Afnema á skerðingu lífeyris hjá TR vegna lífeyrissjóða

Í síðustu grein minni um málefni aldraðra í Mbl fjallaði ég um þá eldri borgara, sem hafa verst kjör, hafa lífeyri frá almannatyggingum ( „strípaðan“ lífeyri ) og ekki aðrar tekjur.Ég tel brýnast að bæta kjör þessa hóps;hann hefur ekki nóg fyrir framfærslukostnaði.Ég leiddi rök að því, að það væri tiltölulega ódýrt að leysa vanda þessa hóps og það ætti að gera það strax.Í þessari grein tek ég aðallega til meðferðar þá eldri borgara, sem hafa lífeyrissjóð og ef til vill einhverjar aðrar tekjur einnig.Flestir halda, að þeir sem greitt hafa í lífeyrissjóð alla sína starfsævi, eigi áhyggjulaust ævikvöld.Svo einfalt er það ekki. Þeir þurfa margir að hafa áhyggjur af fjármálum sínum þrátt fyrir greiðslur í lífeyrissjóði alla sína starfsævi!

Í fyrsta lagi er það svo, að lífeyrissjóðirnir eru mjög misjafnir,missterkir.Ófaglærðir verkamenn fá mjög lítinn lífeyri úr lífeyrissjóði og það sama á raunar einnig við um marga faglærða starfsmenn, t.d suma iðnaðarmenn.Margir fyrrnefndra lífeyrissjóða greiða ekki nema 50-100 þúsund kr á mánuði til umræddra launþega.Það er lítið eftir starfsævina.Þeir, sem fá ekki meira úr lífeyrissjóði, eru lítið betur settir en þeir, ,sem aldrei hafa greitt í lífeyrissjóð.Ástæða þess er sú, að ríkið skerðir lífeyri þessara eldri borgara hjá almannatryggingum vegna þess að þeir fá lífeyri úr lífeyrissjóði.Einnig er þessi lífeyrir skattlagður.Þetta er ígildi eignaupptöku.Þegar lífeyrissjóðirnir voru stofnaðir var launþegum sagt, að lífeyrissjóðirnir yrðu hrein viðbót við almannatryggingar. Alþýðusamband Íslands gaf yfirlýsingu 1969, þar sem hið sama var fullyrt.Í trausti þessa fóru launamenn að greiða í lífeyrissjóðina og töldu, að þeir myndu njóta alls síns lífeyris, þegar þeir kæmust á eftirlaun. En það var nú öðru nær.Eldri borgarar,sjóðfélagar, hafa verið sviknir.Þeir fá ekki að njóta lífeyris síns að fullu.
Lífeyrissjóðir opinberra starfsmanna eru með ríkisstryggingu.Þeir eru yfirleitt sterkari en sjóðirnir á almennum markaði. Í bankahruninu urðu margir lífeyrissjóðir á frjálsum markaði fyrir áföllum (töpum). Þessu var velt yfir á sjóðfélaga.Slíkum áföllum , sem lífeyrissjóðir opinberra starfsmanna urðu fyrir, var hins vegar ekki velt yfir á sjóðfélaga. Auk þess hefur að sjálfsögu verið greitt misjafnlega mikið í lífeyrissjóðina eftir því hvað sjóðfélagar hafa haft mikið í laun.-ægja sjóðfélaga í lífeyrissjóðum vegna skerðinganna, sem þeir sæta, hefur verið að magnast undanfarin ár.Nú er svo komið, að alvarleg hætta er á, að launþegar, sjóðfélagar, neiti að greiða í lífeyrissjóð, ef skerðingum verður ekki hætt. FEB í Rvk undirbýr málsókn á hendur ríkinu vegna skerðinganna. Ég er eindregið fylgjandi því, að það verði gert.En það þarf að undirbúa mál mjög vel.Ég vann að undirbúningi málsóknar, þegar ég var formaður kjaranefndar FEB í Rvk og hafði þá tvo lögfræðinga mér til aðstoðar.Þeir lögðu mikla áherslu á vandaðan undirbúning málsóknar.

