Öbi:Eiga öryrkjar og aldraðir að greiða óreiðuskuldir?

Það er þungt hljóðið í öryrkjum um þessar mundir.Kjör 3/4 þeirra voru skert um áramótin.Lyfjakostnaður og allur frsamfærslukostnaður hefur stóraukist,einkum vegna lækkunar krónunnar. Eins og aðrir eru þeir að sligast undir húsnæðisskuldum.Þeir hafa fregnað,að til standi að skerða enn kjör öryrkja með niðurskurði bóta.Þeir hafa mótmælt öllum slíkum hugmyndum harðlega.Þeir vilja fá aðild að umræðum aðila vinnumarkaðar og ´ríkisstjórnar um stöðugleikasáttmála. Öryrkjabandalagið birtir heilsíðuauglýsingu í dag  í blöðunum ,þar sem samtökin mótmæla lágtekjusköttum og því að öryrkjar og aldraðir eigi að greiða óreiðuskuldir.

 

Björgvin Guðmundsson

Ólafur Arnarson: Seðlabankinn brást

Tveir höfundar bóka um efnahagshrunið  voru gestir Sigurjóns M.Egilssonar í þættinum Á Sprengisandi  í morgun. Það voru þeir Ólafur Arnarson hagfræðingur og  Guðni Th.Jóhannesson..... en komin er út bók eftir hann sem heitir " Hrunið".Sigurjón rakti úr þeim garnirnar um hrunið. Þeir voru báðir sammála um það ,að eftirlitsstofnanir hefðu brugðist,bæði Fjáramálaeftirlit og Seðlabanki.Ólafur var mjög harðorður út í Seðlbankann  og sagði,að ef hann hefði beitt bindiskyldunni hefði verið unnt að koma í veg fyrir ofvöxt bankanna og Ice save.Hann gagnrýndi einnig peningastefnu Seðlabankans og sagði hana hafa mistekist.Guðni gagnrýndi einnig bankastjóra   einkabankanna harðlega og taldi,að þeir ættu stóra sök á hruni bankanna.

 

Björgvin Guðmundsson

Er mikilvægi vaxtalækkunar ofmetið?

Gylfi Zoega hagfræðingur var gestur Sigurjón M.Egilssonar Á Sprengisandi í morgun. Rætt var um efnahagsmálin og Ice save. Gylfi á sæti í peningastefnunefnd Seðlabankans og varði afstöðu bankans í vaxtamálum. Hann sagði,að atvinnulífið kallaði mjög eftir vaxtalækkunum en  hann sagði,að ef til vill væri mikilvægi vaxtalæækkunar fyrir atvinnulífið ofmetið. Aðeins 20% af lánum atvinnulífsins væri í íslenskum krónum og á íslenskum vöxtum en 80% af lánum atvinnulífsins væru erlend lán á erlendum vöxtum.Samkvæmty þessu skiptir gengið einnig mjög miklu máli fyrir atvinnulífið og ekki minna máli en vextirnir.Gylfi sagði,að vextir hefðu þegar lækkað mikið eða úr 18% í 12%.Seðlabankinn tæki lítil skref í vaxtalækkunum í varúðarskyni og til þess að sjá hvernig markaðurinn brygðist við.Mikil vaxtalækkun gæti veikt gengið verulega.Hann sagði,að skilyrði fyrir útflutningsfyrirtækin hefðu stórbatnað  svo og fyrir ferðamannaiðnaðinn  en skilyrði innflutnings væru slæm.

 

Björgvin Guðmundsson

Rætt um aðildarumsókn Íslands að ESB á Egilstöðum í dag

Rætt verður um aðildarumsókn Íslendinga að Evrópusambandinu á fundi forsætisráðherra Norðurlandanna á Egilsstöðum í dag. Ráðherrarnir fljúga með einkaflugvélum til Egilsstaða en þeir fara af landi brott á morgun.

