Kosningar í vor eða afsögn

Það er krafa almennings,að kosningar fari fram eigi síðar en næsta vor eða þá að ríkisstjórnin segi af sér. Á þann hátt geti ríkisstjórn og alþingi axlað ábyrgð á því ástandi,sem skapast hefur í landinu.

Eins og ég hefi skrifað um áður brugðust allar eftirlitsstofnanir og létu það aðgerðarlaust,að bankakerfið þendist svo mikið út að  umsvif þess yrðu tólfföld þjóðarframleiðslan.Ríkisstjórnin brást einnig.Hún átti að veita eftirlitsstofnunum aðhald og taka í taumana. Þess  vegna verður að  kjósa.

 

Björgvin Guðmundsson

Líkti starfsemi LÍ í Bretlandi við strandhögg víkinga

Sighvatur Björgvinsson starfsmaður utanríkisráðuneytisins var  gestur Björns Inga í Markaðnum  á Stöð 2 í gær.Ræddi Sighvatur m.a. bankahrunið og ástandið í efnahagsmálum. Sighvatur sagði,að íslenskir víkingar

hefðu á sínum tíma gert strandhögg í Bretlandi og víðar.Þeir hefði farið ránshendi um.Hið sama hefði í rauninni gerst nú  með starfsemi íslensku bankanna í nágrannalöndum okkar ( þ.e.  með Icesave reikningunum). 

Björgvin Guðmundsson

7-8 þúsund á mótmælafundi á Austurvelli

Milli sjö og átta þúsund manns tóku þátt í mótmælum á útifundi við Austurvöll í dag.  Allt fór friðsamlega fram nema nokkur róstur voru við þinghúsið þar sem unglingar höfðu safnast saman.  Lögreglumenn fengu óvæntan glaðning hjá fundarmönnum og litu vel út í gulum búningum með rósir.

Einn ræðumanna, Viðar Þorsteinsson heimspekingur  sagði í ræðu sinni að gerspillt valdaklíka auðmanna og flokksforingja stjórnaði í raun landinu. Hér væri í raun alls ekkert lýðræði en ráðherrar og hagsmunahópar skrifuðu lögin sem síðan væri rennt í gegnum alþingi á færibandi. Glæpamenn fengju náðun hjá vinum sínum og færu þá inn á þing. Vinir, synir og ættingjar væru ráðnir í ábyrgðarstöður og stjórnmálamenn töluðu við almenning eins og heimtufrekan krakka þegar þessi óhæfuverk væru gagnrýnd.

 Þátttakendur sem MBL ræddi við í bænum voru allir sammála um að reiðin væri að stigmagnast í þjóðfélaginu. Kröfuspjöld voru afar mismunandi en þess er krafist að spillingin verði upprætt, kosið verði aftur til Alþingis, ráðherrar segi af sér sem og forystumenn Fjármálaeftirlits og Seðlabanka

mbl.is) Fundurin  fór vel fram og lögðu fundarboðendur áherslu á að mótmæli væru friðsamleg.Það er ljóst af fjölmenninu á fundinum og undirtektum fundarmanna,að það er mikil óánægja í fólki og það vill að ábyrgir aðilar axli ábyrgð á því hvernig komið er.

Björgvin Guðmundsson

Ráðamenn og frekir krakkar