Nýja ríkisstjórnin kynnt við styttu Jóns Sigurðssonar

Stefnt er að því að kynna nýja ríikisstjórn Samfylkingar og VG við styttu Jóns Sigurðssonar

á Austurvelli kl. 6 í dag.Ingibjörg Sólrún mun fara a fund forseta Íslands í dag og greina honum frá,að samkomulag sé komið um stjórnarmyndun og er þá búist við að forseti feli Jóhönnu Sigurðardóttur að mynda stjórnina.Vonandi mun almenningur ( mótmælendur) fagna stjórninni en ekki mótmæla henni.

 

Björgvin Guðmundsson

Nýja stjórnin að komast á koppinn

Nýja ríkisstjórnin er nú alveg að komast á koppinn. Búist er við að stjórnin verði tilbúin seinna í dag eða í fyrramálið.Margir  undrast hvað það  tekur langan tíma fyrir Samfylkingu og VG að mynda stjórn sem aðeins á að sitja í 3 mánuði að hámarki. Þegar þeir Jón Baldvin og Davið Oddsson mynduðu Viðeyjarstjórnina tók það aðeins augnablik að mynda stjórnina.Stjórnarsáttmálinn var örstuttur. Mjög er misjafnt hvernig menn vinna í  þessu efni. Stundum er hafður ítarlegur stjórnarsáttmáli en stundum örstuttur. Ég hygg að hjá núverandi stjórnarflokkum verði sáttmálinn frekar ítarlegur. Samfylking og VG vinna þannig,að þessir flokkar fara mikið í smáatriði.

Útlit er fyrir,að tveir utanaðkomandi menn verði í stjórninni,Gylfi Magnússon dósent verði viðskiptaráðherra og Björg Thorarensen verði sennilega dómsmálaráðherra. Hvor flokkur um sig hafi 5 ráðherra og kynjaskipting verði jöfn.Umbúðir stjórnarinnar verða því góðar en vonandi verður innihaldið það líka. Þetta  er mjög stuttur tími,sem er til stefnu. Það ríður því á að gera markvissar ráðstafanir. Það er búið að tala mikið undanfarnar vikur og raunar síðan í haust  um að  hjálpa þurfi heimilum og fyrirtækjum  í landinu. Nú er komið að framkvæmdum. Væntanlega verður úr þeim.

 

Björgvin Guðmundsson

Vöruskiptajöfnuður aðeins óhagstæður um 5,6 milljarða sl. ár. Mikill bati

Nánast var jöfnuður á vöruskiptum á síðasta ári samkvæmt bráðabirgðatölum, sem Hagstofan birti í dag. Fluttar voru út vörur fyrir 467,1 milljarð króna en inn fyrir 472,7 milljarða króna. Hallinn nam því 5,6 milljörðum en á sama tíma árið áður voru þau óhagstæð um 127,5 milljarða á sama gengi.

Vöruskiptin í desember, reiknuð á fob verðmæti, voru samkvæmt bráðabirgðatölum hagstæð um 24,2 milljarða króna. Í desember 2007 voru vöruskiptin óhagstæð um 16,7 milljarða króna á sama gengi. 
 
Samkvæmt bráðabirgðatölunum var heildarverðmæti vöruútflutnings 35,1 milljarði meira en á sama tíma árið áður eða 8,1% á föstu gengi. Iðnaðarvörur voru 52,1% alls útflutnings og er þetta fyrsta árið, að sögn Hagsgtofunnar, frá því að skráning á árlegum útflutningi hófst með reglubundnum hætti árið 1862, sem iðnaðarvörur eru meiri en helmingur alls útflutnings og hlutdeild þeirra hærri en sjávarafurða.

Verðmæti iðnaðarvara var 46% meira á árinu 2008 en árið áður og vó ál þyngst í útflutningnum. Sjávarafurðir voru 36,6% alls útflutnings og hefur hlutfall sjávarafurða af heildarútflutningi ekki verið lægra síðan 1865. Verðmæti þeirra var 5,3% minna en á sama tíma árið áður. Stærsti liður útfluttra sjávarafurða var fryst fiskflök og dróst útflutningur þeirra saman frá árinu 2007.

