Enn niðurskurður á aflaheimildum?

Einar K. Guðfinnsson, sjávarútvegsráðherra, segir það ákveðin vonbrigði að viðmiðunarstofn þorsks sé ekki stærri en fram kemur í nýrri skýrslu Hafrannsóknastofnunar. Hins vegar komi niðurstaðan ekki á óvart þótt sjómenn telji að staða þorskstofnsins sé betri en fram kemur í skýrslunni.

Einar sagði, að á síðasta ári hefði verið tekin ákvörðun um niðurskurð aflaheimilda í samræmi við ráðgjöf Hafrannsóknastofnunar þar sem ljóst var að lélegir árgangar voru að koma inn í veiðistofninn. Þá hefði verð tekin ákvörðun um veiðireglu, 20% af viðmiðunarstofni, og jafnframt að á næsta fiskveiðiárið verði aflamark ekki undir 130 þúsund tonnum. Ljóst sé að það verði niðurstaðan.

Einar sagði, að ekki væri búið að fara yfir ráðgjöf um aðra nytjastofna og því væri ekki hægt að segja til um hvort aflaheimildir verði í samræmi við hana.

Það eru mikil vonbrigði,að ráðgjöf Hafrannsóknarstofnunar skuli gera ráð fyrir,að aflaheimildir verði enn á ný skornar niður. Ráðherra á að vísu eftir að segja sitt lokaorð. Sjómenn segja,að mikill þorskur sé í sjónum og Guðjón Arnar alþingismaður lagði til í ræðu á alþingi að  þorskkvótinn yrði

stækkaður.Sjávarbyggðir landsins eiga mjög erfitt með að þola áframhaldandi niðurskurð.

 

Björgvin Guðmundsson

 

 

 

 

 

 

 

 

 

Ákveðin vonbrigði

Rétt að fella björninn

Halldór Runólfsson, yfirdýralæknir, segir að hann telji að það hafi verið rétt ákvörðun sem lögregla tók í gær um að fella ísbjörn í hlíðum fyrir ofan Þverárfjallsveginn. Ekki hafi verið annar möguleiki í stöðunni og skylda lögreglunnar að koma í veg fyrir tjón á fólki. Eins og staðan var hefði verið óábyrgt að gera nokkuð annað.

Halldór segir að ef ákvörðun er tekin um að svæfa jafn stórt dýr og í þessu tilviki þá þurfi að tryggja að rétt deyfilyf sé til staðar og búnaður til þess að nota við svæfinguna. „Það er ekkert hlaupið að þessu nema menn séu viðbúnir. Þetta er mjög flókin aðgerð og svefnlyfið sem er notað er mjög sterkt og þarfnast mikillar aðgæslu og ekki nema fyrir vana dýralækna að nota það. Það er ekki nóg að svæfa dýrið heldur þarf að tryggja það að það haldist rólegt ef koma á því á heimaslóðir á mannúðlegan hátt," segir Halldór. 

Segir Halldór að yfirdýralæknisembættið sé tilbúið að fara í þá vinnu sem til þarf ef útbúa á aðgerðaráætlun þegar atvik sem þessi koma upp óski Umhverfisstofnun eftir því. 

Ég er sammmála yfirdýralækni.Ég tel,að rétt hafi verið  að fella dýrið eins og ástatt var. Það var of áhættusamt að láta dýrið ráfa um og lenda jafnvel í mannabyggðum. Ekki var til staðar rétt deifilyf til þess að svæfa dýrið.Hins vegar mætti undirbúa það af hafa allt tilbúið til þess að deyfa slíkt dýr ef það kemur aftur og  hafa tilbúna áætllun um flutning þess til Grænlands ef yfirvöld hér telja rétt að vernda dýrið og vilja leggja í kostnað við að koma því á heimaslóðir.

