjum þá upobæð.Krafan er einföld: Afnema á krónu móti krónu skerðingu gagnvart öyrkjum strax í þessari viku og án skilyrða. Engar blekkingar.Enga kúgun!

Björgvin Guðmundsson

Ársafmæli aðgerðarleysis VG stjórnar

!

Nú líður að því að ríkisstjórn VG (Vinstri grænna) með íhaldi og Framsókn verði eins árs en það er þá ársafmæli aðgerðarleysis í málefnum þeirra,sem minna mega sín. VG telur sig vinstri flokk en það þýðir að bera hag verkafólks og þeirra sem minna mega sín fyrir brjósti.VG spratt upp úr Alþýðubandalaginu,sem var sósialistaflokkur og taldi sig verkalýðsflokk.Í dag er VG eingöngu flokkur menntamanna,sem hefur áhuga á umhverfismálum.

Fyrir alþingiskosningarnar fyrir rúmu ári lagði VG fram kosningaloforð um að hækka ætti lífeyri aldraðra og öryrkja.Þetta loforð hefur verið svikið.VG hefur ekki hækkað lífeyrinn um eina krónu að eigin frumkvæði. Logi Einrsson formaður Samfylkingarinnar spurði formann VG um það snemma á kjörtímabilinu hvort ríkisstjórnin ætlaði að gera eitthva fyrr þá sem minnst mættu sín. Formaðurinn svaraði því,að vorið 2018 mundu málin skýrast og gaf til kynna að eitthvð yrðu þá gert. En vorið kom og ekkert var gert og hefur ekki verið gert enn. Það eina,sem ríkisstjórn VG hefur gert er að berja niður kauphækkunarkröfur verkalýðshreyfingariinnar með aðstoð Seðlabankans og hagfræðingsins Gylfa Zoega,sem sæti á í peningastefnunefnd Seðlabankans.

VG hefur hundsað kröfur lægst launuðu aldraðra og 0ryrkja um kjarabætur.VG hundsar kröfur verkalýðshreyfingarinnar um kjarabætur, VG hefur hundsað kröfur Öryrkjabandalagsins um afnám krónu móti krónu skerðingar 0ryrkja,sem staðið hefur í 22 1/2 mánuð og VG hefur ekkert gert til þess að útrýma fátækt barna á Íslandi,sem er blettur á íslensku samfélagi.

Það er sama hvar borið er niður.VG hefur algerlega brugðist láglaunafólki og lægst launuðu öldruðum og öryrkjum.Eina málið,sem VG hefur sýnt áhuga á eru umhverfismálin.Það er gott svo langt sem það nær. En í þeim málaflokki standa Íslendingar mjög illa. Upplýst var fyrir nokkrum dögum,að Ísland mengaði meira en nokkur önnur Evrópuþjóð. Ísland skrifaði undir Parísarsáttmálann en gerði síðan ekkert í því að framkvæma hann!

Kjaradeilan harðnar nú dag frá degi.Ekki er í augsýn nein friðsamleg lausn.Atvinnurekendur telja kaupkröfur verkafólks alltof háar.Þær eru svipaðar og kröfur þær,sem verkalýðshreyfingin setti fram 2015; fyrsti áfangi 2015 var meira að segja hærri þá en nú á að vera eða 14,5% í mai 2015 en nú á kaupgjald að hækka um 14% í fyrsta áfanga,þ,e. um næstu áramót og síðan á að framkvæma kröfuna um 425 þús kr. laun á 3 árum.Þegar yfirstéttin fékk sin ofurlaun var ekki verið að dreifa hækkuninni á mörg ár,nei þá voru launin hækkuð í einum áfanga upp úr öllu valdi ( en margir í yfirstéttinni fengu hins vegar afturvirkar launahækkanir upp í 18 mánuði og upp í 48% hækkun) Laun þingmanna voru hækkuð um rúm, 70% og laun ráðherra um 64%. Þetta var kolólöglegt,þar eð kjararáð átti að taka tillit til launaþróunar.Það gerði það ekki. Alþingi hafði hins vegar ekkii manndóm í sér til þess að afturkalla þessar ofurlaunahækkanir.-Það er kaldhæðni,að Seðlabankinn hefur nú með vaxtahækkun stórlega spillt fyrir því,að unnt verði að gera átak í húsnæðismálum,þar hækkun vaxta mun gera húsnæði dýrara og hækka lánin en átak í húsnæðismálum hefði hugsanega geta komið að hluta til í stað launahækkunar.Seðlabankanum var svo brátt í brók að reyna að hræða verkalýðshreyfinguna frá átökum á vinnumarkaði og miklum launahækkunum,að bankinn gleymdi því,að átak i húsnæðismálum er ein helsta krafa verkalýðshreyfingarinnar.

