Strandveiðar:22.332 kg.af þorski veiddust fyrsta daginn

Fyrsti sóknardagur strandveiða samkvæmt nýrri reglugerð um slíkar veiðar var í gær. Að sögn Arnar Pálssonar, framkvæmdastjóra Landssambands smábátaeigenda, höfðu í gær um sjötíu bátar fengið leyfi til strandveiða samkvæmt reglugerðinni.

Samkvæmt reglugerðinni er í júní, júlí og ágúst þessa árs heimilt að fengnu leyfi Fiskistofu að veiða allt að 3.955 lestir af þorski á handfæri og reiknast sá afli ekki til aflamarks þeirra skipa sem veiða á handfæri samkvæmt reglugerðinni.

„Ég held að þetta verði góð lyftistöng, mér finnst þetta líka vera jákvætt að því leyti að gerir ímyndina í kringum sjávarútveginn og stjórn fiskveiða jákvæðari,“ segir Örn um strandveiðarnar.

Örn segir að tekið hafi verið tillit til margra athugasemda sambandsins við gerð reglugerðarinnar en þó ekki allra. Mestu muni um að þeir sem veiða í atvinnuskyni í skjóli kvóta geti ekki stundað strandveiðar samkvæmt reglugerðinni tímabundið. „Um leið og menn eru komnir inn í strandveiðikerfið eru þeir bundnir þar út fiskveiðiárið,“ segir Örn. Með þetta sé nokkur óánægja meðal smábátaeigenda en gerð var athugasemd við fyrirkomulagið á sínum tíma.

22.332 kg af þorski var landað í gær og 592 kg af ufsa. Löndun ýsu og steinbíts var innan við 10 kg. Um hádegi hafði engu verið landað í dag.(mbl.is)

Það var rétt skref að leyfa þessar sdtandveiðar og gefa þær frjálsar. Þær gefa mörgum tækifæri til þess að veiða,m örgum,sem ekki höfðu tækifæri til þess áður.Þetta verður búbót fyrir margar sjávarbyggðir úti á landi.

 

Björgvin Guðmundsson

 

Ice save ábyrgðin samþykkt i ríkisstjórn

Frumvarpi um ríkisábyrgðir vegna Icesave verður dreift á Alþingi í dag en ríkisstjórnin samþykkti á sérstökum aukafundi í morgun að það færi til meðferðar í þinginu.  Þingflokkar stjórnarflokkanna ræða það eftir hádegið en í kjölfarið verður því dreift.

Steingrímur J. Sigfússon segir fjölmörg gögn eiga eftir að koma fram sem styðji þær fullyrðingar að önnur leið hafi ekki verið fær. Í Fréttablaðinu í morgun er greint frá yfirlýsingu sem Davíð Oddsson og Árni Mathiesen undirrituðu um að Ísland ábyrgðist innstæðurtryggingar.

Steingrímur segir áformað að þetta þing afgreiði málið og því sé óljóst hvenær þingi lýkur. Þetta taki þó að minnsta kosti tvær vikur. Hann segist bjartsýnn á að málið verði afgreitt, Hann nálgist málið af æðruleysi. Örlögin hafi falið honum að reyna að greiða úr þessari skelfilegu stöðu og það hafi hann reynt að gera eftir bestu samvisku.

Ögmundur Jónasson, heilbrigðisráðherra, sem lýst hefur miklum efasemdum um Icesace-samningana, segir að nú haldi menn ró sinni og ræði málin í þinginu.(mbl.is)

Það verður fróðlegt að sjá hvernig þessu máli reiðir af á alþingi. Sú hugmynd hefur komið upp,að bætt verði inn í frv. ákvæði um að aldrei megi greiða meira á  hverju ári vegna Ice save en 1% af landsframleiðslu. Það er skynsamleg breyting.

 

Björgvin Guðmundsson

 

 

 

Kjaraskerðing aldraðra og öryrkja samþykkt á alþingi í morgun.Mótmæli hundsuð

Alþingi samþykkti í morgun frv.um ráðstafanir í ríkisfjármálum og þar á meðal kjaraskerðingu aldraðra og öryrkja. Ríkisstjórnin hundsaði mótmæli Landssambands eldri borgara,Öryrkjabandalags Íslands  og 60 +, samtaka eldri Samfylkingarmanna.Það hefur ekkert breyst þó komin sé ný ríkisstjórn. Mótmæli almennings eru hundsuð.Kröfu eldri borgara og öryrkja um að kjaraskerðingin yrði dregin til baka var stungið undir stól. Hvernig er með ný vinnubrögð,sem boðuð voru?Það bólar ekkert á þeim. Hér eftir er ekki unnt að kalla ríkisstjórnina félagshyggjustjórn.Það má ef til vill kalla hana fyrrverandi félagshyggjustjórn.En ríkisstjórnin veldur félagshyggjumönnum miklum vonbrigðum.

