Borgarstjóraembættið 100 ára

Aldarafmælis embættis borgarstjóra var minnst í dag með opnun sýningarinnar „Kæri borgarstjóri...“ í Tjarnarsal Ráðhúss Reykjavíkur.

Hinn 7. maí síðastliðinn voru 100 ár liðin frá því fyrsti borgarstjórinn var kjörinn í embætti í Reykjavík. Þá var Páll Einarsson, sýslumaður í Hafnarfirði, kjörinn borgarstjóri til sex ára.

Alls hafa 19 einstaklingar setið í stóli borgarstjóra á þessum 100 árum. Ellefu einstaklingar sem gegnt hafa embætti borgarstjóra eru á lífi í dag og lögðu þeir allir sitt af mörkum til sýningarinnar.

Meðan ég sat í borgarstjórn starfaði ég með 3 borgarstjórum,Geir Hallgrímssyni,Birgi Ísl. Gunnarssyni og  Agli Skúla Ingibergssyni.Allt voru þetta hinir bestu borgarstjórar og hæfileikaríkir menn.Egill Skúli var embættismaður en  Geir og Birgir Ísl. stjórnmálamenn.Ég sá  í sjónvarpinu,að  margir af fyrrverandi borgarstjórum voru mættir,þegar sýningin "Kæri  borgarstjóri",var opnuð.Einnig sá ég Alfreð Þorsteinssyni,fyrrverandi borgarfulltrúa, bregða fyrir. 

Björgvin Guðmundsson

 

Embætti borgarstjóra 100 ára

Geir: Vil ekki ganga í ESB

Geir H. Haarde, forsætisráðherra, sagði á opnum fundi í Valhöll í dag, að hann væri ekki í vafa um að þegar vegnir væru kostir og gallar við aðild Íslands að Evrópusambandinu væru kostirnir léttvægari.  „Þess vegna vil ég ekki ganga í Evrópusambandið," sagði Geir.

Hann sagði á fundinum að stjórnarsamstarf Sjálfstæðisflokks og Samfylkingar hefði í stórum dráttum gegnið mjög vel. Skoðanamunur væri þó einhver milli flokkanna eins og eðlilegt væri. Þá væri flokkarnir ósammála um eitt stórt mál: Evrópumálin, en Samfylkingin hefði á stefnuskrá sinni að ganga í Evrópusambandið en ekki Sjálfstæðisflokkurinn.

Geir sagði, að ef Ísland væri í Evrópusambandinu hefðu stjórnvöld ekki haft jafn mikið svigrúm til að laga sig að breytingum í alþjóðlegu umhverfi eins og gert hefði verið á síðustu mánuðum. Þá hefði gengi gjaldmiðilsins verið fast og vextirnir ákveðnir í Seðlabanka Evrópu. Eini vettvangurinn, þar sem svigrúm gæfist, væri á vinnumarkaði, þar sem hægt væri að segja fólki upp og auka þannig atvinnuleysi. „Viljum við það? Ég vil það ekki," sagði Geir.

Hann sagði, að ýmsir kostir fylgdu aðild að Evrópusambandinu en einnig ókostir og þetta yrði að vega og meta og byggja síðan niðurstöðuna á því hvað væri best fyrir Ísland. „Við leggjum á vogarskálar öll atriði sem skipta máli. Í mínum huga er ekkert vafamál að kostirnir eru léttari á þessari vogarskál en gallarnir. Þess vegna vil ég ekki ganga  í Evópusambandið," sagði Geir.

Hann sagði það ranghugmyndir, að Íslendingar yrðu einhver áhrifaþjóð innan ESB. Þeir hefðu á grundvelli ESS samningsins ákveðna stöðu gagnvart ESB, „en ég held að ef við værum komnir inn í sambandið og sætum við þetta stóra borð yrði lítið hlustað á okkar rödd," sagði Geir. 

