Allir sitji við sama borð í heilbrigðiskerfinu!

Nú er mikið rætt um einkarekstur í heilbrigðiskerfinu og hægri menn telja,að það mundi leysa fjárhagsvanda kerfisins.Ríkisstjórnin er að einkavæða tvær heilsugæslustöðvar.Þá fundust all í einu peningar en engir peningar hafa fundst i heilsugæsluna mörg undanfarin ár.Hún hefur verið fjársvelt.En þetta er ekki nýtt deilumál 15.febrúar 2004 skrifaði ég m.a. eftirfarandi í grein í Morgunblaðinu:(fjárhæðir eru orðnar úreltar)

Við Íslendingar viljum ekki slíkt kerfi(einkarekstur í heilbrigðiskerfinu). Við viljum ekki að þeir efnameiri hafi forgang í heilbrigðiskerfinu. Við viljum að allir sitji við sama borð. Oftast segja talsmenn einkareksturs í heilbrigðiskerfinu, að ekki sé meiningin að mismuna eftir efnahag. En það segja þeir aðeins á meðan þeir eru að koma breytingunni á. Að sjálfsögðu mundi einkarekstur í heilbrigðiskerfinu þýða, að tekin yrðu upp sjúklingagjöld í auknum mæli ella yrði fjárhagslegur ávinningur lítill. Menn nefna gjarnan í þessu sambandi „litlar“ upphæðir fyrir aðgerðir, t.d. 18.000 kr. En menn athuga ekki að þeir sem aðeins hafa 100 þús kr. á mánuði hafa ekki efni á því að greiða 18.000 kr. fyrir aðgerð.  

     „Við Íslendingar viljum ekki slíkt kerfi. Við viljum ekki, að þeir efnameiri hafi forgang í heilbrigðiskerfinu. Við viljum, að allir sitji við sama borð.“

Björgvin Guðmundsson

    

 

 

Aukin skerðing vegna atvinnutekna-lífeyrir óbreyttur!

Drög að nýju frumvarpi um almannatryggingar,sem félagsmálaráðherra hefur lagt fram,vekur ekki mikla lukku. Í fylgskjali með frumvarpinu segir að markmið frumvarpsins sé meðal annars að stuðla að aukinni atvinnuþátttöku eldri borgara.En í drögunum kemur fram,að samt á að auka skerðingu lífeyris almannatrygginga vegna atvinnutekna.Ekki stuðlar það að aukinni atvinnuþátttöku.

Hér fer á eftir tafla,sem sýnir hvernig skerðing lífeyris almannatrygginga eykst við mismunandi miklar atvinnutekjur,verði frumvarpið samþykkt.

100 þúsund kr.“8.324″ kr.
150 þúsund kr “ 14.515 “ kr.
250 þúsund kr “ 17.363 „kr.
300 þúsund kr “ 18.787 „kr.
350 þúsund kr “ 20.211 „kr.
400 þúsund kr “ 36.902 „kr.

Eldri borgarar hafa engan áhuga á því að  vera á vinnumarkaðnum ef ríkið tekur stóran hluta af atvinnutekjunum í skerðingar og skatta.Í stað þess að auka skerðingu lífeyris vegna atvinnutekna ætti að fella þá skerðingu niður eins og lofað hefur verið og jafnframt ætti að lækka skatta á atvinnutekjum aldraðra.Fella ætti einnig niður skerðingu vegna greiðslna úr lífeyrissjóði eins og lofað hefur verið.

Brýnast er þó að hækka lífeyri aldraðra og öryrkja,sem ekki hafa neinar tekjur nema lífeyri almannatrygginga.Frumvarsdrögin gera ekki ráð fyrir neinni hækkun hjá þeim hóp.Lífeyrir þessa hóps á að vera óbreyttur upp á krónu. Þó liggur það fyrir,að ekki er unnt að framfleyta sér af þessari hungurlús, 185 þúsund -207 þúsund á mánuði eftir skatt.Hvers vegna hækkar ríkisstjórnin ekki þennan lífeyri?

 

Björgvin Guðmundsson