Raddir fólksins mótmæla á Austurvelli í dag

Samtökin Raddir fólksins hafa boðað til útifundar á Austurvelli í dag klukkan þrjú en þetta er 31. fundurinn á Austurvelli undir merkjum samtakanna.

Fundurinn er boðaður til að mótmæla Icesave samkomulaginu og sinnuleysi stjórnvalda í málefnum heimila og fyrirtækja - eins og segir í tilkynningu frá samtökunum. Þá verður þess krafist að réttað verði tafarlaust yfir hvítflibbaglæpamönnum.

Fjórir taka til máls á fundinum þar á meðal Helgi Áss Grétarsson, lögfræðingur og Guðmundur Magnússon, varaformaður Öryrkjabandalagsins.

Fundarstjóri verður Hörður Torfason.

 

Björgvin Guðmundsson

Fellur ríkisstjórnin vegna Ice save?

Örlög ríkisstjórnarinnar ráðast í næstu viku,þegar Ice save málið verður gert upp á þingi.Sjálfstæðisflokkurinn og Framsókn ætla að greiða atkvæði gegn ríkisábyrgð vegna Ice save.Það þýðir að ríkisstjórnin getur aðeins treyst á eigin þingmenn. En nokkrir af þingmönnum VG eru andvígir Ice save.Og ef þeir halda við andstöðu sína þá fellur Ice save samkomulagið.Spurningin er sú hvort ríkisstjórnin fellur þá einnig.Steingrímur J.Sigfússon fjármálaráðherra segist bera ábyrgð á samkomulaginu um Ice save og gefur í skyn,að stjórnin falli ef Ice save fellur.Hvort svo verður veit enginn fyrr en búið er að afgreiða Ice save málið. En það yrði algert vantraust á fjármálaráðherra og forsætisráðherra,ef Ice save samkomulagið verður fellt. Það mundi óhjákvæmilega hafa pólitískar afleiðingar.

 

Björgvin Guðmundsson

Miklar lántökur ríkisins

Meirihluti efnahags- og skattanefnda Alþingis hefur lagt fram frumvarp á Alþingi um að ríkissjóður fái heimild að taka jafnvirði 290 milljarða króna lán til viðbótar þeim 660 milljörðum, sem gert er ráð fyrir í fjárlögum ársins. Einnig gerir frumvarp nefndarinnar ráð fyrir því að Landsvirkjun fái heimild til að taka 50 milljarða króna að láni. 

Alls er nú gert ráð fyrir að ríkissjóður þurfi að taka 950 milljarða króna að láni á þessu ári. Gert er ráð fyrir að taka þurfi 385 milljarða króna lán vegna endurfjármögnun nýju bankanna og 250 milljarða með útgáfu ríkisverðbréfa til að styrkja viðskipti á innlendum fjármálamarkaði. Þá er gert ráð fyrir að Norðurlöndin láni Íslandi jafnvirði 230.000 milljarða króna og Pólland og Rússland  85 milljarða.

Frumvarp meirihluta efnahags- og skattanefndar gerir ráð fyrir að Landsvirkjun fái heimild til að taka allt að 50 milljarða króna lán á árinu í viðbót við þá 20 milljarða króna, sem fjárlög gera ráð fyrir. Sé það í samræmi við yfirlýsingar fyrirtækisins um að 65–70 milljarða króna þurfi á yfirstandandi ári til að mæta endurfjármögnunarþörf fyrirtækisins og til að geta ráðist í nýjar virkjunarframkvæmdir. (mbl.is)

Þeta eru gífurlegar lántökur.En það hefur alltaf legið fyrir,að  leggja þyrfti bönkunum fé til endurfjármögnunar.Lánin frá Norðurlöndum,Póllandi og Rússlandi hafa einnig verið í pípunum.

 

Björgvin Guðmundsson 

 

Ætlunin að hjálpa frekar skuldsettum heimilum

Hugmyndir eru uppi á borðinu varðandi frekari aðgerðir vegna skuldsettra heimila. Of mörg heimili illa sett samkvæmt skýrslu Seðlabanka.

Jóhanna Sigurðardóttir, forsætisráðherra, segir frá því í viðtali við Fréttastofu Ríkisútvarpsins að ætlað sé að grípa til frekari aðgerða vegna skuldsettra heimila. 