 

Björgvin Guðmundsson

 

Yfirdýralæknir: Rétt ákvörðun hjá lögreglu

Rætt um fæðuöryggi í heiminum á ráðstefnu FAO í Róm

Ingibjörg Sólrún Gísladóttir, utanríkisráðherra, lagði í dag áherslu á sjálfbæri í matvælaframleiðslu, orkuframleiðslu og nýtingu sjávarauðlinda í ávarpi sem hún flutti á leiðtogafundi Matvæla- og landbúnaðarstofnunar Sameinuðu þjóðanna (FAO) um fæðuöryggi í heiminum og áskoranir af völdum loftslagsbreytinga og lífefnaorku, sem fram fer í Róm 3.-5. júní. Auk þess að sitja fundinn mun utanríkisráðherra hitta Franco Frattini, utanríkisráðherra Ítalíu, og yfirmenn alþjóðastofnana í Róm, samkvæmt tilkynningu.
       
Á leiðtogafundinum er fjallað um leiðir til að tryggja hnattrænt fæðuöryggi í ljósi hækkandi matvælaverðs, hækkandi orkuverðs, minnkandi fæðuframleiðslu og áhrifa loftslagsbreytinga og aukinnar framleiðslu á lífefnaeldsneyti á fæðuframleiðsluna. FAO telur brýna þörf á að fjalla um þessar nýju aðstæður og móta nýja stefnu, með það fyrir augum að tryggja góða stjórnun náttúruauðlinda og umhverfismála og tryggja nægjanlega framleiðslu landbúnaðarvöru í heiminum í ljósi fólksfjölgunar.

Í ræðu sinni ræddi utanríkisráðherra neikvæð áhrif hækkunar matmælaverðs, ekki síst á frið og öryggi. Lagði hún áherslu á nauðsyn þess að tryggja aðkomu kvenna að umræðu og ákvarðanatöku um sjálfbæra þróun, um mikilvægi frjálsrar verslunar til að tryggja fæðuöryggi og ábyrgð fyrirtækja. Þá ræddi ráðherra reynslu Íslendinga af landgræðslu og nýtingu orku og sjávarauðlinda.  

Verðhækkanir á matvælum og minnkandi framboð á matvörum er mikið áhyggjuefni.Hafa leiðtogar heims miklar áhyggjur af þessum málum og telja fæðuöryggi í hættu. Er ljóst að gera verður ráðstafanir til þess að tryggja fæðuöryggi.

 

Björgvin Guðmundsson

 

 

 

Áhersla á sjálfbærni í matvælaframleiðslu

Fjármagnstekjuhluti lífeyrissjóðstekna beri 10% skatt

Í dag verða lífeyrisþegar að greiða  35,7% skatt  af lífeyrissjóðstekjum.Þó er meirihluti þessara tekna fjármagnstekjur ( ávöxtunarhlutinn).Er  talið að  67-80% af lífeyrissjóðstekjunum séu fjármagnstekjur.Af öðrum fjármagnstekjum í þjóðfélaginu er greiddur 10% fjármagnatekjuskattur.Hér er um gróflega mismunun að ræða og brot á jafnræðisreglu  (65.gr) stjórnarskrárinnar og brot á eignarréttarákvæði (72.gr.) stjórnarskrárinnar.Brýnt er að þetta misréti verði leiðrétt. Er þess að vænta að alþingi  leiðrétti þetta misrétti næsta haust.

 

Björgvin Guðmundsson

))

 

OECD:Einkaneysla dregst saman,hagvöxtur minnkar og atvinnuleysi stóreykst

Efnahags- og framfarastofnunin (OECD) spáir því að einkaneysla dragist saman um 0,9% á Íslandi í ár en 4% á næsta ári. Þetta kemur fram í nýrri skýrslu frá stofnuninni. Þar kemur fram að verðbólga verði 9,8% í ár en 6% á því næsta. Skýrslan var kynnt á blaðamannafundi í París í dag.