 

Björgvin Guðmundsson

Var það skipun IMF að skera niður velferðarkerfið?

 

 

 Ögmundur Jónasson hefur lítið dáæti  á Alþjóðagjaldeyrissjóðnum (IMF).Löngu áður en Ísland leitaði  aðstoðar IMF  varaði Ögmundur við sjóðnum og sagði,að krafa IMF væri að skorið væri niður í velferðarkerfinu. Menn tóku á þessum tíma mátulega mikið mark á Ögmundi varðandi IMF. En nú er "félagshyggjustjórn" að skera niður almannatryggingar þó því hafi áður verið lýst yfir að staðinn yrði vörður um velferðarkefið.Hvað er að gerast? Hvers vegna þarf allt í einu að skera niður almannatryggingar þrátt fyrir fyrri yfirlýsingar?  Er það skipun frá IMF? Ja,það hvarflar að manni að Ögmundur hafi haft á réttu að standa.

 

Björgvin Guðmundsson

Svíar vilja,að Ísland sæki um aðild að ESB fyrir lok júlí

Beatrice Ask, dómsmálaráðherra Svíþjóðar, segir að umsókn um aðild að Evrópusambandinu frá Íslendingum verði að berast eins fljótt og auðið er vilji þeir leita aðstoðar Svía í umsóknarferlinu.

Svíar verða í forsæti Evrópusambandsins frá og með 1. júlí næstkomandi og munu gegna því hlutverki næsta hálfa árið. „Afstaða Svía er alveg ljós; við viljum fá fleiri Norðurlandaþjóðir inn í Evrópusambandið og stuðningur Norðurlandanna getur reynst Íslendingum mikilvægur.“ Ask segir jafnframt að ríkisstjórn Svíþjóðar hafi fylgst vel með vandræðum Íslendinga og hún leitist við að aðstoða Íslendinga eftir fremsta megni.(mbl.is)

Það er mikilsvirði fyrir Ísland,að Svíar skuli taka við forsæti ESB 1.júlí.Ef Ísland  kýs að sækja um geta Svíar veitt Íslandi  aðstoð i umsóknarferlinu.

 

Björgvin Guðmundsson

 

Ríkisstjórnin mismunar.Segist ekki skerða laun undir 400 þús. en gerir það hjá öldruðum og öryrkjum

Í umsögn Öryrkjabandalags Íslands um skerðingu bóta aldraðra og öryrkja segir svo m.a.:

Væntannlegar skerðingar á bótum valda miklum vonbrigðum sérstaklega þegar haft er í huga að ríkisstjórnin hefur lýst því yfir að hún muni verja kjör þeirra sem verst eru settir og tekið hefur verið sérstaklega fram að ekki skuli skerða heildarlaun sem eru lægri en 400.000 kr. á mánuði.

Auk þess hefur stjórnin sagt,að hún muni ekki hreyfa taxtalaun.

Ríkisstjórnin stendur ekki við það stefnumark sitt að skerða ekki heildarlaun undir 400 þús á mánuði þegar kemur að skerðingu hjá öldruðum og öryrkjum.Þar eru flestir,sem sæta skerðingu með laun langt ungt undir þessu marki.Það er alltaf verið að mismuna.Er ekki kominn tími til þess,að þegnar

landsins njóti jafnréttis.

Björgvin Guðmundsson

Ríkisstjórn,sem skerðir kjör aldraðra og öryrkja, er ekki félagshyggjustjórn

Það hefur mikið verið  talað um það hvað það sé hagsætt fyrir fólkið í landinu og sérstaklega fyrir láglaunafólk,aldraða og öryrkja að fá félagshyggjustjórn til valda í landinu.En hvað er félagshyggjustjórn? Fyrir hvað standa félagshyggjuflokkar?  Þeir standa fyrir það að leysa málin á félagslegum grundvelli.Þeir standa fyrir samfélagslegan rekstur í stað óheftst einkareksturs og þeir standa fyrir það að styðja og efla velferðarkerfið,einkum almannatryggingar.Þeir vilja réttlátt skattakerfi,sem dreifir byrðunum á þjóðfélagsþegnana réttlátlega.Alþýðuflokkurinn og síðan Samfylkingin hafa viljað standa vörð um almannatryggingar.VG hafa verið samstíga Samfylkingunni í því efni. En nú bregður svo við, að þessir flokkar,sem taldir hafa verið félagshyggjuflokkar ráðast gegn almannatryggingunum,velferðarkerfinu og ætla að skera niður lífeyri aldraðra og öryrkja strax  á  miðvikudag. Jafnframt tilkynna þessir flokkar að þeir vilji einkavæða bankana á ný.Hver er þá munurinn á þessum flokkum og borgaralegum hægri flokkum? Einkavæðing bankanna átti stærsta þáttinn í bankahruninu. En það er eins og menn hafi ekkert lært. Samfylking og VG lýstu því yfir fyrir kosningar og við myndun ríkisstjórnar að þeir ætluðu að standa vörð um velferðarkerfið og þeir bættu meira að segja um betur og sögðu,að þeir ætluðu að koma hér á norrænu velferðarsamfélagi.Voru þetta aðeins orðin tóm.Árásin á almannatryggingarnar,á velferðarkerfið leiðir í ljós,að það var ekkert að marka yfirlýsingar þessara flokka í þessu efni.Ef niðurskurður lífeyris aldraðra og öryrkja nær fram að ganga geta þessi flokkar,Samfylking og VG ekki kallast félagshyggjuflokkar. Þeir eru þá engu betri en íhaldið og framsókn.Það fylgir .því ábyrgð að vera félagshyggjumaður. Ef stefnumálin gleymast um leið og sest er í ráðherrastól hafa þeir ráðherrar,sem það gera, ekki risið undir þeirri  ábyrgð að kallast félagshyggjumenn.