Hún sagði að þótt það væri ekki tilgreint nákvæmlega í nýjum stöðugleikasáttmála þá væru allir aðilar sem að honum kæmu staðráðnir í að skoða verst stöddu heimilin.(mbl.is)

 

Ég fagna því,að ætlunin sé að gera frekari ráðstafanir fyrir skuldsett heimili. Það eru mörg heimili í vandræðum af þeim sökum en hafa þó þraukað og reynt að halda lánum sínum í skilum þó erfitt væri.Það þarf einnig að hjálpa þessum aðilum.

 

Björgvin Guðmundsson

 

Til baka

Árni Páll heldur fast við að lækka laun eldri borgara og öryrkja

Ríkisstjórnin kallaði eftir niðurskurðartillögum hinna ýmsu ráðherra.Fyrstur til þess að svara kallinu var Árni Páll Árnason félags-og tryggingamálaráðherra.Hann lagði fram tillögur  um að skera niður hjá almannatryggingum strax  1.júlí um 3,1 milljarð á þessu ári,þar af átti að skera niður laun aldraðra og öryrkja um 1,8 milljarð. Aðrir ráðherrar  bíða til næsta árs með niðurskurð.Samgönguráðherrann lagði að vísu fram tillögur um 3,5 milljarða lækkun vegaframkvæmda.Hann sagði hins vegar í blaðaviðtali,að ekkert væri ákveðið hvort eða hvernig sá niðurskurður kæmi niður.Það eina,sem er fast í hendi er niðurskurður aldraðra og öryrkja.Þeir eiga að draga vagninn á þessu ári.Það er engu líkara en 1,8 milljarða niðurskurður   hjá öldruðum og öryrkjum skipti sköpum.

Ég segi: Þessir 1,8 milljarðar skipta litlu sem engu í þeirri hít,sem um er að ræða.En þeir koma þungt niður á eldri borgurum og öryrkjum.Dragið þessa kjaraskerðingu til baka. Það er ranglátt að byrja á því að skerða kjör aldraðra og öryrkja.Það er lágmark að þeir sitji við sama borð og aðrir.Sennilega er það brot á stjórnarskránni að mismuna þegnum landsins eins og hér er gert:Öryrkjar og aldraðir eru teknir út úr og laun þeirra lækkuð. Kaup launafólks á almennum vinnumarkaði er hækkað.Hvers vegna er þegnum landsins þannig mismunað.

Samtök aldraðra og öryrkja hafa farið þess á leit við Árna Pál ráðherra að kjaraskerðingin verði dregin til baka.En hann hefur bitið  í sig  að lækka laun lífeyrisþega.Það er ekkert tillit tekið til sjónarmiða hagsmunasamtakanna.Samráðið var aðeins til málamynda.Það er hlustað en ekkert tillit tekið til þeirra sjónamiða,sem hlustað er á. Þettu eru sömu vinnubrögðin og áður.

 

Björgvin Guðmundsson

 

Björgvin Guðmundsson

 

 

Rætt um skerðingu lífeyris aldraðra og öryrkja á alþingi

Frumvarp ríkisstjórnarinnar um ráðstafanir í ríkisfjármálum var rætt á alþingi í dag en þar er m.a. að finna tillögur um niðurskurð á lífeyri aldraðra og öryrkja.Helgi Hjörvar gerði grein fyrir áliti nefndar þeirrar,sem haft hafði frumvarpið til meðferðar. Stjórnarandstaðan gagnrýndi skattahækkanir og virtist telja,að niðurskurður ætti að vera meiri.Þó gagnrýndi hún niðurskurð almannatrygginga.Sigríður Ingadóttir, Samfylkingu, sagði að fulltrúar samtaka aldraðra og öryrkja hefðu komið á fund nefndarinnar og  sagt,að þeir  hefðu skilning á nauðsyn niðurskurðar en þeir vildu ekki að eldri borgarar og öryrkjar þyrftu að leggja meira af mörkum en aðrir.

En svo virðist vera  að aldraðir og öryrkjar eigi að leggja meira fram en aðrir. Og það er fyrr gengið að  öldruðum og öryrkjum en öðrum.T.d. verða engir aðrir en aldraðir og öryrkjar að sæta niðurskurði strax 1.júli enda þótt þessi hópar hafi sætt 5 milljarða kjaraskerðingu um sl. áramót. Þetta er ranglæti og þetta er ekki að láta eitt yfir alla ganga.ASÍ  (launþegar) fær kauphækkun,öryrkjar oig aldraðir fá launalækkun.

