Það taka engir á sig launalækkun 1.júlí nema aldraðir og öryrkjar!

Árni Páll Árnason, félags-og tryggingamálaráðherra, var gestur Sigurjóns Egilssonar í þættinum Á Sprengisandi í morgun. Rætt var m.a. um skerðingu lífeyris aldraðra og öryrkja.Árni Páll sagði,að skera þyrfti niður 170 milljarða á fjárlögum á 3 árum og allir yrðu að leggja eitthvað að mörkum í þeim niðurskurði.Hann kvaðst hafa lagt áherslu á það að hlífa þeim  læst launuðu,þegar tillögurnar voru samdar.Ekkert væri hreyft við lífeyri þeirra,sem hefðu engar tekjur aðarar en lífeyri almannatrygginga. Niðurskurðunni lenti fyrst og fremst á þeim sem hefðu atvinnutekjur og lífeyrissjóðstekjur.Hann kvaðst hafa haft samráð við samtök aldraðra og öryrkja og fengið frá þeim góðar ábendingar um það hvað mætti ekki gera.Hugmyndir voru uppi um að taka upp tengingu við tekjur maka á ný en frá því var horfið vegna andstöðu samtakanna. Einnig var horfið frá að fella niður heimilisuppbót.

Ekkert var rætt í útvarpsþættinum um það hvers vegna aldraðir og öryrkjar verða að ganga í vatnið á undan öðrum.Ekki var heldur rætt um það hvers vegna laun lífeyrisþega væru lækkuð  þegar laun á almennum vinnumarkaði væru hækkuð. Það taka engir á sig launalækkun í þjóðféklaginu 1,júlí nema aldraðir og öryrkjar!Þeir hafa breiðu bökin að áliti ríkisstjórnarinnar!

 

Björgvin Guðmundsson

NATO og Rússar í samstarf á ný

Atlantshafsbandalagið og Rússland hafa komið sé saman um að taka upp hernaðarsamstarf að nýju.

Rússar tilkynntu í ágúst í fyrra að þeir væru hættir hernaðarsamstarfi við NATO vegna fimm daga stríðs Rússa og Georgíu. Samkomulagið náðist á fundi utanríkisráðherra NATO-ríkjanna og Rússlands á grísku eynni Korfú í gær. Jaap de Hoop Scheffer, aðalritari NATO, sagði að hann hefði lengi stefnt að því að samstarfið kæmist á aftur áður en hann lætur af embætti í næsta mánuði. Scheffer sagði að ágreiningurinn vegna Georgíu væri enn óleystur en Rússar og NATO gætu starfað saman á öðrum sviðum svo sem hvað snertir Afganistan, fíkniefnasmygl og sjórán við Sómalíu.(ruv.is)

Það er jákvætt,að samkomulag skuli hafa náðst milli NATO og Rússa. Í rauninni er enginn ágreiningur milli þessara aðila.

Björgvin Guðmundsson

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

[e-mail]

Dragið kjaraskerðingu aldraðra til baka!

Nú eru 3 dagar þar til kjaraskerðing eldri borgara og öryrkja á að taka gildi samkvæmt frv. ríkisstjórnarinnar um ráðstafanir í ríkisfjármálum.Ríkisstjórnin verður því að draga þessa kjaraskerpðingu til baka  strax í dag eða  í fyrramálið. Ég skora á Árna Páll Árnason félags-og tryggingamálaráðherra að draga þessa kjaraskerðingu strax til baka.Hann hefur nægar ástæður til þess,t.d. þá staðreynd,að samið hefur verið um kauphækkun launþega innan ASÍ síðan frv. ríkisstjórnarinnar var lagt fram.Það eru breyttar forsendur.Það er ekki unnt að láta launalækkun aldraðra og öryrkja standa eftir að samið hefur verið um kauphækkun launþega innan ASÍ.Það er gróf mismunun, ef svo verður gert og brýtur í bága við lög um málefni aldraðra,sem segja,að aldraðir eigi að njóta jafnréttis.

Það er prófsteinn á ríkisstjórnina hvernig málefnum aldraðra og öryrkja reiðir af.Ríkisstjórnin komst til valda á þeim forsendum að hún væri félagshyggjustjórn og ætlaði að koma hér á norrænu velferðarsamfélagi.Ef hún ræðst gegn kjörum aldraðra og öryrkja og sker þau niður getur hún ekki kallast félagshyggjustjórn.

