Föstudagur, 17. október 2008

Tilboði lífeyrissjóða í Kaupþing hafnað

Tilboði lífeyrissjóðanna í Kaupþing hefur verið hafnað en ekki liggur fyrir hvort viðræðum verður haldið áfram síðar. Björgvin G. Sigurðsson viðskiptaráðherra segir að bankinn fari því í sama feril og hinir bankarnir en stofnað verður félag um hann í eigu ríkisins. Ný bankastjórn mun þá taka afstöðu til þess hvort rætt verður frekar við lífeyrissjóðina. Aðspurður sagðist ráðherrann telja að tilboð lífeyrissjóðanna hafi ekki verið talið fullnægjandi.

Vísbendingar hafa komið fram um að staða í sjóðum Landsbankans sé betri en talið var, segir Björgvin G. Sigurðsson viðskiptaráðherra eftir ríkisstjórnarfund í morgun.  Hann sagði von á tilkynningu frá skilanefndum bankanna eða bönkunum þetta.

Það sé von til þess að hægt sé að bæta einstaklingum, líknarfélögum og sveitarfélögum að talsverðu leyti þann skaða sem leit út fyrir að hefði orðið á peningamarkaðssjóðum en fólk eigi von í því sem eftir standi.(mbl.is)

 

Ég harma það,að lífeyrissjóðirnir og skilanefnd Kaupþings skyldu  ekki ná saman. Það hefði verið æskilegt,að lífeyrissjóðirnir eignuðust banka.En sennilega hafa lífeyrissjóðirnir boðið of lágt. Ef til vill gefst lífeyrissjóðunum tækifæri síðar til þess að koma að bönkunum.Lífeyrissjóðirnir höfðu einnig í hyggju að tryggja hagsmuni sína hjá Kaupþingi  en þeir áttu þar mikið hlutafé. Sennilega er það glatað.

 

Björgvin Guðmundsson


mbl.is Tilboði lífeyrissjóða hafnað
Tilkynna um óviðeigandi tengingu við frétt

Stjórnmál og samfélag | Slóð | | Athugasemdir (0)

Föstudagur, 17. október 2008

Tóku Davíð og Geir ranga ákvörðun?

Það er álit margra sérfræðinga, að sú ákvorðun Seðlabankans  að synja Glitni um 150 mill.evra lán og að þjóðnýta bankann með samþykki forsætisráðherra,hafi verið röng ákvörðun.Þessi ákvörðun hafi hrundið af stað atburðarrás sem leitt hafi til gjaldþrots allra bankanna.

Formaður bankastjórnar Glitnis,Þorsteinn Már,fór á fund formanns bankastjórnar Seðlabankans og skýrði frá því,að Glitnir réði ekki við að greiða 150  millj.evra lán hjá Landesbank í Þýskalandi,á gjalddaga 15.oktober.Samkvæmt lögum á Seðlabankinn að aðstoða viðskiptabankana við að hafa nægt lausafé.Þorsteinn Már fékk aldrei svar við erindi sínu. En í staðinn barst honum fregn um að Seðlabankinn hefði ákveðið að þjóðnýta Glitni með því að kaupa 75% í bankanum.( á 84 milljarða,fjórum sinnum meira en farið var fram á)  Forsætisráðherra samþykkti þetta. Afleiðingar þessarar ráðstöfunar urðu þær,að þegar bankar og kauphallir opnuðu eftir umrædda helgi þá féll íslenska krónan meira en fyrr og verðbréf  hrundu í kauphöll. Mikið vantraust skapaðist   erlendis á íslenskum bönkum við þjóðnýtingu Glitnis.Það fór skriða af stað,sem ekki varð stöðvuð.

