Helmingur launþega mátti sæta kaupmáttarskerðingu

Ársfundur  ASÍ hefur staðið yfir undanfarna daga. Hagfræðingur samtakanna skýrði frá þvi á fundinum,að á árunum 2006-2007 hefði helmingur launþega orðið fyrir kaupmáttarskerðingu,m.ö.o. verðbólgan var meiri en launahækkanir þeirra. Þessar staðreyndir leiða glögglega í ljós  hve varhugavert er að treysta meðaltalsútreikningum.

Alþýðusambandið telur nauðsynlegt að  bæta kjör  þeirra lægst launuðu mikið. Talað er um að lágmarkslaun þurfi að hækka í 150 þúsund krónur á mánuði. Einstök verkalýðsfélög vilja fá  mikið meiri hækkanir eða laun upp í 180 þúsund á mánuði.Er alveg ljóst,að framundan eru hörð átök   á launamarkaðnum. Samningar verkalýðsfélaganna eru lausir um áramót.

 

Björgvin Guðmundsson

 

 

Dagur B.Eggertsson fór vel af stað

Fyrsta verk Dags B. Eggertssonar borgarstjóra í Reykjavík í gærmorgun  var að halda fund með öllum lykilmönnum leikskóla og grunnskóla borgarinnar til þess að fjalla um mönnunarvandamálin. Það hefur ekki verið unnt að manna leikskóla og grunnskóla borgarinnar að undanförnu vegna manneklu . Dagur telur það vera forgangaverkefni sitt að leysa þetta vandamal.Segir hann að tillögur um aðgerðir verði lagðar fram á næstu dögum. Ég er mjög ánægður með,að   Dagur skuli   veita þessum málum forgang. Það er vissulega algert forgangsverkefni borgarinnar að sjá til þess að foreldrar geti komið börnum sínum í grunnskóla og leikskóla. Það er ekki forgangsverkefni borgarinnar að láta Orkuveitu Reykjavíkur selja  tækniþekkingu út i heimi. Ef sæmileg sátt næst um slík verkefni er í lagi að vinna að þeim annars ekki.Annað málið á  dagskrá Dags í gær var að efna kosningaloforð um að heimsækja gamla fólkið í Breiðholti. Eldri borgarar í Gerðubergi tóku loforð af Degi í kosningabaráttunn fyrir sí'ðustu kosningar um að hann mundi koma til þeirra í heimsókn,ef hann yrði kjörinn borgarstjóri. Hann efndi það koningaloforð í  gær og   heimsótti gamla fólkið. Dagur B. Eggertsson borgarstjóri fór vel af stað.

 

Björgvin Guðmundsson

Sameining útrásarfyrirtækjanna ógild

Ég tel, að  sameining Reykjavík Energy Invest og Geysir Green Invest  sé ógild.Fundurinn,sem ákvað sameininguna var ekki boðaður með löglegum fyrirvara. Boða átti fundinn með 7 daga fyrirvara en fundurinn var boðaður með innan við 1 dags fyrirvara. Lögmæti fundarins hefur verið kært til héraðsdóms. En auk þess var   samningur um samruna útrásarfyrirtækjanna ( REI og GGI) ekki kynnt nægilega vel fyrir borgarfulltúum.T.d. liggur nú fyrir,að hvorki borgarstjóri né óbreyttir borgarfulltrúar Sjálfstæðisflokksins vissu um 20 ára einkarétt  REI á þjónustu frá Orkuveitunni.Hinir óbreyttu borgarfulltrúar Sjálfstæðisflokksins vissu ekki um ráðgerða sameiningu útrásarfyrirtækjanna fyrirfram.Hér er svo stór mál að ræða að  kynning gagnvart borgarfulltrúum verður að vera í fullkomnu lagi .Það   á bæði við um  sameiningu útrásarfyrirtækjanna en einnig   og ekki síður um 20 ára einkaréttarsamninginn. Deila um það hvort Vilhjálmur Vilhjálmsson   hafi fengið minnisblað um 20 ára einkaréttarsamninginn  skiptir engu máli í þessu sambandi. Ef það minnisblað hefur verið lagt til hans ásamt fjölda annarra skjala hefur alla vega ekki verið vakin athygli hans á þessu mjög svo mikilvæga atriði. Það er ámælisvert. Auðvitað átti að vekja sérstaka athygli á þessu atriði. Hér hafa embættismenn og stjórnarmenn í REI brugðist skyldu sinni varðandi það að kynna efni ráðgerðra  samninga nægilega vel.

Ekki verður séð,að  neina nauðsyn hafi borið til þess að hespa afgreiðslu framangreinds máls af í  flýti. Kaupsýslumenn í einkarekstri eru að vísu vanir að afgreiða málin hratt. En stjórnmálamönnum ber  að afgreiða og taka nægilegan og lýðræðislegan tíma í að   afgreiða málin.Því  verður ekki trúað að kaupsýslumennirnir hafi viljað hespa afgreiðsluna af til þess að stjórnmálamennirnir gætu ekki kynnt sér málin nægilega vel. En staðreynd er að málið var ekki kynnt nægilega vel fyrir stjórnmálamönnunum.

