Til hamingju Jóhanna Guðrún!

Ísland varð í öðru sæti í söngvakeppni evrópskra útvarpsstöðva í kvöld.Jóhanna Guðrún,sem keppti fyrir Íslands hönd,stóð sig frábærlega vel.Hún flutti íslenska lagið, Is it true,  óaðfinnanlega.Ísland hefur einu sinni áður náð jafngóðum árangri.Það var þegar Selma varð í öðru sæti.Íslendingar eru stoltir af Jóhönnu Guðrúnu.

Björgvin Guðmundsson

Seðlabankinn ræður vöxtunum

Ákvörðun um stýrivaxtastig er í höndum peningastefnunefndar Seðlabankans en vaxtastefnunni er lýst í samningsskjali Alþjóðagjaldeyrissjóðsins (IMF) og íslenskra stjórnvalda. Þetta segir Franek Rozwadowsky, sendifulltrúi IMF hér á landi, sem telur ekki svigrúm til frekari vaxtalækkana að sinni.

„Í áætlun Íslands er litið svo á að vaxtalækkun sé háð því að traust ríki, sem endurspeglast í stöðugu eða jafnvel stígandi gengi,“ segir Rozwadowsky. „Undanfarið höfum við séð mjög djarfa lækkun stýrivaxta, um fimm próstentustig, við síðustu þrjár ákvarðanir og gengið hefur verið að mestu stöðugt. Núna er gengið hins vegar komið niður undir sitt lægsta frá byrjun kreppunnar sem bendir til að ekki sé rúm fyrir frekari lækkanir stýrivaxta í bili.“

Hann segir viljayfirlýsinguna, sem er samningsskjal íslenskra yfirvalda og IMF, mynda rammann fyrir vaxtastefnuna en Seðlabankinn ákveði vextina. Inntur eftir því hvort IMF reyni að hafa áhrif á ákvörðun Seðlabankans segir Rozwadowsky: „Við komum viðhorfi okkar á framfæri, eins og núna.“

Enn hefur önnur útborgun láns IMF ekki borist eins og búist var við. Rozwadowsky segir útborganir ekki fastsettar ákveðna daga, heldur komi þær að að lokinni reglulegri endurskoðun áætlunarinnar. Þróun í stjórnmálum innanlands, þ.e. fall ríkisstjórnarinnar, myndun minnihlutastjórnar og kosningar hafi tafið þá endurskoðun. „Það hefur þó ekki skapað vandamál fyrir okkur. Ef eitthvað er þá er þróunin frekar jákvæð því það er mikilvægt að ríkisstjórnin hafi skýrt umboð til að takast á við vandamálin sem kreppan skapaði, svo fremi sem þau fylgja grunnþáttum áætlunarinnar.“

Hann segir einhvern tíma taka að ljúka endurskoðuninni, sem sé forsenda útborgunarinnar. Sendinefnd IMF þurfi að koma til landsins og ganga þurfi frá gögnum og skýrslugerð til stjórnar sjóðsins. „En ég myndi segja að það yrði bráðlega.“

Steingrímur J. Sigfússon fjármálaráðherra segir IMF verða að svara því hvort viðeigandi sé að sjóðurinn setji þrýsting á Seðlabankann varðandi stýrivaxtaákvarðanir. Hann segist binda vonir við stýrivaxtalækkun en ljóst sé að hún sé m.a. háð ríkisfjármálum, endurreisn bankakerfisins, úrlausn jöklabréfa og fleiru.

 

Í október sl. hækkaði Seðlabankinn stýrivexti eftir skammvinna lækkun, á þeirri forsendu að hækkun vaxta væri hluti samkomulagsins við IMF. Steingrímur segir það hafa verið eitt af upphafsskilyrðum samningsins sem gilti ekki um ferlið upp frá því. „Það eru engin sambærileg skilyrði í gangi núna.“(mbl.is)

Ég tel ekki koma til greina að láta undan þrýstingi IMF varðandi vextina.Vextir verða að lækka í júní oig það er alger nauðsyn fyrir atvinnulífið'. Við höfum ekkert gagn af samstarfi við IMF ef það kemur niður á atvinnulífinu.

 

Björgvin Guðmundsson

 

 

Forstjóri Lífeyrissjóðs verslunarmanna á ekki að fá nein starfslokalaun

Uppsögn Þorgeirs Eyjólfssonar á starfi forstjóra Lífeyrissjóðs verslunarmanna kostar sjóðinn fimmtán milljónir hið minnsta. Það tekur mánaðarlífeyrisgreiðslu 800 láglaunamanna að greiða fyrir starfslok hans.

Þorgeir Eyjólfsson hefur gegnt starfi forstjóra Lífeyrissjóðs verslunarmanna í um aldarfjórðung. Hann sagði starfi sínu óvænt lausu í morgun. Hann segir á fréttavef Morgunblaðsins í dag að ákvörðunin sé tekin í framhaldi nýlegra breytinga í baklandi sjóðsins, en útskýrir ekki nánar hvaða breytingar það eru. Fréttastofa náði ekki sambandi við Þorgeir í dag.

Þorgeir var með um 30 milljónir króna í laun sem forstjóri sjóðsins á síðasta ári og hafði auk þess til umráða Cadilac lúxusjeppa sem kostar lífeyrissjóðinn um 300 þúsund krónur á mánuði.

