Leysa má kjaramálin með einu pennastriki!

 

Þó búsetumálin séu mikilvæg eru kjaramál aldraðra ekki síður brýn. Þau eru að því leyti til auðveldari viðfangs en búsetumálin, að unnt er að leysa þau strax. Það tekur tíma að byggja ný hjúkrunarheimili og dvalarheimili fyrir aldraða en það er unnt að hækka lífeyri aldraðra með einu pennastriki strax. Það eru nógir peningar til og því er ekki eftir neinu að bíða. Allir eru sammála um að kjör aldraðra eru óviðunandi.Sumir stjórnmálamenn taka nú undir kröfur almennings í því efni. Stór hópur ellilífeyrisþega er með ráðstöfunartekjur um 200 þúsund á mánuði. Það er skammarlega lágt hjá einu ríkasta þjóðfélagi heims. Einstaklingur þarf rúm 300 þúsund á mánuði fyrir utan skatta til framfærslu samkvæmt neyslukönnun Hagstofu Íslands.það má hækka lífeyri upp í þá upphæð.. Landssamband eldri borgara hefur krafist þess, að lífeyrir eldri borgara hækki´í 300 þúsund á mánuði . Það væri gott skref. Stjórnarflokkarnir hafa haft af eldri borgurum tugi milljarða  miðað við þau loforð, sem gefin voru 1995. Það er kominn tími til að borga eitthvað til baka af þeirri upphæð.

 

Björgvin Guðmundsson

 

Búa tvær þjóðir í .þessu landi?

Þegar Panamaskjölin voru afhjúpuð og í ljós kom,að æðstu menn þjóðarinnar og margir fleiri  voru með fjármuni í skattaskjólum varð það ljóst,að tvær þjóðir búa í þessu landi.Fyrrverandi forsætisráðherra og kona hans og tveir aðrir  ráðherrar höfðu verið í skattaskjólum.Þeir,sem eru þar, eru annað hvort að fela eignarhald á fyrirtækjum eða að koma sér undan að greiða skatta til samfélagsins.Hvernig má það vera,að þeir sem hafi mestu tekjurnar og hafi mestu fjármunina vilji ekki greiða sinn skerf til samfélagsins.Ég hef sagt það áður,að það á að setja lög um bann við þvi að geyma fjármuni í skattaskjólum vegna þess að sá,sem er með 100 milljónir eða 2 milljarða þar getur sagt,að hann sé með 1 krónu.Það eru engar upplýsingar veittar og unnt að segja hvað sem er.

Ljóst er að meiri fjármunir eru í umferð nú en áður. Það sést m.a. á þeim gífurlega fjölda fólks sem fór á EM í Frakklandi og raunar á gífurlegum fjölda fólks,sem stöðugt fer til útlanda í skemmtiferðir. Þetta sést einnig á launamálunum. Kjararáð var að úthluta ráðuneytisstjórum rúmlega 1700 þúsund krónur á mánuði  í  laun eða tæplega 2 milljarða.En á sama tíma segir alþingi og ríkisstjórn,að aldraðir og öryrkjar megi ekki hafa nema 200 þúsund á mánuði,þ.e. þeir sem verða að lifa af lífeyri TR. Þetta undrstrikar að það búa tvær þjóðir í þessu landi: Þeir sem hafa nóga peninga og setja fjámuni sína í skattaskjól og hinir sem eiga tæplega í sig og á. Er ekki kominn tími til að breyta þessu. Það eru nógir peningar til.

Björgvin Guðmundsson