Lífeyrir aldraðra 94,5% af lágmarkslaunum í fyrra!

 

Sem betur fer er kreppan löngu búin er það er samt ekki að sjá,  þegar litið er á lífeyri aldraðra í samanburði við lágmarkslaun. Á síðasta ári, 2015, nam lífeyrir einhleypra aldraðra 94,5% af lágmarkslaunum en í kreppunni  árið 2009 nam sami lífeyrir 115 % af lágmarkslaunum.Árið 2012 nam sami lífeyrir 105% af lágmarkslaunum.Ekki liggja enn fyrir tölur fyrir yfirstandandi ár en árið 2014 nam lífeyrir aldraðra,einhleypra 101,6% af lágmarkslaunum.

Björgvin Guðmundsson

Bætir Sigurður Ingi kjör aldraðra?

 

 

 

Forsætisráðherra,Sigurður Ingi Jóhannsson,sagði í ræðu sinni á Austurvelli 17.júní, að enginn ætti að líða skort á Íslandi. Í framhaldi af þeim ummælum hefði ég talið, að forsætisráðherra mundi segja, að hann ætlaði að gera eitthvað í málinu; ætlaði sjálfur að ganga í það að uppræta skort og fátækt.En hann sagði það ekki, heldur sagði , að menn þyrftu að taka höndum saman um að leysa málið.Nú,gott og vel.Það getur einnig verið gott , ef ríkið hefur forustu í málinu.

Þegar rætt er um skort a Íslandi koma mér  í hug þeir eldri borgarar og öryrkjar,sem ekki eiga fyrir öllum útgjöldum í mánuði hverjum. Þeir verða að neita sér um lyf,læknishjálp eða  mat. Þeir búa við skort.Sigurður Ingi var að tala um þá og aðra , sem búa við skort .Ríkið ber ábyrgð á lífeyrisgreiðslum til aldraðra og öryrkja. Alþingi og ríkisstjórn ákveða lífeyrisgreiðslur .Með því, að það er ríkið, sem annast lífeyrisgreiðslur til aldraðra og öryrkja eru hæg heimatökin hjá Sigurði Inga að ganga í að leiðrétta skortinn

 

Engin viðbrögð frá forsætisráðherra

 

Ég sendi forsætisráðherra opið bréf á Facebook og   Mbl bloggi og fór fram á, að hann gengi sjálfur í málið en vísaði því ekki á aðra. Ég hef engin viðbrögð fengið frá forsætisráðherra. Það vantar áhugann á  að svara.Auk þess er það siður margra Íslendinga að svara ekki bréfum (erindum).Og ráðherrar virðast hafa tekið þann sið upp. Þeir svara engu.

Ég vann í nokkur ár í Noregi. Það kom mér eiginlega á óvart hvað Norðmenn voru fljótir að svara bréfum og  erindum. Þeir svöruðu um hæl.Ég var  enn meira hissa á því,  þegar hringt var  í opinberar stofnanir og viðkomandi starfsmaður  var ekki við þá hringdu Norðmennirnir alltaf strax til baka. Þetta er nánast óþekkt hér hjá fyrirtækjum og stofnunum.Við gætum tekið okkur Norðmenn til fyrirmyndar í þessu efni.

 

Voru þetta innantóm orð 17.júní?

 

Sigurður Ingi Jóhannsson forsætisráðherra verður að fylgja orðum sínum í ræðunni 17.júní eftir,  orðunum um  skort.Geri hann það ekki,  hafa þetta verið innantóm orð hjá forsætisráðherra.Ég vil vona fyrir hönd aldraðra og öryrkja, að við eigum hauk í  horni, þar sem Sigurður Ingi er. Aðrir ráðherrar hafa verð tregir i taumi.Þeir hafa valdið öldruðum og öryrkjum miklum vonbrigðum.Sigurður Ingi forsætisráherra er eina von aldraðra og öryrkja i augnablikinu.Ákveðin ummæli hans um, að enginn eigi að líða skort á Íslandi vekja vissar vonir.Vonandi stendur Sigurður Ingi undr þeim vonum.

 

Björgvin Guðmundsson

viðskiptafræðingur

www.gudmundsson.net

!