Sölur á skipum og flugvélum drógust umtalsvert saman á árinu. Árið 2008 voru fluttir út fólksbílar og flutningatæki til atvinnurekstrar fyrir 6,5 milljarða.

Verðmæti vöruinnflutnings á árinu 2008 var 86,8 milljörðum minna eða 15,5% á föstu gengi en á sama tíma árið áður. Stærstu liðir innflutnings 2008 voru hrá- og rekstrarvara með 31,8% hlutdeild og fjárfestingarvara en hlutur þeirra var 20,8%.

Af einstökum liðum varð mestur samdráttur, í krónum talið, í innflutningi á flutningatækjum, 48,1% (57,2 milljarðar), aðallega fólksbílum og flugvélum og í innflutningi á fjárfestingavöru 19,2% (23,3 milljarðar) og neysluvöru annarri en mat- og drykkjarvöru 21,6% (18,9 milljarðar) en á móti kom aukning í innflutningi á hrá- og rekstrarvöru 3,8% (5,5 milljarðar) og í verðmæti innflutnings á eldsneyti og smurolíum 16,8% (8,4 milljarðar).(  mbl.is)

Þessi hagstæða þróun vöruskiptajafnaðarins getur stuðlað að betri gengisþróun og flýtt fyrir því að hér komist á eðlileg gjaldeyrisviðskipti og verðbólgan hjaðni.

 

Björgvin Guðmundsson

 

 

Samfylking og VG eiga að sameinast í einum flokki

Stórt skref var stigið í  átt til sameiningar vinstri manna, þegar Alþýðuflokkurinn og Alþýðubandalagiðð ákváðu að sameina flokkana. Það hafði lengi verið draumur jafnaðarmanna á Íslandi að sameina jafnaðarmenn í einn stóran jafnaðarmannaflokk. Því miður  náðist ekki fullkomin sameining. Hluti Alþýðubandalagsins fékkst ekki, þegar á reyndi, til þess að taka þátt í þessari sögulegu sameiningu.Þeir stofnuðu nýjan flokk,Vintri hreyfinguna grænt framboð. Það var mikið ógæfuspor og seinkaði algerri  sameiningu jafnaðarmanna um mörg ár. Þess vegna er staðan eins og hún er nú.: Jafnaðarmenn klofnir í tvær fylkingar,Samfylkinguna og Vinstri græn. Samfylkingin er með 18 þingmenn og Vinstri græn með 9. Þetta eru alls 27 þingmenn. Það væri myndarlegur hópur hjá sameinuðum jafnaðarmannaflokki og  fleiri þingmenn  en íhaldið er með sem hefur nú 25 þingmenn.  

 Málefnaágreiningur er lítill  

 Málefnaágreiningur er mjög lítill milli  Samfylkingar og Vinstri grænna.Heita má,að enginn ágreiningur sé í innanlandsmálum eftir að Samfylkingin markaði nýja stefnu í umhverfismálum,Fagra Ísland. Það er lítils háttar ágreiningur í landbúnaðarmálum en aðalágreiningur flokkanna er í utanríkismálum, þ.e. í afstöðunni til Evrópusambandsins. 

 

Ríkisstjórn Samfylkingar og Vinstri grænna getur greitt fyrir sameiningu þessara tveggja flokka. Það er tímaskekkja að halda fylkingum jafnaðarmanna í tveimur flokkum. Þeir eiga að vera í einni.

 

 Björgvin Guðmundsson

 

www.gudmundsson

18000 atvinnulausir i mai

Vinnumálastofnun áætlar að allt að 18.000 manns verði án vinnu í lok maímánuðar, ef fram heldur sem horfir, og að milli 15.000 og 16.000 verði á atvinnuleysisskrá í lok febrúarmánaðar, þegar áhrifa hópuppsagna í haust gæti að fullu.