En skerðingarnar,sem eldri borgarar sæta hjá almannatryggingum eru fleiri. Eldri borgarar,sem eru á vinnumarkaðnum, mega ekki hafa nema 100 þús kr tekjur á mánuði án þess að Tryggingastofnun skerði lífeyri þeirra hjá stofnuninni.Það er undarlegt, þar eð það kostar ríkið sáralítið að leyfa eldri borgurum að vinna; atvinnutekjur þeirra eru að sjálfsögðu skattlagðar og það er mikill fengur að því fyrir þjóðfélagið að njóta starfskrafta eldri borgara; þeir búa yfir mikilli starfsreynslu og kunnáttu.Ríkið skerðir einnig lífeyri eldri borgara vegna fjármagnstekna.Samt hvetja opinberir aðilar eldri borgara til þess að minnka við sig húsnæði á efri árum.En þegar eldri borgari ákveður að selja stóra íbúð, eða stórt hús og kaupa minna húsnæði í staðinn, leggur hann oft einhverja fjármuni í banka, en þá er ríkiskrumlan strax komin og hrifsar til sín fjármagnstekjuskatt og skerðir lífeyri almannatrygginga vegna fjármagnstekna.Þessum reglum þyrfti að breyta.Leyfa ætti eldri borgurum að eiga ríflega upphæð í banka án þess að hún væri skattlögð og án þess að hún ylli skerðingu lífeyris hjá almannatryggingum.Frítekjumark vegna fjármagnstekna er einnigt alltof lágt.Það er 25000 kr á mánuði og er raunar almennt frítekjumark sem gildir fyrir allar tekjur.Helmingur fjármagnstekna hjóna eða sambúðarfólks hefur áhrif á úttreikning lífeyris hjá hvoru fyrir sig.

Hinar miklu tekjutengingar hjá eldri borgurum á Íslandi eiga stóran þátt í því að Tryggingastofnun greiðir eldri borgurum (og öryrkjum) oft „of mikinn“ lífeyri og síðan sendir hún eldri borgurum og öryrkjum stóra bakreikninga.Það kemur öldruðum og öryrkjum mjög illa. Slíkir bakreikningar þekkjast ekki á hinum Norðurlöndunun,þar eð hliðstæðar tekjutengingar og hér eru þekkjast ekki á hinum Norðurlöndunum. Það þarf að afnema allar þessar tekjutengingar. Um leið mundu bakreikningar leggjast af. Það yrði gleðidagur fyrir aldraða og öryrkja.
Mbl. 23.mars 2019

Björgvin Guðmundsson

 

 

.

 
 
 
 
Björgvin Guðmundsson

 


26 milljarðar hafðir af öryrkjum vegna krónu móti krónu skerðingar!

Stjórnvöld hafa haft 26 milljarða af öryrkjum vegna krónu móti krónu skerðingar fyrir utan afleiddar afleiðingar þessarar skerðingar.Þessi krónu móti krónu skerðing skerðir kjör öryrkja um 12 milljarða á ári eða um 24 milljarða á 2 árum. Skerðingin hefur staðið í 2 ár og tæpa 2 mánuði.Það bætist því við kjaraskerðing í 2 mánuði í viðbót eða um 2 milljarða


Forstjóralaun alveg upp í 7 millj á mánuði!

Ofurlaun yfirstéttarinnar eru yfirgengileg.Forstjóri Haga er með 7 millj á mánuði,forstjóri TM með 4,7 millj.,forstjóri Sjóvá með 4,7 millj. forstjóri Granda með 4,7 millj.,  og forstjóri Símans með 4,4 millj.Meðalalaun 18 fyrirtækja,sem eru í kauphöllinni eru  5 milljónir á mánuði! Þetta er yfirgengilegt og leiðir í ljós,að að það búa tvær þjóðir í þessu landi: Yfirstéttin,sem rakar til sín peningum og i skjóli ráðamanna tók sér óheyrileg laun,þar á meðal hækkuðu laun þingmanna um 70% og  laun ráðherra um 64%  og laun verkafólks eru við fátæktarmörk.Það er verið að halda lægst launaða  verkafólki niðri  svo  það hafi varla til hnífs og skeiðar.Er ekki tímabært að breyta þessum, jafna gæðunum réttlátlega milli þegnanna.

Björgvin Guðmundsson


VG setti engin skilyrði! Lét hégómann nægja!

