Sunnudagur, 10. apríl 2016
Skerðing á lífeyri aldraðra hjá TR vegna lífeyrissjóða verði stöðvuð!
Það á að stöðva strax skerðingu lífeyris aldraðra hjá almannatryggingum vegna greiðslna úr lífeyrissjóði.
Á aðalfundi Félags eldri borgara í Rvk. í febrúar var eftirfarandi tillaga samþykkt:
Aðalfundurinn telur,að það eigi strax að stöðva skerðingu á lífeyri aldraðra hjá almannatryggingum vegna greiðslna til þeirra úr lífeyrissjóðum,þegar þeir fara á eftirlaun.Þeir eiga þennan lífeyrissparnað.Verði þessar skerðingar ekki stöðvaðar mun óánægja meðal lífeyrisþega magnast svo mjög,að það getur stórskaðað lífeyriskerfið.
Eins og ég skýrði frá í gær næst ekki að afgreiða nýjar tillögur um heildarendurskoðun á almannnatgryggingum,þar eð þingkosningum verður flýtt til hausts og eitt löggjafarþing fellt niður.Auk þess á ekki að vera að krukka í lífeyri aldraðra vegna lífeyris þeirra í lífeyrissjóðum.Það er ekkert samningsatriði við eldri borgara hvað lífeyrir þeirra sé skertur mikið vegna þess,að þeir hafa greitt í lífeyrissjóð. Eldri borgarar eiga þennan lífeyrissjóð og þeir eiga rétt á þvi að fá hann greiddan óskertan,þegar þeir fara á eftirlaun. Tillögur,sem gera ráð fyrir,að 200 þúsund króna greiðsla úr lífeyrissjóði valdi 90 þúsund króna skerðingu hjá almannatryggingum á mánuði eru ekki boðlegar. Þetta er rán.
Krafan er skýr:Allar skerðingar hjá TR vegna greiðslna úr lífeyrissjóði verði felldar niður.Eldri borgarar fái óskertan lífeyri sinn úr lífeyrissjóði.
Enda þótt ekki náist að afgreiða heildarendurskoðun á almannatryggingum fyrir haustið er unnt að afgreiða þessa breytingu. Það yrði þverpólitisk samstaða um hana.Tryggjum,að það verði gert.
Björgvin Guðmundsson
Meginflokkur: Stjórnmál og samfélag | Aukaflokkur: Bloggar | Breytt s.d. kl. 07:04 | Facebook
Athugasemdir
Björgvin Guðmundsson,
Þakka þér fyrir öll þin skrif og baráttu fyrir okkur eldri borgara.
þért ómetanlegur penni fyrir okkur.
Takk kærlega,
Paul R Smith
Paul Ragnar Smith (IP-tala skráð) 11.4.2016 kl. 17:06
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.