Sláum skjaldborg um Íbúðalánasjóð

Kæra bankanna á hendur Íbúðalánasjóði, sem er til meðferðar hjá ESA Eftirlitstofnun EFTA, verður ekki dregin til baka. ESA ber að ljúka málinu. Þetta kom fram í svari Árna Mathiesen fjármálaráðherra við fyrirspurn Jóns Bjarnasonar þingamanns Vinstri grænna á Alþingi í dag. Þingmaðurinn var óánægður með þessi svör ráðherra, aðstæður nú væru gjörbreyttar eftir hrun bankanna. Krafðist hann þess að kæran yrði dregin til baka.(ruv.is)

Ég tel,að ríkisbankarnir ættu að draga kæruna til baka. Aðstæður eru gerbreyttar og ljóst,að það er í þágu almennings,að Íbúðalánasjóður verði efldur sem mest.Við megum nú þakka fyrir,að Íbúðalánasjóður var ekki markaðsvæddur eins og bankarnir og margir sjálfstæðismenn vildu.Við værum illa stodd ef íbúðalánasjóður hefði horfið inn í einkabankana.Við þurfum að slá skjaldborg um sjóðinn.

 

Björgvin Guðmundsson

 

 

« 

Ingibjörg Sólrún sparar

Til stendur að skera niður í starfsemi utanríkiráðuneytisins fyrir um 2,2 milljarða króna. Ráðgert er að loka fjórum sendiskrifstofum og draga saman í varnartengdum verkefnum og þróunaraðstoð. Þetta kom fram í hádegisfréttum Ríkisútvarpsins.

Utanríkisráðuneytið, sem er fyrst ráðuneyta til að tilkynna um aðhaldsaðgerðir, hyggst skera niður í varnartengdum verkefnum sem eru aðallega á sviði Varnarmálastofnunar og í þróunarsamvinnu. Varnarmálastofnun var stofnuð fyrr á þessu ári og tók til starfa í sumar.

Óljóst er hvaða sendiskrifstofum verður lokað. Einnig eru boðaðar skipulagsbreytingar og hagræðing innan ráðuneytisins.(visir.is)

Ingibjörg Sólrún á hrós skilið fyrir að ganga á undan með góðu fordæmi og spara.Væntanlega fylgja önnur ráðuneyti og ríkisstofnanir fast á eftir.Þá þarf einnig að skera niður laun æðstu embættismanna.Ættu þau að  hámarki að vera 800 þús. á mánuði og það gildir að sjálfsögðu um bankastjóra ríkisbankanna einnig.

 

Björgvin Guðmundsson

Fjármálaeftirlitið brást eftirlitsskyldu sinni

Í lögum um fjármálafyrirtæki segir svo m.a.:

Fjármálaeftirlitið hefur eftirlit með starfsemi fjármálafyrirtækja og fyrirtækja sem tengjast fjármálasviði sem fellur undir ákvæði laga þessara, svo og starfsemi innlendra fjármálafyrirtækja erlendis, nema annað leiði af lögum eða alþjóðasamningum sem Ísland er aðili að. Jafnframt fer Fjármálaeftirlitið með eftirlit með dótturfyrirtækjum, hlutdeildarfyrirtækjum og sjóðum sem stunda starfsemi þá sem talin er upp í IV. kafla að því marki sem nauðsynlegt er vegna eftirlitsskyldrar starfsemi, auk eftirlits með eigendum virkra eignarhluta skv. VI. kafla. Um eftirlitið fer samkvæmt ákvæðum laga þessara og laga um opinbert eftirlit með fjármálastarfsemi.
Fjármálaeftirlitið getur krafist hvers konar gagna og upplýsinga frá einstaklingum eða lögaðilum sem eiga eða hyggjast eignast eða fara með eignarhlut í fjármálafyrirtækjum í því skyni að meta hvort þeir falli undir tilkynningarskyldu skv. VI. kafla og hvort þeir teljist hæfir til að fara með virkan eignarhlut. Fjármálaeftirlitið getur krafist sömu upplýsinga frá einstaklingum eða lögaðilum sem hafa selt eignarhlut eða haft milligöngu um viðskipti með eignarhlut. Lagaákvæði um þagnarskyldu takmarka ekki skyldu til þess að veita upplýsingar og aðgang að gögnum.]²⁾
Fjármálaeftirlitið getur krafist hvers konar gagna og upplýsinga frá dótturfyrirtækjum eða hlutdeildarfyrirtækjum eða öðrum aðilum sem teljast í nánum tengslum við fjármálafyrirtæki, enda telji Fjármálaeftirlitið upplýsingarnar nauðsynlegar í eftirliti sínu með viðkomandi fjármálafyrirtæki.
Fjármálaeftirlitið getur krafist hvers konar gagna og upplýsinga frá eignarhaldsfélögum á fjármálasviði og blönduðum eignarhaldsfélögum, enda telji Fjármálaeftirlitið upplýsingarnar nauðsynlegar í eftirliti sínu með fjármálafyrirtækjum sem eru dótturfélög þessara eignarhaldsfélaga.
[Fjármálaeftirlitið fylgist með viðskiptum fjármálafyrirtækis við dóttur- og hlutdeildarfélög þess, félög sem hafa yfirráð yfir eða eiga hlutdeild í fjármálafyrirtækinu og við önnur dóttur- og hlutdeildarfélög þeirra félaga. Jafnframt skal Fjármálaeftirlitið fylgjast með viðskiptum fjármálafyrirtækis við einstaklinga sem eiga 20% hlut eða stærri í framangreindum félögum. Fjármálafyrirtæki skulu skila Fjármálaeftirlitinu skýrslu um slík viðskipti eftir nánari ákvörðun þess. Séu viðskiptin við fyrirtæki eða einstaklinga í öðrum ríkjum fer um samstarf eftirlitsstjórnvalda eftir alþjóðasamningum sem Ísland er aðili að og samstarfssamningum sem Fjármálaeftirlitið gerir á grundvelli þeirra.