Hvers vegna hefur VG ekki fengið framgengt neinum af stefnumálum sínum í velferðarmálum í stjórninni? Svarið er mjög einfalt: VG setti engin málefnaleg skilyrði fyrir stjórnarsamstarfi við tvo íhaldsflokka,íhald og framsókn.VG var svo mikið í mun að komast í stjórn að það var látið duga að fá forsætisráðherrann,fundarstjóra stjórnarinnar.VG lét m.ö.o hégómann duga.VG fórnaði málefnunum fyrir hégómann.Formanni VG fannst meira atriði að hafa hátt embætti,geta flogið um loftin blá og hitt erlenda fyrirmenn en að leysa aðkallaði innlend velferðarmál. Þetta voru mikil mistök. Þegar farið er í stjórnarsamstarf með flokkum með öndverða stefnu og með flokki sem er stærri er nauðsynlegt að setja skilyrði og semja um málin fyrirfram.VG hefði getað lært af Alþýðuflokknum í þessu efni.Hann fór í stjórn með Sjálfstæðisflokknum (og Sósialistaflokknum) 1944 og aftur 1959. Í bæði skiptin setti Alþýðuflokkurinn hörð skilyrði fyrir stjórnarsamstarfi.1944 setti Alþýðuflokkurinn það skilyrði,að almannatryggingum yrði komið á fót.Þetta samþykkti Ólafur Thors formaður Sjálfstæðisflokksins og sýndu mikinn metnað í því að íslensku almannatryggingarnar yrðu í fremstu röð slíkra trygginga í Evrópu.1959 setti Alþýðuflokkurinn það skilyrði fyrir stjórnarsamstarfi,að almannatryggingarnar yrðu stórefldar með mikilli aukningu fjölskyldubóta.Það var einnig samþykkt. En VG setti engin málefnaleg skilyrði.Flokkurinn lét sér nægja hégómann.

Björgvin Guðmundsson


Lífeyrir aldraðra ekki bætur heldur eftirlaun

Er rétt að kalla lífeyri frá almannatryggingum bætur? Ég tel ekki. Þetta er lífeyrir. Einnig mætti kalla þetta laun,  eftirlaun.Bætur er ekki réttnefni. Aldraðir, sem komnir eru á eftirlaun, hafa greitt skatta til ríkisins alla sína starfsævi. Þeir hafa greitt til almannatrygginga og eiga rétt á lífeyri eða eftirlaunum frá almannatryggingum.Þegar þeir síðan fá lífeyri frá almannatryggingum heldur ríkið áfram að skatteggja þá þó þeir séu hættur störfum. Ríkið tekur til baka af lífeyrinum. Þannig að eldri borgari sem fær 300 þúsund krónur á mánuði frá almannatryggingum verður að greiða ríkinu til baka 50 þúsund krónur! Með öðrum orðum: Á sama tíma og lífeyrir aldraðra frá almannatryggingum dugar ekki til sómasamlegrar framfærslu hrifsar ríkið til baka drjúgan hlut af lífeyrinum!

Orðið bætur er neikvætt

En er rétt að kalla lífeyri öryrkja bætur? Nei. Ég tel heppilegra að halda sig við orðið lífeyrir.Það er eitthvað neikvætt við orðið bætur. Og ekki hefur núverandi fjármálaráðherra bætt ímynd orðsins. Hann hefur ítrekað talað niður til „bótaþega“ sem hann kallar svo. Fjármálaráðherra talar niðrandi um það að vera á bótum og segir, að vissir stjórnmálamenn vilji, að allir séu ábótum! Það er að sjálfsögðu fráleitt að halda slíku fram. Þegar menn slasast alvarlega eða fá langvinna sjúkdóma geta þeir misst starfsorkuna að fullu eða hluta hennar og orðið öryrkjar. Enginn kýs sér það hlutskipti.Atvinnulífið hefur verið fjandsamlegt öryrkjum.Nauðsynlegt er að aðstoða sem flesta öryrkja við að komast út í atvinnulífið á ný. En til þess að svo geti orðið þurfa atvinnurekendur að vera jákvæðir gagnvart öryrkjum og þeim, sem misst hafa starfsorkuna að einhverju leyti. Æskilegt væri, að atvinnurekendur byðu öryrkjum hlutastörf. Það gildir það sama um öryrkja og eldri borgara: Lífeyrir almannatrygginga, sem öryrkjar fá, er of lágur og dugar ekki til framfærslu.