Hann sagði að nú stæðu yfir breytingar hjá Evrópusambandinu þegar svonefndur Lissabonsáttmáli væri að taka gildi. Hann hefði í för með sér að framkvæmdastjórnarmönnum yrði fækkað og Ísland fengi þá einn slíkan á 5-15 ára fresti ef að líkum lætur. 

 

Málin í Sjálfstæðisflokknum varðandi ESB eru nú að skýrasr: Þorgerður Katrin hneigist að ESB en Geir er á móti. Sennilega vill Þorgerður Katrín ganga í ESB en segir það ekki fullum fetum vegna Geirs.

 

Björgvin Guðmundsson

Geir: Ég vil ekki ganga í ESB

Þegar Smugudeilan leystist

 

 

Í dag 17.mai á Þjóðhátíðardegi Norðmanna er samkomulag milli Íslands og Noregs mjög gott.Smugudeilan leystist   farsællega 1999  en hún var mjög erfitt deilumál milli þjóðanna. Þegar ég lét af störfum í utanríkisráðuneytinu 2002 birtist viðtal við mig í Mbl. Þar sagði svo  m.a.  1998-2001 var Björgvin sendifulltrúi við sendiráð Íslands í
Osló.Sendiherra var þá Kristinn F.Árnason.Síðan sagði: "Er við  komum til Osló  hafði
Smugudeilan siglt í strand. Viðræður lágu niðri.Menn höfðu talið
þýðingarlaust að reyna viðræður fyrir Alþingiskosningarnar 1999. Kristinn
lagði þó til, að haldinn yrði samningafundur. Það var gert og deilan
leystist." Þannig átti Kristinn F.Árnason,sendiherra Íslands í Osló    góðan þátt í að leysa Smugudeiluna.

 

Björgvin Guðmundsson
 

Hækka þarf skattleysismörk til samræmis við launabreytingar

Fyrir síðustu alþingiskosningar  setti Samfylkingin fram róttæka stefnu í skattamálum,einkum fyrir launafólk og eldri borgara.Samfylkingin sagði:Það er bein atlaga að  kjörum eldri borgara,þegar skattleysismörk fylgja ekki launavísitölu.Við viljum hækka skattleysismörk til samræmis við launabreytingar. Það þýðir,að skattleysismörkin ættu að vera 150 þús. kr. á mánuði í dag. Ríkisstjórnin ætlar að hækka þau í 115-120 þús. kr. á 3 árum. Það er of lítið.

 

Björgvin Guðmundsson

.

Til hamingju með daginn,Norðmenn!

Í dag er þjóðhátíðardagur Norðmanna. Af því tilefni óska ég Norðmönnum og vinum Norðmanna til hamingju með daginn.Ég bjó í tæp 3 ár í Noregi og kynntist þá vel Norðmönnum og Noregi. Mér þykir vænt  um Norðmenn og  deili ekki skoðunum með þeim Íslendingum,sem ala á óvild í garð Norðmanna. Þeir Norðmenn,sem ég kynntist, voru kurteisir og alúðlegir  og vingjarnlegri en Íslendingar við fyrstu kynni. Það er mjög skemmtilegt í Óslo og borgin þolir í dag alveg samjöfnuð við Kaupmannahöfn. Akerbrygge er mjög skemmtileg og Karl Johan að sjálfsgögðu  einnig.Það er ánægjulegt hvað Norðmönnum hefur gengið vel í efnahags-og atvinnumálum undanfarna áratugi. Olíugróðinn gerði Norðmönnum mögulegt að greiða upp allar erlendar skuldir sínar.Í dag situr við völd í Noregi ríkisstjórn undir forustu   Jens Stoltenberg, leiðtoga norskra jafnaðarmanna.Hann stýrir landinu styrkum höndum.