Hvernig gat það gerst,að   bankarnir  þendust út, tækju meiri og meiri lán erlendis og kæmu bönkunum í þau umsvif, að þau næmu  12-faldri þjóðarframleiðslu án þess að Fjármálaeftirlit eða Seðlabanki tækju í taumana og stöðvuðu þessa útþenslu.Ég tel alveg ljóst, að Fjármálaeftirlit og Seðlabanki hafi brugðist eftirlitsskyldu sinni. Þessir aðilar sváfu á verðinum á meðan bankarnir þöndust út og steyptu sér í svo mikil erlend lán,að engin leið var að borga þau til baka.Fjármálaeftirlitið átti fyrir nokkrum árum að stöðva útþensku bankanna og tilkynna,að starfsleyfið yrði tekið af þeim, ef þeir rifuðu ekki reglin og breyttu um stefnu. En Fjármálaeftirlitið gerði ekkert. Seðlabankinn gerði ekkert.

Björgvin Guðmundsson

IMF verður að afgreiða mál Íslands þó atkvæði Hollands vanti

Fjármálaráðherra Hollands sagði í sjónvarpsviðtali í gær,að Holland væri andvígt láni IMF til Íslands.Gordon Brown forasætisráðherra Bretlands sagði hins vegar,að Bretar mundu styðja lánveitinguna.Við afgreiðslu á málum hjá IMF gildir einfaldur meirihluti.Það verður því að afgreiða lánið til Íslands þó atkvæði Hollands vanti.

Framkoma "vinaríkja" Íslands í þessu máli er forkastanleg.Þegar á reynir draga þessi ríki lappirnar  þegar um lífshagsmunamál Íslendinga er að tefla.Ísland þarf að endurskoða vinahóp sinn og leita nýrra vina og bandamanna.Ég hefi trú á því að Ísland gæti náð góðu samstarfi við Bandaríkin,þegar Obama hefur tekið við.Mörg ríki Mið og Austur Evrópu eru okkur vinveitt,einnig ríki í Suður Evrópu eins og Spánn,Portugal og Grikkland.Japan var eitt fyrsta ríkið,sem hvaðst vilja aðstoða okkur. Ég hefi trú á að við gætum fengið aðstoð í Kanada og síðan eigum við hauk í horni þar sem Ísrael er.Og síðast en ekki síst ber að nefna Kína.

Björgvin Guðmundsson

Forseti Íslands skammaði nágrannaþjóðirnar

Ólafur Ragnar Grímsson, forseti Íslands, gagnrýndi nágrannaþjóðirnar Svíþjóð, Danmörku og Bretland fyrir að snúa baki við Íslendingum. Þetta mun hann hafa gert í hádegisverði með erlendum erindrekum í Reykjavík á föstudag eftir því sem fram kemur í norrænum miðlum.

Á vef norska ríkisútvarpsins segir að erindrekarnir hafi vart trúað sínum eigin eyrum enda hafi forsetinn komið fram með móðgandi ásakanir á hendur Bretum. Vísað er til minnisblaðs norskra yfirvalda um fundinn og bent á að fulltrúar Svíþjóðar og Danmerkur hafi setið hann.

Mun Ólafur Ragnar hafa hótað því að leita nýrra bandamanna þar sem núverandi bandamenn hefðu svikið landið. Þá mun forsetinn hafa viðrað þá hugmynd að Rússum yrði boðin aðstaða í gömlu herstöðinni á Kelfavíkurflugvelli og mun sendiherra Rússlands, sem sat hádegisverðarfundinn, hafa verið hissa en brosað og gefið þannig til kynna að Rússar hefðu ekki þörf fyrir það.

Þá segir einnig í frétt norska ríkisútvarpsins að Ólafur Ragnar hafi einungis hrósað Norðmönnum og Færeyingum fyrir að hafa staðið við bakið á Íslendingum í fjármálakreppunni. Fréttinni lýkur á þeirri staðhæfingu að forsetinn hafi áður verið í systurflokki Sósíalíska vinstriflokksins  og hann hafi engin formleg völd í utanríkismálum. (visir.is)

Það er full ástæða til þess að gagnrýna "vinaþjóðir" okkar Dani,Svía og Breta fyrir að draga lappirmar varðandi aðstoð IMF  og aðra viðbótaraðstoð  við okkur. Það er ekki nóg að þessar þjóðir tali fallega um okkur í skálaræðum.Það,sem segir til um sanna vináttu er hvernig vinir reynast þegar á reynir.

 

Björgvin Guðmundsson