Eldri borgarinn lækkaði um áramót!

 

 

 

Eldri borgari kom að máli við mig og skýrði mér frá því hvað hann  hefði fengið mikla hækkun hjá fráfarandi ríkisstórn nú um áramótin.Hann kvaðst hafa séð, að lífeyrir ætti að hækka um 7,5% um áramótin.En ekki væri hann að fá þá hækkun og enga aðra hækkun um áramót .Hann hefði áður haft 25.061 krónur á mánuði frá almannatryggingum en nú hefði sú upphæð hrapað í 13.386 kr.Það er nálægt 50 % lækkun.   Þrátt fyrir boðaðar hækkanir um áramót fær þessi eldri borgari því enga hækkun,heldur lækkun!  Hann fær greiðslu úr lífeyrissjóði og samanlagðar greiðslur sem hann fær frá lífeyrissjóði og almannatryggingum nema 248 þúsund krónum á mánuði. Eldri borgaranum finnst það lítið eftir allt ævistarfið og skilur ekki hvers vegna ríkið geti óbeint seilst í lífeyrissjóðinn á þann hátt að skerða tryggingalífeyri almannatrygginga vegna þess  að hann hafi greitt í lífeyrissjóð.

  Mikill fjöldi eldri borgara og öryrkja hefur haft samband við mig á nýja árinu til þess að ræða  um  nýju almannatryggingalögin og breytingarnar sem gerðar voru á þeim.Allir áttu þeir von á miklum hækkunum frá áramótum vegna fullyrðinga ráðamanna um að lífeyrir þeirra mundi hækka einhver ósköp frá áramótum en þeir  urðu fyrir miklum vonbrigðum.Þeir fengu ýmist mjög litlar hækkanir eða lækkanir eins og sá eldri borgari,sem hér er fjallað um.  

 

Björgvin Guðmundsson

                                                                                                

Athugasemdir

[Sigurður M Grétarsson, 9.1.2017 kl. 16:34]

Það er greinilegt af þeim tölum sem hér eru nefndar að annað hvort eru þær hreinlega rangar eða það vantar einhverjar upplýsingar í það sem þarna kemur fram. Reyndar er líklegt að þarna sé verið að tala um tekjur eftir skatt þó það sé ekki tekið fram í þessari færslu. Ástæða þess að ég segi það er sú að þarna kemur fram að á seinasta ári hafi bætur viðkomandi verið 25.061 kr. en það er akkúrat sú upphæð sem kemur út ef 37,13% skattir er dreginn frá þeim 39.862 kr. sem óskertur ellilíferir var á seinasta ári. Þeir sem voru bara með lífeyrissjóðstekjur eða að aðrar tekjur en lífeyrissjóðstekjur voru undir 214.602 kr. á mán. fengu akkúrat þá upphæð sama hversu háar lífeyrissjóðstekjurnar væru.

Miðað við það má vænta þess að upphæðin sem hér er talað um að viðkomandi fái fyrir janúar í ár sem eru 13.386 kr. sé líka eftir skatt. Þar sem TR þarf að keyra janúar greiðslur áður en ákvörðun liggur fyrir um staðgreiðsluprósentu næsta árs þá eru greiðslur í upphafi greiddar miðað við staðgreiðsluhlutfall síðasta árs og með persónuaflætti síðasta árs og síðan greidd viðbótagreiðsla um miðjan janúar. Því hefur þessi greiðsla miðað við sömu staðgreiðsluprósentu og á seinasta ári eða 37,13% og því hefur greiðslan fyrir skatt verið 21.292 kr. Þetta má meðal annars sjá á reiknivél TR sem hægt er að nálgast hér.

http://www.tr.is/reiknhildur/2017_jan/reiknhildur_oe.jsp

Ef um er að ræða ellilífeyrisþega sem er með fullan búseturétt þá þurfa tekjur hans að vera 485.982 kr. á mán. til að bæturnar verði 21.292 kr. á mán.

Mikðað við að persónuafslátturinn sé að fullu nýttur hjá lífeyrissjóðnum þá væri nettó greiðala hans frá honum um 360 þús. og því væri hann með 373 þús. í heildartekjur eftir skatt með greiðslunni frá TR.

Það er því alveg ljóst að það vantar eitthvað inn í frásögnina hjá þeim heimildarmanni sem vitnað er í og er þá líklegast að hann hafi ekki sagt Björgvini frá öllum tekjunum sem hann hefur eða að viðkomandi sé með mikla skerðingu vegna búsetu erlendis milli 16 og 67 ára aldurs. Staðreyndin er sú að til að bætur ellilífeyrisþega með 100% búseturétt og einungis með lífeyrissjóðstekjur verði lægri en þær voru á síðasta ári þurfa lífeyrissjóðstekjurnar að fara upp fyrir 445 þús. kr. á mán.

Ef það á að ræða það með faglegum hætti hvað þarf að laga í íslenska almannatryggingakerfinu þá þarf það að gerast út frá réttum forsendum. Það hjálpar ekkert í því verkefni að breiða út sögusagnir sem ekki standast skoðun og breiða þannig út ranghugmyndir um það hvernig botakerfið virkar í raun.

[Björgvin Guðmundsson, 10.1.2017 kl. 07:54]

Sæll Sigurður!

Mjög margir hafa samband við mig og kvarta yfir litlum greiðslum frá TR og lífeyrissjóðum.Þeir eru yfirleitt með það á hreinu hvað þeir fá mikið greitt og hvort það dugar,En stundum gleymast fjármagnstekjur og endurgreiðslur til TR ef um ofgreiðslu áður hefur verið að ræða.Í þessu tilviki

 var um að ræða greiðslur eftir  skatt.Viðkomandi eldri borgari hvaðst ekki hafa  haft aðrar tekjur

en greiðslur frá TR og úr lífeyrissjóði. Ekki kom fram hvort búseturéttur væri fullur eða skertur.

Björgvin Guðmundsson