Vaxtahækkun Seðlabankans hefur mælst mjög illa fyrir hjá verkalýðshreyfingunni og raunar einnig hjá atvinnurekendum.Þessi vaxtahækkun getur því hæglega haft öfug áhrif.

 

Björgvin Guðmundsson

Hækka þarf verulega lágmarkslaun verkafólks og lífeyri aldraðra og öryrkja

Þingi Alþýðusambands Íslands er tiltölulega nýlokið. ASÍ kaus sér nýja forustu. Gylfi Arnbjörnsson lét af störfum sem forseti eftir tíu ára starf í því embætti en áður hafði hann verið starfsmaður sambandsins. Gylfi var öflugur forseti og lét mikið að sér kveða, en síðustu árin hlaut hann talsverða gagnýni fyrir að vera ekki nógu róttækur í baráttu fyrir hærra kaupgjaldi launafólks. Nýir verkalýðsleiðtogar stóðu einkum fyrir þessari gagnýni og áttu stóran þátt í að Gylfi dró sig í hlé og gaf ekki kost á sér til forsetaembættis á ný á síðasta þingi. Í stað Gylfa var Drífa Snædal kosin forseti ASÍ. Þau áttu það sameiginlegt, Gylfi og Drífa, að bæði höfðu þau verið starfsmenn verkalýðshreyfingarinnar áður en þau voru kosin til æðstu metorða í hreyfingunni.

Verður stefna Drífu róttækari?

Það verður fylgst vel með því hvort nýr forseti ASÍ breytir stefnu ASÍ í kjaramálum, þ.e. hvort hún tekur upp róttækari stefnu í þeim málum en Gylfi hafði. Nokkru áður en þing ASÍ var haldið hafði náðst samkomulag í Starfsgreinasambandinu um launakröfur verkalýðsfélaganna í kjaradeilu þeirri sem fram undan er. Sú kröfugerð er mjög hliðstæð þeirri kröfugerð sem lögð var fram 2015. Krafan nú er hækkun í  425 þús. kr. á mánuði á þremur árum. Brúttólaun eru í dag 300 þús. kr. á mánuði. Fyrsta hækkun taki gildi um næstu áramót, eða um 42 þús. kr. Það er 14% hækkun. (Til samanburðar má geta þess að fyrsta hækkun í maí 2015 var 14,5%.) Laun hækki síðan ári síðar um 14% á ný og tveimur árum síðar um önnur 14% en þá verði þau komin í 425 þús. kr. á mánuði (fyrir skatt). Margir fulltrúar atvinnurekenda og hægrimanna telja þessar kröfur alltof háar og segja að atvinnulífið standi ekki undir þeim. En það sama var sagt 2015. Þá var sagt að óðaverðbólga mundi hljótast af svo mikilli hækkun og atvinnulífið ekki rísa undir henni. En engin verðbólga hlaust af hækkuninni og atvinnulífið hefur dafnað vel síðan.

