Eva Joly tekin til starfa

Eva Joly, sérstakur ráðgjafi í rannsókn á efnahagshruninu, hefur formlega tekið til starfa. Ráðning hennar sem ráðgjafi sérstaks saksóknara var formlega kynnt á blaðamannafundi í Þjóðmenningarhúsinu í dag. Joly sagðist reyna eftir fyllsta megni að opna dyr bankaleyndar hér á landi sem erlendis, það taki tíma og krefjist mikillar vandvirkni.

 

Eva Joly segir markmið vinnu sinnar vera að leiða þá sem hafi gerst brotlegir fyrir íslenskan rétt og sakfella þá.

Hún hefur ekki áhyggjur af því að rannsóknargögn hafi skemmst frá því bankakerfið hrundi í haust.  

Erfitt sé að hylja slóðir í rafrænu viðskiptaumhverfi og því sé hún bjartsýn á að málin verði upplýst. Hún segir mikilvægast að fylgja peningunum til að komast til botns í því sem hér fór úrskeiðis.  

Joly segir vinnuna koma til með að taka tíma. Erfitt geti reynst að nálgast gögn erlendis sem muni tefja rannsóknina hér heima. Dæmi séu um að sambærilegar rannsóknir hafi tekið fimm til sjö ár.  

Joly  mun starfa hér á landi fjóra daga í mánuði en þess á milli mun hún sinna starfinu frá heimaborg sinni, París.

Ragna Árnadóttir, dómsmálaráðherra, segir að nú sé komin umgjörð fyrir öfluga innlenda og erlenda rannsókn á brotum sem hugsanlega hafa orðið í tengslum við bakahrunið. Áætlaður kostnaður vegna starfa Evu Joly og ráðgjafa á hennar vegum gæti numið allt að 70 milljónum króna á ári. Auk þess hafi hinum sérstaka saksóknara verið gert kleift að ráða allt að 16 starfsmenn til sín. Kostnaður vegna rannsóknarinnar gæti numið 250 til 270 milljónum króna á ári.

bJÖRGVIN gUÐMUNDSSON

 

Jóhanna formaður,Dagur varaformaður

Dagur B. Eggertsson er nýr varaformaður Samfylkingarinnar. Dagur fékk 65,6% atkvæða en Árni Páll Árnason fékk 33,9%.
„Við ætlum að sameina þjóðina sem eini flokkurinn með plan. Við ætlum að sækja um ESB strax eftir kosningar og bjóðum til samstarfs með það,“ sagði Dagur þegar úrslitin voru ljós.

Dagur sagði það sjaldgæf forréttindi að etja kappi við jafnmikinn heiðursmann og Árna Pál. Hann hefði fulla trú á að hann myndi leiða Samfylkinguna til sigurs í Suðvesturkjördæmi.

Á kjörskrá voru 1.067 fundarfulltrúar en af þeim kusu 993, eða 93,1% gesta.

Árni Páll sagði það forréttindi að fá að vera í þessum flokki. Hann hefði oft áður stutt Dag og hann væri mjög góður til þessa verks í erfiðri kosningabaráttu framundan.(mbl.is)

Jóhanna Sigurðardóttir var kosinn formaður með´ yfir  97% atkvæða.

 

Björgvin Guðmundsson

Jóhanna sammála Ingibjörgu Sólrúnu

Ingibjörg Sólrún Gísladóttir formaður Samfylkingarinnar gerði upp á hreinskilinn hátt samstarfið við Sjálfstæðisflokkinn í ræðu sinni við setningu landsfundar Samfylkingarinnar í gær. Þetta segir Jóhanna Sigurðardóttir, arftaki Ingibjargar í formannssæti. Hún er sammála Ingibjörgu Sólrúnu að það hafi verið Sjálfstæðisflokkurinn sem brást en ekki fólkið í flokknum.

 

Ingibjörg Sólrún Gísladóttir sagði í ræðu sinni lgerlí gær við setningu landsfundar Samfylkingarinnar að hún hefði sýnt ákveðið andvaraleysi í samstarfi við Sjálfstæðisflokkinn. Hennar stærsta yfirsjón hafi verið að gera ekki afdráttarlausari kröfur um breytingar á stjórnkerfinu þegar Samfylkingin efndi til þessa samstarfs.

Ingibjörg Sólrún sagði þrennt hafa haldið flokknum í samstarfinu fram yfir áramót og það var mikilvægi þess að halda líflínunni við útlönd opinni, meðal annars í gegnum Alþjóða gjaldeyrissjóðinn, nauðsyn þess að afgreiða fjárlög 2009 og í þriðja lagi vilyrði um stefnubreytingu hjá Sjálfstæðisflokknum varðandi stjórnkerfi Seðlabankans og Evrópusambandið. (mbl.is)

Ræða ISG var sterk og góð. Og svo virðist sem Jóhanna sé algerlega sammmála ræðu Ingibjargar.

Björgvin Guðmundssson