 

Björgvin Guðmundsson

 

Björgvin Guðmundsson

Steingrímur J.: Allt veltur á Ice save

Icesave-málið var ekki á dagskrá ríkisstjórnarinnar í dag og það fer ekki  fyrir ríkisstjórn fyrr en í næstu viku. Steingrímur J. Sigfússon segir málið ekki tilbúið, en beðið er þýðinga og frekari álita frá lögfræðingum.

Hann vonast til að málið fáist afgreitt fyrir sumarfrí þingsins en mörg stór mál bíði í endurreisnarstarfinu. Ekki fáist lán erlendis frá nema Icesave ábyrgðirnar nái í gegn. Öll þessi mál verði að skoða í samhengi, ef einn þáttur í endurreisnarstarfinu strandi, þá strandi allir hinir.

Hann segir að hlutskipti þeirra sem taki við verði ekki öfundsvert ef málið verði fellt.  Hann segist telja að þegar menn hafi skoðað gögnin þá komist þeir að sömu niðurstöðu. Hann trúi því að málið fari í gegn. Hann sé ráðherra  í ríkisstjórn sem styðjist við meirihluta á Alþingi. Hann sé að leysa verkefni sem honum hafi verið falið eins vel og honum sé unnt. ,, Ég teldi það yfirgengilegt ábyrgðarleysi, “segir Steingrímur,  ,,ef Sjálfstæðismenn afneituðu öllu sem þeir bera á ábyrgð á í þessu máli.”

Hann segir að réttast væri að spyrja kappana, Bjarna Benediktsson og Sigmund Davíð Gunnlaugsson hvaða leiðir þeir vildu fara. Hvað þeir hafi planað fyrir Ísland ef þeir ætli að stranda þessu öllu.

Enn er andstaða við frumvarpið innan þingflokks VG og fullyrt er að ríkisstjórnin sé fallin nái það ekki í gegn. Aðspurður um hvort ríkisstjórnin og formennska hans sjálfs í Vinstri grænum sé að veði í þessu máli, svarar hann því til að hann ætli ekki út í neinar getgátur og hann ætli ekki að stilla neinum upp við vegg.(mbl.is)

Menn velta því fyrir sér hvort stjórnin falli ef Ice save ábyrgðin verður ekki samþykkt.Stjórnskipulega séð  þarf ríkisstjórnin ekki að segja af sér af þeim sökum.En það er hugsanlegt að forsætisráðherra eða fjármálaráðherra vilji ekki sitja í stjórn eftir að mál þetta hefði fallið.;Mér þykir þó líklegt, að stjórnin sitji áfram og reyni frekari samninga um Ice save .ef málið fellur nú.

 

Björgvin Guðmundsson

 

 

Björgvin Guðmundsson

 

 

Öryrkjar og eldri borgarar mótmæla á alþingi

Formaður öryrkjabandalagsins hvetur öryrkja og ellilífeyrisþega til að fjölmenna á palla alþingis í dag þegar frumvarp til laga um ráðstafanir í ríkisfjármálum verður tekið fyrir. Hann furðar sig á að ekki sé staðinn vörður um þá sem minnstar tekjurnar hafa.

Í frumvarpinu er kveðið á um niðurskurð í almannatryggingakerfinu. Rúmlega 1100 ellilífeyrisþegar verða fyrir tekjuskerðingu þegar frítekjumark launatekna verður lækkað í tæp 500  þúsund krónur og tekjur tæplega 30 þúsund öryrkja og ellilífeyrisþega lækka til muna með breyttu fyrirkomulagi tekjutengingar á lífeyri.

Halldór Sævar Guðbergsson er formaður öryrkjabandalagsins. Hann segir öryrkja og ellilífeyrisþega ætla að fjölmenna á Alþingis pallana í dag til þess að mótmæla þeim skerðingum sem fyrirhugaðar eru á almannatryggingakerfinu.