 

 

Björgvin Guðmundsson

Aldraðir og öryrkjar eru hlunnfarnir

Í kjarasamningunum,sem gerðir voru í febrúar 2008, var samið um eftirfarandi kauphækkanir: til handa þeim lægst launuðu. 18000 kr. hækkun strax við undirritun.13500 kr. hækkun  2009. 6500 kr. hækkun 2010.Auk þess skyldu laun almennt  hækka um 2,5% 1.janúar 2010.Alls var hér um 38000 kr. hækkun að ræða  á mánuði hjá þeim lægst launuðu eða 32% hækkun.Kauphækkunin við undiritun var 16% hækkun.Aldraðir fengu aðeins 7,4% hækkun,þegar launþegar fengu  16% hækkun.Það var ekki fyrr en 1.september 2008,sem lægst launuðu lífeyrisþegar fengu leiðréttingu til samræmis við launþega almennt. En þeir lægst launuðu meðal eldri borgara, sem aðeins eru með tekjur frá TR eru aðeins um 2000 talsins.Hinir fengu enga leiðréttingu.Alls eru ellilífeyrisþegar um 30 þús. talsins.  

Núverandi ríkisstjórn bætir um betur miðað við fyrri ríkisstjórnir varðandi kjör aldraðra og öryrkja.Hún lætur sér ekki nægja að hafa af lífeyrisþegum eðlilegar hækkanir á lífeyri til samræmis við hækkun lágmarkslauna  heldur gengur hún skrefi lengra og lækkar laun aldraðra og öryrkja! Þegar rætt var um launalækkun ríkisstarfsmanna sagði fjármálaráðherra,að ekki yrði hreyft við taxtalaunum.Þau yrðu ekki lækkuð. Lífeyrir aldraðra og örykja er nokkurs konar taxtalaun.Það ´á því ekki fremur að hreyfa við þeim til lækkunar en taxtalaunum opinberra starfsmanna.

Björgvin Guðmundsson

Skipaviðgerðir flytjast inn í landið

Atvinnuleysi hrjáir ekki þá sem starfa við skipaviðgerðir. Verkefni sem fóru úr landi á góðæristímanum eru núna unnin hér heima.

„Við tókum ekki þátt í fjaðrafokinu undanfarin ár og því er kreppan ekki að þjaka okkur. Undanfarið höfum við auglýst talsvert eftir fólki og ráðið nánast alla umsækjendur en okkur vantar fleira fólk," segir Hilmar Kristinsson, verkstjóri hjá Stálsmiðjunni. 

Hann segir tækifærin í skipasmíðum og -viðgerðum mikil en hins vegar vanti fjármagn. „Undanfarin ár virtust allir missa áhuga á iðnaði hér innanlands og öll framleiðsla datt niður. Flestir virtust halda að peningar yrðu bara til úr pappír. Skip voru smíðuð í útlöndum og send utan til viðgerða. Við hreinlega misstum af lestinni." (mbl.is)

Það eru ánægjulegar fréttir,að skipaviðgerðir skuli hafa flutst inn í landið á ný Þær geta aukið atvinnu og ekki veitir af í þessu mikla atvinnuleysi,sem nú hrjáir okkur.

 

Björgvin Guðmundsson.

Birgitta gagnrýnir skerðingu á kjörum aldraðra og öryrkja

Birgitta Jónsdóttir,þingmaður,skrifar m.a. eftirfarandi á heimasíðu sína:( úr ræðu á alþingi)

Hvar er ríkisstjórnin – væri ekki eðlilegt að hún væri hér að verja þennan skelfilega gjörning sem bandormurinn hennar er?

Hvar er vonin sem þjóðin þarf svo sárlega á að halda? Hana er ekki að finna í áherslum ríkisstjórnarinnar, því nú hefur hin svokallað skjaldborg umbreyst í gjaldborg.

Ég hef gefið mér tíma til að tala við þá hugrökku öryrkja sem hafa staðið vaktina fyrir utan þinghúsið. Mér finnst ljótt að bæta á áhyggjur fólks sem nú þegar berst í bökkum ofan á það að búa við heilsubrest. Mér finnst það algerlega óafsakanlegt. Þetta ágæta fólk býr við næga óvissu til að bæta þessu ekki ofan á.

Því er Hæstvirtur forsætisráðherra Jóhanna Sigurðardóttir ekki hér til að verja lagasetningu sem hrifsar það sem hún barðist fyrir með kjafti og klóm til handa öryrkjum og ellilífeyrisþegum? Getur það verið rétt, að hæstvirtur forsætisráðherra stjórni ekki landinu heldur séu öll okkar ríkisfjármál og jafnvel pólitískar áherslur runninn undan rifjum Alþjóðagjaldeyrissjóðnum? Sagt var hér fyrr í dag að það væri þekkt aðferð hjá AGS að láta hýsilinn sinn skera niður í þá hópa sem síst mega við því – það er gert til að öðlast trúverðugleika í alþjóðasamfélaginu um að þetta sé allt gert af mikilli alvöru og engum verði eirt til að tryggja stöðugleika. Er þetta eitthvað sem við viljum taka þátt í? Er þetta eitthvað sem hægt er að verja?