Hverjir eru að fá bætur?

Ég tel, að lífeyrisþegar séu ekki með bætur heldur lífeyri.En það eru hins vegar aðrir á Íslandi,sem eru að fá bætur í dag: Fyrst og fremst eru það þeir, sem fá afnot af auðlindum þjóðarinnar án þess að greiða fullt afgjald fyrir. Þar vil ég fyrst nefna útgerðarmenn, sem greiða alltof lágt afgjald fyrir afnot af sjávarauðlindinni.Veiðigjöldin voru lækkuð mikið.Á sama tíma og fjármuni vantar til þess að greiða öldruðum og öryrkjum nægilega háan lífeyri er ótækt að létt sé gjöldum af útgerðinni.Afgjöldin voru síst of há.Íslenska þjóðiná að fá eðlileg afgjöld af auðlindum sínum.

Björgvin Guðmundsson

 



 

Svikust um að leiðrétta kjaragliðnun krepputímans

 

 

Stærsta kosningaloforðið, sem Framsókn og Sjálfstæðisflokkur gáfu öldruðum og öryrkjum í  þingkosningum 2013,var að kjaragliðnunin, sem þessir hópar urðu fyrir á krepputímanum,yrði leiðrétt strax kæmust þeir til valda.Á landsfundi Sjálfstæðisflokksins fyrir kosningar 2013 var eftirfarandi samþykkt: Ellilífeyrir sé leiðréttur strax til samanburðar við þær hækkanir, sem orðið hafa á lægstu launum síðan í ársbyrjun 2009.Svipuð ályktun var samþykkt á flokksþingi Framsóknar.Þar var eftirfarandi samþykkt: Lífeyrir aldraðra og öryrkja verði hækkaður vegna kjaraskerðingar þeirra (og kjaragliðnunar) á krepputímanum.Með kjaragliðnun er átt við, að lífeyrir aldraðra og öryrkja hefur ekki hækkað samsvarandi og kaup láglaunafólks en tilskilið er í lögum, að svo skuli vera. 

Kjaragliðnunin ekki leiðrétt í fjárlagafrumvarpinu

Framsókn og Sjálfstæðisflokkur mynduðu ríkisstjórn eftir kosningar 2013 Þess var beðið með nokkurri eftirvæntingu, hvort fjárveiting til leiðréttingar á kjaragliðnun lífeyrisþega yrði í fjárlagafrumvarpinu fyrir 2014, einkum þar sem formaður Sjálfstæðisflokksins var orðinn fjármálaráðherra og samþykkt landsfundar flokksins um leiðréttingu strax var afdráttarlaus.En það var ekki að finna eina krónu í frumvarpinu til leiðréttingar á umræddri kjaragliðnun.Það  var því ljóst, að ríkisstjórnin ætlaði að svíkja aldraða  um leiðréttingu á lífeyrinum. 

Lífeyrir þarf að hækka um 20 -30% 

Mat á stöðunni var þetta :Hækka þarf lífeyrinn um. 20 -30% til þess að leiðrétta hann vegna kjaragliðnunarinnar.Kaup láglaunafólks hefur hækkað um 40% frá ársbyrjun 2009 en lífeyþeirra,sem búa einir og hafa aðeins tekjur frá TR) hefur aðeins hækkað um 17% á sama tíma.Öryrkjabandalag Íslands telur að hækka þurfi lífeyri öryrkja meira en 20% til þess að leiðrétta að fullu vegna kjaraskerðingar krepputímans.Með því að hækka lífeyri um 20% nú væri aðeins verið að hækka hann í dag, mörgum árum síðar, til samræmis við hækkun,sem láglaunafólk hefur fengið  fyrir mörgum árum og mest á fyrri hluta krepputímans.Í því fælist hins vegar engin leiðrétting  fyrir liðinn tíma.Sumir frambjóðendur stjórnarflokkanna gáfu  mjög róttækar yfirlýsingar um að leiðrétta þyrfti kjör aldraðra og öryrkja til baka.

