Íhaldið tefur stjórnarskrármálið

Frumvarp um breytingar á stjórnarskránni sem tekist hefur verið á um í sérnefnd um stjórnarskrármál undanfarið, hefur verið afgreitt úr nefndinni. Björn Bjarnason þingmaður Sjálfstæðisflokksins kvaddi sér hljóðs á þingi í dag og sagði að ekki hafi verið fullreynt um að ná samkomulagi innan nefndarinnar.

Björn sagði að þetta væri einungis í þriðja sinn í sögu þingsins sem mál sé tekið út úr nefnd með þessum hætti, í andstöðu við nefndarmenn. Hann sagðist ekki sjá annað en að hart yrði tekist um málið í sölum Alþingis á næstu dögum.

Valgerður Sverrisdóttir þingkona Framsóknarflokksins sem á sæti í nefndinni andmælti orðum Björns harðlega og benti á að sjálfstæðismenn hefðu ekki sýnt neina viðleitni til þess að ná sáttum í nefndinni fyrr en í morgun, þrátt fyrir ítrekaðar tilraunir meirihlutans til þess að koma til móts við minnihlutann. Því hafi ekki verið annað í stöðunni en að taka málið úr nefndinni.(visir.is)

Sjálfstæðisflokkurinn hefur reynt að tefja og torvelda frv. um stjórnarskrá eins mikið og hann hefur getað.Síðast í gær ætlaði flokkurinn að neita að afgreiða neyðarlög um gjaldeyrismál nema látið yrði að vilja flokksins í stjórnarskrármálinu.Flokkurinn,sem er í minnihluta, ætlaði sem sagt að kúga meirihlutann.En að lokum lét Sjálfstæðisflokkurinn sig. En ´nú reynir hann að tefja stjórnarskrármálið sem mest hann getur.

 

Björgvin Guðmundsson

 

Stórafmæli í fjölskyldunni

Það er stórafmæli í fjölskyldu minni í dag.Eiginkona mín,Dagrún Þorvaldsdóttir, á afmæli.Af því tilefni verður mikil afmælisveisla í kvöld hjá Guðmundi syni okkar en þar mæta  5 af sex sonum okkar ásamt mökum svo og öll barnabörnin.Einn sonur okkar,Björgvin,býr í Finnlandi,og kemst ekki.

Það er alltaf skemmtilegt þegar stórfjölskyldan hittist.Það er mikið sungið og glatt á hjalla.

 

Björgvin Guðmundsson

Ný neyðarlög samþykkt sl. nótt.Krónan hefur styrkst í morgun

Krónan hefur styrkst um 1,5% í morgun. Gengisvísitalan hefur lækkað um 3 stig frá því mörkuðum var lokað í gær og stendur nú í 209 stigum.Þetta hefur gerst í kjölrfar þess,að ný neyðarlög voiru samþykkt sl. nótt,þ.e. aukin gjaldeyrishöft.

Björgvin Guðmundsson