Margir að hætta í stjórnmálum

Magnús Stefánsson, þingmaður Framsóknarflokksins í Norðvestur kjördæmi hefur ákveðið að gefa ekki kost á sér til framboðs fyrir komandi alþingiskosningar. Magnús segir niðurstöður af nýafstöðnu flokksþingi flokksins bera með sér að það sé almennur vilji flokksfólks að gefa nýju fólki tækifæri.

Magnús Stefánsson var fyrst kjörinn á Alþingi fyrir Vesturlandskjördæmi í alþingiskosningunum árið 1995. Hann náði ekki endurkjöri í alþingiskosningunum árið 1999, en tók sæti á Alþingi á ný vorið 2001 þegar Ingibjörg Pálmadóttir þáverandi heilbrigðis-og tryggingaráðherra lét af þingmennsku. Í alþingiskosningum 2003 var Magnús kjörinn þingmaður hins nýja Norðvestur kjördæmis og var endurkjörinn í alþingiskosningunum árið 2007.

Á þingmannsferli sínum hefur Magnús gegnt ýmsum verkefnum og ábyrgðarstörfum fyrir Framsóknarflokkinn og fyrir hönd Alþingis, bæði á vettvangi Alþingis og annars staðar. Hann tók við embætti félagsmálaráðherra vorið 2006 og gegndi því fram yfir alþingiskosningarnar árið 2007. Nú eru liðin nærri 14 ár frá því Magnús var fyrst kjörinn á Alþingi.

„Ástæður þess að ég hef tekið þessa ákvörðun eru þær að ég á að baki langan feril sem alþingismaður og ráðherra, tel að nú sé tímabært að láta af þingmennsku og að ég takist á við ný verkefni.  Framsóknarflokkurinn er nú í mikilli framsókn, margt framsóknarfólk hefur áhuga á að takast á við krefjandi verkefni á vettvangi Alþingis, enda býr flokkurinn vel að mörgum hæfum einstaklingum til þeirra verka.  Eins og niðurstöður af nýafstöðnu flokksþingi flokksins bera með sér er það almennur vilji flokksfólks að gefa nýju fólki tækifæri til forystu og starfa á vegum Framsóknarflokksins.  Ég vil því á þessum tímamótum leggja mitt af mörkum til þess að stuðla að endurnýjun og breytingum á forystu og þingliði flokksins með því að gefa ekki kost á mér til endurkjörs,“ segir Magnús í yfirlýsingu.(mbl.is)

Það hafa margir hætt í stórnmálum að undanfðrnu eða ákveðið að hætta.Þeir Bjarni Harðarson og Guðni Ágústsson hættu með stuttu millibili.Áður hættu þeir Finnur Ingólfsson,Árni Magnússon,Halldór Ásgrímsson og Jón Kristjánsson.Jónína Bjartmars hætti við  síðustu kosningar og fleiri þingmenn. Geir Haarde var að tilkynna að hann hætti svo og Ágúst Ólafur Ágústsson.Það er bæði gott og illt að þingmenn hætti.Nauðsynleg endurnýjun er æskuleg.En þegar ungir menn hætta skyndilega er það eitthvað óeðlilegt. Það er annað hvort vegna þess að þeir þola ekki álagið eða árásirnar,sem þeir sæta eða þá að þeim þykja of mikil bolabrögð viðhöfð  og of mikil klækjastjórnmál notuð.

 

Björgvin Guðmundsson

Framsókn lofar stuðningi á ný

Sigmundur Davíð Gunnlaugsson formaður Framsóknarflokksins tilkynnti fréttamönnum fyrir stundu að flokkur hans styddi minnihlutastjórn Samfylkingar og Vinstri grænna. Þetta var niðurstaða þingflokks framsóknarmanna sem lauk fyrir stundu.

Því er ljóst að hægt verður að mynda starfhæfa ríkisstjórn undir forystu Jóhönnu Sigurðardóttur. Framsóknarflokkur hafði gert athugasemdir við verkáætlun ríkisstjórnarinnar en tókst að lokum að samþykkja hana.

Sigmundur sagði flokkinn gera það í trausti þess að þau skilyrði sem sett voru fram verði uppfyllt.

Steingrímur J. Sigfússon formaður VG sagði að þau fjögur skilyrði sem Framsóknarflokkurinn hefði sett fram væru öll inni í verkáætlun ríkisstjórnarinnar.