 

Samkvæmt skýrslu OECD mun hagvöxtur dragast saman og verða 0,4% á þessu ári og neikvæður um 0,4% á næsta ári. Samhliða mun atvinnuleysi aukast mikið að mati OECD og verða 5,7% á næsta ári.

Í skýrslunni er því spáð að hagvöxtur muni minnka hratt á Íslandi og atvinnuleysi aukast umtalsvert. Í kjölfar langs vaxtahækkunarferils hjá Seðlabanka Íslands sé útlit fyrir að verðbólga taki að minnka í ár.

Fram kemur í skýrslunni að peningamálastefna Seðlabankans eigi áfram að vera hörð til að tryggja lækkun á gengi krónunnar hafi ekki háa verðbólgu í langan tíma í för með sér.

Í skýrslunni er fjallað um gjaldeyrisskiptasamninga seðlabankans við norrænu seðlabankana og með því hafi gjaldeyrisstaða seðlabankans verið tryggð.

Vegna óöruggs ástands á alþjóðlegum fjármálamörkuðum þá sé það skynsamlegt af stjórnvöldum að auka gjaldeyrisforðann enn frekar og fylgjast náið með starfsemi bankanna með auknu bankaeftirliti.

Segir í skýrslunni að íslenskt efnahagslíf sé nátengt alþjóðlegum mörkuðum og þeirri niðursveiflu sem nú ríki á fjármálamörkuðum. Fjallað er um útrás viðskiptabankanna þriggja og þrátt fyrir að þeir eigi lítið undir hvað varðar ótrygg veðlán (sub prime loans) í Bandaríkjunum og að eiginfjárhlutfall þeirra sé gott þá séu auknar áhyggjur af aðgengi þeirra að lánsfé. Skuldatryggingaálag þeirra hafi hækkað verulega, hafi verið um 1.000 punktar í mars en sé nú 600 punktar, og því dýrt fyrir þá að fjármagna sig erlendis.

Þessi spá OECD kemur ekki á óvart. Þó er spá OECD um atvinnuleysi nokkuð há eða 5,7% á næsta ári. Það eru mikil umskipti. En landinn verður að búa sig undir breytingar á næstunni.Það er skynsamlegt að fara varlega í allri fjárfestingu og draga úr eyðslu eftir því sem það er mögulegt. Þeir sem hafa farið í 2 utanlandsferðir á ári ættu að láta eina nægja og ef til vill þarf einhvers staðar að leggja bíl eða  skipta í minni bíl.Aðalatriðið er að berja ekki hausnum við steininn.

 

Björgvin Guðmundsson

 

 

Samdrætti spáð í einkaneyslu

Lífeyrir aldraðra hefur hækkað mikið minna en verðlag.Kaupmátturinn hefur rýrnað

Lífeyrir aldraðra hækkaði um  7,4% 1.apríl sl.Innifalin í þeirri hækkun er rúmlega 3% hækkun um áramót,sem átti að vera eins konar uppbót vegna verðlagshækkana undanfarins árs. Á sama tímabili  og lífeyrir   aldraðra hefur hækkað um  7,4% hefur verðlag hækkað um 12,3%.( sl. 12 mánuði) Það vantar því tæp 5 prósentustig  upp á,að  lífeyrir aldraðra hafi hækkað jafnmikið  og verðlag.Þetta þýðir ekkert annað en það,að kaupmáttur lífeyris aldraðra hefur rýrnað stórlega.Þegar  þörf er á því að auka kaupmátt lífeyris er verið að rýra hann. Þegar þessi er staðan segja stjórnvöld,að þau hafi gert meira fyrir aldraðra  á stuttum tíma en gert hafi verið nokkru sinni fyrr. Hvaða rugl er þetta? Lífeyrir aldraðra sem hlutfall af lágmarkslaunum verkafólks hefur lækkað frá sl. ári eins og ég hefi sýnt fram á hér. Og lífeyrir aldraðra  hefur hækkað mikið minna en verðlag miðað við sl. 12 mánuði.Þarf frekar vitnanna við?

