Mörg þúsund eldri borgarar missa lífeyri sinn!

Þegar núverandi ríkisstjórn komst til valda 2013 ákvað hún að leiðrétta tvö atriði af kjaraskerðingu aldraðra frá árinu 2009 (voru 6).Hún ákvað að hætta að skerða grunnlífeyri og hækka frítekjumark vegna atvinnutekna á ný í 109 þúsund krónur á mánuði.Það hafði verið baráttumál samtaka eldri borgara að skerðingu grunnlífeyris yrði hætt og Landssamtök lífeyrissjóða voru einnig algerlega andvíg þessari skerðingu.En Adam var ekki lengi í paradís.Nú hefur ríkistjórnin ákveðið að byrja að skerða grunnlífeyri aftur frá næstu áramótum skv drögum að nýju frumvarpi um almannatryggingar.Við það munu mörg þúsund eldri borgarar missa lífeyri sinn frá TR og ekki fá neinn lífeyri frá almanna tryggingum.Það gengur ekki. Grunnlífeyrir á að vera heilagur eins og lengst af hefur verið hér.

Björgvin Guðmundsson

Athugasemdir

[Heimir Lárusson Fjeldsted, 3.7.2016 kl. 13:50]

Er þetta virkilega svona?

Á bágt með að trúa að ríkisstjórn Sigurðar og Bjarna ætli að skerða kjör aldraðra.

[Björgvin Guðmundsson, 3.7.2016 kl. 15:26]

Sæll! Jú þetta er svona. Það á að reikna greiðslur úr lífeyrissjóðum á ný með tekjum við útreikning grunnlífeyris.En það er ekki gert í dag.Við það fellur Grunnlífeyrir niður við hærri lífeyrissjóðstekjur.Öll frítekjumörk falla auk þess niður og þar á meðal vegna atvinnutekna.Skerðing lífeyris almannatrygginga eykst mikið vegna atvinnutekna.

Með kveðju

Björgvin