Má ekki krukka i lagatextann um TR?

Benedikt Jóhannesson fjármálaráðherra sagði í viðtali við RÚV í gærkveldi,að það væri ekki gott að vera að krukka í úrskurð kjararáðs.(Hann meinti: Það er ekki gott að lækka laun ráðherra og þingmanna frá úrskurði kjararáðs). En gildir ekki það sama um samþykkt alþingis um lög um almannatryggingar en samkvæmt þeim á ekki að skerða lífeyri aldraðra frá TR vegna greiðslna úr lífeyrissjóði.Sagt var,að það hefðu verið mistök að samþykkja þetta á alþingi. Samþykkt var á alþingi að krukka í lagatextann og breyta honum á þann veg að lífeyrir aldraðra yrði skertur og ekki aðeins frá samþykkt breytingar,heldur tvo mánuði til baka sem sennilega er ólögmæt afturvirkni.Það er i lagi að krukka  í lagatexta til þess að skerða kjör aldrara en það er ekki í lagi að krukka til þess að lækka laun ráðherra og þingmanna!

 

Björgvin Guðmundsson

www.gudmundsson.net

Athugasemdir

[Ásthildur Cesil Þórðardóttir, 1.3.2017 kl. 11:26]

Við erum víst annars flokks hópur, sem ráðamenn reyna að halda niðri eins og hægt er.  Munum það næst þegar gengið verður að kjörborðinu.