Um er að ræða reglubundinn samráðsfund ráðherranna en Íslendingar gegna nú formennsku í Norrænu ráðherranefndinni.

Ráðherrarnir lenda á Egilsstaðarflugvelli klukkan þrjú í dag en fundurinn hefst síðdegis. Jóhanna Sigurðardóttir, forsætisráðherra mun stýra fundinum en auk hennar sitja fundinn Lars Løkke Rasmussen, forsætisráðherra Dana, Jens Stoltenberg, forsætisráðherra Noregs, Frederik Reinfeldt, forsætisráðherra Svíþjóðar og Matti Vanhanen, forsætisráðherra Finnlands.

Þá mun Halldór Ásgrímsson, framkvæmdastóri Norrænu ráðherranefndarinnar og fyrrverandi forsætisráðherra, einnig sitja fundinn.

Ráðherrarnir munu meðal annnars ræða undirbúning Íslendinga fyrir aðildarumsókn að Evrópusasambandinu. Ekki liggur fyrir hvort Icesave deilan verði rædd á fundinum eins og komið hefur fram í fjölmiðlum og í máli Steingríms J. Sigfússonar, fjármálaráðherra, neituðu Norðurlöndin að veita Íslendingum lán nema gengið yrði frá samkomulagi við Hollendinga og Breta í málinu.

Boðað hefur verið til blaðamannafundar á morgun en að þeim fundi loknum ætla ráðherrarnir í stutta skoðunarferð um Fljótsdalshérað áður en þeir halda af landi brott síðdegis. (visir.is)

Það verður fróðlegt að heyra viðbrögð norrænu forsætisráðherranna viö tillögu rikisstjórnar Íslands um að sækja um aðild að ESB.Svíar eru að taka við formennsku í ESB og er talið mikilvægt að ´´Island sæki um á meðan Svíar gegna formennsku.

 

Björgvin Guðmundsson

Á að skattleggja inngreiðslur í lífeyrissjóði?

Sjálfstæðisflokkurinn hefur lagt fram á þingi tillögur um efnahagsmál. Þar er að finna tillögu um það ,að greiðslur í lífeyrissjóði (iðgjöld) verði skattlagðar. Það mundi þýða,að ekki yrði einnig unnt að skattleggja lífeyri við útgreiðslu. Kristján Möller samgönguráðherra og þingmaður Samfylkingarinnar talaði jákvætt um þessa tillögu   Sjálfstæðisflokksins en  bætti við hana einni hugmynd: Hann sagði,að  skattur á inngreiðslur í lífeyrissjóð gæti verið í lánsformi,.þ.e. lífeyrisþegar lánuðu ríkinu skattinn og fengju hann endurgreiddan eftir 1-2 ár. Þetta er athyglisverð hugmynd og mundi skapa miklar tekjur fyrir ríkissjóð á skömmum tíma en ríkið yrði síðan að endurgreiða þetta eftir ákveðinn tíma,þegar ástandið hefði batnað.Það þarf að leita allra leiða til þess að komast úr úr kreppunni.

 

Björgvin Guðmundsson

8% skattur á hærri tekjur

Steingrímur J. Sigfússon fjármálaráðherra sagði í fréttum Sjónvarpsins í kvöld að hann eigi ekki von á að niðurstaða liggi fyrir um ráðstafanir í ríkisfjármálum fyrir árið 2009 fyrr en undir lok næstu viku.

Fram kom í fréttum Sjónvarps að aðgerðir til þriggja ára væru nú til umræðu og að á meðal þeirra væri hugmynd um að leggja 8% aukaskatt á mánaðartekjur yfir 700.000 krónum. 

Til stóð að fjármálaráðherra legði fram frumvarp (svokallaðan bandorm) um fyrsta aðgerðir á Alþingi eftir helgi. Þá stóð að áætlun um aðgerðir til lengri tíma yrði svo lögð fram í kringum 20. júní. Jóhanna Sigurðardóttir forsætisráðherra staðfesti hins vegar við fréttmenn í dag að ákveðið hefði verið að flétta þetta betur saman.