Björgvin Guðmundsson

Góð tillaga Kristins H.Gunnarssonar

Kristinn H. Gunnarsson þingmaður  Frjálslynda flokksins hefur flutt till0gu á alþingi um afnám skerðingar bóta ellífeyrisþega vegna atvinnutekna og  séreignalífeyrissparnaðar. Ég fagna þessari tillögu  en bendi á,að það  vantar  í tillöguna ákvæði um að afnema skerðingu vegna tekna úr lífeyrissjóði.Í Svíþjóð   eru engar slíkar skerðingar. Íslendingar eru sennilega eins ríkir og Svíar. Þess vegna geta þeir afnumið tekjutengingar eins og Svíar.

 

Björgvin Guðmundsson

ÍIhaldið styður að opinber orkufyrirtæki séu í samkeppnisrekstri.Átti að fella Vilhjálm?

Hvað felldi Sjálfstæðisflokkinn   nú? Það var sundrung í eingin röðum. Upp kom alvarlegur ágreiningur   meðal borgarfulltrúa Sjálfstæðisflokksins um Orkuveitu Reykjavíkur og útrásarfyrirtæki þess ,REI. Enda þótt  Guðlaiugur Þór fyrrum borgarfulltrúi Sjálfstæðisflokksins  og nú ráðherra, hafi flutt tillöguna í stjórn Orkuveitunnar um stofnun Reykjavik Energy Invest  ( REI)   og enginn ágreiningur verið um það mál þá í röðum sjálfstæðismanna snérust nokkrir  borgarfulltrúar Sjálfstæðisflokksins    gegn málinu og ætluðu að nota það  gegn borgarstjóra. Hér virðist hafa verið  um hreina valdabaráttu innan Sjálfstæðisflokksins að ræða.  Nú segja sjálfstæðismenn, að þeir séu á móti því að orkufyrirtæki sveitarfélaga og hins opinbera séu   í samkeppnisrekstri. En þeir áttu sjálfir tillöguna  um stofnun slíks fyrirtækis hjá Orkuveitu Reykjavíkur og þeir hafa sjálfir stutt stofnun slíks fyrirtækis á vegum Landsvirkjunar. Þannig að það er alger fyrirsláttur hjá sjálfstæðismönnum,að þeir vilji ekki að orkufyrirtæki séu  

i samkeppnisrekstri.En nýju mennirnir í Sjálfstæðisflokknum  tefldu of  djarft og þeir telfdu af sér enda óvanir í stjórnmálum.Þeir ætluðu að koma Vilhjálmi,borgarstjóra frá.Þeim lá svo á að komast til valda . Þeir gátu ekki beðið til næstu kosninga. En þeir skutu sjálfa sig í fótinn. Þeir tóku sína eigin gröf´.

Björgvin Guðmundsson

www.gudmundsson.net

Sér grefur gröf.......

 

 Meirihluti  Sjálfstæðismanna og Framsóknar  í  Reykjavík er fallinn.Minnihlutinn hefur myndað stjórn með fulltrúa Framsóknar undir forustu Dags B. Eggertssonar, oddvita Samfylkingarinnar, og verður hann borgarstjóri.Þessi breyting gerðist mjög snögglega.

Undanfari valdaskiptanna var  sá,að miklar deilur voru  í borgarstjórnarflokki  Sjálfstæðismanna   og virtist sem allir óbreyttir borgarfulltrúar Sjálfstæðismanna væru snúnir gegn foringja sínum,borgarstjóranum.Þeir létu Morgunblaðið segja með stórri forsíðufyrirsögn á mánudag: Það  átti að vaða yfir okkur. Hver ætlaði að vaða yfir borgarfulltrúana? Það hlýtur að hafa verið borgarstjórinn. Haldinn var sáttafundur   hjá borgarfullrúunum og borgarstjóra og þar bakkaði borgarstjóri algerlega og samþykkti sjónarmið óbreyttra borgarfulltrúa  Sjálfstæðisflokksins. En það dugði ekki til. Skaðinn var skeður. Sjálfstæðisflokkurinn   sjálfur undir forustu Guðlaugs Þór lagði til stofnun sérstaks félags,REI til þess að annast útrás af hálfu Orkjuveitunnar.Nú átti lausnin að felast í því að selja þetta fyrirtæki  á útsöluverði. Það var ekki heil brú í þessu hjá Sjálfstæðisflokknum. Von var að Björn Ingi gæfist upp á samstarfi við þá og snéri sér að minnihlutanum.Hann sagði að Sjálfstæðisflokkurinn væri ekki lengur stjórntækur og það virðist hafa verið rétt. Morgunblaðið segir í leiðara í dag,að líklega megi kenna reynsluleysi óbreyttra borgarfulltrúa Sjálfstæðisflokksins um.