Ég er ekki sammála öllu ,sem Birgitta skrifar en ég get tekið undir margt. Ég skil ekki hvers vegna  þarf að skera niður laun aldraðra og öryrkja.Það er nóg annað unnt að skera niður og því hafði verið  lofað að þeim lægst launuðu yrði hlíft svo  og velferðarkerfinu. .Við það átti að standa.

 

Björgvin Guðmundsson

Ríkisstjórni brýtur lög um málefni aldraðra.Aldraðir njóta ekki jafnréttis

Í lögum um málefni aldraðra segir svo m.a.:

Við framkvæmd laganna skal þess gætt að aldraðir njóti jafnréttis á við aðra þjóðfélagsþegna og að sjálfsákvörðunarréttur þeirra sé virtur.Í stjórnarskránni eru einnig ákvæði um að ekki megi mismuna þegnunum.,

Í frumvarpi ríkisstjórnarinnar  um ríkisfjármál er farin sú leið að mismuna þegnunum.Lagt er til,að laun (lífeyrir) aldraðra verði  lækkuð þó vitað sé að á sama tíma sé verið að hækka laun á almennum vinnumarkaði.

Ríkisstjórnir Sjálfstæðisflokksins og Framsóknar lýstu því margoft yfir,að lífeyrir aldraðra ætti að hækka í takt við hækkun lágmarkslauna á almennum markaði.Hið sama hefur Samfylkingin  gert. Hún hefur margoft lýst því yfir,að lífeyrir aldraðra eigi að hækka sambærilega og laun á almennum vinnumarkaði og hún hefur viljað leiðrétta það,sem á vantaði í þessu efni á undanfarandi árum.Þrátt fyrir allt þetta er nú verið að lækka laun lífeyrisþega um leið og laun launþega almennt eru að hækka.Þetta er mismunun.Það er verið að mismuna þegnunum og það er brot ´á lögunum um málefni aldraðra og það er brot ´´a stjórnarskránni um að þegnar landsins skuli njóta jafnréttis.

Björgvin Guðmundsson

Efnahagsáætlun ríkisstjórnarinnar uppfyllir kröfur IMF

Steingrímur J Sigfússon fjármálaráðherra segir efnahagsáætlunin uppfylli kröfur alþjóðagjaldeyrissjóðsins.

„Þetta er unnið í samræmi við hans hugmyndir um hvernig þetta sé sett fram og ég treysti því að hann telji þetta fullnægjandi," sagði Steingrímur J. Sigfússon.

Enn á þó eftir að lenda Icesave málinu á Alþingi, það er, að staðfesta ríkisábyrgðina á skuldbindingum ríkissjóðs samkvæmt samningi við Hollendinga og Breta sem nú liggur fyrir. Steingrímur telur að þingmeirihluti sé fyrir málinu þótt skiptar skoðanir séu innan þingflokks VG. Jón Daníelsson hagfræðingur sagði í fréttum í gær að Alþingi ætti að fella málið því góðar líkur séu á því að betri samningur fengist nú en áður því aðstæður væru að þróast til betri vegar í Evrópu og fjármálastöðugleiki þar ekki lengur í hættu né innstæðutryggingakerfið.

„Ég er svo fullkomlega ósammála því," sagði Steingrímur. „Ég held að Jón Daníelsson hljóti að vera að tala um einhverja aðra Evrópu."

 

Björgvin Guðmundsson

Opinberir starfsmenn vilja launahækkun fyrir þá lægst launuðu

Samningaviðræður eru að byrja um laun opinberra starfsmanna. Opinberir starfsmenn vilja fá svipaðar hækkanir og ASÍ fékk. Opinberir starfsmenn vilja að laun hinna lægst launuðu hækki.

Þetta er eðlileg krafa. En er ekki jafn eðlilegt,að laun (lífeyrir) eldri borgara og öryrkja hækki sambærilega og laun lægst launuðu opinberra starfsmanna.Jú,vissulega.

 

Björgvin Guðmundsson

Eldri borgarar í Samfylkingunni mótmæla skerðingu lífeyris

Stjórn 60+,samtaka eldri borgara í Samfylkingunni mótmælir skerðingu á lífeyrir aldraðra og öryrkja,sem á að koma til framkvæmda 1.júlí n.k. Eldri boirgarar í Samfylkingunni benda á,að það sé verið að hækka laun á almennum vinnumarkaði.Samfylkingin hafi alltaf talið að laun eldri borgara og öryrkja ættu að fylgja launaþróun á almennum markaði og Samfylkingin gagnrýndi íhald og Framsókn harðlega þegar svo var ekki gert á valdatímabili þessara flokka.Það skýtur því skökku við,að nú skuli Samfylkingin skerða laun eldri borgara og öryrkja um leið og kaup launþega hækkar.Krafan er þessi: Ríkisstjórnin falli frá þessari kjaraskerðingu.

 

Björgvin Guðmundsson