 

Björgvin Guðmundsson


Stjórnmál og samfélag | Slóð | | Athugasemdir (1)

Föstudagur, 17. október 2008

Viljum engar herflugvélar frá Bretum

Bretar eiga að senda hingað herflugvélar til eftirlits  í desember samkvæmt samkomulagi við NATO.Eftir framkomu Breta við Íslendinga tel ég ekki koma til greina að þiggja einhver  varnarflug af hálfu Bretlands til Íslands. Það mundi misbjóða þjóðarstolti Íslendinga eftir það sem á undan er gengið.
Starfandi utanríkisráðherra,Össur Skarphéðinsson, virtist í morgun þeirrar skoðunar að afþakka ætti herflugvélar Breta í desember. Geir Haarde var ekki eins ákveðinn.
Björgvin Guðmundsson

Stjórnmál og samfélag | Slóð | | Athugasemdir (0)

Föstudagur, 17. október 2008

Tökum ekki lán hjá IMF með hvaða skilyrðum sem er

Miklar umræður eiga sér nú stað um það hvort Ísland eigi að taka lán hjá Alþjóððagjaldeyrissjóðnum (IMF).Sumir eru orðnir óþolinmóðir og vilja að lánið verði tekið strax. En það er betra að flýta sér hægt og athuga vel hvaða skilyrði fylgja láninu. Við tökum ekki lán með hvaða skilyrðum sem er. Við þurfum að halda uppi mikilli vinnu í landinu vegna mikils samdráttar af völdum fjármálakreppunnar. Geir Haarde vill þess vegna  að ríkið auki framkvæmdir þó það  þýði halla á fjárlögum. Ég er sammál honum. IMF vill ef til þess að fjárlög verði hallalaus og dregið úr framkvæmdum. Og ef til vill fer IMF fram á að við hækkum skatta og vaxta. Hvorugt kemur til greina. Við þurfum að lækka vexti meira og við getum ekki hækkað skatta þegar allur almenningur á í miklum erfiðleikum vegna mikilla verðhækkana og  hækkana á húsnæðislánum.Lífskjör hafa þegar versnað hér mikið og við getum ekki skert þau meira. Við þurfum fremur að bæta lífskjörin. Ef IMF vill ekki lána okkur nema með framangreindum skilyrðum eigum við ekki að taka lán hjá þeim.
Björgvin Guðmundsson

Stjórnmál og samfélag | Breytt s.d. kl. 10:30 | Slóð | | Athugasemdir (0)

Fimmtudagur, 16. október 2008

Ingibjörg Sólrún til starfa hér á sunnudag

Samfylkingin efnir til fundar með flokksmönnum á sunnudag kl. 15 þar sem rætt verður um þau miklu tíðindi sem orðið hafa í fjármálakerfi landsins með tilheyrandi afleiðingum fyrir heimilin í landinu.  Ingibjörg Sólrún Gísladóttir formaður Samfylkingarinnar mun setja fundinn með stuttu ávarpi.

Í kjölfarið munu Össur Skarphéðinsson iðnaðarráðherra, Jóhanna Sigurðardóttir félagsmálaráðherra og Björgvin G. Sigurðsson viðskiptaráðherra fara yfir stöðuna, aðgerðir ríkisstjórnarinnar og atburði síðustu vikna.  Ágúst Ólafur Ágústsson varaformaður Samfylkingarinnar stýrir fundi, að því er segir í tilkynningu frá Samfylkingunni. (mbl.is)

Ingibjörg Sólrún dregur ekki af sér. Hún  er í New York í dag vegna kosningarinnar í öryggisráðið,sem fram fer í dag.Og síðan heldur hún heim og strax á sunnudag mætir hún á fundi hjá  Samfylkingunni.Það er útrúlegur kraftur í henni.

 

Björgvin Guðmundsson

Fara til baka T


mbl.is Ingibjörg Sólrún ávarpar fund Samfylkingarinnar
Tilkynna um óviðeigandi tengingu við frétt

Stjórnmál og samfélag | Slóð | | Athugasemdir (0)

Fimmtudagur, 16. október 2008

Íslendingar kvarta undan Bretum við NATO

Íslendingar óskuðu eftir því á fundi NATO-ráðsins í gær að salurinn yrði rýmdur þannig að þar sætu aðeins fastafulltrúar aðildarríkjanna og framkvæmdastjóri bandalagsins.

Eftir að salurinn hafði verið rýmdur tók Þorsteinn Ingólfsson, fastafulltrúi Íslands hjá NATO, til máls og gerði harða hríð að Bretum. Hann sagði Breta hafa misnotað hryðjuverkalöggjöf sína gegn Íslandi og valdið landinu miklu tjóni. Taldi hann aðgerðir Breta ógna öryggi þjóðarinnar í víðtækum skilningi.