 

Björgvin Guðmundsson

Lífeyrissjóðirnir tilbúnir að láta 100 milljarða í framkvæmdir

Lífeyrissjóðirnir eru tilbúnir að lána 90 til 100 milljarða króna í opinberar framkvæmdir á næstu fjórum árum. Þetta er haft eftir Arnar Sigurmundssyni, formanni Landssamtaka lífeyrissjóða,.

Meðal framkvæmda sem þessir fjármunir gætu nýst í eru Vaðlaheiðargöng og bygging samgöngumiðstöðvar í Reykjavík.(ruv.is)

Það er mikið ánægjuefni,að lífeyrissjóðirnir skuli tilbúnir í að aðstoða við uppbyggingu samfélagsins eftir hrunið.Þeir telja sig geta ávaxtað fé sitt vel með því að lána ríkinu og þá fara hagsmunir beggja aðila saman.

 

Björgvin Guðmundsson

IMF segir,að Ice save samningurinn setji þjóðarbúið ekki á hliðina

Fastafulltrúi Alþjóðagjaldeyrissjóðsins hér á landi, segir að samningurinn milli Íslendinga, Breta og Hollendinga muni ekki setja þjóðabúið á hliðina.

Alþjóðagjaldeyrissjóðurinn hefur ekki haft aðkomu að gerð Icesave-samningsins en Bretar hafa hinsvegar verið sakaðir um að hafa beitt sér á bak við tjöldin innan sjóðsins til að fá hagstæðari lausn. Óvíst er hvernig atkvæðagreiðsla á Alþingi um ríkisábyrgð um vegna Icesave skuldanna fer.

Ráðherrar ríkisstjórnarinnar hafa sagt að Ísland einangrist í því tilliti að lánafyrirgreiðsla frá nágrannaþjóðum berist ekki auk þess sem samstarfsáætlunin með Alþjóðagjaldeyrissjóðnum raskist. Rozwadowski segir að frágangur samningsins um Icesave skuldbindingarnar sé ekki skilyrði fyrir því að hægt sé að ljúka fyrstu endurskoðun áætlunarinnar.

 

Hann segist ekki vita hvaða áhrif það hafi á samstarfið við Alþjóðagjaldeyrissjóðinn samþykki alþingi ekki samninginn enda sé óvíst hvernig nágrannaþjóðir sem hyggist lána Íslandi muni bregðast við. Hann getur ekki tilgreint hvort samningurinn sé góður eða slæmur. Vissulega sé 7 ára biðtíminn þar til greitt verður af láninu hagstæður en óvissa sé um heimtur af eignum Landsbankans.(visir.is)

Það er gott að Alþjóðagjaldeyrissjóðurinn (IMF) hefur ekki haft aðkomu að Ice save samningnum.Margir hér á landi telja,að svo hafi verið og eru þungir út í IMF af þeim sökum.

 

Björgvin Guðmundsson

 

Áskorun á Árna Pál ráðherra

 Ég hefi í dag sent Árna Páli, ráðherra, svofelldan tölvupóst.:

:

Sæll Árni Páll!

Ég skora á þig að draga til baka tillögurnar um lækkun lífeyris aldraðra og öryrkja vegna breyttra aðstæðna.Hinar breyttu aðstæður eru þær,að samþykkt hefur verið að hækka laun verkafólks á almennum markaði 1.júlí og aftur 1.nóv. Það er ekki unnt að lækka lífeyri aldraðra og öryrkja um leið  og kaup launþega er hækkað.Það er engin skömm að því að leiðrétta, þegar forsendur breytast.

Samtök aldraðra og öryrkja hafa óskað eftir að tillögurnar verði dregnar til baka.60 + hefur mótmælt þeim.Það eru nýir tíma og þeir fela það í sér,að nú eiga stjórnvöld að taka tillit til vilja fólksins. Gamli tíminn er liðinn.

Með kveðju

Björgvin Guðmundsson

í stjórn 60+

í stjórn  og kjaranefnd Félags eldri borgara

í kjarmálanefnd Landssambands eldri borgara.

-