Nú er eftir að sjá hvernig semst á milli verkafólks og atvinnurekenda. Ríkisstjórnin hefur tekið sér stöðu með atvinnurekendum. Forsætisráðherra fékk Gylfa Zoëga hagfræðing til þess að meta hvað svigrúm atvinnulífsins fyrir launahækkanir væri mikið. Hann sagði 4%. Í fjárlagafrumvarpinu er þó aðeins gert ráð fyrir 3,4% hækkun. Ljóst er að forsætisráðherra berst gegn launahækkunum umfram mat Gylfa Zoëga og margt bendir til þess að fjármálaráðherra vilji halda launahækkunum enn meira niðri (sbr. fjárlagafrv.) Það verður því á brattann að sækja hjá Starfsgreinasambandinu og verkalýðsfélögunum.Þau fara með saningsumboðið. Þau eiga ekki aðeins í höggi við atvinnurekendur heldur einnig ríkisstjórnina. Það fer ekki á milli mála að ríkisstjórnin vill heldur veita verkafólki félagsmálapakka. Verkalýðshreyfingin vill fá skattaívilnanir, t.d. skattfrelsi lægstu launa (300 þús. á mánuði) og ráðstafanir í húsnæðismálum sem hald er í. Vandinn er aðeins sá hvernig tryggja á að pappírar frá ríkisstjórninni um ráðstafanir í þessum málum og fleirum haldi. Síðan þarf auk þess að lyfta lágmarkslaunum svo unnt sé að framfleyta sér á þeim. Það er ekki unnt í dag. Lágmarkslaun eftir skatt eru í dag 235 þús. kr. á mánuði. Þetta er ótrúleg tala. Engin leið er að lifa af þessari hungurlús. Ég heyrði að Drífa Snædal, nýr forseti ASÍ, sagði í umræðum nokkru fyrir þing ASÍ að engin leið væri að lifa af 300 þús. kr. á mánuði fyrir skatt; það væri ef til vill mögulegt að lifa af 425 þús. kr. á mánuði fyrir skatt. Ég er sammála því. Það er lágmark. Margir eldri borgarar telja að laun láglaunafólks séu eldri borgurum óviðkomandi. En það er ekki rétt. Hagsmunir eldri borgara og lægst launuðu launþeganna eru samofnir. Nokkrir stjórnmálaflokkar vilja að hækkanir á lífeyri aldraðra og öryrkja séu tengdar launahækkunum láglaunafólks. Þegar laun hækki eigi lífeyrir að hækka en ekki meira en launin. Samkvæmt þessu er ljóst að það skiptir miklu máli fyrir eldri borgara hvernig launamálin leysast á almennum markaði. Ef launin hækka verulega má búast við að lægsti lífeyrir hækki verulega. Ef launahækkanir verða mjög litlar, kjarabætur fremur veittar í formi félagslegra ráðstafana, mun lífeyrir einnig hækka mjög lítið. Um stefnuna í þessu efni er nú tekist milli aðila vinnumarkaðarins og í viðræðum þeirra við ríkisvaldið. Raunhæfar ráðstafanir í skatta- og   húsnæðismálum geta gagnast þessum aðilum. Lágmargslaun þurfa að hækka það mikið, að þeir lægst launuðu geti lifað mannsæmandi lífi.Það er ekki unnt í dag.Lífeyrir þarf að vera það hár,að eldri borgarar geti lifað með reisn síðustu æviárin og geti veitt sér eitthvað.Öryrkjar  þurfi ekki að kviða morgundeginum.

 

Björgvin Guðmundsson 

Ríkið greiði skuld sína við aldraða og öryrkja strax!