Hugsanlegt fjögurra milljarða evra lán Rússa til Íslands mun einnig hafa komið til umræðu á þessum fundi. NATO mun lítt hrifið af þeim möguleika.

Urður Gunnarsdóttir, upplýsingafulltrúi utanríkisráðuneytisins, sagði í samtali við fréttastofuna að þótt ekki sé algengt að fundir séu lokaðir hjá NATO-ráðinu gerist það þó öðru hvoru ef þurfi að ræða sérstaklega viðkvæm mál. Slíkt gerist einnig hjá öðrum alþjóðasamtökum eins og til dæmis Evrópusambandinu.

Morgunblaðið segir að eftir fundinn hafi Jaap de Hoop Scheffer hringt í Geir H. Haarde, forsætisráðherra og þeir rætt málið. Ekki hefur verið upplýst hvað þeim fór í milli. (visir.is)

 

Það var vel  til fallið að kvarta formlega hjá NATO yfir Bretum. Þeir hafa hagað sér fólskulega við Íslendinga sem eru með þeim í NATO. Íslendingum gramdist þegar Bretar sendu  herskip á okkur í þorskastríðinu.En það er ekki síður ástæða til þess að reiðast nú,þegar þeir beita hryðjuverkalögum gegn okkur.

Björgvin Guðmundsson



Stjórnmál og samfélag | Slóð | | Athugasemdir (0)

Fimmtudagur, 16. október 2008

Enn slæmt ástand í gjaldeyrismálum

Innlend greiðslumiðlun milli bankastofnana og viðskiptavina þeirra gengur vel, samkvæmt upplýsingum frá Seðlabanka Íslands. Það sama á við um notkun íslenskra greiðslukorta, innanlands sem utan. Þótt innlend greiðslumiðlun sé með eðlilegum hætti verður ekki það sama sagt um greiðslur til og frá Íslandi. Þegar greitt er fyrir erlendan gjaldmiðil þurfa notendur kortanna að sjálfsögðu að gæta að genginu nú sem endranær. 



Seðlabanki Íslands hefur tekið upp tímabundna hjáleið í greiðslumiðlun gagnvart útlöndum með því að beina greiðslum bankastofnana til og frá Íslandi um eigin reikninga og reikninga erlendra samstarfsaðila Seðlabankans sem að öðru jöfnu hafa ekkert með starfsemi íslenskra bankastofnana að gera.



Vandamálin við greiðslur til og frá Íslandi stafa bæði af aðstæðum hér á landi og erlendis. Gangsetning nýrra banka flýtir því að unnt verði að leysa hnúta sem myndast hafa. Nauðsynlegt er að sem fyrst verði ljóst hvernig starfsemi Kaupþings verði háttað, að því er segir í tilkynningu frá Seðlabanka Íslands. (mbl.is)

Ástandið með gjaldeyrisfærslur er orðið mjög alvarlegt.Útflutningur og iðnaður er að stöðvast vegna þess að gjaldeyrisgreiðslur berast ekki. Úr þessu verður að bæta strax.

 

Björgvin Guðmundsson

Fara til baka 

I
I
I

mbl.is Enn vandamál á gjaldeyrismarkaði
Tilkynna um óviðeigandi tengingu við frétt

Stjórnmál og samfélag | Breytt s.d. kl. 23:49 | Slóð | | Athugasemdir (0)

Fimmtudagur, 16. október 2008

Hárskerar hækka verðið.Allt hækkar.Á að afnema verðlagsfrelsið?