Hann sagði að nú væru menn á beinu brautinni og framundan væri hægt að tímasetja þá fundi sem þyrftu að fara fram áður en ríkisstjórnin tæki við formlega. Forsetinn gæti byrjað að taka til á Bessastöðum og gera allt klárt.

Steingrímur gerir ráð fyrir að þingflokkar stjórnarflokkanna yrðu haldnir í fyrramálið og í kjölfarið yrði flokksráðsfundur í Samfylkingunni.

„Þá er okkur ekkert að vanbúnaði með að kynna innihaldið og það gæti verið um hádegið á morgun," sagði Steingrímur sem var bjartsýnn á að ný ríkisstjórn yrði við völd um kvöldmatarleytið á morgun.

Einnig er ljóst að kosið verður til Alþingis þann 25.apríl næstkomandi.(visir.is)

Svo virðist sem tímabundin andstaða Framsóknar við stjórnarsáttmálann hafi aðallega komið til vegna óánægju með það að Samfylking og VG ætluðu að tilkynna um nýja stjórn og sáttmála á Austurvelli í gær kl. 6 án þess að hafa samráð við Framsókn um þá athöfn.En nú hefur Framsókn sem sagt á ný endurtekið stuðning sinn við minnihlutastjórn.

 

Björgvin Guðmundsson

 

Bruðlið heldur áfram í kreppunni!

Laun æðstu embættismanna ríkisins  voru lítillega lækkuð en aðeins lítillega.En hlunnindin haldast. Ráðherrar fá t.d. áfram mjög háa dagpeninga í ferðalögum til útlanda en auk þess greiðir ríkið hótelkostnaðinn,þannig,að unnt er að fara með megnið af dagpeningunum heim aftur.Hvaða rugl er þetta? Af hverju er þessu ekki breytt. Þetta á að afnema og ýmis önnur hlunnindi æðsu embættismanna. Og laun bankastjóra ig skilanefnda eru alltof há.Launin ættu að vera að hámarki 600 þús. á mánuði en þau eru margföld sú upphæð. Hvar sem litið er þá er bruðlað og ekkert lát á því. Er ekki kominn tími til að  breyta til?

 

Björgvin Guðmundsson

Saga af umdeildum forseta

Bók Guðjóns Friðrikssonar,sagnfræðings, Saga af forseta,er áhugaverð lesning.Þar er ferill Ólafs Ragnars Grímssonar á forsetastóli rakinn mjög ítarlega og svo virðist sem ekkert sé dregið undan.Rakið er hvernig forsetinn hefur mótað embættið á nýjan hátt og ekki alltaf fylgt hefðbundnum reglum.T.d. lenti hann ítrekað í árekstrum við  utanríkisráðuneytið og utanríkisráðherra,Halldór Ásgrímsson. Áður var það  venja,að forsetinn léti utanríkisráðuneytið undirbúa að verulegu leyti opinberar ferðir til útlanda .Þessu breytti Ólafur Ragnar og gekk fljótlega framhjá utanríkisráðuneytinu í þessum efnum við litla hrifningu Halldórs Ásgrímssonar. Yfirlýsingar forsetans um Evrópusambandið og fleiri utanríkismál þóttu á mörkum þess sem væri leyfilegt af forseta.

Ítarlega er fjallað um samskipti forseta við útrásarvíkinga og aðstoð forsetans við þá,einkum þá Björgólfsfegða.Forsetinn hefur veitt viðskiptasendinefndum,sem farið hafa til Asíu ágæta aðstoð en aðstoð hans við einstök fyrirtæki og meðmæli   við  tilgreind  fyririrtæki við erlenda ráðmenn   eru að mínu mati óviðeigandi.

 

Björgvin Guðmundsson

Framsókn misskilur hlutverk sitt

Hópur fjögurra hagfræðinga sat fram á nótt við að útfæra tillögur Framsóknarmanna fyrir verðandi íkisstjón Samfylkingar og Vinstri grænna, en enn er töluverð vinna eftir í þeirri útfærslu, segir undur Davíð Gunnlaugsson formaður Framsóknarflokksins.

Fréttastofa náði tali af honum rétt áður en hann gekk á óvæntan fund með Jóhönnu Sigurðardóttur verðandi forsætisráðherra og Steingrími J. Sigfússyni formanni Vinstri grænna í Alþingishúsinu klukkan hálftíu.