Halldór segist afar ósáttur við það hve mikið eigi að taka af öryrkjum og ellilífeyrisþegum á sama tíma og ríkisstjórnin hafi boðað að hún ætli að vernda lágtekju og millitekjufólk og heimilin í landinu, spurningin sé hvort heimili öryrkja og ellilífeyrirþega séu öðruvísi en önnur heimili í landinu.

 

Björgvin Guðmundsson

 

Hörð atlaga að kjörum öryrkja

Öryrkjabandalag Íslands hefur sent frá sér eftirfarandi ályktun:

ÖBÍ mótmælir að ráðist sé á almannatryggingakerfið með þeim hætti sem kemur fram í frumvarpinu. Þær breytingar sem eru lagðar til munu skerða bætur almannatrygginga til örorku- og ellilífeyrisþega. Þá munu þessar breytingar á bótum leiða til, í mörgun tilvikum, að fólk missi ákveðin réttindi sem það hefur í dag. Margir munu því verða fyrir skerðingum sem eru hlutfallslega meiri en fyrirhugaður hátekjuskattur. Væntanlegar skerðingar á bótum valda miklum vonbrigðum sérstaklega þegar haft er í huga að ríkisstjórnin hefur lýst því yfir að hún muni verja kjör þeirra sem verst eru settir og tekið hefur verið sérstaklega fram að ekki skuli skerða heildarlaun sem eru lægri en 400.000 kr. á mánuði. Í þeim breytingum sem stefnt er að gera á bótum almannatrygginga hefst skerðingin strax við tæpar kr. 160.000 á mánuði fyrir þá sem búa með öðrum og fyrir þá sem búa einir hefst skerðingin við rúmar kr. 180.000 (sjá myndir .

 Forsvarsmenn Öryrkjabandalags Íslands átta sig fullvel á þeim erfiðleikum sem blasa við þjóðinni um þessar mundir. Hins vegar er engan veginn hægt að sætta sig við að öryrkjar og ellilífeyrisþegar séu settir út fyrir sviga. Öryrkjar og ellilífeyrisþegar reka heimili og eru með skuldbindingar eins og aðrir landsmenn og geta því ekki tekið á sig umfram byrðir borið saman við aðra vegna fjármálakreppunnar. ÖBÍ vill einnig benda á það siðleysi sem felst í því að skerða bætur almannatrygginga með einungis nokkurra daga fyrirvara, sér í lagi þegar haft er í huga, að þeir sem treysta á greiðslur úr almannatryggingakerfinu er að jafnaði fólk með lágar tekjur.  ÖBÍ vill benda á að tekjur örorkulífeyrisþega eru mjög lágar hjá þeim sem eru einvörðungu með bætur almannatrygginga sérstaklega þegar haft er í huga að um lífsviðurværi fólks er að ræða, oft á tíðum til margra ára og hjá stórum hópi fólks allt lífið. Einstaklingur sem býr einn og er einungis með bætur almannatrygginga er með kr. 180.000 á mánuði og fær útborgað eftir skatt kr. 155.245. Fólk sem býr með öðrum og er einungis með bætur almannatrygginga er með kr. 153.500 sem er kr. 138.603 eftir skatt. Fólk með örorkumat er með skerta starfsorku og með hærri útgjöld að jafnaði en meginþorri almennings í landinu vegna lyfja- og lækniskostnaðar, sjúkra- og iðjuþjálfunar o.fl. Þessi útgjöld hafa verið að hækka á undanförnum mánuðum. Jafnframt er minnt á að elli- og örorkulífeyrisþegar urðu fyrir allt að 10% skerðingum á bótum almannatrygginga í janúar sl. Þá hafa nokkrir lífeyrissjóðir tilkynnt lækkun á greiðslum til lífeyrisþega í kjölfar bankahrunsins. Því er það mjög alvarlegt þegar örorkulífeyrisþegar verða fyrir skerðingum eins og nú er lagt til að taki gildi þann 1. júlí nk. 

Auknar skerðingar á bótaflokkum í lögum um almannatryggingar nr. 100/2007.

Ljóst er að með ýmsu móti er verið að breyta skerðingarákvæði almannatrygginga á einstökum bótaflokkum sem veldur því að bætur skerðast meira og fyrr en áður. Sem dæmi þá er gert ráð fyrir að aldurstengda örorkuuppbótin skerðist hlutfallslega meira en áður og það á einnig við um tekjutrygginguna (sbr. 14. og 15. gr. frumvarpsins). Slíkar skerðingar munu hafa veruleg áhrif á afkomu þeirra sem treysta á bætur almannatrygginga.