Það vakti mikla athygli og undrun,þegar kjararáðið (sáluga) fór að ákvarða stjórnmálamönnum og embættismönnum ofurlaunahækkanir, sem ekki höfðu sést áður.Þó var það tilskilið,að kjararáð ætti í störfum sínu að taka tillit til launaþróunar.Sú röksemd var notuð, þegar laun ráðherra og æðstu embættismanna voru hækkuð upp úr öllu valdi, að segja,að  laun þessara aðila hefðu verið fryst og skert á kreppuárunum eftir bankahrunið.Þá rifjaðist það upp,að lífeyrir aldraðra og öryrkja var frystur á kreppuárunum en þó fengu launamenn umsamdar kauphækkanir.M.ö.o.: Á sama tíma og verkafólk fékk kauphækkanir var lífeyri aldraðra og öryrkja haldið niðri. En ekki nóg með það: Til viðbótar voru kjör aldraðra og öryrkja skert enn meira: Grunnlífeyrir var skertur.Frítekjurmark vegna atvinnutekna var skert og  tekjutryggingin var skert.Það hefði mátt ætla, að þegar betur áraði í þjóðfélagin hefði verið byrjað á því að leiðrétta og bæta kjör aldraðra og öryrkja.En því miður: Þingmenn og  ráðherrar töldu brýnna að „leiðrétta“ eigin kjör.Þess vegna voru laun þingmanna hækkuð í 1,1 milljón kr. á mánuði fyrir skatt auk alls konar  aukagreiðslna og laun ráðherra voru hækkuð í 1,8-2 millj. Kr. á mánuði fyrir skatt  auk mikilla hlunninda af ýmsum toga. 

Grunnlífeyrir afnuminn 

Stjórnmálaforingjar,sem setið hafa við völd frá lokum kreppunnar, segjast  hafa afturkallað einhverja kjaraskerðingu aldraðra og öryrkja frá krepputímanum. En það er mjög óverulegt.Sem dæmi má nefna,að grunnlífeyrir, sem skertur var af ríkisstjórn Jóhönnu Sigurðarsdóttur(Samfylkingar og VG),  var leiðréttur af ríkisstjórn Sigmundar Davíðs vorið 2013, þ.e. skerðingin var tekin til baka. En það stóð ekki lengi,þar eð sömu flokkar,Framsókn og Sjálfstæðisflokkur. afnámu grunnlífeyrinn alveg um áramótin 2016/2017.Við þá breytingu voru 4500 eldri borgarar strikaðir alveg út úr kerfi almannatrygginga þó þeir hafi greitt til þeirra alla sína starfsævi; sumir frá 16 ára aldri í formi tryggingagjalds en síðan í sköttum.Á hinum Norðurlöndunum er grunnlífeyrir í gildi.Og hér var grunnlífeyrir heilagur til skamms tíma.Það mátti ekki hrófla við honum.En Framsókn og Sjálfstæðisflokkur hafa afnumið hann.Skerðing tekjutryggingar rann út af sjálfu sér,þar eð hún var tímabundin.Lögin féllu úr gildi að hinum tilskilda tíma liðnum.

Kjaragliðnun mesta kjaraskerðingin

Mesta kjaraskerðingin,sem aldraðir og öryrkjar urðu fyrir á krepputímanum, var vegna kjaragliðnunar. Með kjaragliðnun er átt við það, að lífeyrir  hækkar minna en laun.Aldraðir og öryrkjar verða  fyrir kjaraskerðingu af þeim sökum. Félag eldri borgara í Reykjavík barðist harðlega fyrir því, að þessi kjaragliðnun yrði leiðrétt. Kjaranefnd félagsins heimsótti þingið og ræddi við alla þingflokka um að fá þetta leiðrétt.Þáverandi stjórnarandstaða lofaði að gera það. Samþykkt var á landsfundi Sjálfstæðisflokksins 2013  eftirfarandi ályktun um málið: Ellilífeyrir sé leiðréttur strax til samanburðar við þær hækkanir, sem orðið hafa á lægstu launum síðan í ársbyrjun 2009.Flokkurinn komst til valda og fékk fjármálaráðherrann en stóð ekki við loforðið um leiðréttingu lífeyris vegna kjaragliðnunar. Framsóknarflokkurinn samþykkti einnig ályktun um þetta mál á flokksþingi sínu 2013.Þar var þetta samþykkt: Lífeyrir aldraðra og öryrkja verði hækkaður vegna kjaraskerðingar þeirra (og kjaragliðnunar) á krepputímanum.En það fór eins hjá Framsókn. Hún stóð ekki við loforðið. Flokkarnir voru saman í stjórn og  urðu sammála um að efna ekki loforðið við eldri borgara og öryrkja!