Aðspurður um spár Vinnumálastofnunar um atvinnuleysi á næstu mánuðum segir Gissur Pétursson, forstjóri stofnunarinnar, að ráðgert sé að hlutfall atvinnulausra fari í 10 prósent í maímánuði, sem jafngildi því að alls um 18.000 manns verði án vinnu á landinu öllu.

Til að setja þessar tölur í samhengi telur Gissur að erlendir starfsmenn hafi verið flestir hátt í 20.000 og að um þriðjungur, eða 6.000 manns úr þeim hópi, hafi nú snúið aftur til síns heima.(mbl.is)

Þetta er ógnvænlegt atvinnuleysi. Vonandi gerir nýja ríkisstjórnin einhverjar róttækar ráðstafanir til þess að draga úr atvinnuleysinu.

 

Björgvin Guðmundsson

Karl Sigurðsson

 

 

Karl Sigurðsson

 

 

Mikil eftirsjá af Ágúst Ólafi Ágústssyni úr pólitíkinni

Mikil eftirsjá er af Ágúst Ólafi Ágústssyni,þingmanni og varaformanni Samfylkingarinnar, úr pólitíkinni.Hann er vel menntaður,duglegur  og hæfileikaríkur   og hefur að mínu mati verið einn efnilegasti stjórnmálamaður Samfylkingarinnar.Ágúst Ólafur ætlar utan til náms og útilokar ekki að koma á ný aftur í pólitíkina síðar.

Við stjórnarmyndunina 2007  vakti það  athygli,að Ágúst

Ólafur skyldi ekki verða ráðherra,þar eð hann var varaformaður flokksins. Að mínu mati átti hann rétt á ráðherrasæti. En það var gengið framhjá honum.Hvort það hefur átt þátt í  ákvörðun hans um að draga sig nú í hlé veit ég ekki en kæmi það ekki á   óvart. Réttum leikreglum var ekki fylgt.

 

Björgvin Guðmundsson

Framsókn vill stjórnlagaþing

Framsóknarflokkurinn hyggst leggja fram frumvarp um stjórnlagaþing næst þegar þing kemur saman. Þingið hefði það hlutverk að semja nýja stjórnarskrá.

Stuðningur við frumvarpið er eitt þriggja skilyrða sem Framsóknarflokkurinn setur fyrir stuðningi sínum við minnihlutastjórn Samfylkingar og Vinstri-grænna.

 

Samkvæmt frumvarpinu er gert ráð fyrir því að 63 fulltrúar verði kosnir í almennum kosningum til setu á þinginu. Þrjúhundruð undirskriftir þyrfti til að geta boðið sig fram til setu á stjórnlagaþinginu, en þingmenn, ráðherrar, dómarar Hæstaréttar og forseti geta samkvæmt frumvarpinu ekki boðið sig fram.

Einfaldan meirihluta þeirra fulltrúa þyrfti til að samþykkja breytingar á stjórnarskránni. Framsóknarmenn sjá fyrir sér að jafnvel yrði hægt að kjósa á þingið samhliða alþingiskosningum í vor. Þingið myndi starfa í allt að sex mánuði, en möguleiki væri að framlengja störf þess. ir Jón Jónssonn varaformaður Framsóknarflokksinsn sagði á blaðamannafundi þar sem frumvarpið var kynnt að ekki væri eðlilegt að þingmenn sjálfir fjölluðu um breytingar á borð við kosningafyrirkomulag, kjördæmaskipan og fjölda þingmanna.

Siv Friðleifsdóttir, þingflokksformaður flokksins, sagði að kominn væri tími á að taka málið úr höndum þingmanna.

 

Forystumenn flokksins, sögðu mikilvægt, að greina betur á milli þrískiptingar ríkisvaldsins.  Eygló Harðardóttir sagði að ein af hugmyndum sem rætt hafi verið um bein kosning handhafa framkvæmdavalds sem myndi þýða afnám þingræðis. Forseti eða forsætisráðherra yrði kjörinn í sérstakri kosningu og hann myndi skipa ráðherra í ríkisstjórn sína að bandarískri fyrirmynd. (mbl.is)

Tillaga Framsóknar um sérstakt stjórnlagaþing er athyglisverð.Segja  má,að stjórnmálamenn hafi  klúðrað þessu máli. Þeir hafa árum saman fjallað um breytingar á stjórnarskránni en niðurstaðan er engin.