 

Björgvin Guðmundsson

 

Kjarasamningarnir reynast gagnlausir. Öll kauphækkunin rýkur út í veður og vind og mikið meira en það

Síðastliðna tólf mánuði  hefur vísitala neysluverðs hækkað um 12,3% en vísitala neysluverðs án húsnæðis um 11,4%. Undanfarna þrjá mánuði hefur vísitala neysluverðs hækkað um 6,4% sem jafngildir 28% verðbólgu á ári (32,7% fyrir vísitöluna án húsnæðis).

Vísitala neysluverðs samkvæmt útreikningi í maí 2008, sem er 304,4 stig, gildir til verðtryggingar í júlí 2008.

Laun hafa hækkað um 7,1% sl. 12 mánuði.Samkvæmt þessum tölum hefur verðlag hækkað  5,2 prósentustigum meira en laun á sl. 12 mánuðum. .En Þessar tölur segja allt sem segja þarf. Kjarasamningarnir sem gerðir voru í feb. sl. rjúka út í veður og vind og meira en það. Þeir reynast gagnslausir.Sú kauphækkun,sem launafólk samdi um var að mestu tekin af því á næstu vikum á eftir og  fer öll og  mikið meira en það.Það er því ljóst að fara verður nýjar leiðir í kjarabaráttunni.Ef semja á um kauphækkun verður að hafa vísitöluákvæði sem  segja,að ef verðlag hækki yfir ákveðnu marki þá hækki laun. En brýnast er að losna við krónuna og taka upp alvörumynt.Við getum ekki lengur haft gjaldmiðil sem erlendir spákaupmenn versla  með og  fella eða hækka að vild.

 

Björgvin Guðmundsson

Lóðum fyrir 200 millj. skilað í Úlfarsárdal

Reykjavíkurborg hefur þurft að endurgreiða um 200 milljónir króna á árinu vegna skila á lóðum sem úthlutað var í landi Úlfarsárdals við Úlfarsfell. Þetta kom fram í máli Ólafs F. Magnússonar borgarstjóra á borgarstjórnarfundi í gær.

Að sögn Ágústs Jónssonar, skrifstofustjóra á framkvæmdasviði Reykjavíkurborgar, er nokkrum lóðum skilað í viku hverri. Hann hafði ekki upplýsingar um hversu mörgum lóðum hefði verið skilað í heild en þær eru flestar undir einbýlishús og seldust á 11,1 milljón króna. Lóð fyrir íbúð í raðhúsi seldist á 7,5 milljónir kr. og fyrir íbúð í fjölbýli á 4 milljónir kr.

Tvær ástæður eru fyrir því,að mörgum lóðum hefur verið skilað. Í fyrsta lagi þóttu lóðirnar í Úlfarsárdal mjög dýrar. En í öðru lagi er nú hafið samdráttarskeið í efnahagslífinu. Allt hefur hækkað mikið vegna gengislækkunar krónunnar og bankarnir hafa nær alveg lokað fyrir útlán þannig,að það er orðið mjög erfitt fyrir verktaka og einstaklinga að fá lánsfé í bönkum. Það er líkast því sem ætllunin sé að stöðva byggingariðnaðinn alveg.

 

Björgvin Guðmundsson

 

 

Skila lóðum fyrir 200 milljónir

Obama hefur sigrað?

Barack Obama lýsti í nótt yfir sigri í baráttunni um útnefningu sem forsetaefni Demókrataflokksins í Bandaríkjunum en hann hefur tryggt sér meirihluta kjörmanna á flokksþingi demókrata í sumar. Forkosningar fóru fram í Suður-Dakóta og Montana í dag. 

„Í kvöld stend ég frammi fyrir ykkur og segi, að ég verð forsetaefni Demókrataflokksins," segir Obama í ræðu, sem hann mun flytja síðar í nótt í St. Paul í Minnesota, en úrdrætti úr henni var dreift til fjölmiðla fyrirfram.