Helgi Magnússon, varaformaður stjórnar Lífeyrissjóðs verslunarmanna, staðfesti í samtali við fréttastofu nú síðdegis að Þorgeir fengi sex mánaða uppsagnarfrest sinn greiddan líkt og venja væri með forstjóra sem hefðu verið 25 ár í starfi, þó hann hefði sjálfur sagt starfinu lausu. Þá heldur Þorgeir einnig lúxusjeppanum í boði lífeyrissjóðs verslunarmanna.

Því má ætla að uppsögn Þorgeirs kosti sjóðsfélaga ekki minna en fimmtán milljónir króna, fyrir utan bílafríðindin. Láglaunamaður í VR greiðir að meðaltali tæpar 19.000 krónur til sjóðsins í hverjum mánuði. Það þarf því lífeyrisgreiðslur tæplega 800 sjóðsfélaga til að dekka kostnað sjóðsins við uppsögn Þorgeirs Eyjólfssonar.

Þess má geta að Lífeyrissjóður verslunarmanna tapaði tugum milljarða króna á síðasta starfsári Þorgeirs.(visir.is)

Það er eðlilegt að þeir,sem sagt er upp störfum fái greiddan einhvern uppsagnarfrest en það finnst mér að eigi ekki að gilda þegar menn segja sjálfir upp.Af hverju á Lífeyrissjóður verslunarmnanna að greiða forstjóranum15 millj.,þegar  hann segir upp.Hvaða rugl er þetta? Á ruglið frá þvi fyrir bankahrun að halda áfram?Forstjórinn var á himinháum launum,úr takti við allt sem eðlilegt gat talist og hafði auk þess mikil hlunnindi. Það er búið að gagnrýna þetta bruðl mikið.Ætlar nýja stjórnin í VR að halda þessu bruðli áfram?

Björgvin Guðmundsson

FME kærir mál Sjóvá og Milestone

Fjármálaeftirlitið (FME) hefur vísað málum sem varða samskipti Sjóvár og Milestone, eiganda félagsins til skamms tíma, til viðeigandi embættis innan stjórnsýslunnar vegna gruns um að refsiverð háttsemi hafi átt sér þar stað.

FME getur vísað málum sem þessum annaðhvort til embættis sérstaks saksóknara eða efnahagsbrotadeildar ríkislögreglustjóra.

Rannsóknin sem nú stendur yfir snýr að stjórnum og stjórnendum Sjóvár og Milestone. Á meðal þess sem verið er að skoða er hvort aðkoma þeirra að fjárfestingum Sjóvár varði mögulega við lög.

Enn sem komið er hefur enginn verið yfirheyrður né fengið stöðu grunaðs manns. Gagnaöflun, byggð á upplýsingum frá FME, er þó í fullum gangi, samkvæmt heimildum Morgunblaðsins. Viðkomandi embætti tekur síðan ákvörðun um hvort tilefni sé til frekari rannsóknar.

 

Mál Sjóvár og Milestone er eitt tíu mála sem FME hefur sent frá sér til rannsóknaraðila í kjölfar bankahrunsins.

Eins og Morgunblaðið hefur áður greint frá, er Sjóvá meðal annars í vanda vegna eigna, sem eigandinn Milestone setti inn í félagið á móti viðskiptaskuld, sem til varð í tengslum við kaup Milestone á Moderna í Svíþjóð. Eignirnar hafa rýrnað mikið í verði. Tíu milljarða vantar upp á að félagið uppfylli lágmarkskröfur um gjaldþol.

Samkvæmt upplýsingum frá FME verður Sjóvá áfram undir sértæku eftirliti „þar til ákvörðun verður tekin um annað“.

Eftir að Milestone, fyrrum eigandi Sjóvár, keypti félagið breyttist það úr hefðbundnu vátryggingafélagi í fjárfestingafélag.

 

Milestone eignaðist Sjóvá að fullu 2006. Það ár tvöföldust eignir félagsins, ekki síst vegna aukningar fjárfestingaeigna sem voru fasteignir víðsvegar um heim. Skuldir hækkuðu einnig. Bótasjóðurinn stækkaði hins vegar lítið þannig að vátryggingastarfsemi hefur ekki vaxið mikið. Sama þróun varð á árinu 2007. Ekki hafa verið birtir opinberlega reikningar fyrir árið 2008. Í lok árs 2007 voru fjárfestingaeignir Sjóvár orðnar tæpir 50 milljarðar króna. (mbl.is)

Eigendur Sjóvá hafa hagað sér mjög óvarlega.Þeir veðsettu bótasjóð félagsins,sem er óheimilt. Auk .þess breyttu þeir Sjóva úr hefðbundnu tryggingarfélagi í fjárfestingarfélag,braskfélag.Þeir tóku mikil erlend lán Þeir fóru með Sjóvá eins og eigendur bankanna fóru með bankana. Afleiðingin hjá öllum þessum aðilum varð sú að fyrirtækin fóru á hausinn.Það þarf vissulega að rannsaka hvort þessir aðilar voru að afhafast eitthvað ólöglegt.

 

Björgvin Guðmundsson

 

 

 

.