 

Björgvin Guðmundsson

 

Ekki á að lækka skuldir útgerðar meira en annars atvinnureksturs í landinu

Nú eru að komast til valda þeir tveir flokkar,sem hafa það á stefnuskrá sinni  að gerbreyta kvótakerfinu í landinu,Samfylking og VG.Auk þess vilja Frjálslyndir innkalla allar veiðiheimildir. Það ætti því að nálgast sá tími að unnt verði að innkalla allar veiðiheimildir og úthluta þeim á ný gegn gjaldi eða bjóða þær upp á uppboðsmarkaði. Aðalatriðið er að allir sitji við sama borð þegar úthlutað verður á ný eða boðið upp Ég hefi trú  á því að Framsókn styðji uppstokkun kvótakerfisins.

Mikið er í dag rætt um skuldir fyrirtækjanna í landinu og þar á meðal útgerðarfyrirtækja. Útgerðin skuldar 5-600 milljarða í ríkisbönkunum. Heyrst hafa þær raddir,að afskrifa ætti mikið af skuldum útgerðarinnar. Það kemur  ekki til greina. Útgerðarfyrirtæki eiga ekki að njóta sérmeðferðar. Útgerðin á að sitja við sama borð og önnur atvinnufyrirtæki í landinu. Ef  ákveðið verður að lækka skuldir fyrirtækja á útgerðin að njóta þess en ekkert umfram aðra.

 

Björgvin Guðmundsson

Fækkað um 20 legupláss á Landakoti!

Leguplássum á Landakoti fækkar um 20 vegna sparnaðar en sextíu til áttatíu eru á biðlista. Á Landakoti er meðal annars reynt að þjálfa aldraða til að búa lengur í heimahúsum. Hægt er að styðja 200 aldraða í að búa heima fyrir sömu upphæð og 15 pláss á hjúkrunarheimili kosta(mbl.is)

Hér er sennilega um að ræða " sparnað"i Guðlaugs Þórs fráfarandi ráðherra. Væntanlega mun nýja stjórnin breyta þessu.

 

Björgvin Guðmundsson

Halda mótmælin áfram?

Spurningin er sú hvort mótmæli almennings halda áfram nú þegar ríkisstjórnin er farin frá og forstjóri FME einnig. Tilkynnt hefur verið að mótmælafundur verði á laugardag á Austurvelli eins og verið hefur lengi undanfarið.Enginn vafi er á því,að mótmælin hafa haft mikil  áhrif.Sennilega hafa þau haft úrslitaáhrif í Samfylkingunni.Það hefur því komið skýrt í ljós,að  almenningur getur haft áhrif með öflugum mótmælum.

Enn er eftir að uppfylla eina af kröfum fundanna á Austurvelli,þe. kröfuna um breytingar á yfirstjórn Seðlabankans.En auk þess er það' svo,að almenningur vill sjá meiri breytingar hér á landi en venjuleg stjórnarskipti. Almenningur vill aukin áhrif,meira lýðræði. Menn vilja  auka vald  alþingis.Úndanfarið hefur það verið svo ,að framkvæmdavaldið hefur valtað yfir alþingi.Þessu þarf að breyta. Þá vilja margir breyta kosningafyrirkomulaginu,þannig að unnt verði að velja einstaklinga en ekki flokka.Það eriu því margar breytingar í loftinu. Og ný framboð eru í undirbúningi. Í gær mættu fulltrúar tveggja nýrra framboða   í kastljósi en auk þess hefur það þriðja verið boðað undir stjórn Sturlu Jónssonar. Það er því mikil gerjun.Eldri borgarar eru einnig á ný að íhuga hvort þeir eigi að bjóða fram.

 

Björgvin Guðmundsson