Sigmundur segir engar nýjar kröfur í þeim tillögum sem Framsóknarmenn setja nú saman, eingöngu leiðir að sömu markmiðum. Hann telur ekki útilokað að hægt verði að kynna nýja ríkisstjórn í kvöld.(visir.is)

Svo virðist sem Framsókn sé að misskilja hlutverk sitt. Það er ekki venja,að flokkur ,sem ákveður að veita minnihlutastjórn hlutleysi fari að skrifa stjórnarsáttmálann fyrir ríkisstjórnina.En Framsókn virðist telja það hlutverk sitt þó hún vilji ekki vera í stjórninni. Þetta  stafar sennilega af því að nýi formaðurinn er ungur ig óreyndur.

Björgvin  Guðmundsson

Framsókn tefur stjórnarmyndun

Sigmundur Davíð Gunnlaugsson, formaður Framsóknarflokksins, telur allar forsendur fyrir því að sú stjórnarmyndun sem unnið hefur verið að undanfarna daga geti gengið. Hann sagði Framsóknarmenn leggja áherslu á að leiðirnar séu trúverðugar fyrirfram.„Það verði ekki af þessu neitt fjárhagslegt tjón eða fjárhagsleg áhætta sem muni þá lenda á næstu ríkisstjórn.“

Sigmundur Davíð telur raunhæfast að stefna að því að kynna nýja ríkisstjórn á mánudaginn kemur. Hann segir að væntanlegir stjórnarflokkar, Vinstri grænir og Samfylkingin, séu aftur á móti mjög áfram um að það verði gert strax á morgun. „Við munum reyna að klára þetta fyrir þann tíma,“ sagði Sigmundur Davíð.

Verkáætlun nýrrar ríkisstjórnar var kynnt þingflokki Framsóknarflokksins á fundi kl. 13.30 í dag. Sigmundur Davíð Gunnlaugsson, formaður Framsóknarflokksins, sagði í samtali við mbl.is að þingflokkurinn hafi farið yfir verkáætlunina með hópi hagfræðinga. Þeir höfðu átt aðkomu að starfshópum sem undirbjuggu áætlunina að einhverju leyti og þekktu því málið. Í hópi hagfræðinganna munu m.a. vera þeir Jón Daníelsson og Ragnar Árnason ásamt fleirum sem bættust í hópinn í dag. (mbl.is)

Framsókn var ekki alveg sátt við kaflann um efnahagsmál. Varð úr,að Framsókn myndi skila eigin tillögum um orðalag og að þegar það liggur fyrir verðo endanlega gengið frá kaflanum.Mörgum finnst að myndun stjórnarinnar sé farin að tefjast óeðlilega mikið miðað við stuttan tíma stjórnarinnar.

 

Björgvin Guðmundsson

„

Baugur lokar skrifstofu sinni á Íslandi

Baugur Group hefur ákveðið að loka skrifstofu sinni á Túngötu og hefur öllum fimmtán starfsmönnum fyrirtæksins hér á landi verið sagt upp störfum. Jafnframt hyggst Baugur fækka starfsmönnum í Bretlandi úr 29 í 16.

Gunnar Sigurðsson, forstjóri Baugs, sagði í samtali við Vísi að þetta væri lokahnykkurinn í því ferli sem greint var frá síðasta sumar og fól í sér að flytja alla starfsemi félagsins erlendis. „Það er ljóst að starfsemi okkar hefur breyst verulega. Við munum á næstunni einbeita okkur að halda utan um núverandi eignir okkar í stað þess að standa í fjárfestingum. Nær allar okkar eignir eru í Bretlandi og því er eðlilegt að færa starfsemina þangað," segir Gunnar.

Varðandi fækkun starfsfólks í höfuðstöðvum félagsins í London segir Gunnar að verið sé að leggja lokahönd á að búa til sextán manna hóp sem muni vinna áfram. Það þýði að þrettán einstaklingum verði sagt upp á næstunni.

Gunnar segir að ekki séu fyrirhugaðar neinar sölur á eignum Baugs á næstunni. „Við erum í áframhaldandi viðræðum við bankana með það fyrir augum að vernda verðmæti eigna okkar og passa upp á þau 53 þúsund störf sem eru í húfi í fyrirtækjum okkar. Annars erum við gríðarlega ánægðir með stöðuna á eignasafninu," segir Gunnar og bætir við að heildarjólasala fyrirtækja í eigu Baugs hafi verið 1,5 prósent meira en á síðasta ári á meðan markaðurinn í heild hafi farið niður um 1,7 prósent. „Auk þess var rekstarhagnaðurinn á milli ára óbreyttur sem er ótrúlegt í þessu árferði," segir Gunnar.( mbl.is)

Slæmt er að starfsmenn Baugs á Íslandi skuli missa vinnuna þó fáir séu.En Baugur hafði tilkynnt,að flytja ætti starfsemi félagsins alla til Bretlands svo þetta ætti ekki að koma á óvart.Ekki hefur það tafið þessa ákvörðun,að mjög hefur andað köldu   á Íslandií garð Baugs  frá því bankahrunið varð.Margir telja,þar á meðal ýmsir fjölmiðlamenn,að Baugur eigi stærstu sökina á hruninu.