„Í kvöld ljúkum við sögulegri ferð og hefjum aðra, ferð  sem mun færa Ameríku betri daga," sagði Obama. Hann fyrsti blökkumaðurin, sem tryggir sér útnefningu sem forsetaefni demókrata.  

Obama sagði að Hillary Rodham Clinton, keppinautur hans um útnefningu demókrata, væri leiðtogi sem veitti milljónum Bandaríkjamanna innblástur.  

Samkvæmt útreikningum CNN sjónvarpsstöðvarinnar vantaði Obama 4 kjörmenn til að tryggja sér útnefninguna. Þá kjörmenn fékk hann um leið og kjörstöðum var lokað í Suður-Dakóta því þótt útlit sé fyrir að Hillary Clinton hafi farið þar með sigur af hólmi mun Obama fá að minnsta kosti fimm kjörmenn og þar með að minnsta kosti 2119 kjörmenn á flokksþinginu. 2118 þarf til að hljóta útnefningu. 

Hillary Clinton hefur hins vegar tryggt sér 1918 kjörmenn samkvæmt útreikningum CNN. Fox sjónvarpsstöðin segir hins vegar að Obama hafi þegar tryggt sér 2129 kjörmenn og Clinton 1911. Útgönguspá Fox gerir ráð fyrir að Obama sigri í Montana.

Í ræðu sinni gagnrýndi Obama væntanlegan keppinaut sinn, John McCain, og sagði að hann hefði á síðasta ári greitt atkvæði með George W. Bush, forseta, í 95% atkvæðagreiðslna á Bandaríkjaþingi.

Hillary Clinton flutti ræðu í New York í gær og óskaði þar Obama til hamingju með góða kosningabaráttu en hún lýsti sig ekki sigraða og óskaði Obama ekki til hamningju með sigurinn. Hún sagði,að 35 millj. manna hefði tekið þátt í forkosningum demokrata og hún hefði fengið 18 millj. atkvæða en það væri mesta atkvæðamagn ,sem nokkur hefði fengið í forkosningum.Hún sagði,að rödd þessa hóps yrði að heyrast á næsta kjörtímabili. Sumir telja,að þarna hafi hún verið að  biðla eftir varaforsetaembættinu.Sagt er,að Obama vilji gera Clinton að heilbrigðisráðherra.

Enda þótt Hillary hafi ekki  lýst sig sigraðra verður ekki séð,að hún nái útnefningu héðan af. Sennilega trúir hún samt á kraftaverk á flokksþingi demokrata.Ég hefi sagt það áður,að ég sé ekki stóran mun á Hillary og  Obama sem frambjóðanda.Ég tel þó Obama reynslulítinn en hann virðist hrífa ungu kynslóðina með sér.

 

Björgvin Guðmundsson

 

Obama lýsir yfir sigri

Það kostar 30 milljónir að reka Guðmund frá OR!

Ekki var gerður starfslokasamningur við Guðmund Þóroddsson heldur samkomulag um að fara eftir ráðningarsamningi sem gerður var við hann í tíð R-listans 2002. Þar er kveðið á um 12 mánaða uppsagnarfrest, en Guðmundur hafði um 2,6 milljónir í laun eða rúmar 30 milljónir á ári. 

OR verður sem sagt að greiða Guðmundi 30 millj. kr. til þess að losna við hann. En hvers vegna var hann rekinn? Hvað gerði hann af sér? Eiga kaupendur orku frá OR ekki kröfu á því að fá að vita hvað Guðmundur gerði af sér. Ég hefi ekki heyrt neitt nefnt.Vissi Guðmundur of mikið um klúðrið? Er verið að hengja hann í stað íhaldsmannanna sem bátu raunverulega ábyrgð? Það er dýrt að láta kaupendur orku greiða 30 milljónir fyrir klúður íhaldsins í OR og REI.

Björgvin Guðmundsson
 

30 milljóna starfslok