 

Björgvin Guðmundsson

Þrengt að rétti manna til þess að fá gjafsókn

Ragnar Aðalsteinsson hæstaréttarlögmaður segir nýlega reglugerð Björns Bjarnasonar dómsmálaráðherra um skilyrði gjafsóknar þrengja aðgengi einstaklinga að dómstólum enn frekar en gert var með lagabreytingu árið 2005. „Tekjumörkin í reglugerðinni eru bara út í hött. Höfundur þessarar reglugerðar, hver sem hann er, er greinilega algjörlega á móti gjafsóknarfyrirbrigðinu yfirhöfuð,“ segir Ragnar.

 

Í reglugerðinni er gert ráð fyrir að aðeins einstaklingar með tekjur upp á 130 þúsund krónur og minna eigi möguleika á gjafsókn. „Þetta er til þess að draga úr réttarvernd borgaranna gagnvart ríkinu,“ segir Ragnar.

 

Atli Gíslason, þingmaður Vinstri grænna og lögmaður, tekur undir með Ragnari. „Flestar málsóknir eru ofviða mönnum sem hafa undir 300 þúsund krónur í tekjur og stærri málsóknir kalla á meiri tekjur,“ segir hann.

Óskiljanlegt er hvers vegna Björn Bjarnason ráðherra hefur þrengt svo mjög möguleikann á þvi að fá gjafsókn.Hér er í raun verið að  þrengja að mannréttindum,þar eð ófært er að það fari eftir efnahag manna hvort þeir geti farið í mál eða ekki. Ragnar Aðalsteinsson hrl. telur,að það stríði gegn lögunum að þrengja réttinn til gjafsóknar svo mjög sem reglugerð ráðherra gerir.Það verður að rýmka reglugerðina verulega e'ða fella hana úr gildi.

 

Björgvin Guðmundsson

 

Þrengt að réttinum til gjafsóknar

Stórbæta þarf kjör umönnunarstétta

Fulltrúar Starfsgreinasambandsins áttu fund með ráðherrum í morgun þar sem farið var yfir stöðu kjaraviðræðna við samninganefnd ríkisins.

Fram kemur á heimasíðu sambandsins, að fundurinn hafi verið mjög jákvæður en skipst hafi verið á skoðunum um þau sameiginlegu markmið sambandsins og ríkisins að hækka þurfi sérstaklega laun þeirra sem starfa við ummönnun og vinna að auknum kaupmætti þeirra sem vinna láglaunastörfin.

Starfgreinasambandið lagði áherslu á að ljúka þyrfti kjaraviðræðum sem fyrst og segir að ríkisstjórnin hafi undir þau sjónarmið. Gert er ráð fyrir að viðræður hefjist fyrir alvöru við samninganefnd ríkis um helgina og að reynt verði að ná samningi fljótlega.

Ráðamenn hafa talað mikið um það,að bæta þurfi kjör umönnunarstétta. Nú er komið að því sð semja ium kjör þeirra og  þá þarf að standa við stóru orðin. Kjör umönnunarstéttanna eru til skammar. Það verður að stórbæta þau. Verði Það ekki gert fást engir Íslendingar til starfa við þessi störf og við getum ekki alltaf treyst á það að fá útlendinga í þau.

 

Björgvin Guðmundsson

Starfsgreinasambandið á fundi með ráðherrum

Verið að styrkja stoðir fjármálakerfisins

Ingibjörg Sólrún Gísladóttir, utanríkisráðherra, segir að tvíhliða gjaldmiðlaskiptasamningar milli seðlabanka Danmerkur, Noregs, Svíþjóðar og Íslands séu mikilvægur áfangi til að efla traust á íslensku fjármálakerfi og tryggja fjármálastöðugleika í landinu.

Ingibjörg segir í yfirlýsingu, að ríkisstjórn og Seðlabanki hafi undanfarið unnið hörðum höndum að margþættum aðgerðum til að styrkja stoðir fjármálakerfisins og koma réttum og skýrum skilaboðum á framfæri til þeirra sem fylgjast með á erlendri grundu. Undirstöður íslensks fjármálakerfis séu sterkar og samningarnir við hina norrænu banka styrki þær enn frekar.