Ríkisstjórnin átti tvo fundi í dag en á milli þeirra funduðu forsvarsmenn stjórnarflokkanna með þeim aðilum atvinnulífsins sem eiga aðild að viðræðum um svonefndan stöðugleikasáttmála.

 

Björgvin Guðmundsson

 

Fjárlagagatið í ár að mestu brúað með skattahækkunum

Fjárlagagatið á þessu ári verður að mestu brúað með skattahækkunum og minna um niðurskurð að sögn forsætisráðherra. Ríkisstjórnin fundaði tvisvar í dag um ríkisfjármálin.

Boðað var til auka ríkisstjórnarfundar í Ráðherrabústaðnum klukkan hálf ellefu í morgun til að ræða stöðu ríkisfjármála. Að þeim fundi loknum komu aðilar vinnumarkaðarins og fulltrúar sveitarfélaganna á fund ríkisstjórnar.

Ríkisstjórnin þarf að brúa 20 til 25 milljarða króna fjárlagagat á þessu ári og alls um 170 milljarða á næstu þremur árum. Hingað til hefur ríkisstjórnin talað um blandaða leið í þessu samhengi, skattahækkanir og niðurskurð.

„Menn eru að átta sig á hvað þeir treysta sér í mikinn rekstrarniðurskurð núna á miðju ári og það er mjög erfitt bæði varðandi reksturinn og tilfærslurnar þannig að það verðu meira lagt á skattabreytingar á þessu ári. Síðan munu frekast jafnast út hlutföllin árið 2010 milli þessara erfiðu liða," segir Jóhanna Sigurðardóttir.

Ríkisstjórnin hefur ekki mikinn tíma til stefnu enda þarf að klára málið fyrir lok sumarþings um næstu mánaðamót. Stefnt er að því að niðurskurðarpakkinn verði tilbúinn í lok næstu viku.

Ráðherrar ríkisstjórnarinnar mættu aftur til fundar klukkan tvö strax eftir að fundi forsætisráðherra með aðilum vinnumarkaðarins og fulltrúum sveitarfélaga lauk.

Forseti ASÍ segir nauðsynlegt að ríkisstjórnin leggi fram heildarsýn í ríkisfjármálum sem fyrst til að ýta á frekari stýrivaxtalækkanir.

„Þannig að við erum hér að kalla eftir því að fá uppstillingu á þessum ríkisfjármálum sem getur gagnast seðlabankanum til að taka tilteknar ákvarðanir," Gylfi Arnbjörnsson forseti ASÍ.

Undir þetta tekur formaður Sambands íslenskra sveitarfélaga

„Ég legg áherslu á að þá sé þetta bara einn heildarpakki. Við vitum alveg frá a til ö hvaða stefna er tekin og hvert er hlutverk hvers og eins í þeirri stefnu. Við vitum að við þurfum að taka á málum, það er alveg ljóst," segir Halldór Halldórsson(mbl.is)

Sennilega er skynsamlegt hjá ríkisstjórninni að leggja mesta áherslu á skattahækkanir í ár,þar eð efitt er að skera mikið niður á miðju ári. Þó tel ég,að launalækkanir geti komið til framkvæmda strax,t.d. bann við því að laun hjá ríkinu séu yfir ákveðnu marki ( t.d. 700 þús. á mánuði).

 

Björgvin Guðmundsson

Enn mótmæli gegn Ice save á Austurvelli

Samtök fólks sem er andvígt Icesave-samkomulaginu boðar mótmælafund við Austurvöll klukkan 14.00 í dag. Um 29.000 manns hafa skráð sig á Facebook-síðu gegn samkomulaginu.

