Hressist fasteignamarkaðurinn?

Á fundi ráðherra ríkisstjórnar Íslands með aðilum vinnumarkaðarins þar sem efnahagsmálin voru rædd voru kynntar fyrirhugaðar endurbætur á reglum Íbúðalánasjóðs. Eru endurbæturnar miðaðar að því að koma í veg fyrir kólnun á fasteignamarkaði og aðstoða ungt fólk við kaup á sinni fyrstu íbúð.

Stefnt er að því að stofna tvo nýja flokka hjá Íbúðalánasjóði. Annar flokkurinn varðar lánveitingar til banka og fjármálastofnana til endurfjármögnunar  á íbúðalánum sem þessar stofnanir hafa þegar veitt gegn veði í íbúðarhúsnæði.

 Hinn flokkurinn varðar einnig lánaveitingar til banka og fjármálastofnana til fjármögnunar á nýjum íbúðalánum.

Í tilkynningu sem ríkisstjórnin gaf út segir að til að draga úr miklum þrýstingi á skuldabréfamarkaði  hefur verið ákveðið að auka við  útgáfu stuttra ríkisbréfa.(mbl.is)

 Við lánveitingar Íbúðalánasjóðs verður viðmið við 80% af brunabótamati íbúða afnumið og þess í stað verður miðað við 80% af kaupverði eigna. Þetta er gert til að auðvelda ungu fólki að fjármagna fyrstu kaup sín og um leið verður hámarkslán sjóðsins hækkað úr 18 milljónum í 20 milljónir.

Forysta ASÍ fagnar tillögum ríkisstjórnarinnar sem miða að því að blása lífi í húsnæðismarkaðinn með því m.a. að auðvelda fólki aðgengi að lánsfé. „Í tillögum ríkisstjórnarinnar sem kynntar voru í dag er verið að bregðast við ýmsum af þeim atriðum sem Alþýðusambandið hefur lagt áherslu á í sínum málflutningi að undanförnu.Forsetar Alþýðusambandsins ítrekuðu á fundinum að þessar aðgerðir megi ekki skerða getu Íbúðarlánasjóðs til að sinna sínu hlutverki," að því er segir á vef ASÍ.( mbl.is)

Fagna bér þessum ráðstöfunum til þess að efla fasteignamarkaðinn. Viðmiðun við söluverð í stað brunabótamats við lán til ibúðarkaupa var löngu tímabær. Einnig er ánægjuefni að fjármagn til íbúðarkaupa verður aukið.

Björgvin Guðmundsson

T

 

Breytingar á Íbúðalánasjóði

Bensín hefur hækkað um 59%

Frá því í fyrrahaust hefur innkaupsverð á hvern lítra af bensíni og dísilolíu hækkað mjög. Í október 2007 var reiknað innkaupsverð á bensíni 33,63 kr/l og 38,22 kr/l á dísilolíu. Fram til apríl í ár hefur innkaupsverðið á bensíni hækkað um næstum 20 kr á lítra, sem er 59%. Þetta kemur fram í vefriti fjármálaráðuneytisins.

Þar kemur fram að innkaupsverð á dísilolíu hefur hækkað um nærri 30 kr á lítra, eða um 76%. Á sama tíma hefur útsöluverð á bensíni hækkað um 17% en á dísilolíu um 25%.

„Hlutur olíufélaganna í endanlegu verði hefur því dregist saman að undanförnu. Framlegð olíufélaganna (endanlegt söluverð að frádregnum sköttum og vörugjaldi ásamt reiknuðu innkaupsverði, sem hlutfall af innkaupsverði) af dísilolíu var yfir 60% í október í fyrra en er nú 29%.

Framlegð í bensínsölu var 78% en er nú 46%. Olíufélögin virðast þannig ekki hafa fært alla hækkun innkaupsverðsins yfir á neytendur þótt mjög hafi verið kvartað yfir verðinu.

Þetta eru gífurlegar hækkanir og bitna þungt á neytendum. Stjórnvöld verða nú að koma til hjálpar með lækkun eða niðurfellingu gjalda af bensíni.Það gæti verið tímabundin lækkun.