Þá segir Ingibjörg Sólrún, að unnið sé að skipulagsbreytingum hér heima sem ætlað sé að auka efnahagslegan stöðugleika. Þá liggi fyrir að félagslegt hlutverk Íbúðalánasjóðs verði eflt og gert skýrara en samkeppnisskilyrði á húsnæðismarkaði um leið jöfnuð.

Í tengslum við samninga við norræna Seðlabanka er mikið rætt um breytingar á Íbúðalánasjóði. Ég vænti  þess að ekki verði látið undan markaðsöflunum og Íbúðalánasjóði breytt í heildölubanka. Íbúðalánasjóður er alveg nauðsynllegur eins og ástandið er nú í húsnæðismálunum.

 

 Björgvin Guðmundsson

T

Samningur eflir traust og tryggir fjármálastöðugleika

Lífeyrisskuldbindingar vegna ráðherra hækkuðu um 127% á 6 árum!

Skuldbindingar ríkissjóðs vegna eftirlauna ráðherra og alþingismanna meira en tvöfölduðust á árunum 2000-2006. Þetta er mun meiri hækkun en lífeyrir opinberra starfsmanna hækkaði um á sama tíma.

Lífeyrisskuldbindingar ríkissjóðs vegna alþingismanna og ráðherra námu í árslok 2006 8.668 milljónum og miðað við hækkun síðustu ára má gera ráð fyrir að þessar skuldbindingar hafi um síðustu áramót verið farnar að nálgast 10 milljarða.

Frá 2000 til 2006 hækkuðu lífeyrisskuldbindingar ríkissjóðs vegna ráðherra um 127% og 105% vegna alþingismanna. Á sama tímabili hækkaði vísitala lífeyris opinberra starfsmanna sem Hagstofan mælir um 68% og launavísitalan hækkaði um 51%. Meginskýringarnar á þessum miklu hækkunum eru því hækkun launa alþingismanna og ráðherra og aukin lífeyrisréttindi sem fylgdu nýjum lögum um eftirlaun æðstu embættismanna þjóðarinnar árið 2003.

Þsð er dæmigert fyrir misréttið,að á sama tíma og lífeyrisskuldbindingar vegna ráðherra hækkuðu um 127% þá hækkuðu þær um  68%  hjá opinberum starfsmönnum. Þessar tölur tala sínu máli og sýna hve gífurlegt misrétti er  hér við líði.

 

Björgvin Guðmundsson

 

Lífeyrisskuldbindingar ráðherra hækkuðu um 127%

Krónan styrkist um 3,47%

Gengi krónunnar tók stökkið snemma í morgun og styrktist um 3,47 prósent eftir að Seðlabanki Íslands tilkynnti um að hann hefði gert tvíhliða gjaldeyrisskipasamning við seðlabanka Svíþjóðar, Noregs og Danmerkur.

Gengið sveiflaðist talsvert í kjölfarið en styrkingin nemur rúmum þremur prósentum.

Þegar mest lét stóð gengisvísitala krónunnar í 148,7 stigum. Bandaríkjadalur fór í 74,4 krónur, breskt pund í 145 krónur og ein evra í 115,4 krónur.

Samningarnir veita Seðlabankanum aðgang að 1,5 milljörðum evra, jafnvirði 175 milljarða íslenskra króna. Samningurinn eykur verulega verulega aðgang Seðlabankans að erlendu lausafé en stefnt er að því að auka hann á næstunni.

Það er ánægjulegt,að eitthvað af gengisfallinu gengur nú til baka eftir að búið er að gera gjaldeyrisskiptasamning við norræna seðlabanka.Alls mun  krónan hafa fallið um 30% frá áramótum en það þýðir 40% hækkun á verði erlends gjaldeyris.Krónan þarf því enn að styrkjast mikið.

Björgvin Guðmundsson

Björgvin Guðmundsson