Lífeyrir á að hækka um a.m.k. 30%

Það þýðir ekki fyrir stjórnmálaforingja að berja sér á brjóst og segja,að þeir hafi gert einhver ósköp fyrir eldri borgara og öryrkja, þegar þeir standa ekki við það sem skiptir mestu máli. Leiðrétting á lífeyri vegna kjaragliðnunar krepputímans skiptir mestu máli; þýðir a.m.k 30% hækkun lífeyris. Það munar um það.Á valdatíma Framsóknarflokksins og Sjálfstæðisflokksins frá 2013 hefur síðan  bætst við ný kjaragliðnun,sem einnig á eftir að leiðrétta.

Á meðan lífeyrir aldraðra og öryrkja frá almannatryggingum er svo lágur,að hann dugar ekki til framfærslu geta aldraðir og öryrkjar ekki gefið eftir uppgjör á loforðum um að bæta kjaragliðnun liðins tíma.Þarna hefur myndast skuld við lífeyrisþega, sem þeir verða að fá greidda.Þeir hafa ekki efni á því að lána ríkinu þetta lengur.

Björgvin Guðmundsson

Morgunblaðið,26.oktober 2018

 

 

 

 

 

 

 

 

Hvers vegna hefur verið dregið í 22 mánuði að afnema krónu móti krónu skerðingu öryrkja?

Guðmundur Ingi Kristinsson þingmaður Flokks fólksins gagnrýndi ríksstjórnina á degi fátæktar fyrir að ræða ekki um fátækt á þeim degi. Hann sagði,að ríkisstjórnin vildi ekki ræða um fátækt.Katrín Jakobsdóttir forsætisráðherra mótmælti þessu hjá Guðmundi. Ég er sammmála Guðmundi.Ríkisstjórnin vill ekki ræða um fátækt í þjóðfélaginu og hún vill ekki ræða um lúsarlaun (lífeyri) aldraðra og öryrkja. Hún sópar öllum þessum vandamálum undir teppið.- Eða hvers vegna hefur það verið dregið í 22 mánuði að afnema krónu móti krónu skerðingu öryrkja,þar af í 10 mánuði með stuðningi Katrínar og VG? Loforð var gefið haustið 2016 af Framsókn og íhaldi um að afnema þessa skerðingu. VG lýsti strax yfir stuðningi við afnámið.En af hverju hefur það verið dregið í 22 mánuði.Það er vegna þess,að Framsókn og íhald vildu þvinga öryrkja  til þess að samþykkja starfsgetumat sem gjald fyrir afnám skerðingarinnar.Það var m.ö.o reynt að þvinga öryrkja til hlíðni í málinu. Það er beitt kommúnistiskum aðferðum eins og beitt var í Austur-Evrópu.Það var beitt þvingun,kúgun og andlegu ofbeldi en öryrkjar létu ekki bugast.Vinstri græn hafa tekið upp þvingunaraðferðirnar gegn öryrkjum  frá því þeir komu í ríkisstjórnina.Þeir taka þátt í því með Framsókn og íhaldi að reyna að þvinga öryrkja (og Öbi) til hlíðni.Það þarf sterk bein til þess að standast slíkar starfsaðferðir.Lokafasinn til þess að brjóta Öbi niður er nú hafinn.Ég skora á öryrkja að láta stjórnvöld ekki brjóta sig niður.