 

Björgvin Guðmundsson

 

Innkaupsverð á bensíni hefur hækkað um 59%

Vöruverð lækkar í Bónus og í Krónunni

Vörukarfa ASÍ hækkaði mest í lágvöruverðsversluninni Kaskó, um 3,4% á milli verðmælinga í fyrstu og annarri viku júní mánaðar. Næstmest hækkun var í Nóatúni þar sem verð körfunnar hækkaði um 1,5%. Í báðum stóru lágvöruverðskeðjunum, Bónus og Krónunni lækkaði verðið á vörukörfunni um tæp 2% á milli vikna.

Verðhækkun körfunnar í Kaskó um 3,4% má að mestu rekja til hækkana á kjötvörum í vörukörfunni á milli vikna en einnig til hækkunar á liðnum ýmsar matvörur.

Lækkun á verði vörukörfunnar  í Bónus og Krónunni er að stærstum hluta tilkomin vegna lækkana á kjötvörum sem er að finna í vörukörfunni en einnig lækkar verð á grænmeti, ávöxtum og drykkjarvörum á milli vikna.

Í Nóatúni þar sem vörukarfan hækkaði um 1,5% á milli vikna er hækkun á kjötvörum helsta skýringin en þar hækkuðu brauð og kornvörur og drykkjarvörur í körfunni einnig nokkuð.( mbl.is)

Það er fagnaðarefni,að Bónus og Krónan skuli lækka vöruverð. Með því taka  þessar verslanir á sig samfélagslega ábyrgð.Ekki hefur stöðugt  fall krónunnar auðveldað lækkanir á verði.

  

Bjögvin Guðmundsson

 

 

Bónus og Krónan lækka vöruverð

Atlaga að kjörum eldri borgara

Það er bein atlaga að kjörum eldri borgara,þegar skattleysismörk fylgja ekki launavísitölu.Þá njóta þeir ekki þeirrar kaupmáttaraukningar,sem verður í samfélaginu.

Þetta segir í kosningastefnuskrá Samfylkingarinnar fyrir síðustu kosningar.Skattleysismörkin væru í dag 150  þús. á mánuði ef þau hefðu fylgt launavísitölu frá 1988.En þau eru 95 þús. á mánuði.

 

Björgvin Guðmundsson

Slappur stjórnarsáttmáli

Það vakti athygli þegar Geir Haarde sagði á ársafmæli stjórnarinnar að  búið væri að   framkvæma 80% af stjórnarsáttmálanum. Það kom á óvart. En skýringarinnar var ekki langt að leita. Stjórnarsáttmálinn er í flestum atriðum svo loðinn að hann segir lítið sem ekki neitt.Hins vegar eru stjórnarflokkarnir aðeins búnir að framkvæma mjög lítið af kosningastefnuskránni.

Lítum á stjórnarsáttmálann. Þar segir m.a. :

"Stefnt skal að frekari lækkun skatta á einstaklinga á kjörtímabilinu, meðal annars með hækkun persónuafsláttar. Ríkisstjórnin mun vinna að endurskoðun á skattkerfi og almannatryggingum til að bæta hag lágtekjufólks og millitekjufólks. Fyrirtæki skulu búa við stöðugt og örvandi skattaumhverfi. Á kjörtímabilinu verður leitað leiða til að lækka frekar skatta á fyrirtæki. Þá skal stefnt að því að umhverfisþættir fái aukið vægi í skattastefnunni. Kerfi óbeinna skatta, s.s. vörugjalda og virðisaukaskatts, verði endurskoðað. ."

Þetta eru falleg orð en þau segja lítið.Hvað  segir fyrsta setningin? Það er sama hvað  lítið persónuafsláttur er hækkaður þá er búið að efna þá setningu. Hins vegar sagði Samfylkingin að hún vildi hækka skattleysismörk í 150 þús. á mánuði. Það er langur vegur í það verði gert. Skattleysismörkin munu hækka í 115-120 þús. á mánuði. Það er alltof lítið.Eins er með endurskoðun almannatrygginga  til þess að bæta hag lág-

tekjufólks og millitekjufólks. Það er ekkert sagt hvað mikið eigi að bæta hag þessa fólks. Enn er ekki hafin framkvæmd á þessu ákvæði þó eitt ár sé liðið.Tryggingabætur sem hlutfall af lágmarkslaunum hafa lækkað á þessu ári og nema nú aðeins 93,74%  af lægstu launum miðað við 100 % sl. ár. En ætlunin mun að bæta einhverju við 1.júli. Mér segir að vísu hugur  um að þá verði smátt skammtað.

