Tekur Nubo Grímsstaði á leigu?

Norðurþing vill kaupa jörðina Grímsstaði og leigja hana Kínverjanum Nubo til langs tíma.Hér er sennilega komin lausn  á málinu,sem mundi gagnast bæði Íslendingum og Kínverjanum.Hann mundi þá koma með  fjármagn inn í landið  og byggja upp ferðaiðnað,byggja hótel og golfvelli o.fl. Rætt er um að Nubo mundi ef til vill borga leiguna langt fram í tímann og jafnvel lána Norðurþingi fyrir kaupverðinu.Iðnaðarráðherra mun vera hlynntur því að Nubo komi með fjármagn inn í landið til þess að byggja upp ferðaiðnað.Mér líst vel á þessa lausn. Við eigum ekki að vera hræddir við útlendinga.Þvert á móti eigum við að fagna því,ef þeir vilja fjárfesta hér.

 

Björgvin Guðmundsson