Björgvin Guðmundsson

 

LÍFEYRIR VIÐ FÁTÆKTARMÖRK

 

 

Fyrir alþingiskosningarnar 2017 gáfu Vinstri grænir (VG) það kosningaloforð ,að lífeyrir aldraðra og öryrkja frá almannatryggingum ætti að hækka.Nú hefur flokkurinn verið tæpa 11 mánuði við völd ( í stjórnarforustu) en samt hefur lífeyrir ekki verið hækkaður um eina krónu fyrir frumkvæði VG.Auk þess hefur það bætst við,að 8000 undirskriftir með kröfu um hærri lífeyri hafa verið afhentar alþingi. En allt hefur komið fyrir ekki. VG eða ríkisstjórnin hefur ekki hreyft sig í þessu máli.Ef til vill halda einhverjir að meiri tíma þurfi til þess að framkvæma mál sem þetta.En svo er ekki. Ef vilji er fyrir hendi er unnt að samþykkja hækkun lífeyris á alþingi á einum degi.Það sást best á dögunum,þegar lög um laxeldi á Vestfjörðum voru samþykkt á alþingi á einum degi vegna þess að peningaöfl Sjálfstæðisflokkins kröfust þess.Málið rakst á við umhverfissjónarmið VG en umhverfisráðherra VG varð að beygja sig í duftið til þess að peningaöfl Sjálfstæðisflokksins næðu fram vilja sínum.VG vildi ekki setja stjórnarsamstarfið í hættu; ekki mátti fórna hégómanum, þess vegna beygði VG sig fyrir Sjálfstæðisflokknum í málinu.En Sjálfstæðisflokkurinn þarf ekki að beygja sig fyrir sjónarmiðum VG í málefnum aldraðra,öryrkja og láglaunafólks.Eða hafa þessi sjónarmið VG gufað upp. -Það þarf að afgreiða strax,á einum degi ef þarf,hækkun lægsta lífeyris til þess að sá lífeyrir dugi vel fyrir öllum framfærslukostnaði og enginn þurfi að líða skort.

 

Björgvin Guðmundsson

Lífeyri haldið niðri 2015, lífeyri haldið niðri nú!

 

Árið 2015 urðu miklar launahækkanir á almennum vinnumarkaði.Laun hækkuðu strax 2015 um 14,5,5% (lágmarkslaun) til 40%.En lífeyrir hækkaði aðeins um 3% á því ári.Það var brot á lögum,þar eð samkvæmt þeim á hækkun lífeyris að taka mið af launaþróun.Eftir því var ekki farið 2015.Framsókn og Sjálfstæðisflokkur voru þá í stjórn.-Nú er verið að leika sama leikinn aftur gegn öldruðum og öryrkjum.Laun eru búin að hækka upp úr öllu valdi hjá þingmönnum,ráðherrum,embættismönnum,forstjórum o.fl og rætt er um 14% hækkun lágmarkslauna nú strax en yfir 40 % hækkun lægstu launa á 3 árum. Á sama tíma er sett í fjárlagafrumvarpið 3,4% hækkun lífeyris um næstu áramót,sem þýðir 1200 kr raunhækkun á mánuði eftir skatt miðað við 2,7% verðbólgu (nú spáð enn meiri verðbólgu).Framsókn og Sjálfstæðisflokkur eru enn í stjórn en hafa nú fengið VG (vinstri græna) til liðs við sig.Það hefði mátt ætla,að þá yrði hagsmuna aldraðra og öryrkja betur gætt en það er nú öðru nær.VG hefur haft forsætisráðherrann í 10 1/2 mánuð en samt hefur lífeyrir á þeim tíma ekki verið hækkaður um eina krónu að frumkvæði VG.Það er nákvæmlega sama afstaða til aldraðra og öryrkja eins og þegar Framsókn og íhald voru ein í stjórn: Að halda lífeyri niðri,að níðast á öldruðum og öryrkjum!Lægst launuðu aldraðir og öryrkjar hafa ekki nóg til hnífs og skeiðar!

 Björgvin Guðmundsson

 

 

3 DAGAR EFTIR

 

VEITIÐ AÐSTOÐ Í DAG.NOTIÐ HELGINA VEL!

