Mánudagur, 12. desember 2016
Öryrkjar vilja 390 þúsund á mánuði
Öryrkjabandalagið efndi til samstöðufundar við alþingishúsið 7.desember þar. voru afhentar óskir öryrkja í kjaramálum og öðrum málum.Helsu óskir öryrkja í kjaramálum eru þessar;
Ég óska þess að óskertur örorkulífeyrir almannatrygginga verði að lágmarki 390 þús. kr. á mánuði frá 1. janúar 2017, þannig að ég eigi möguleika á að lifa mannsæmandi lífi.
Ég óska þess að tekjur undir 310 þús. kr. á mánuði verði ekki skattlagðar, þannig að ég geti mögulega átt fyrir helstu nauðsynjum.
Ég óska þess að krónu á móti krónu skerðing verði afnumin þannig að ég njóti ávinnings af öðrum tekjum.
Þetta eru róttækar kröfur en aðalkrafan um lágmarkslífeyri er í samræmii við þær kröfur sem ég hef sett fram fyrir hönd aldraðra.Ég hef rætt um 400 þúsund á mánuði fyrir skatt,sem þýðir 32o þúsund kr á mánuði eftir skatt.
Þetta algert lágmark fyrir aldraða,400 þúsund fyrir skatt og 320 þúsund eftir skatt.Öryrkjar telja,að örorkulífeyrir eigi að vera 390 þúsund kr á mánuði fyrir skatt.Öryrkjar vilja einnig,að tekjur undur 310 þúund á mánuði verði ekki skattlagðar.Ég tek undir það.-Meðal þingmanna,sem tók við óskum öryrkja um kjarabætur var forsætisráðherra.
Björgvin Guðmundsson
Meginflokkur: Stjórnmál og samfélag | Aukaflokkur: Bloggar | Breytt s.d. kl. 06:52 | Facebook
Athugasemdir
Ég tek alveg heils hugar undir þetta og það ætti að fara að vinna að þessu sama hverjir eru í stjórn og aldraðir og öryrkjar ættu að sameinast og vinna vel saman að þessu máli. Því sameiginleg vinna skilar meiru en ef hver samtök séu að vinna í sínu horni.
Jóhann Elíasson, 12.12.2016 kl. 11:49
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.