Umboðsmaður alþingis að færast í aukana

Embætti umboðsmanns alþingis hefur verið aðgerðarlítið fram að þessu.Og  þeir borgarar,sem sent hafa erindi til umboðsmanns, hafa yfirleitt fengið svör seint.Og sjaldnast hefur orðið nokkur árangur af þeim erindum.En nú hefur umboðsmaður valið sér nýtt málasvið, þ.e. starfsemi ráðuneytanna og samskipti þeirra við undirstofnanir.Ef til vill gengur betur á því málasviði. En í þeim tilvikum, þar sem umboðsmaður hefur áður gert athugasemdir við störf ráðuneyta hefur lítið sem ekkert komið út úr því.Það hefur nægt,að ráðherrar hafi byrst sig og þá hefur umboðsmaður kippt að sér hendinni.

 Umboðsmaður hefur meiri kjark nú en áður í samskiptum sínum við ráðherra.Á örstuttum tíma hefur umboðsmaður sent innanríkisráðherra 3 bréf með fyrirspurnum um samskipti ráðherra við lögreglustjórann í Reykjavík meðan á rannsókn svokallaðs lekamáls stóð.Umboðsmaður hefur ekki áður fjallað svo ítarlega um  neinn ráðherra eða ráðuneyti.Þetta er undarlegt, þar eð rannsókn lekamálsins var á forræði ríkissaksóknara.Og  ríkissaksóknari var fullfær um að láta kanna öll nauðsynleg atriði í lekamálinu og þar á meðal samskipti ráðherra við lögreglustjóra.

Það er gott, ef umboðsmaður ætlar að taka upp eftirlit með ráðuneytum og ráðherrum.Þeir þurfa aðhald. En það þarf þá jafnt yfir alla að ganga.Það er af nógu að taka.Ráðherrar  hafa á undanförnum árum brotið jafnréttislög, hafa framið mannréttindabrot, hafa farið langt fram úr fjárlögum í útgjöldum, hafa ekki alltaf sinnt lögbundnum starfsskyldum sínum o.s.frv.,o.s. frv.En umboðsmaður alþingis hefur ekki gert athugasemdir við þessi brot ráðherra. Nú verður væntanlega breyting þar á.

Björgvin Guðmundsson 

 

Athugasemdir

[Valdimar Samúelsson, 27.8.2014 kl. 16:59]

Skildi umboðsmaðut Alþingis vilja taka upp aftur Landráðamálið þeirra Össurs og Jóhönnu. Þau eru ekki ráðherrar lengur og málið fyrnist aldrei.