Ljóst er að sjálfstæðismenn tóku sína eigin gröf.

Ég er mjög ánægður með að félagshyggjumenn séu komnir til valda á ný í Reykjavík. Dagurinn í gær var gleðidagur.

Björgvin Guðmundsson

Meirihlutinn fallinn í Rvk. Dagur verður borgarstjóri

Til hamingju Reykvíkingar.

Björgvin Guðmundsson

Ekkert gerst enn í málefnum aldraðra

Að því er varðar kjaramál aldraðra og öryrkja hefur ekkert gerst enn   þó 4 mánuðir  séu liðnir síðan ríkisstjórnin tók við völdum.Ástandið væri því ekkert verra í þeim málum þó Framsókn væri enn í stjórn.Kjósendur Samfylkingarinnar reiknuðu með  árangri strax í sumar miðað við kosningaloforðin.Eldri borgarar  taka ekki mark á neinum afsökunum í þessu efni. Það þarf ekkert að kanna eða athuga í þessu efni. Það hefur allt verið gert áður. Það þarf einfaldlega að hækka lífeyrinn og til þess þarf aðeins pólitískan vilja. Það eru nógir peningar til.

Björgvin Guðmundsson

www.gudmundsson.net

Verðbólgan eykst á ný

Verðbólgan eykst nú á ný. Er hún nú 4,5% á ársgrundvelli.Vísitala neysluverðs hækkaði um 0,51 prósent á milli mánaða í október og mælist tólf mánaða verðbólga því 4,5 prósent samanborið við 4,2 prósent í síðasta mánuði, samkvæmt útreikningum Hagstofunnar. Í útreikningum Hagstofunnar kemur fram að kostnaður vegna eigin húsnæðis hafi aukist um 0,8 prósent á milli mánaða auk þess sem verð á fötum og skóm hafi hækkað um 3,5 prósent í kjölfar útsöluloka. Þá hækkaði verð á mat og drykkjarvörum um 1,0 prósent. Þetta er í samræmi við spár bankanna.

Þessi mikla verðbólga mun valda erfiðleikum við gerð nýrra kjarasamninga en þeir renna út um næstu áramót. Kjarabætur sem áður var samið um hafa að mestu leyti eyðst á verðbólgubálinu.Þess vegna  verða verkalýðsfélögin varkár við gerð nýrra samninga. Þau vilja tryggja sig í bak og fyrir og fá kjarabætur sem hald er í.Seðlabankanum hefur algerlega mistekist að ráða niðurlögum verðbólgunnar. Seðlabankinn hækkar og hækkar stýrivexti og  eru þeir nú þeir  hæstu í allri Evrópu. En samt  minnkar verðbólgan ekki. Háir stýrivextir Seðlabankans valda  hækkun útlánsvaxta  viðskiptabankanna og lána þeir nú fé á okurvöxtum. Mikil verðbólga veldur miikilli hækkun á lánum Íbúðalánasjóðs og öðrum íbúðalánum,sem eru verðtryggð.Verðbólgan  veldur því beinni kjaraskerðingu.

 

Björgvin Guðmundsson

Mikill ágreiningur í borgarstjórn

Ljóst er eftir blaðamannafund borgarfulltrúa Sjálfstæðisflokksins í gær og viðtöl við Björn Inga Hrafnsson,að mikill ágreiningur er í borgarstjórn  um orkumálin. Borgarfulltrúum Sjálfstæðisflokksins tókst að  beygja borgarstjóra i málinu og hefur hann nú fallist á að selja  sem fyrst hlut Orkuveitunnar í Reykjavík energy invest. Áður hafði borgarstjóri ákveðið vegna þrýstings að afturkalla  hlutabréfasölur í REI til einstakra vina og gæðinga og sagt,að allir ættu að sitja við sama borð við kaup á hlutabréfum.Björn Ingi Hrafnsson borgarfulltrúi Framsóknarflokksins er ekki sáttur við niðurstöðuna í Sjálfstæðisflokknum. Hann telur skynsamlegra að bíða með sölu á hlut Orkuveitunnar í REI,þar til hann hafi hækkað í verði.

Ljóst er að þetta klúður hjá borgarstjórn Reykjavíkur getur stórskaðað hagsmuni Reykjavíkur. Það er búið að sameina REI og Geysir Green Energy á Suðurnesjum. Stórir einkaaðilar eru hluthafar í fyrirtækinu. Þeir eru komnir þarna inn og eiga jafnvel forkaupsrétt á kaupum á frekari hlutum. Það er stórhættulegt að hleypa  einkaaðilum þannig inn  orkulindir landsmanna.Ljóst er að það verður að setja lög sem fyrst sem hindra frekari sókn einkaaðilia inn í orkulindirnar.

Björgvin Guðmundsson