 

Björgvin Guðmundsson

 

Ingibjörg Pálmadóttir stjórnarformaður Fl group

Jón Ásgeir Jóhannesson, stjórnarformaður FL Group, ætlar ekki að bjóða sig fram til stjórnar á hluthafafundin félagsins í dag. Eiginkona hans, Ingibjörg Pálmadóttir, kemur ný inn í stjórnina.

Tillaga liggur fyrir hluthafafundi um að fækka stjórnarmönnum úr 7 í 5. Auk Jóns Ásgeirs ganga þeir Pálmi Haraldsson og Hannes Smárason úr stjórninni.

Af 66. grein hlutafélagalaga má draga þá ályktun að Jóni Ásgeiri sé ekki heimilt að sitja í stjórn eða vera framkvæmdastjóri í íslenskum félögum eftir að Hæstiréttur dæmdi hann í þriggja mánaða skilorðsbundið fangelsi 5. júní síðastliðinn. Gildir það í þrjú ár frá uppkvaðningu dómsins.

Fundur FL Group í dag er fyrsti hluthafafundur félags þar sem Jón Ásgeir situr í stjórn eftir niðurstöðu Hæstaréttar.

Samkvæmt upplýsingum frá Lánstrausti er Jón Ásgeir stjórnarmaður í 22 félögum á Íslandi. Auk FL Group eru það félög eins og 365, Baugur Group, Styrkur, Stoðir, Hagar og ýmis fjárfestingarfélög. Fjölmörg fyrirtæki eru svo rekin undir þessum félögum bæði á Íslandi og erlendis.

Auk Ingibjargar Pálmadóttur munu þau Katrín Pétursdóttir, Þorsteinn M. Jónsson, Eiríkur S. Jóhannesson og Árni Hauksson verða sjálfkjörin í stjórn.( mbl. is)

Jón Ásgeir mun nú  hugleiða hvort hann flytji eitthvað af félögum sínum til  útlanda og kemur þá fyrst og fremst Baugur til greina í því sambandi. Hann má ekki vera í stjórn þessara fyrirtækja eftir að hann fékk 3ja mánaða skilorðsbundinn dóm í Hæstarétti. Hins vegar getur hann setið í stjórn þessara fyrirtækja,ef hann flytur lögheimili þeirra til útanda. En þá tapar  ríkið skatttekjum  af þessum félögum.

Björgvin Guðmundsson

 

 

 

Jón Ásgeir úr stjórn FL

Tíminn og vatnið

Eitt albesta kvæði Steins Steinarr er Tíminn og vatnið. Það kom út í sérstöku kveri 1948 í 200 tölusettum eintökum og tileinkaði skáldið konu sinni fyrsta eintakið.

 

Tíminn er eins og vatnið-

og vatnið er kalt og djúpt-

eins og vitund mín  sjálfs-

 

og tíminn er eins og mynd-

sem er máluð af vatninu-

og mér til hálfs-

 

meðann tíminn og vatnið-

renna veglaust til þurrðar-

inn í vitund mín sjálfs

Höfundur: Steinn Steinarr

 

Björgvin Guðmundsson

Ekki byggðar nægilega margar félagslegar íbúðir

Í tengslum við kjarasamninga í feb. sl. lýsti ríkisstjórnin því yfir,að byggja ætti eða kaupa 750 félagslegar íbúðir á ári 2009-2010.Íbúðalánasjóður átti að lána til þessara  famkvæmda en forstjórinn þar hefur ekkert heyrt um málið frá stjórnvöldum.Íbúðalánasjóði hefur verið heimilt að lána til byggingar 400 félagslegra í íbúða á ári frá 2001 en kvótinn hefur ekki verið fullnýttur öll árin.

Mikill skortur er nú á leiguíbúðum.Er verðið á tveggja herbergja íbúð nú komið í 120-130 þús. á mánuði. Ungt fólk sem, er að byrja búskap ræður ekki við að greiða það og heldur ekki venjulegt launafólk.