 Viðbótarskerðingar á réttindum.

 Auknar skerðingar munu leiða til þess að fólk missir, í auknum mæli, ákveðna bótaflokka. Þegar fólk missir t.d. grunnlífeyrinn skerðast ákveðin réttindi sem geta verið nauðsynleg vegna fötlunar eða sjúkdóms viðkomandi. Sem dæmi getur hlutdeild í kostnaðarþátttöku sjúklinga aukist talsvert hvað varðar sjúkra-, iðju- og talþjálfun og tannlækningar. Á það einnig við um tekjutryggingu og heimilisuppbót sem skerðast jafnhliða. Þegar þessir bótaflokkar falla niður lækkar endurgreiðsla tannlæknakostnaðar úr 75% í 50% miðað við gjaldskrá heilbrigðisráðherra. Ef grunnlífeyrinn fellur niður missir fólk endurgreiðsluna að fullu. Eins og kemur hér að ofan getur fólk orðið fyrir viðbótarskerðingum ef frumvarpið verður samþykkt óbreytt og fólk mun þá eiga talsvert erfiðara með að fá þá þjónustu sem það þarf á að halda. Nauðsynlegt er að breyta reglugerðum til að fyrirbyggja óafturkræfum skaða á heilsu fólks.

 Athugasemdir við 14. gr. frumvarpsins.

Í 14. gr. frumvarpsins lið c) kemur fram að örorkulífeyrisþegar skulu hafa kr. 300.000 frítekjumark á ári vegna atvinnutekna við útreikning tekjutryggingar. Vert er að geta þess að frítekjumarkið er í raun 1.315.200 kr. á ári sem er ákvæði til bráðabyrgða sem gildir til loka árs 2009. Mikilvægt er að setja inn í lögin núgildandi frítekjumark til að koma í veg fyrir að það falli úr gildi um næstu áramót. Önnur leið er að framlengja það tímabundið í þrjú ár eða þar til að nýtt örorkumat tekur gildi sem stjórnvöld hafa boðað.  Í 14. gr. lið d) segir til um að skyldubundnar atvinnutengdar lífeyrisgreiðslur skerða grunnlífeyrinn og fellur hann alveg niður við ákveðin tekjumörk. Er það í fyrsta skipti í sögunni sem slíkt gerist. Skerðing vegna þessarar breytingar nemur á bilinu 0,1 – 7,7% af heildartekjum örorkuþegans í þeim dæmum sem eru sýnd í myndum I og 2 í fylgiskjali en ef horft er eingöngu á bætur almannatrygginga er skerðingin á bilinu 0,1 – 76%. Þegar lífeyrisgreiðslur eru komnar í kr. 331.778 á mánuði fellur grunnlífeyrinn alveg niður og skerðingin er þá 100%. 

 Athugasemd við 30. gr. frumvarpsins lið V, í XVI KAFLA.

Í 30. gr. frumvarpsins er gert ráð fyrir að auka skerðingarhlutfall tekjutryggingar úr 38.5% í 45% vegna tekna. Þeirri skerðingu er mótmælt þar sem margir munu lækka í tekjum vegna þess. Þá er um að ræða ákvæði til bráðabyrgða frá 1. júlí 2009 til og með 31. desember 2013 sem er samtals 41/2 ár. Þessi tími telur ÖBÍ of langur. Samkvæmt samtölum við félags- og tryggingamálaráðherra hefur komið fram vilji hans að ákvæðið eigi ekki að gilda lengur en í þrjú ár.

ÖBÍ mótmælir harðlega þeim skerðingum á almannatryggingum sem lagðar eru til að taki gildi þann 1. júlí nk. Fyrirhugaðar skerðingar eru umtalsverðar og hlutfallslega meiri en lagðar eru á meginþorra almennings í landinu. 

ÖBÍ hvetur alþingismenn til þess að standa vörð um velferð fólks. Hvar er hugmyndafræðin um velferðarkerfi að hætti norðurlanda? Þess er krafist að alþingi dragi tilbaka fyrirhugaðar skerðingar á almannatryggingakerfinu og leiti annarra leiða til að ná fram sparnaði í ríkisfjármálum.

Ég tek undir hvert orð í ályktun Öbi.

Björgvin Guðmundsson     

                

Hörð atlaga að kjörum öryrkja!

Öbi hefur sent frá sér eftirfarandi ályktun:

Öryrkjabandalag ÍslandsÍ mótmælir að ráðist sé á almannatryggingakerfið með þeim hætti sem kemur fram í frumvarpi ríkisstjórnarinnar.. Þær breytingar sem eru lagðar til munu skerða bætur almannatrygginga til örorku- og ellilífeyrisþega. Þá munu þessar breytingar á bótum leiða til, í mörgun tilvikum, að fólk missi ákveðin réttindi sem það hefur í dag. Margir munu því verða fyrir skerðingum sem eru hlutfallslega meiri en fyrirhugaður hátekjuskattur. Væntanlegar skerðingar á bótum valda miklum vonbrigðum sérstaklega þegar haft er í huga að ríkisstjórnin hefur lýst því yfir að hún muni verja kjör þeirra sem verst eru settir og tekið hefur verið sérstaklega fram að ekki skuli skerða heildarlaun sem eru lægri en 400.000 kr. á mánuði. Í þeim breytingum sem stefnt er að gera á bótum almannatrygginga hefst skerðingin strax við tæpar kr. 160.000 á mánuði fyrir þá sem búa með öðrum og fyrir þá sem búa einir hefst skerðingin við rúmar kr. 180.000 (sjá myndir 1. og 2. í fylgiskjali). Forsvarsmenn Öryrkjabandalags Íslands átta sig fullvel á þeim erfiðleikum sem blasa við þjóðinni um þessar mundir. Hins vegar er engan veginn hægt að sætta sig við að öryrkjar og ellilífeyrisþegar séu settir út fyrir sviga. Öryrkjar og ellilífeyrisþegar reka heimili og eru með skuldbindingar eins og aðrir landsmenn og geta því ekki tekið á sig umfram byrðir borið saman við aðra vegna fjármálakreppunnar. ÖBÍ vill einnig benda á það siðleysi sem felst í því að skerða bætur almannatrygginga með einungis nokkurra daga fyrirvara, sér í lagi þegar haft er í huga, að þeir sem treysta á greiðslur úr almannatryggingakerfinu er að jafnaði fólk með lágar tekjur.  ÖBÍ vill benda á að tekjur örorkulífeyrisþega eru mjög lágar hjá þeim sem eru einvörðungu með bætur almannatrygginga sérstaklega þegar haft er í huga að um lífsviðurværi fólks er að ræða, oft á tíðum til margra ára og hjá stórum hópi fólks allt lífið. Einstaklingur sem býr einn og er einungis með bætur almannatrygginga er með kr. 180.000 á mánuði og fær útborgað eftir skatt kr. 155.245. Fólk sem býr með öðrum og er einungis með bætur almannatrygginga er með kr. 153.500 sem er kr. 138.603 eftir skatt. Fólk með örorkumat er með skerta starfsorku og með hærri útgjöld að jafnaði en meginþorri almennings í landinu vegna lyfja- og lækniskostnaðar, sjúkra- og iðjuþjálfunar o.fl. Þessi útgjöld hafa verið að hækka á undanförnum mánuðum. Jafnframt er minnt á að elli- og örorkulífeyrisþegar urðu fyrir allt að 10% skerðingum á bótum almannatrygginga í janúar sl. Þá hafa nokkrir lífeyrissjóðir tilkynnt lækkun á greiðslum til lífeyrisþega í kjölfar bankahrunsins. Því er það mjög alvarlegt þegar örorkulífeyrisþegar verða fyrir skerðingum eins og nú er lagt til að taki gildi þann 1. júlí nk. Ljóst er að með ýmsu móti er verið að breyta skerðingarákvæði almannatrygginga á einstökum bótaflokkum sem veldur því að bætur skerðast meira og fyrr en áður. Sem dæmi þá er gert ráð fyrir að aldurstengda örorkuuppbótin skerðist hlutfallslega meira en áður og það á einnig við um tekjutrygginguna (sbr. 14. og 15. gr. frumvarpsins). Slíkar skerðingar munu hafa veruleg áhrif á afkomu þeirra sem treysta á bætur almannatrygginga. Auknar skerðingar munu leiða til þess að fólk missir, í auknum mæli, ákveðna bótaflokka. Þegar fólk missir t.d. grunnlífeyrinn skerðast ákveðin réttindi sem geta verið nauðsynleg vegna fötlunar eða sjúkdóms viðkomandi. Sem dæmi getur hlutdeild í kostnaðarþátttöku sjúklinga aukist talsvert hvað varðar sjúkra-, iðju- og talþjálfun og tannlækningar. Á það einnig við um tekjutryggingu og heimilisuppbót sem skerðast jafnhliða. Þegar þessir bótaflokkar falla niður lækkar endurgreiðsla tannlæknakostnaðar úr 75% í 50% miðað við gjaldskrá heilbrigðisráðherra. Ef grunnlífeyrinn fellur niður missir fólk endurgreiðsluna að fullu. Eins og kemur hér að ofan getur fólk orðið fyrir viðbótarskerðingum ef frumvarpið verður samþykkt óbreytt og fólk mun þá eiga talsvert erfiðara með að fá þá þjónustu sem það þarf á að halda. Nauðsynlegt er að breyta reglugerðum til að fyrirbyggja óafturkræfum skaða á heilsu fólks. Í 14. gr. frumvarpsins lið c) kemur fram að örorkulífeyrisþegar skulu hafa kr. 300.000 frítekjumark á ári vegna atvinnutekna við útreikning tekjutryggingar. Vert er að geta þess að frítekjumarkið er í raun 1.315.200 kr. á ári sem er ákvæði til bráðabirgða sem gildir til loka árs 2009. Mikilvægt er að setja inn í lögin núgildandi frítekjumark til að koma í veg fyrir að það falli úr gildi um næstu áramót. Önnur leið er að framlengja það tímabundið í þrjú ár eða þar til að nýtt örorkumat tekur gildi sem stjórnvöld hafa boðað.  Í 14. gr. lið d) segir til um að skyldubundnar atvinnutengdar lífeyrisgreiðslur skerða grunnlífeyrinn og fellur hann alveg niður við ákveðin tekjumörk. Er það í fyrsta skipti í sögunni sem slíkt gerist. Skerðing vegna þessarar breytingar nemur á bilinu 0,1 – 7,7% af heildartekjum örorkuþegans í þeim dæmum sem eru sýnd í myndum I og 2 í fylgiskjali en ef horft er eingöngu á bætur almannatrygginga er skerðingin á bilinu 0,1 – 76%. Þegar lífeyrisgreiðslur eru komnar í kr. 331.778 á mánuði fellur grunnlífeyrinn alveg niður og skerðingin er þá 100%.  Í 30. gr. frumvarpsins er gert ráð fyrir að auka skerðingarhlutfall tekjutryggingar úr 38.5% í 45% vegna tekna. Þeirri skerðingu er mótmælt þar sem margir munu lækka í tekjum vegna þess. Þá er um að ræða ákvæði til bráðabyrgða frá 1. júlí 2009 til og með 31. desember 2013 sem er samtals 41/2 ár. Þessi tími telur ÖBÍ of langan. Samkvæmt samtölum við félags- og tryggingamálaráðherra hefur komið fram vilji hans að ákvæðið eigi ekki að gilda lengur en í þrjú ár.  OBÍ mótmælir harðlega þeim skerðingum á almannatryggingum sem lagðar eru til að taki gildi þann 1. júlí nk. Fyrirhugaðar skerðingar eru umtalsverðar og hlutfallslega meiri en lagðar eru á meginþorra almennings í landinu. 

ÖBÍ hvetur alþingismenn til þess að standa vörð um velferð fólks. Hvar er hugmyndafræðin um velferðarkerfi að hætti norðurlanda? Þess er krafist að alþingi dragi tilbaka fyrirhugaðar skerðingar á almannatryggingakerfinu og leiti annarra leiða til að ná fram sparnaði í ríkisfjármálum.

Ég tek undir hvert orð í ályktun  Öbi.

Björgvin Guðmundsson.    Virðingarfyllst, f.h. ÖBÍ,  _________________________                            _________________________Halldór Sævar Guðbergsson,                                  Lilja Þorgeirsdóttir,formaður.                                                                    framkvæmdastjóri.