 

Nú eru aðeins 3 dagar eftir af undirskriftasöfnuninni.Henni lýkur á máudagskvöld á miðnætti.Veitið foreldrum,ættingum og öðrum eldri borgurum og eldri öryrkjum aðstoð um helgina við að skrifa undir.Margir eldri borgarar eru með íslykil og rafræn skilríki án þess að vita af því.Hjá sumum er þetta þannig,að endurskoðandi eða einhver ættingi,sem sér um fjármálin er með rafræn skilríki til þess að komast inn í skattskýrslu viðkomandi eldri borgara eða öryrkja.Sumir eru með slík skilríki til þess að komast inn í þjóðskrá.Ef viðkomandi eldri borgari eða öryrki er með íslykil eða rafræn skilríki getur hann skrifað undið á hvaða tölvu sem er hjá öðrum eða í snjallsíma.Athugið þetta strax.Mörgum finnst þetta ótrúlega lítið mál þegar farið er rétt í það.Ef einhver veit ekki hvort hann er með íslykil eða rafræn skilríki má senda þjóðskrá fyrirtspurn um, það á mánudag og þjóðskrá svarar þá.Þetta er ekki eins flókið og margir halda.Þeir,sem hafa heimabanka geta fengið sendan íslykii á 10 mínútum.Munið að veita aðstoð.

Slóð til .þess að komast inn og skrifa undir er þessi:listar.island.is/Stydjum/23, Ef sækja á um íslykil er slóðin þessi: island.is/islykill.

ENGAN SKORT Á EFRI ÁRUM.Markmiðið er: Aldraðir eigi áhyggjulaust ævikvöld og öryrkjar þurfi ekki að kvíða morgundeginum.- Munum ,að allir eldri borgarar og öryrkjar eiga rétt á góðu lífi.Þess vegna eigum við að styðja bætt kjör þeirra þó okkar kjör séu góð.

 

Björgvin Guðmundsson

 

Vika eftir af undirskriftasöfnun fyrir aldraða og öryrkja

 

Undirrskriftasöfnunin fyrir aldraða og öryrkja verður aðeins í eina viku enn.Þess vegna verða allir,sem eru eftir að skrifa undir að gera það strax í dag.Það er Erla Magna Alexandersdóttir,eldri borgari,sem átti hugmyndina að þessari undirskriftasöfnun og kom henni í framkvæmd svo til ein síns liðs.Ég hef veitt henni örlitla aðstoð.Því miður hefur undirskriftasöfnunin ekki fengið nægilega kynningu í fjölmiðlum.Send var fréttatilkynningar til Fréttablaðsins,Morgunblaðsins og RUV.En enginn þessara fjölmiðla birti fréttatilkynninguna.Það er mjög undarlegt.Einhvern tímann hefði það þótt frétt ,að einn eldri borgari efndi til undirskriftasöfnunar fyrir aldraða og öryrkja án nokkurs stuðnings samtaka eða fjársterks fyrirtækis.Mér finnst þetta mjög merkilegt framtak; var í 20 ár blaðamaður og útvarpsmaður og fullyrði,að á þeim tíma,sem ég starfaði á fjölmiðlum, hefði þetta þótt góð frétt.En annað hvort er eitthvað breytt fréttamat í dag eða aðrar óeðlilegar ástæður valda því,að þessari frétt var stungið undir stól. Ég gat vakið athygli á þessari undirskriftasöfnun í blaðagreinum,sem ég skrifaði í Morgunblaðið og Fréttablaðið. Sennilega á maður að vera þakklátuyrir að þessar greinar birtust.En nú þarf að bretta upp ermarnar og nota vel síðustu daga undirskriftasöfnunarinnar.Tilgangur hennar er að knýja fram hærri lífeyri til þess að aldraðir geti átt áhyggjulaust ævikvöld og öryrkjar þurfi ekki að kvíða morgundeginum. Slóðin,sem fara á inn á til þess að skrifa er þessi:listar.island.is/Stydjum/23. Ef sækja þarf um íslykil er slóðin þessi: island.is/islykill

 

 

Björgvin Guðmundsson