 

Björgvin Guðmundsson

 

Vill Steingrímur J. norsku krónuna?

Norska dagblaðið Klassekampen birtir viðtal við Steingrím J. Sigfússon, væntanlegan fjármálaráðherra nýrrar ríkisstjórnar, í dag. Steingrímur prýðir forsíðu blaðsins undir fyrirsögninni: „Hugnast norska krónan“.

Steingrímur segir í viðtalinu að hann hafi óskað eftir viðræðum við norska fjármálaráðherrann, Kristinu Halvorsen, um útvíkkun á gjaldeyrissamstarfi þjóðanna. Henni sé boðið hingað til lands til að vera viðstödd 10 ára afmæli Vinstrihreyfingarinnar - græns framboðs dagana 6. og 7. febrúar nk. Norska krónan gæti verið valkostur við evruna.

Hann segir m.a. að Vinstri grænir séu harðir á því að innganga í Evrópusambandið sé ekki lausnin á vanda Íslendinga.(mbl.is)

Talsvert hefur verið rætt um norsku krónuna í sambandi við upptöku á nýjum gjaldmiðli.Norska krónan gæti komið til greina í skamman tíma ef Ísland vildi taka einhliða upp nýjan gjaldmiðil áður en landið gengur í ESB.Einnig kemur til greina að tengja krónuna við norska eða danska krónu og gera samning við seðlabanka Noregs eða Danmerkur en þá væri skynsamlegra að tengja sig við dönsku krónuna,þar eð hún er tengd eða miðuð við evru.

 

Björgvin Guðmundsson

Minnihlutastjórn Emils- minnihlutastjórn Jóhönnu

Sú minnihlutastjórn,sem nú er

i burðaliðnum leiðir hugann að fyrri minnihlutastjórnum.Ein frægasta minnihlutastjórnin er minnihlutastjórn Emils Jónssonar,minnihlutastjórn Alþýðuflokksins,sem sat að völdum  1958-1959. Mér er hún sérstaklega minnistæð,þar eð ég var þá blaðamaður á Alþýðublaðinu og fékk það verkefni að fylgjast með undirbúningi og myndun stjórnarinnar.Ég var því í stöðugu sambandi við Emil Jónsson á  meðan hann var að koma stjórninni saman.Þetta var mjög skemmtilegt verkefni.Ég fekk alltaf einhverjar fréttir hjá Emil.Hann var ekki með málalengingar.Hann sagði skýrt frá í stuttu máli og gekk alltaf hreint til verks. Minnihlutastjórn Emils var mynduð um ákveðin verkefni. Hún átti að leysa efnahagsmálin,sem þá voru í hnút, og undirbúa kjördæmabreytingu, Sjálfstæðisflokkurinn veitti stjórninni hlutleysi. Emil Jónsson kom með róttækar tillögur í efnahagsmálum,niðurfærsluleiðina. Stjórn hans færði niður verðlag og kaupgjald  og það gaf góða raun. Vonandi gengur stjórn Jóhönnu eins vel.

 

Björgvin Guðmundsson

Sjálfstæðisflokkurinn þarf frí

Margir félagshyggjumenn eru  ánægðir með það að Sjálfstæðisflokkurinn sé nú loks að fara úr stjórnarráðinu og fái frí frá stjórnarstörfum.Sjálfstæðisflokkurinn er búin að vera í stjórn í 17 eða 18 ár og það er alltof langur tími við völd. Sagt er að völd spilli og það er mikið til í því. Sjálfstæðisflokkurinn kom í veg fyrir eðlilegar  endurbætur á velferðarkerfinu  og hann átti stærsta þáttinn í því að bankarnir hrundu. Sjálfstæðisflokkurinn hnúði einkavæðingu ( einkavinavæðingu) bankanna í gegn og  vildi ekki of mikið regluverk eða eftirlit með bönkunum. Því fór sem fór.

 

Björgvin Guðundsson