 

Björgvin Guðmundsson

19.júní er kvenréttindadagur

Kvenrétttindadagurinn verður haldinn hátíðlegur víða um land í dag. Að sögn Kristínar Ástgeirsdóttur, framkvæmdastýru Jafnréttisstofu, mætti staða kvenna á Íslandi vera betri. Ef miðað er við Nérðurlöndin erum við á eftir á ýmsum sviðum. Þar má nefna hlut kvenna í stjórnum fyrirtækja, á þingi og í sveitarstjórnum. Vandinn er þannig nátengdur pólitískum og efnahagslegum völdum. Þau verkefni sem liggi brýnast fyrir séu því að lagfæra stöðu kvenna á þessum sviðum, auk þess að leiðrétta laun umönnunarstétta og draga úr kynbundnu ofbeldi. Staðan er þó ekki alslæm þar sem íslenskar konur standa erlendum kynsystrum sínum framar á öðrum sviðum. Til dæmis eru konur afar öflugir þátttakendur á vinnumarkaði auk þess sem kvennasamtök, sem veita stjórnvöldum og aðilum á vinnumarkaði aðhald, eru mjög virk. Kristín hefur trú á því að jafnréttislögin muni skila árangri en það sem þau fela í sér, umfram eldri lögin, er öflugra eftirlit og strangari kvaðir hvað varðar vinnumarkaðinn og jafnréttisáætlanir ríkis og sveitarfélaga. Þá er í fyrsta skipti nú minnst á kynbundið ofbeldi í lögunum. Kristín segir það afar stórt skref og er það eitt af hinum stóru úrlausnarverkefnum Jafnréttisstofu. Þó ýmislegt hafi áunnist er samt enn mikill munur á launum karla og kvenna fyrir sambærileg störf. Í því efni er jafnréttislögum ekki fylgt. Og það er ekkert gert til þess að fylgjast með því.Athuganir leiða í ljós,að mjög lítið hefur áunnist í því efni að jafna launin sí'ustu ár. Björgvin Gudmundsson

19.júní er kvenréttindadagur

Kvenrétttindadagurinn verður haldinn hátíðlegur víða um land í dag. Að sögn Kristínar Ástgeirsdóttur, framkvæmdastýru Jafnréttisstofu, mætti staða kvenna á Íslandi vera betri. Ef miðað er við Nérðurlöndin erum við á eftir á ýmsum sviðum. Þar má nefna hlut kvenna í stjórnum fyrirtækja, á þingi og í sveitarstjórnum. Vandinn er þannig nátengdur pólitískum og efnahagslegum völdum. Þau verkefni sem liggi brýnast fyrir séu því að lagfæra stöðu kvenna á þessum sviðum, auk þess að leiðrétta laun umönnunarstétta og draga úr kynbundnu ofbeldi. Staðan er þó ekki alslæm þar sem íslenskar konur standa erlendum kynsystrum sínum framar á öðrum sviðum. Til dæmis eru konur afar öflugir þátttakendur á vinnumarkaði auk þess sem kvennasamtök, sem veita stjórnvöldum og aðilum á vinnumarkaði aðhald, eru mjög virk. Kristín hefur trú á því að jafnréttislögin muni skila árangri en það sem þau fela í sér, umfram eldri lögin, er öflugra eftirlit og strangari kvaðir hvað varðar vinnumarkaðinn og jafnréttisáætlanir ríkis og sveitarfélaga. Þá er í fyrsta skipti nú minnst á kynbundið ofbeldi í lögunum. Kristín segir það afar stórt skref og er það eitt af hinum stóru úrlausnarverkefnum Jafnréttisstofu. Þó ýmislegt hafi áunnist er samt enn mikill munur á launum karla og kvenna fyrir sambærileg störf. Í því efni er jafnréttislögum ekki fylgt. Og það er ekkert gert til þess að fylgjast með því.Athuganir leiða í ljós,að mjög lítið hefur áunnist í því efni að jafna launin sí'ustu ár. Björgvin Gudmundsson

 

Jafnréttisbaráttunni langt í frá lokið