Ég fór til hárskera í morgun. Mér brá þegar ég fékk reikninginn.Hann var kominn upp í 3850 kr. fyrir einfalda  klippingu.Verðið hefur verið að hækka ört á síðustu misserum.Raunar hefur allt verið að hækka,brauð hafa hækkað,matvörur hækka mikið o.s.frv. Það væri synd að segja  að þeir sem búa við frjálst verðlag væru að reyna að halda verðbólgunni niður. Þessir aðilar athuga ekki,að með því að hækka allt núna eru þeir að stuðla að því að vextir haldist háir og hækki aftur.Það er slæmt fyrir atvinnulífið.Þegar allt hækkar kippir fólk að sér hendinni. Það kaupir minna og dregur það að kaupa ýmsa þjónustu. Raunar er mikil spurning hvort öll verðlagning á að vera frjáls í ástandi eins og er í dag. Það er neyðarástand og það kallar á neyðarráðstafanir.Ef til vill ætti að setja verðlagningu undir verðlagsákvæði á meðan ástandið er eins og það er. Verkafólk getur ekki hækkað laun sín frjálst eins og kaupmenn og framleiðendur og seljendur þjónustu. Verkafólk sætir kjaraskerðingu

.

Björgvin Guðmundsson


Stjórnmál og samfélag | Slóð | | Athugasemdir (0)

Fimmtudagur, 16. október 2008

Einkavæðingin setti bankana á hausinn

Ef bankarnir hefðu verið í   eigu ríkisins í dag,ef þeir hefðu ekki verið einkavæddir,væri allt í lagi í íslensku fjármálakerfi í dag. Hvernig má það vera? Jú,ríkisbankarnir voru ekki að fjárfesta erlendis. Þeir voru ekki að taka lán erlendis til þess að geta keypt banka ytra og ýmis fyrirtæki.M.ö.o.: Ríkisbankarnir voru að sinna viðskiptavinum sínum innan lands.Þeir voru viðskiptamannabankar en ekki fjárfestingarbankar.En þegar bankarnir höfðu verið einkavæddir af Sjálfstæðisflokki og Framsókn og þeim komið í hendur einkavina þessara flokka þá var fjandinn laus. Bankarnir fóru að taka erlend lán í stórum stíl til  þess að fjarfesta erlendis og til þess að lána ýmsum útrásarfyrirtækjum. Það er eins og ráðamenn bankanna hafi ekki hugsað um að það þyrfti að  borga lánin til baka. Eða þá að að þeir töldu víst að þeir getu alltaf tekið ný og ný lán til þess að borga þau eldri.Óvarkárni ráðamanna bankanna var svo mikil,að þeir voru rétt búnir að gera þjóðfélagið gjaldþrota.
Björgvin Guðmundsson

Stjórnmál og samfélag | Slóð | | Athugasemdir (0)

Fimmtudagur, 16. október 2008

245 milljarðar í sérsjóðum bankanna

Skilanefndir Kauþings, Landsbankans og Glitnis hafa sent Fjármálaeftirlitinu tillögur um hvernig gera eigi upp við þá sem eiga peninga í peningamarkaðs-og skuldabréfasjóðum í bönkunum. Í sjóðunum eru um 245 milljarðar króna. Lokað hefur verið fyrir viðskipti í skuldabréfa- og peningamarkssjóðum bankanna síðan á mánudaginn í síðustu viku.

Heildarupphæð í sjóðum Glitnis er um 90 milljarðar króna, í Landsbankanum er upphæðin 115 milljarðar og í Kaupþingi er talan rúmir 40 milljarðar króna. Sjóðirnir samanstanda af skuldabréfum fyrirtækja, banka, ríkisskuldabréfum og innistæðum í bönkum.

Það er misjafnt hvernig sjóðirnir standa, stærstu skuldarar í peningamarkssjóði 9 hjá Glitni eru t.d. Glitnir, Straumur og Baugur. Samkvæmt upplýsingum fréttastofu hafa allar skilanefndir bankanna útfært leiðir til að gera upp við sjóðseigendur og er málið nú á borði Fjármálaeftirlitsins. Meðal þess sem rætt er um er að finna sameiginlega lausn fyrir alla bankana.(ruv.is)

 

Ekki er vitað hvað mikið fæst greitt úr umræddum sjóðum. Ef til vill verður það um helmingur.Það bætir stöðuna,að ekki munu vera nein hlutabréf í þessum sjóðum.

Björgvin  Guðmundsson

ef« Til baka

Fara á fréttavef »

Leit

Breyta leturstærð


Stjórnmál og samfélag | Slóð | | Athugasemdir (0)

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband