35% launþega hafa sætt einhverri kjaraskerðingu

Ríflega þriðjungur eða 35% þeirra sem eru í launaðri vinnu hafa lent í því að laun eða starfshlutfall hefur verið skert frá hruni bankanna í október. Frá þessu er greint á heimasíðu ASÍ en Capacent Gallup gerði könnun á þessu fyrir sambandið í júní. Þar kemur í ljós að flestir, eða rúmlega 18 prósent hafa lent í launalækkun, hjá 9 prósentum hefur vinnutími verið styttur og 8 prósent hafa orðið fyrir annarskonar skerðingu. Í samskonar könnun sem gerð var í desember 2008 var hlutfallið mun lægra en þá höfðu 21 prósent launafólks orðið fyrir slíkri skerðingu.

Þegar svörin eru skoðuð nánar kemur í ljós að mun fleiri karlar en konur hafa lent í skerðingu launa og/eða starfshlutfalls og þá vekur athygli að 40 prósent iðnaðarmanna hafa orðið fyrir því að laun hafa verið lækkuð eða vinnutími styttur. „Þá hafa þeir sem eru með laun yfir 550 þúsund á mánuði frekar lent í launalækkun en þeir sem hafa lægri laun."

Könnunin leiðir einnig í ljós að töluvert hafi dregið úr óvissu á meðal launafólks en þegar spurt var hvort fólk teldi sig í öruggri vinnu svöruðu 77 prósent því játandi en 23 prósent töldu líkur á því að viðkomandi gæti orðið atvinnulaus. „Sama spurning var borin upp í könnunum í október og desember 2008. Í október töldu 69 prósent sig vera í öruggri vinnu en 31 prósent óttuðust atvinnumissi en í desember hafði þeim fjölgað í 76 prósent sem töldu sig í tryggri vinnu en 24 prósent óttuðust að missa hana.

„Þróunin er því sú að eftir mikið óvissu ástand sl. haust eru sífellt fleiri sem telja sig í öruggu starfi, þó vissulega sé það alvarlega staða að tæplega fjórði hver launamaður telji raunhæfar líkur á að hann geti misst vinnuna. Þarna skera iðnaðarmenn sig einnig úr en 40 prósent þeirra sem enn eru í vinnu óttast atvinnumissi," segir í fréttinni á heimasíðu ASÍ.(visier.is)

Þetta sýnir,að kreppan tekur drjúgan toll. Og ekki eru öll kurl komin til grafar enn.  Veturinn verður  áreiðanlega mörgum erfiður.

 

Björgvin Guðmundsson

 

 

•  
  •  

 

•  
  •  

•  
  •  

Er verið að eyðileggja almannatryggingarnar á Íslandi?

Er verið að eyðileggja almannatryggingarnar á Íslandi? Þessi spurning kemur upp í hugann,þegar grunnlífeyrir  er  afnuminn hjá miklum fjölda fólks  og lífeyrir aldraðra og öryrkja er skertur.Þegar almannatryggingar voru lögfestar hér að kröfu Alþýðuflokksins í tíð nýsköpunarstjórnarinnar var ákveðið að setja á fót svo fullkomnar almannatryggingar   hér að Ísland yrði í  fremstu röð nágrannaþjóða á þessu sviði.Undafarin ár  hefur Ísland stöðugt verið að dragast aftur úr hinum Norðurlöndunum á sviði almannatrygginga.Lífeyrir aldraðra og öryrkja  er lægstur hér á öllum Norðurlöndunum.Um þverbak keyrði 1.júlí  sl. þegar ríkisstjórnin skar niður lífeyri aldraðra og öryrkja.Það verður strax að leiðrétta þá ráðstöfun.Jafnframt þarf að  veita lífeyrisþegum sömu launahækkun og verkafólk fékk 1.júlí,  fær 1.nóvember og á næsta ári.

 

Björgvin Guðmundsson

Ekki þjóðaratkvæði um Ice save

Það er mikill léttir,að alþingi skuli búið að afgreiða Ice save málið.Það var búið að taka langan tíma og skapa miklar deilur í þjóðfélaginu.Nú þarf að snúa sér að öðrum málum svo sem fjárhagsvanda heimilanna.Það væri því  ekki farsælt að setja málið í þjóðaratkvæðagreiðslu sem mundi kljúfa þjóðina tvennt og skapa miklar deilur á ný. Þjóðin þarf ekki á því að halda núna.

 

Björgvin Guðmundsson

VG vill,að fjármagnstekjur verði skattlagðar eins og laun

Flokksráð Vinstrihreyfingarinnar - græns framboðs hvetur þingflokk VG til að hafa í huga við gerð fjárlaga fyrir næsta ár, að auknar álögur verði fyrst og fremst lagðar á þann hluta samfélagsins sem standi undir frekari álögum.

Nefnir flokksráðið stighækkandi hátekjuskatt, þrepaskiptan stóreignar- og erfðaskatt og skattlagningu fjármagnstekna til jafns við launatekjur. Þá verði höfuðáhersla lögð á að verja grunnstoðir velferðarkerfisins og að niðurskurður auki ekki atvinnuleysi.

Þetta kemur fram í ályktun, sem samþykkt var á flokksstjórnarfundi VG á Hvolsvelli í dag. Þar er einnig hvatt til þess að kynjaðri hagstjórn verði beitt svo kvennastörfum í velferðarkerfinu verði ekki fórnað til að skapa karlastörf með verklegum framkvæmdum.

Þá vill flokksráðið að sala á ríkisfyrirtækjum verði ekki notuð til að hylja halla á ríkissjóði eins og gert var í tíð fyrri ríkisstjórna og að fyrir liggi og kynnt almenningi hvaða fyrirmæli eða rammi liggur fyrir frá Alþjóða gjaldeyrissjóðnum og hvaða afstöðu þingflokkurinn hefur til þeirra skilyrða.

Loks hvetur flokksráðið til að tekið verði tillit til byggðarlaga sem á góðæristímanum bjuggu við neikvæðan hagvöxt og mikla fólksfækkun við óhjákvæmilegan niðurskurð ríkisútgjalda.(mbl.is)

Ég tel vel koma til grein að skattleggja fjármagnstekjur eins og laun en þá verður að vera frítekjumark,t.d. 5 millj. eða eitthvað hærra skattfrjálst eða með lágum skatti.Það má ekki skattleggja lítið sparifé almennins upp úr öllu valdi.

 

Björgvin Guðmundsson

 

Mikill afgangur á vöruskiptajöfnuði

Afgangur af vöruskiptum fyrstu sjö mánuði ársins nam 39,8 milljörðum króna en á sama tímabili árið 2008 voru vöruskiptin óhagstæð um 71,3 milljarða króna á sama gengi. Vöruskiptajöfnuðurinn var því 111,1 milljarði króna hagstæðari en á sama tíma árið áður.

Hagstofan birti í morgun endanlegar tölur um vöruskiptin í júlí en þá voru fluttar út vörur fyrir 41,7 milljarða króna og inn fyrir tæpa 34,9 milljarða króna. Er þetta í samræmi við bráðabirgðatölur, sem birtar voru í byrjun ágúst. Vöruskiptin í júlí, reiknuð á fob verðmæti, voru því hagstæð um 6,8 milljarða króna. Í júlí 2008 voru vöruskiptin óhagstæð um 33,3 milljarða króna á sama gengi.

Fyrstu sjö mánuðina 2009 voru fluttar út vörur fyrir 253,5 milljarða króna en inn fyrir 213,7 milljarða króna fob. Verðmæti vöruútflutnings var 101,8 milljörðum eða 28,7% minna á föstu gengi en á sama tíma árið áður. Sjávarafurðir voru 44,7% alls útflutnings og var verðmæti þeirra 13,8% minna en á sama tíma árið áður.  Útfluttar iðnaðarvörur voru 48,9% alls útflutnings og var verðmæti þeirra 30,3% minna en á sama tíma árið áður. Mestur samdráttur varð í verðmæti útflutnings iðnaðarvara, aðallega áls, en einnig var samdráttur í útflutningi á skipum og flugvélum og á sjávarafurðum

Fyrstu sjö mánuði ársins 2009 var verðmæti vöruinnflutnings 212,9 milljörðum eða 49,9% minna á föstu gengi en á sama tíma árið áður. Samdráttur varð í innflutningi nær allra liða innflutnings, mest í hrá- og rekstrarvöru, flutningatækjum og fjárfestingavöru.(mbl.is)

Þetta er ánægjulegur viðsnúningur og getur hjálpað okkur til þess að komast úr úr kreppunni.Þessi mikli afgangur er rök fyrir vaxtalækkun að mínu mati.

 

Björgvin Guðmundsson

 

 

 

 

 

 

 

 

 

 

 

 

 

 

Rikið vill,að HS orka verði í meirihlutaeign Íslendinga

Ríkisstjórnin vill að HS Orka verði undir innlendu meirihlutaforræði og eignarhaldi. Steingrímur J Sigfússon fjármálaráðherra segir unnið að því að innlendir einkaaðilar og ríkið eignist sameiginlega meirihluta í fyrirtækinu segir.

Steingrímur segir þar misskilning þegar því sé haldið fram að ríkið vilji eignast meirihluta í HS orku. aðalatriðið sé að fyrirtækið verði í meirihlutaeigu innlendra aðila.

 Stefnt er að niðurstöðu í dag en Orkuveita Reykjavíkur þarf að gefa Magma Energy svar í dag hvort tilboði kanadíska fyrirtækisins í hlut orkuveitunnar í HS orku verði tekið.(ruv.is)

Ég er sammála þessu sjónarmiði ríkisstjórnarinnar.Ég óttast,að Magma mundi ná of miklum ítökum í orkulindum hér.

Björgvin Guðmundsson

 

 

Skorið niður á sviði menntamála

Menntamálaráðherra boðar að jafnaði sjö prósenta niðurskurð í framhaldskóla- og háskólakerfinu. Háskólar verða frekar fyrir barðinu á niðurskurðarhnífnum en framahaldsskólarnir. Skorið verður niður um 5,5% í framhaldsskólum en 8,5% í háskólum.

Stjórnvöld leita nú allra leiða til að skera niður opinber fjárframlög og menntakerfið fer ekki varhluta af því, fjárframlög til framahaldsskóla og háskóla verða skorin niður á næsta ári.

Katrín Jakobsdóttir, menntamálaráðherra, segir niðurskurð verða meiri í háskólum en í framhaldsskólum, vegna þess að raunaukning hafi verið meiri til þeirra á undanförnum árum.

Á vegum menntamálaráðuneytisins hefur verið starfandi rýnihópur sem á að gera tillögur um hvernig starfsemi háskólanna verður háttað næstu misserin. Hópurinn kynnir tillögur sínar í næstu viku. Katrín segir að áfram verði reynt að stuðla að samstarfi skóla á háskólastigi hvort sem það verði gert með sameiningu eða ekki. Þannig sé hægt að stuðla að hagræðingu.

 

Björgvin Guðmundsson

 

 

Hvers vegna var ráðist á kjör aldraðra og öryrkja?

Ég hefi fengið mikil viðbrögð við grein,sem ég skrifaði í Mbl. sl. miðvikudag undir fyrirsögninni: Laun lífeyrisþega eiga  að hækka eins og kaup verkafólks. Í greininni gegnrýndi ég harðlega aðför ríkisstjórnarinnar að kjörum aldraðra og öryrkja 1.júlí sl. og krafðist þess,að sú aðgerð yrði afturkölluð jafnframt því,sem ég fór fram á,að aldraðir og öryrkjar fengju sömu launahækkun ( lífeyrishækkun) og verkafólk hefði fengið og fengi síðar á þessu ári og því næsta.Fjölmargir hafa hringt til mín og látið í ljós undrun yfir því að  ríkisstjórnin hefði byrjað á því að ráðast á kjör aldraðra og öryrkja en  ekki hefði verið tekið til  hjá ráðherrunum  sjálfum og í næsta nágrenni við þá.Spurningin er þessi: Hvers vegna byrjaði ríkisstjórnin á því að ráðast á kjör aldraðra og öryrkja?

 

Björgvin Guðmundsson

Sjálfstæðisflokkurinn brást á alþingi.Reis ekki undir ábyrgðinni

Sjálfstæðisflokkurinn segir,að ef Bretar og Hollendingar samþykki ekki fyrirvarana við lögin um ríkisábyrgð þá verði ríkisstjórnin að segja af sér! Þetta er furðuleg yfirlýsing frá Sjálfstæðisflokknum. Flokkurinn hafði ekki manndóm í sér til þess að samþykkja ríkisábyrgðina um Ice save enda  þótt flokkurinn hefði staðið að afgreiðslu málsins í fjárlaganefnd og samþykkt alla fyrirvarana sem ákveðið var að setja fyrir ríkisábyrgðinni.Formaður fjárveitinganefndar lagði sig fram um að ná víðtækri samstöðu í nefndinn um afgreiðslu málsins og samstaða varð í nefndinni með stjórnarflokkunum,Sjálfstæðisflokki og Borgarahreyfingunni um fyrirvarana.Eðlilegt hef'ði því verið að þeir sem stóðu saman um að breyta málinu í fjárlaganefnd hefðu einnig staðið saman um afgreiðslu málsins á alþingi.Það hefði  verið ábyrg afstaða.

Björgvin Guðmundsson

VG á móti sölu orkulinda til erlendra aðila

Vinstri hreyfingin - grænt framboð leggst eindregið gegn því að lausafjárvandi samfélagsins verði leystur með sölu eða langtímaframsali á auðlindum og orkufyrirtækjum. Þetta kemur fram í ályktun flokksráðsfundar VG sem fer fram á Hvolsvelli um helgina.

Segir í ályktuninni að í þeirri vá sem nú vofi yfir þar sem Magma Energy og GGE séu nálægt því að eignast þriðja stærsta orkufyrirtæki landsins og auðlindir á Reykjanesi sé það brýnna en nokkru sinni fyrr að Vinstri græn stöðvi þessi áform. Beinir flokksráðið því til ráðherra sinna, þingmanna og sveitarstjórnarmanna að tryggja hagsmuni þjóðarinnar með því að halda HS orku í samfélagslegri eigu.

Þá segir í ályktuninn að ekki sé seinna vænna að breyta lögum og reglugerðum þannig að almannahagsmunir séu varðir og að samfélagslegt eignarhald orkufyrirtækja og orkuauðlinda sé tryggt.(visir.is)

Ég tel,að það verði að fara mjög varlega í sölu á hlut í íslenskum orkufyrirtlkjum til erlendra aðila. Sala á hlut til Magma í Kanada er að mínu mati varhugaverð.Best er að halda HS orku í eigu Íslendinga.

 

Björgvin Guðmundsson