Andstæðingar samkomulagsins boða frekari mótmæli eftir helgi

Almenningur er ekki ánægður með Ice save samkomulagið.Þess vegna mótmælir hann. Búast má viðkað almenn mótmæli aukist á næstunni.Fólk telur ekki nægilega mikið aðgert til þess að létta undi með  skuldugum heimilum.Það vantar frekari aðgerðir til þess að fella niður ákveðinn hluta íbúðaskulda hjá þeim,sem verst eru staddir,aðgerðir sem koma til framkvæmda áður en allt er komið í þrot. Fregnir,sem berast um niðurskurð ríkisútgjalda boða ekki gott.Talað hefur verið um stórfelldan niðurskurð bóta aldraðra og öryrkja.Verði lagðar tillögur  fram um slíkt má búast við uppreisn í landinu.Það er liðinn sá tími að unnt sé að segja eitt fyrir kosningar og gera annað eftir kosningar.

 

Björgvin Guðmundsson

 

Björgvin Guðmundsson

Frumvarp um lækkun hæstu launa hjá ríki og bönkum

Ríkisstjórnin hyggst fela kjararáði að ákveða laun æðstu stjórnenda í opinberum hlutafélögum og stofnunum, þannig að enginn hafi hærri laun en forsætisráðherra.

Þegar ríkisstjórnin tók við völdum fyrir rúmum mánuði gerði hún 100 daga áætlun. Meðal þeirra aðgerða sem þar var kveðið á um var að gripið yrði til viðeigandi aðgerða til að lækka hæstu launin hjá ríkinu og félögum á þess vegum, með það að leiðarljósi að enginn fengi hærri laun en forsætisráðherra. Mánaðarlaun hans eru 935.000 krónur.

Steingrímur J. Sigfússon fjármálaráðherra greindi frá því á blaðamannafundi í hádeginu að hann hefði kynnt ríkisstjórn í morgun drög að frumvarpi um breytingar á kjararáði þannig að ráðið ákvæði laun framkvæmdastjóra og æðstu stjórnenda í félögum, stofnunum, sjóðum sem heyra undir ríkið. (ruv.is)

Það er gott svo langt sem það nær að ákveða ,að engin laun í ríkiskerfinu skuli ekki vera hærri en laun forsætisráðherra.En það er ekki nóg. Það þarf að skera laun meira niður.Í því ástandi sem er í dag ættu laun ekki að vera hærri en 600 þús. á mánuði.Slík takmörkun gæti gilt í 1-2 ár á meðan við erum að vinna okkur út úr vandanum.

 

Björgvin Guðmundsson 

 

57,9% vilja aðildarviðræður við ESB

Verulegur meirihluti er hlynntur því að taka upp aðildarviðræður við Evrópusambandið, ESB, eða 57,9 prósent, samkvæmt niðurstöðum nýrrar könnunar Gallup fyrir Morgunblaðið sem gerð var 28. maí til 4. júní. Andvígir aðildarviðræðum eru 26,4 prósent en 15,7 prósent eru óákveðin.

Fleiri konur eru mjög hlynntar aðildarviðræðum en karlar, eða 36,2 prósent á móti 22,9 prósentum. 15,3 prósent kvenna eru mjög andvíg aðildarviðræðum en 16,2 prósent karla.

Þeir sem eru á aldrinum 35 til 44 ára eru hlynntari viðræðum en aðrir aldurshópar, en meðal þeirra er 34,1 prósent mjög hlynnt aðildarviðræðum.

Í Reykjavík eru 36,3 prósent mjög hlynnt aðildarviðræðum en 34,3 prósent í nágrannasveitarfélögunum. Í öðrum sveitarfélögum eru 20,6 prósent mjög hlynnt viðræðum.(mbl.is)

Þetta er afgerandi meirihluti fyrir aðildarviðræðum og gefur til kynna að ekki þurfi þjóðaratkvæði um það hvort fara eigi í aðildarviðræður.Nóg er að þingið samþykki það en síðan verður að sjálfsögðu að leggja aðildarsamning fyrir þjóðina.

 

Björgvin Guðmundsson