 

Landssamband eldri borgara og Félag eldri borgara í Reykjavík  ályktaði að leiðrétta yrði lífeyrinn vegna kjaragliðnunar krepputímans.Þess  var krafist, að staðið verði við kosningaloforðið í því efni og að það  yrði gert strax eins og lofað var fyrir kosningar.a kjörin. 

 

Björgvin Guðmundsson

 

 

 


Svikið í 25 mánuði af afnema krónu móti krónu skerðingu öryrkja!Er ekki komið nóg?

Málefnahópur Öbi um kjaramál en enn að berjast fyrir afnámi krónu móti krónu skerðingar öryrkja.En mér finnst forusta Öbi minnast orðið lítið á þetta stóra kjaramál,ef til vill það stærsta.Núna 1.febrúar 2019 eru liðnir 25 mánuðir frá því stjórnvöld lofuðu öryrkjum því að krónu móti krónu skerðingin yrði afnumin en það hefur verið svikið allan þennan tíma.Raunar hafa svikin staðið lengur,þar eð haustið 2016 lofaði ríkisstjórn Framsóknar og Sjálfstæðisflokks því að afnema krónu móti krónu skerðingu bæði hjá  öryrkjum og öldruðum.Það var staðið við loforðið gagnvart öldruðum en svikið á síðustu stundu gagnvart öryrkjum.Svikin hafa staðið síðan og sl. 14 mánuði með aðild VG að svikunum.Furðulegt.Öryrkjar hafa orðið fyrir tugmilljarða kjaraskerðingu vegna þessa.Málið er svo alvarlegt,að ég tel,að forusta Öbi hefði átt að neita að tala við ríkisstjórnina á meðan ríkisstjórnin stóð ekki við það að afnema þessa skerðingu.Þetta er "prinsip" mál,grundvallaratriði,sem ekki má víkja frá.

Kjaramálahópur Öbi hefur haldið 20 fundi frá því í september 2017. 

Fyrir stefnuþing ÖBÍ í príl 2018 fjallaði  kjaramálahópurinn um og lagði eftirfarandi efni fyrir þingið: Leiðrétting kjaragliðnunar, hækkun persónuafsláttar, lífeyrir almannatrygginga verði einstaklingsmiðaður, afnám víxlverkunar almannatrygginga og lífeyrissjóða, hækkun framfærslu örorkulífeyrisþega, afnám „krónu á móti krónu“ skerðingar, hækkun frítekjumarks vegna atvinnutekna, húsnæðismál. Stefnuþingið lagði áherslu á leiðréttingu kjaragliðnunar, hækkun á framfærslu örorkulífeyrisþega og afnám „krónu á móti krónu“ skerðingar. 

 Rósa María Hjörvar er formaður kjaramálahóps Öb

i

Björgvin Guðmundsson

 


Ræður þingið eða flokksforingjar?

Fyrir  alþingiskosningar 2018 lýsti Sigurður Ingi formaður Framsóknarflokksins og nú samgönguráðherra því yfir,að hann væri andvígur veggjöldum.Þessi flokksformaður varð samgönguráðherra og þá bregður svo við,að Sigurður Ingi vendir sínu kvæði í kross og tekur afstöðu með veggjöldum. Hann tók sér stöðu með Jóni Gunnarssyni,íhaldsmanni,sem lengi hefur barist fyrir veggjöldum.Ljóst er,að veggjöld munu einkum lenda þunglega á íbúum höfuðborgarsvæðisins og SV hornsins.Bíleigendur eru búnir að borga vegaframkvæmdir með miklum bensínsköttum og bílasköttum  áður en þeir peningar hafa ekki verið notaðir nema að litlu leyti í vegina.Það  er því ósiðlegt að ætla að láta bíleigendur borga þetta aftur.- En það sem er þó enn verra eru vinnubrögðin við að koma veggjöldum á. 

 Það eru flokksforingjar stjórnarflokkanna,sem ákveða þetta en ekki þingið.Það er búið að tala um það í margar vikur að lagðir verði á vegtollar.Foringjarnir ákváðu þetta og þá þurfti ekki að spyrja þingið.Foringjaræðið er algert. Lýðræðið er fótum troðið.Þinginu er gefið langt nef.Þingræði er ekkert.

 

Björgvin Guðmundsson


Ódýrt að hækka lægsta lífeyrinn!

Brýnasta verkefnið í málefnum aldraðra er að hækka lífeyr þeirra, sem eru með lægsta lífeyrinn frá almannatryggingum, hafa einungis tekjur frá almannatryggingum (_strípaðan lífeyri“)Þessir eldri borgarar hafa engan lífeyrissjóð.Margar ástæður geta verið fyrir þessari stöðu eldri borgaranna; veikindi,gjaldþrot lífeyrissjóða, enginn lífeyrissjóður hjá húsmæðrum o.fl Lífeyrir 2019 frá TR er 212 þús kr eftir skatt á mánuði hjá þeim, sem búa með öðrum og 252 þús á mánuði eftir skatt hjá þeim, sem búa einir.Þetta er hungurlús og engin leið að lifa af svo lágum tekjum. Þeir sem hafa svo lágar tekjur verða að neita sér um að fara til læknis og/eða að leysa út lyf sín. Dæmi eru um það, að þeir sem eru á þessum lægsta lífeyri hafi ekki átt nóg fyrir mat. Vegna alvöru málsins sendi ég Katrínu Jakobsdóttur,forsætisráðherra, bréf 18.janúar í fyrra og skoraði á hana að leiðrétta þennan lága lífeyri.Um neyðarástand væri að ræða. Katrín svaraði ekki bréfinu! Og hún sinnti ekki erindinu allt árið, sem liðið er frá því hún fékk bréfið. Ekki hefur orðið nein raunhækkun lífeyris aldraðra og öryrkja að frumkvæði ríkisstjórmar Katrínar frá því hún tók við völdum

Kostar 2,7 milljarða að hækka þá verst stöddu

Ég hef bent á, að það kosti lítið að hækka lífeyri lægst launuðu aldraðra .Um tiltöluleg lítinn hóp er að ræða, eða 1847 eldri borgara.Það kostar 2,7 milljarða kr að hækkka ellilífeyri þessa hóps í 420 þús kr á mánuði.( Meðtaldir þeir, sem hafa 25 þús kr viðbótartekjur og minna á mánuð.Serðir ekki lífeyri) Fjárlögin fyrir árið 2019 eru upp á 803 milljarða, heildarútgjöld.Ekki geta 2,7 milljarðar talist há upphæð í hlutfalli af þeirri háu upphæð.Að mínu mati þyrfti einnig að hækka lífeyri öryrkja sambærilega. Þá er eðlilegt að hækka einnig þá eldri borgara, sem eru með lágar viðbótartekjur t.d. 26- 50 þús kr á mánuði.

Afnema þarf allar tekjuskerðingar aldraðra

En hvað með þá,sem hafa greiðslur úr lífeyrissjóði? Jú svo sannarlega þarf að huga að þeim einnig. Ég hef lægst launuðu eldri borgara og öryrkja í forgangi vegna þess, að þar er um líf eða dauða að tefla. Já, Það er ótrúlegt, að í þessu velmegunarþjóðfélagi, þar sem eyðsla,óhóf og bruðl er í hámarki skuli hóp eldri borgara og öryrkja vera haldið við sultarmörk.Sá hópur hefur að mínu áliti algeran forgang en samtímis eða strax í kjölfar ráðstafana fyrir þá lægst launuðu þarf að gera aðgerðir til þess að afnema skerðingar vegna lífeyrissjóða og afnema aðrar skerðingar. Það var alveg skýrt, þegar lífeyrissjóðirnir voru stofnaðir, að þeir áttu að vera hrein viðbót við almannatryggingar.Þetta staðfesta margir verkalýðsleiðtogar og ASÍ gaf út yfirlýsingu 1969, þar sem þessi skilningur var staðfestur Þetta er svikið með grófri skerðingu á lífeyri almannatrygginga hjá þeim, sem fá lífeyri úr lífeyrissjóðum. Það verður að leiðrétta sem allra fyrst. Einnig þarf að afnema allar aðrar tekjuskerðingar, sem eldri borgarar sæta í kerfi almannatrygginga.

Afnám kostar 35 milljarða króna.

Það kostar 35 milljarða að afnema allar tekjuskerðingar,sem eldri borgarar sæta hjá TR.Það er ekki svo há upphæð, þegar haft er í huga hvað ríkið hefur haft mikla fjármuni af eldri borgurum á undanförnum áratugum.Íslenska ríkið leggur í dag miklu lægri fjárhæð til eftirlauna eldri borgara en ríkisvaldið gerir á hinum Norðurlöndunum og innan OECD.( miðað við hlutfall af þjóðartekjum,) Íslenska ríkið þarf að hækka greiðslur sínar til eftirlauna aldraðra um 36 milljarð til þess að jafna metin við OECD, þ.e. til þess að umræddar greiðslur verði jafnmiklar og hjá ríkjum OECD til jafnaðar.

Afnema á tekjuskerðingar og hækka lægsta lífeyri strax

Er það dýrt að afnema tekjuskerðingar aldraðra í kerfi TR? Er kostnaðarsamt að hækka lægsta lífeyri aldraðra ? Svar mitt er nei.Ríkið hefur sparað stórfé á því undanfarna áratugi að skerða tryggingalífeyri. Þess vegna er það aðeins réttlátt gagnvart öldruðum og eðlilegt, að skerðingar séu nú afnumdar .Ríkið á ekkert val, þegar kemur að lægsta lífeyri aldraðra.Það er mannréttindabrot að halda lægsta lífeyri áfram við fátæktarmörk (sultarmörk).Þess vegna verður ríkið að hækka þennan lífeyri strax.Það þolir enga bið.

Björgvin Guðmundsson

Mbl.26.jan.2019

 
 
 
 
 
 
 

 


Ekki alltaf unnt að tryggja öryggi sjúklinga á Landspítala

 

Rætt var um Landspítalann á Alþingi í vikunni Anna Kolbrún Árnadóttir,þingmaður Miðflokksins hóf umræðuna vegna úttektar Landlæknis á Landsspítalanum og sérstaklega á bráðavaktinni.Guðjón Brjánsson,Samfylkingu tók þátt í umræðunni.Hann sagði m.a.:

Landspítalinn, máttarstólpi okkar í heilbrigðisþjónustunni, er á vörum fólks og í fjölmiðlum oft í viku . Ekki bara vegna þess frábæra starfs sem þar er unnið af hugviti, ekki heldur vegna þeirra úrlausna sem starfsfólk glímir þrotlaust við á hverjum degi í úreltu og þröngu húsnæði, nei, heldur vegna álags og óöryggis og úrræðaleysis sem blasir reglulega við gagnvart sjúklingum sem hafa fengið fulla meðferð og þurfa ekki lengur viðdvöl á þessu hæsta viðbúnaðarstig í heilbrigðiskerfinu. Spítalinn getur ekki tekið refjalaust við bráðveiku fólki til lækninga og gegnt þannig með fullu öryggi hlutverki sínu sem bráðastofnun, háskólasjúkrahús.

Það var einmitt þetta sem forstjóri spítalans tjáði sig um í fjölmiðlum ekki alls fyrir löngu, að ástandið væri á stundum svo tvísýnt að ekki væri hægt að tryggja öryggi sjúklinga. Embætti landlæknis var tilkynnt um málið sem réðist þegar í úttekt vegna þeirra alvarlegu stöðu sem upp var komin, sérstaklega á bráðamóttöku.

 Erfiðleikar í rekstri og starfsemi Landspítalans hljóma ekki sem ný frétt í eyrum landsmanna en birtingarmyndin er kannski önnur nú en oft áður. Það eru ekki fjárhagsleg vandræði sem eru í forgrunni í þetta sinn heldur miklu fremur þrengsli, yfirfullur spítali af sjúklingum sem komast hvergi og síðast en ekki síst tilfinnanlegur skortur á fagfólki til starfa, einkum hjúkrunarfræðingum.

Í öllum þeim þáttum felast miklar áskoranir fyrir framtíðarstarfsemina og stjórnendur gera sér það ljóst. Ljósið í myrkrinu er að vinnuaðstaða mun batna til muna með nýjum spítala á komandi misserum. Hvað varðar útskriftarvandann mun nýtt sjúkrahótel eflaust létta til í meðferðarmálum, eins og hæstv. ráðherra drap á, sömuleiðis opnun nýrra hjúkrunarheimila á höfuðborgarsvæðinu á þessu ári.

Mönnunarvandinn er hins vegar sá þáttur sem er hvað alvarlegastur .

 

Björgvin Guðmundsson

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband